京都勝牛 (AIRSIDE)

营业中

休息中

和媽媽、一位友人去啟德站的這間餐廳食晚餐，因為預早訂位，準時到不用等便入，仲要坐最舒服的位置。我係１月１４日食，過咗一個月，我睇番相片，依然覺得呢間餐廳係可以再同朋友光顧。無影到餐牌，因為太多頁同礙於同重要的友人食。最重要的先說：我當時用膳，是跟套餐計個人數，白飯、湯和菜先可以「任加」，不跟套餐你可以「有限加」。加時要叫店員。鰻魚套餐：因為間餐廳佢主打炸牛，雖然無日本當地食的鰻魚新鮮，但一樣係好唔錯，尤其阿媽好鍾意食魚，個份量都滿意，而且鰻魚一大舊，只係有唔少骨。小朋友食要好小心。炸牛排套餐：店員好用心咁解釋畀我哋聽唔同醬汁係食肉定淋菜，同埋幾時落會比較好。牛肉，唔會因為舊炸粉而埋沒咗佢本身既牛味，算係幾好，只係份量略嫌小，不過記得可以加錢多些。佢可以畀個爐你整熟佢。我記得菜牌仲有炸豬、炸雞、混合的選擇，不過炸牛排最吸引。薯條和其他選菜：１個套餐跟１款，其他選菜選了茄子，高質但３人分就太少了；薯條是選菜之中，必叫之一；薯條是選菜之中，必叫之一；薯條是選菜之中，必叫之一，因為係炸得好好食，而且１份完全夠３個人食。

Lunch又同同事去Airside探索新餐廳，餐廳裝修雅緻，座位寬敞舒適，環境又唔會太嘈。和牛忌廉牛肉餅 ·二味牛御膳：和牛忌廉牛肉餅入邊有粒粒嘅和牛，而且忌廉味好重，好好味，但都好Heavy🤣另外吉列炸牛係翼板牛，根據餐牌介紹翼板牛油脂分布比較均勻，而且肉質比較有彈性，牛味較重。店員上菜時提到吉列牛只有約三成熟，所以另外配咗鐵板可以按自己需要再煮熟。試左一舊3成熟既牛，發現真係太生，d肉生到幾乎咬唔開🤣所以都開左爐再煎一下，煎到5-6成熟後再食就食到牛味香濃，油脂恰到好處，肉質都夠滑。個餐另外仲配左幾款調味醬，我自己就最鐘意點山椒，夠惹味。熟成厚切豚肉柳御膳：同事唔食牛所以叫左個吉列豚肉，外酥內嫩，炸衣十分鬆脆，豚肉肉質都好軟腍，唔會韌唔會老，好香既肉味。

之前銅鑼灣店無試，今日行Airside見到唔係好多人排隊就試吓，話明「京都勝牛」就當然食牛喇😉✨🍱🥢牛西冷$168: 牛好有肉味，一咬肉汁湧入，但外皮香脆，正👍🏻✨🍱🥢經典元組牛御膳$178: 呢個比牛西冷更嫩，更有肉汁😋✨✨所有餐飯、味噌湯與椰菜都係無限續的。湯唔咸有鮮味；椰菜幼切夠爽口，加埋檯上嘅沙律汁都係可以食幾碟😋✨🍵紅豆宇治冰抹茶（餐+$18)： 好飲，不過唔係好配個餐😅✨🍵菠蘿白土蒟蒻冰茶（餐+$18）: 呢杯清清地可解牛肉嘅油膩

原來全香港淨係得返九龍城有京都勝牛，銅鑼灣已經執咗笠啦！見好耐冇食過喺Airside試吓先，同網上嘅食評一樣，服務真係一般，環境抽氣不足令到好油煙！不過嘢食嘅質素係正常嘅！🍴牛柳•溫泉玉子御膳 $208 (8/10)叫咗個牛柳炸牛扒配溫泉蛋！朋友叫咗元組就牛扒，牛肉肉味比較香濃都幾滑嘅，油脂豐富，但係牛柳就加腍身，冇咁油膩！有個鐵板可以燒大概10秒就食得！另外都配咗好多醬汁，有鹽燒汁或Wasabi！白飯麵豉湯同埋椰菜係任加的，飯係日本比較煙靭，面試當好重麵豉味唔會好鹹，椰菜非常之清爽同埋柚子醋真係可以解膩！抹茶紅豆牛乳 +$18跟餐可以叫嘅抹茶紅豆牛乳，抹茶味都幾出，叫咗少甜少冰都唔會太甜，都飲得過㗎！推薦指數: 8/10食物味道真係幾唔錯，不過係比較油煙少少，服務唔可以話係好差嘅，都會主動加水加椰菜，可能只係比較冇乜笑容，可能啲員工太攰？覺得可以接受！整體嚟講都係OK的！

今日好彩無人排隊喎,咁去試吓先.服務員帶我去一角秘密角落的二人枱. 立刻提醒用餐時間90分鐘😥. 剩係食飯,係夠時間嘅.叫咗兩個飯餐. 一個係泡菜雞鍋,,另外一個燒比目魚. 餐包括白飯,椰菜同麵豉湯. 白飯同椰菜係任添加嘅👍. 加飲品加18元. 叫咗一杯熱薑茶同凍抹茶紅豆. 食物上枱時,熱辣辣☺️ 泡菜雞,微辣,雞肉都滑嘅,煲入面有豆腐,日本菇, 菜同粉絲.另外比目魚有4件,燒得幾滑,味道調得幾好. 白飯,椰菜同麵豉湯正常發揮. 飲品亦不過不失.

行完SOGO過嚟食個晚餐～店面好大而且座位寬闊坐得舒服嘅😊天氣涼涼哋最啱就食鍋物啦~所以我哋叫咗：1️⃣蕃茄相撲味噌蠔鍋御膳 $1782️⃣昆布豚肉涮涮鍋 $1583️⃣熟成厚切豚•柚子胡椒御膳 $148可以加配飲品或者食小食特飲（無酒精）+$18我哋就加咗沖繩黑糖薑茶鍋物嚟講蕃茄鍋係吸引同埋味道濃過昆布湯既昆布鍋味道偏淡🫣至於味噌蠔、豚肉同熟成厚切豚就中規中矩～冇特別嘅記憶點P.S. 1️⃣鍋物大約20分鐘出到菜～ 炸物就大約25分鐘 2️⃣點完餐可以無限量加沙律菜 3️⃣雖然入座嘅時候有提醒我哋有時間限制 但當晚入座率唔太高～ 可以坐到last order慢慢傾🗣️

第一次來"京都勝牛"lunch，來到airside當然試下佢地吉列牛，於是點了"經典元祖牛御膳"，lunch set都係基本吉列牛，椰菜，日本飯，味噌湯，還跟來4款調味。送來吉列牛部位是翼板牛，店員送來時已講牛大約三成熟，有需要可以開爐煎到自己適合熟成度。見個吉列外皮炸得好鬆脆，心想三成熟牛肉應該剛好，但一咬落去真是略嚴生，較厚咬不開，於是請店員開小爐 ，見店員用牛脂搽滿小鐵板上，任由自己煎，果然煎後先才較易進食，牛味先才較香。至於4款調味，分別是特製醬汁，山椒，和風醬油和咖哩汁。 用膳完後，覺得牛肉本身都唔多味，要靠該4款調味去補足，覺得不過不失啦。另外特飲"紅豆宇治冰抹茶"真係麻麻，好淡唔好飲。

今日同黃兔去買聖誕禮物，當然要醫肚先，之前在日本食過炸牛覺得不錯，見到這間餐廳所以想在香港試下假日沒有set lunch，我們叫了主餐牌2款牛肉套餐，包飯，味噌湯，椰菜絲。這3款可以免費refill。因為炸牛只有3成熟，侍應也會問客人是否需要熱pan再煎一下牛肉。經典元袓牛御膳 $178 ～ 份量比想像中少，有點失望牛肉部位是翼板牛，炸牛外脆內嫰，味道不錯牛西冷青唐辛子味噌御膳 $168 ～ 同樣份量比想像中少。不過牛肉炸得香脆，點牛肉汁配飯是不錯的不過以這個份量略嫌貴了點熱蘋果玫瑰花茶 $58 ～ 味道香甜解膩，熱辣辣好適合冬天飲另有加一收費。

成間野得2枱，就話無位比單人枱比我都都算。落完單之後，我話唔需要其他嘢飲，問佢有冇熱茶話冇，之後再問佢淨係話得熱水，咁點解唔一早拎俾我？擺左2個餐都無位擺鐵板燒牛，之後個staff 都話”你就咁食啦！”之後叫第個人過尼先可以拍埋張枱…上野食野飲都係個台上面擺過尼，有湯仲要重，叫佢係左邊拎過嚟，仲要西住講 咁整到你未。。。。。。airside 員工可以重新培訓

來到airside，唔想又去返food court食野，仲有咩選擇？始終都係日本嘢食最吸引，如果由呢個角度出發，咁就有一間吉列牛可以推介和牛忌廉肉餅.二味牛御膳$168作為第一次食飯嘅顧客，梗係要試吓佢成個餐牌最抵食嗰款先，咁就肯定係呢款啦日本椰菜同埋麵豉湯都係可以無限添加，仲跟埋一碗飯俾你肉餅大大份，先唔好理佢係咪和牛，望到都已經覺得食得飽，加埋佢嘅吉列翼板牛都好出色，雖然紅肉比例都佔大部份，但係好易咬，又唔會有牛筋攝牙牛舌御膳$208呢個餐我會比100分，完全冇得挑剔，明明係厚切吉列牛舌，以為會好韌，但點知每一啖都係一咬就開，超級鬆軟，係少數厚切牛切唔會中伏嘅餐廳！欣賞！西冷牛$68最後再單點左個西冷食，相對之下西灣反而算係最大眾化嘅味道，保守派可以選擇呢款穩定輸出嘅牛調味料都會提供，想食咩口味都冇問題

油甘魚茶漬飯有驚喜。油甘魚油香肉軟，加上淮山泥，增加了油甘魚的口感與風味。反而牛肉餅和吉列牛略顯不足，冇想像中的驚艷，不能激發牛肉的香味，而且牛肉可樂餅裏面軟塌塌，沒有牛肉味的感覺。

點了兩個禦膳，一個是招牌炸牛，另一個是炸油甘魚。招牌菜炸牛的水平是得到這篇劣評的原因，而炸油甘魚口味偏清淡，但絕對是合格的。這間店招牌炸牛的第一個問題是其吉烈炸法與牛肉完全沒有互相配合的作用。兩者味道完全沒有融合，也沒有互相襯托。其次，該菜式過份信奉牛肉宜生不直熟這個理論。據餐牌介紹，他們這款招牌菜僅會炸60秒，上菜時肉色偏鮮紅，應不足三成熟。但他們忽略了牛肉本身的味道會因生熟程度的不同而有所差異，生牛的味道遠不如熟牛濃重。正因為這個原因，牛味基本上完全被吉烈炸粉的味道蓋過，牛肉質素再好也吃不出，再好也無補於事。口感上來說，整道菜的口感亦因太生而受到影響。牛肉半生肉質是嫩，但太生則會因肌肉組織未受熱力破壞而保持原有的堅韌。這塊牛肉太生太韌了，每一口也要在口中咀嚼夠二十下。總括而言，這道菜色香味也不全，除了營養以外完全沒有任何價值。

在京都勝牛的Airside分店，我和老婆品嚐了一頓出乎意料的美食。我點了四味套餐，包括他們招牌的炸牛排，有很多牛不同的部位可以品嘗。老婆則選擇了豚牛雙味套餐，同樣有豬柳和牛柳的組合。菜色呈上來時，炸牛排和炸豬排的外酥內嫩令人驚艷。四味套餐中的每一塊牛肉都烹飪得剛剛好，而這兩款豚排則是香氣撲鼻，讓人垂涎欲滴。每一口都散發出獨特的鮮香，讓人回味無窮。老婆的豚牛雙味套餐同樣讓人驚艷。牛柳和豬柳的組合讓口感更加豐富，每一口都充滿了滿足感。風味的交融讓這道菜更加出色，讓我們享受每一口的美味。我們剛從京都旅遊回來，這餐晚飯令人想起了日式的風味。

請朋友食生日飯，選擇京都勝牛一齊睇中宮崎和牛小排丼，和牛超香超滑阿！加隻生雞蛋撈丼飯，對我嚟講生雞蛋撈飯，好有兒時回憶，感覺非常良好加咗呢個赤白味噌茄子田樂，燒茄子同時兩款味道有齊好正👍個人喜歡味噌味加埋兩杯色彩鮮艷嘅特飲，朋友當然對呢餐生日飯非常滿意啦😊👍

位於啟德Airside ，唔知你食過未，但係我就幾鍾意。將牛肉用吉列包住，外脆內嫩。炸到個皮脆脆地，佢應該講過係用180度嘅油溫炸30秒。❤️但係如果你覺得太過生，你可以叫佢俾個煎pan你自己再煎，煎15秒已經可以冇咁生。This is a delicious Japanese dishes, cutlet steak, they told us that they deep fried the cutlet steak for 30 seconds with the oil of 180C, the steak is still raw, will not over cooked, but if you like it more cook, you can request a pan and you can cook yourself!