京城鴨子

营业中

休息中

星期六中午唔闖誤撞入左去，入面無客人，心諗死啦。算啦試下啦。Order左4件烤鴨卷。。。肉凍皮凍。小籠湯包(沒有湯) 因為熱辣辣都ok la...但入面既肉無味。鮮肉窩貼都係新鮮熱辣辣，但都係內涵無味。可能我食得濃味卦。總知熱已經加分。再嚟個黃金鴨肉大餅，都係熱所以加分，仍然無咩內涵。最後食過紅糖粑粑。。尼個真係可以唔order la......好彩係免茶錢，個心都順氣少少。講到服務就普通啦，你叫佢咪應下你lo.

平時有食過幾次北京樓嘅片皮鴨，大約全隻嘅份量已經心中有數。今日唔想行太遠，所以就去公司附近嘅京城鴨子買全隻，點知……………………伏伏伏伏。所以做人真係唔可以懶，早知行遠啲。原來間舖頭唔俾返個鴨殼我哋已經感覺怪怪，不過人哋唔俾我都我無得好嘈，一打開個盒我呆一呆，以為自己買錯。你話呢啲叫例牌我真係信。全隻鴨，分兩盒裝，每盒行15塊。原來一隻鴨只可以片出30塊出嚟，定係隻鴨營養不良。真係一百歲唔死都有新嘢學。保証唔會再有下次

呢個咁嘅份量邊一忽似全隻片皮鴨？得嗰25塊肉，24片皮。。憑乜嘢收$398！尖沙咀去任何一間做片皮鴨嘅餐廳全隻都唔止呢個份量啦！呢間野絕對呃錢！各位OpenRice用家小心！！

同朋友約咗喺尖沙咀食飯見好耐冇食過片皮鴨就心思思嚟試吓呢間上海菜🤣💎$58 x 2 京城烤鴨卷叫咗招牌片皮鴨嚟試下揀咗京醬、蒜泥醬、青瓜絲同哈密瓜做配料估唔到哈密瓜配片尾鴨食落又幾有驚喜👍🏻.💎$48 雞絲粉皮麻醬甜甜地好開胃😆.💎$48 京城炸醬麵炸醬份量幾多😂幾好食.💎$42 豆沙鍋餅甜甜地嘅豆沙餡配香脆嘅外皮🥰食咗幾舊都唔覺膩👍🏻.💎$36 招牌小籠包上海菜必叫之選👻包入面嘅湯幾夠味.💎$32 蔥油手抓餅正常質素但擺耐咗會變硬🥶最好上枱就快啲食.🛋環境：餐廳喺帝苑酒店後門對面都搵咗一陣先搵到個門口🤣環境好多木嘅裝修營造典雅風格座位數量幾多，侍應人手都足夠.📸打卡位：坐梳化位置影相會靚啲😆.⏰等位時間：星期四嘅七點去到完全唔駛等位🤣見到個場嘅人流都唔算多唔需要book位都ok👻

花雕醉雞味道OK，重酒味，半雞胸半雞髀位，雞皮夠薄冰冰凍凍咁食落好似啫喱😛邊食邊走心haha小籠包冇乜特別🙁上枱好熱辣辣，原本滿心期待，不過隨着我一啖咬落去冇湯汁爆出黎嗰下已經同時間幻想破滅... 擔擔麵，我鍾意食好稠身嘅，不過明顯呢個就比較稀，溝得太少花生醬🤥 其他都冇乜特別，因為本身擔擔麵就係一個安全菜式～鴨絲拌麵好香蔥油味，面頭嘅乾蔥絲撈埋鴨肉增強左整體嘅口感，不過賣相真係...😅(自己睇圖) 整體每一道菜都唔算話好突出，純粹經開尖東又諗唔到食咩嘅話可以考慮lunch time食個快飯🙆🏻‍♀️

啱啱新開時食過一次跟住無再去食，點解呢？因為食餐飯好攰，張檯好細，個set 又好多野，又片皮鴨，又小籠包，又麵咁，又無位擺又多功夫又唔夠時間，所以唔會再去，今日我地本來係想去好時嘅cafe , 不過無得book位，walk in 又full咗就轉食呢間。事隔兩年，menu 唔同哂，有碟頭飯同麵，太好了👍，最好笑係樓上酒樓個燒味飯menu 都攞埋落嚟俾我地揀。🤣我要咗個鴨絲湯飯，48蚊，都ok抵，嚟到個樣都唔錯，除咗鴨絲，仲有木耳，冬菇同芫荽，個湯都幾香。埋單見倒原來只收電子貨幣，唔收現金，真係估佢唔倒，雖然呢區真係少老人家，但其實好多外國遊客，唔係個個有八達通，而且只有中國遊客先用Ali pay , 鬼佬好少會有, 尖東喎？真係唔預有外國人？定食個飯50蚊look 咭？🤔🤔

同朋友係尖沙咀搵左好多間片皮鴨店都無開，係放棄邊緣搵到而間店，所以無抱好多期望。一入到去，店員既態度唔錯，好熱情。因為見到餐牌寫免加一，所以我地都好安心咁點好多餸😛落單後好快就上菜，基本上都好好食，十分滿意。片皮鴨：我地叫左半隻鴨，所以4種醬同4款配料都會比晒我地。d皮係蒸籠入面，要食先攞出黎，所以食到最後都好好食👍🏻而醬汁嬲配料就各自有各自風格，總括而言好好食，我地清晒所以醬同配料。ps店員都有建議我地可以點樣配搭，例如京醬(?)配蒜蓉。小籠包：皮唔算好薄，但入面既汁多到超乎想像！味道同其他店既味道相似，唔可以話勁特別。鮑魚：係有酒味既，但我唔太記得名sorry😂因為我係一個唔太食到海鮮既人，但佢陣酒味岩岩好，都可以蓋少少鮑魚既腥味，所以個人黎講係好滿意。擔擔麵：建議盡快食，因為麵好快就會發脹然後無汁。味道唔差，當然唔係我食過最好味既擔擔麵，但可以接受。最後係價錢，我地埋單$390(以上4樣加飲品) 真心覺得抵食。如果你想食最正宗既食物，但而到真係未至於最正宗，但而個價錢食到而個味道同份量我覺得係滿意既。

間野係公司附近，一直都無試過，見呢排有優惠就lunch time去試下。5個人叫左5碗麵，其中有3個麵上枱速度都唔算慢。等左45分鐘左右，問個男侍應追2個麵，hea答話整緊就有，check都唔check下張單。再等左5分鐘覺得唔對路，再問另一個女侍應，一Check底下先知漏左2個麵，好明顯完全無落到，前前後後等左成個鐘，一句<唔好意思>都無。食物質素方面，麵既質地好淋，煮到就快糊咁。鴨就一般啦，唔太突出。水杯上面仲有上一手既唇印，真係用唔落，衛生麻麻。無下次。

一天，有人突然想吃鴨，問我有什麼平靚正的選擇。我立刻想到起這家店。店家位於尖東商業區，店面很樸實，不走亮麗豪華路線，中午時份主打附近寫字樓打工仔生意，差不多近兩點來到，仍然要排隊等候一會兒，可見生意倒不差。二話不說，直奔主題，點了金箔黑松露小籠包、京式小籠包、京城炸醬麵，及烤鴨半隻。烤鴨肉質鮮美甘香，配上各種醬料，包括花生醬、傳統京醬、京蔥絲、哈蜜瓜絲，能充分帶出烤鴨的美味，毫不感覺油膩。小籠包子湯汁豐富，皮薄餡靚。金箔黑松露小籠包、賣相亮麗豪華。用料及味道亦很豐盛，富層次感。相比之下，京城炸醬麵較為普通。口感及味道無甚突出之處。服務方面就只是一般，整間店只得二個侍應，繁忙時間根本應接不暇，點菜要不斷揮手很久才有反應，待客之道有待加強。

第一、二次去都係2個人，好彩有枱，由於打算今日再帶五位朋友去，因為六人，所以擒日決定訂枱，可惜今日去到竟發現剛滿座，服務員叫我哋等一陣，好快有枱，但發現每台客都係啱啱開始食，應該有排都未有枱，😤竟然訂咗枱都冇安排到，最嬲係服務員竟回應：客人都係呢個時間到，冇辦法喎！我同佢理論，因為我哋訂咗枱，應該要預留，而且我哋冇遲到，有客人到都可以拒絕，亦可以打電話俾我確應訂枱😡如果唔係點解要接受電話訂枱！？服務員繼續回應同一番說話，仍然覺得自己冇錯，我哋好嬲好嬲😡決定離開，以後唔再幫襯！

同女朋友最近經過尖沙咀，行完街突然好想食填鴨。忽然醒起朋友推介一間CP值高的北京菜，於上網睇下有冇填鴨食，點知真係有，仲要係跟餐。最近香港消費意慾低迷，去到唔使等位。一埋位店員就幫手斟水，幾好服務。 (檸檬水係強制每位$6)睇一睇張套餐MENU，見到唔使加一，都咁好服務，感覺更好。咁第一次幫襯，當然叫SET穩穩陣陣，而且個SET包幾樣嘢好抵，對我呢啲低消費人士非常之咁吸引。首先嚟咗個烤鴨卷，醬方面我都比較保守，叫返一D花生醬同京醬。而女友就叫咗個橙皮果醬，我食第二舊鴨卷時都落咗，感覺有啲橙皮帶少少苦澀 反而幾夾。之後嚟咗麵食，我又係保守D叫咗擔擔麵，唔錯，但只能說中規中舉同埋口味有少少重。佢就叫咗個鴨絲蒽油麵，都唔錯，如果中意鴨絲可以一試。我同女友都係好中意食小籠包，難得跟餐有，一定要點。個小籠包夠熱，食嘅時候要小心爆汁。我中意食好酸嘅醋，呢碟醋略為淡。但個小籠包因為夠熱所以幾好食。成餐飯有兩樣嘢驚喜，其中一個就係呢個蒽餅，第一次食到外脆內軟成咁，脆得嚟仲要唔會硬，真係值得推介。第二樣驚喜就係呢個包，唔知係咪師傅整包有一手。同樣地，呢個生煎包都係外脆內軟，重要中間啲肉汁勁多!但呢個包唔

晚上5點半起到10點有80蚊自選ABC 套餐 免加一鴨仔筷子架好靚好特別 6蚊位既茶水係 檸檬薄荷葉水( ´▽｀)同中式食物有啲格格不入不過薄荷葉同檸檬都令jar水起到開胃既作用都飲唔出係咪水喉水 因為絕對僻到腥味同埋其實都幾好飲首先係片皮鴨兩件 咁有得揀兩種配料我係揀左青瓜絲同哈蜜瓜絲朋友就揀左京葱同洋蔥啱啱好四種味試哂( ´▽｀)醬都係四選二 揀左保險既傳統京醬同創新既橙皮醬食落其實係柚子蜜( ´▽｀)少見先會想試嘛！青瓜加哈蜜瓜加柚子蜜醬 感覺又夾喎！ 仲要都幾清新唔會話好怪如果唔想食鹹或者試一試新野都可以試下咁除左配搭 個片皮鴨係幾好食 不過係皮肉既比例差啲如果皮佔既部分多啲會好啲第二個配搭我揀左鴨絲湯拉麵 係店員既湯面推介朋友揀左炸醬麵 隻碗係大既但其實面既份量唔多幅相影唔出 但係廚師係有做捲面呢個動作湯係淡淡地唔鹹 鴨肉絲份量都幾多全個面既味道做得幾好食完會有種意猶未盡既感覺 個湯冇味精都想飲哂不過都可能係份量少唔飽( ´▽｀)好啦最後有個小食揀朋友揀左紅油抄手 隻碟好唔中式 都呼應到柚子醬呢啲小清新望落係吸引既 但其實冇乜雲呑味主要係得辣油味 但又唔算辣 有少少麻既揀一樣

又到左試試新餐廳時間! 一間會收 $6一位 “水 “既京菜小店! 雖然menu寫住話茶, 水一樣錢, 不過根本無茶! Well….好時中心除左喇沙, 其實仲有餐廳選擇既!午市套餐 $80 ~ 2件烤鴨卷, 一款點心, 一款麵或飯! 烤鴨卷可選配料及醬, 有點油, 烤鴨唔香, 皮唔脆! 過下口癮還可以! 主食: 鮮鴨絲湯拉麵, 湯底幾甜! 招牌擔擔麵, 湯唔夠濃! 2碗麵都偏淋身! 點心: 小籠包, 春卷! 小籠包皮薄, 有湯汁, 有驚喜! 春卷竟然有2大條, 餡料足, 即炸夠脆身! 總括而言, 點心比主食好! 註: 唔知點解張張枱都係弧形, 麵擺近 d 都驚湯會倒瀉! 

剛開業的時候去了一次， 當時覺得, 十分之好, 價廉物美, 燒鴨 皮脆肉嫩， 十分好吃。 🤗而且， 蔥油伴 面也十分香口。 今次星期六下午，剛巧路過，又想再去吃一下， 同樣地點了他的個人套餐， 但是 ，片皮鴨， 感覺 好像吃了隔夜的鴨。。。 乾巴巴的😑😑😑我們 和 上次一樣 同樣再叫蔥油拌麵， 不知道是不是換了師傅了 也是乾巴巴的😔😔😔，沒什麼醬汁， 十分難吃。小籠包， 還是同樣地很多汁， 可是， 皮也變得很厚。十分失望， 應該不會再來了

片皮鴨人人都愛,但通常店舖至少order半隻,無三,四個人分享根本不成事。但最近比我係公司附近遇上了''京城鴨子'',完全比佢個優惠價吸引咗入黎。午餐$80 片皮鴨兩件+主菜+小食呢個價錢簡直係超值!!!! 真係見住師傅即場燒制,唔會因為價錢便宜偷工減料。 片皮鴨大大件 皮薄,配料可以自己選擇!!小食我揀咗小籠包,本來呢個價錢真係唔會有咩特別期望。但真係好出色三個大大個小籠包,皮薄卻不易穿且湯汁滿滿!!! 絕對比得上任何專門店。最後主菜- 鴨絲菰絲泡飯 又是大大碗,當然唔會超級多鴨肉。但熱熱的湯底充滿濃郁的鴨香,非常治癒。完全是一間可以列入常駐飯堂的餐廳!!性價比超乎想像,連我咁食得到放工都仲有飽肚感