京城鴨子

营业中

休息中

今天去完科學館後，諗住睇下尖東有咩好食，經過見到$80 一人餐覺得好抵，原來有片皮鴨食，對於我好中意食片皮鴨人黎講係一大恩物，一人餐包兩件片皮鴨、一個麵及一款小食。片皮鴨可選兩個醬及兩款配料，麵就叫左鴨絲湯麵，份量同出面一碗麵一樣（以為好細碗），小食叫左小籠包，小籠包好多湯，不錯！雖然相對其他食店便宜，但感覺到此間食店對食物質素嚴緊。另外，片皮鴨可另叫四件裝（如果唔夠食），不過一人餐已經好飽。誠意介紹大家一試！

叫左個一人餐$80, 幾抵食，有填鴨，有麵/飯，同一客小食。三樣野都好足料，份量好夠，味道亦好食！由其係個鴨絲拉麵，個湯飲得出係有味，唔係hea 煲，抵讚！！小籠包有肉味，入面啲汁爆出嚟，比起之前喺連鎖店食嘅做得好，係略嫌做得有啲大隻，一啖咬唔晒，但整體都唔錯㗎。唯一要彈嘅地方就係碗楊枝甘露，布甸汁溝水，剩係得甜味，希望可以改善下。星期日夜晚去竟然得兩三枱人，服務好，食物質素ok, 係尖沙咀嘅驚喜餐廳，希望keep 住做！加油！

相信你也一定試過突然很想吃某一種食物吧！不是非吃不可，但總是心掛掛。今次，我想吃的就是片皮鴨啦！很多餐廳吃片皮鴨都是半隻起跳，偶然發現了這間餐廳有一人份量的片皮鴨！邊緣人福音XD!這天剛好放假，便來一試！午市套餐，$80有三款食物，包括片皮鴨，挺划算的。我選了北京烤鴨卷（哈蜜瓜絲X青瓜絲，橙皮果醬X傳統京醬），麻辣鴨絲湯拉麵，京式小籠湯包。北京烤鴨卷不亞於片皮鴨專門店，皮脆油香，配上蜜瓜絲與青瓜絲，解膩又清新可口。有兩件，剛好夠過過口癮。另外，見到可單點四件（不知是否只適用於午餐時段），適合嫌兩件不夠喉的朋友。麻辣鴨絲湯拉麵味道還不錯。它的麻辣不算太辣，平時食小辣的人應該都應付到，整體味道不算很濃。京式小籠湯包肉汁超多，肉香四溢。拍得住名店的小籠包！另外，餐廳沒有茶供應（不知道晚市有沒有），代替的是清新的檸檬薄荷水。止了我的片皮鴨癮。

位於好時中心嘅京城鴨子裝修不算豪華但有品味，感覺舒服。未點菜就有一碟免費嘅前菜， 有海踅、肴肉同青瓜，好味！ 點左佢哋嘅set lunch，兩件片皮鴨可以自己揀配料同醬，建議試埋花生醬，都好正賣相好靚！麵嘅選擇多，有湯有撈、有辣有唔辣，麵條非常出色，煙韌得嚟唔會太硬，粗幼度亦非常適中。 擔擔麵花生味濃，肉碎都唔少，少少辣，正！ 鴨絲蔥油撈麵唔會好油，鴨絲無「行」味，推介！👍鍋貼同小籠包一樣皮薄多汁，無得彈！😍😍埋單每位$86，$6係茶錢，唔收加一。🥳咁嘅價錢喺lunch time食到片皮鴨同咁豐富嘅lunch set真係好有驚喜，大家一定要試🤓🤓

星期六晚上，例牌與太太，少爺外出吃飯。選咗係尖沙咀，但又唔想去美麗華、海港城或The One。計劃吃中菜，於是選咗哩間都算就腳，但位處轉角位的新食店。見得七個食評，心中難免怕中伏。不過，試完個一人套餐味道不錯，而且份量充足。

尖東新開左🦆"京城鴨子" 鐘意食小籠包又咁啱係附近做野的我又點會唔試下。 第一次去到時， 因為正正係lunch 時段， 又係新開餐廳， 所以第一次去到係無位， 無緣食。早幾日終於試到了，下午有 set, 仲要好抵食$80 有齊A+B+C, 即主食+2件北京片皮鴨（ 自選醬汁 同配菜+小食一款。 我點左鴨絲湯麵+北京片皮鴨+小籠包。 🦆🍜鴨絲湯麵個湯好夠濃味我食晒碗麵再連湯都飲晒， 北京片皮鴨 , 睇住師傅片出黎 ,唔係馬虎製作， 小籠包🥟我要大讚⭐️⭐️⭐️⭐️⭐️， 皮簿湯濃仲唔會一夾就穿， 好功夫呀！！！ 我一定要再黎食呀！

老公今晚接我收工，本來諗住去食酸辣粉，經過麼地道見到呢間京城鴨子試業， $80一個人ABC可以各揀一款，好抵呀，我哋就咁就入咗去啦。老公揀咗擔擔面，小籠包，北北京填鴨每人有兩塊，可以揀京蔥，花生醬，京醬，青瓜絲，哈密瓜絲，第一次聽到夾哈密瓜絲，但係有幾夾喎。我就揀咗炸醬麵，控油抄手，係麻辣味架，啱晒我胃口，我最鍾意食麻辣㗎啦。小籠包皮薄多汁真係要讚啦，唔知過咗試業時間係幾多錢呢？今餐兩個人加埋先係$172 ，仲有桂花糕送，好抵好豐富大滿足呀。

途經麼地道被食肆門外的一張紅紙吸引， 雖然招紙與地區顯得有點格格不入， 但卻能收廣告之效， 由於寫著試業優惠，所以趕緊約朋友去試。顧客可從麼地道或好時中心進入店舖，開業時間是早上十一點半，人流比較少，顧客可隨意飲用桌上提供的青檸水或要求提供熱茶， 茶带有淡淡的桂花香，清新可口。食肆只提供一人份套餐及追加一些小食， 午市和晚飯同價。片皮鴨不算肥，油香四溢， 皮脆肉嫩； 除了傳統的京蔥及京醬外， 配上蒜泥很有驚喜，既能減淡鸭的油膩感，淡淡的辛辣更為片皮鴨加添風味。火鴨絲湯麵以鴨絲及木耳絲作配料，不論湯或麵也能嚐到鴨香，實屬難得。鴨絲蔥油拌麵，醬油配合得宜， 吃落香而不膩。小籠包湯汁豐富，鍋貼即使放了－段時間才吃仍能保持香脆。附送三款小食使人感到窩心， 只是海蜇和青瓜也沾上了桂花汁， 味道略嫌有點單調。埋單時只收取套餐費和六元茶錢，沒有收加一，每位只是八十六元，據聞午市晚市同價， 絕對是尖東區超值之選。｀

好好味 講真論食物真係算上等以香港黎講 算物超所值 絕對值得一試我地就食咗兩個餐都係172啫 抵到傻 分別係：A: 哈密瓜絲 青瓜條 京醬 橙醬 鴨卷B: 鴨絲蔥油拌麵C: 紅油抄手A: 哈密瓜絲 青瓜條 花生醬 蒜泥 鴨卷B: 招牌擔擔麵C: 紅油抄手基本上每樣野都好入味 係難得嘅良心食店亦feel到廚師對自己煮嘅野食好有要求實在好想再番去試埋其他幾味但今晚嗰兩個waiter waitress真係非一般地強我入座嘅時候 有28個客 14個空位催埋單 催落單 催熄冷氣 催執枱 催斟水嘅應有盡有原本諗住訓練下香港人嘅耐性都係好事但後來我發現實程係訓練緊我地嘅忍耐力(BTW 催斟水係假嘅 因為啲人已經決定自己走出去斟男waiter唔叫唔做野企喺度發呆唔記得枱號都唔識睇出菜位隔離張座位表佢遞嘅野食七成都遞錯枱號 不過我覺得仲可以體諒嘅因為個waitress直頭係另一個level嘅差落單落到錯哂 呢度個哂字係真係字面上"全部"嘅意思先唔講至少7枱落錯單(總共有9枱)賣哂嘅野食都係等落單後15分鐘先叫你轉查實轉黎亦都係哂氣 因為都係佢發板我個麵黎錯左嘅時候竟然仲夠膽死 三命我食而不休喂大佬 加下

路經尖東，看見這裏開了一間新的北京菜，就決定試一試。由於是開張的第一天，所以餐廳的運作混亂，等了15分鐘還未能入座，而且坐下來之後久久也沒有給我們點菜紙。試業期間有套餐組合，可以一次過嘗試到北京烤鴨卷、麵食及點心。北京烤鴨可以自選配料及醬料，比較特別，烤鴨肉質不錯，但是稍涼，沒有剛上菜熱辣辣的感覺。我選了麻油醬鴨絲拉麵，味道不錯，不會太鹹也不會太淡。但是朋友點的鮮鴨湯拉麵，都反映味道太淡。另外紅油抄手辣味不足。由於是剛剛開業，人手混亂可以理解，經理也有感招呼不周，也有過來向我們詢問味道如何，有何需要改善，或者過一段時間可以再來嘗一嘗呢😛

偶然黎到尖東，周圍都係西餐，但突然想食中餐，搜尋發現有間新野叫「京城鴨子」，片皮鴨好耐無食，希望有份量細d既。間鋪係角落，都要搵一搵先搵到，只係供應set menu，一人份兩件片皮鴨加個麵同小食埋單80幾，都算抵食，個鴨唔錯，有皮又有肉但keep得好脆，配料同醬汁都可以自己選擇，個皮好軟唔乾，麵都幾好食但份量可以多番些少，個小食最有驚喜，窩貼即叫即煎，皮脆爆汁，算係幾有水準既小店。「經理」哥哥幾nice，仲送餐前小碟，加分。

當同女朋友行過尖東想搵野食，咁岩見到好時中心地下新開了一間叫「京城鴨子」的餐廳，試業中。一向為片皮鴨 Fans 既我當然即刻第一時間要試食。誰知竟然不是鴨令我最驚喜。由於是試業中，只有一個套餐選擇，A區烤鴨卷可以選兩款配料同兩款醬料，B區可以選一款麵食，C區可以選一款點心。一落座未落單就已經端上前菜，先來了一個涼菜。有海蜇、青瓜及雞件。海蜇夠惹味，青瓜爽口，三者配合剛好，作為前菜合格有餘。再來是烤鴨捲，我選了花生醬及傳統烤鴨醬，鴨肉肥瘦適中，餅皮做得不錯，夠薄。試完一塊傳統口味後，偷試了旁邊女朋友的果醬配搭，吃下去比傳統的配搭更加清新，剛好中和了鴨的肥膩感，非常推薦大家選果醬。然後是小籠包及窩貼，這兩道是非常驚喜的一道菜，經理端上來的時候還提醒我們要小心「爆湯」，我心諗沒有那麼誇張吧，誰知咬下去的時候真的是充滿湯汁，肉味濃郁。在香港很難找到會「爆醬」的窩貼及小籠包，這個價錢絕對付合大眾，在尖東也非常難找到同等價錢同等質素既上海菜，在尖東算是性價比非常高之選。