京香閣 (已結業)

平時試得日式放題多，今次就試下中式放題啦～～朋友介紹我黎上環無限極廣場間京香閤試，餐廳主打兩小時任食京式片皮鴨以同四十幾款京川滬菜！！一坐低，好快就上左砂鍋花膠雞湯，原隻鮑魚花菇～～花膠雞湯色澤奶白，飲落香濃，加埋花膠燉煮，好滋補，養生又好飲，而鮑魚就肉厚，鮮甜，食落仲好彈牙～涼菜有好多款，eg. 沙律菜、涼拌小茄子、四喜烤夫、手拍青瓜、涼拌小雲耳、京式素鵝等，而肉類就有鎮江肴肉、麻辣多春魚、花雕醉雞、五香牛肉、醉翁蝦等，我覺得碎蝦好特別，蝦肉彈牙爽口之餘略帶酒香，唔錯！京式片皮鴨，我食左好多呀！！！鴨皮超香脆，而且油脂豐腴甘香，再加上京蔥、京醬、青瓜、蜜瓜，整個配搭好好～～ps. 餐廳仲有提供多款素菜比大家任食, 我地叫左上海翡翠苗、小籠包、紅油抄手等~~上海翡翠苗清新又健康，而小籠包皮薄，肉餡鮮嫩多汁，不停ENCORE !!OVERALL $228 加一真係好抵, 下次可以帶老人家黎試下～

同事升遷之喜， 宴請一班同事吃中午飯， 無限極這一家 北京菜， 價錢不算便宜。Ben爺從來未吃過那麼高水準的甜酸蝦碌， 蝦碌外包上了甜酸糖漿， 外型肥大 豐滿， 一口咬下去感覺像咬了一嚿爽脆蘋果， 蝦肉爽彈有鮮味， 最難得的是蝦肉裏面 熱辣辣的! 要知道蝦碌 煮過了火很容易別變老。 非常高水準高技巧!片皮鴨是粵式切法， 著重香脆鴨皮， 鴨肉鮮香 加上鴨皮的油香， 一同的放在 煙韌的 粉皮上 點上醬油 一同吃下 真的是齒頰留香， 遲遲不捨得吞下!人均消費一百六十六元 價錢絕不便宜 但是這個出品是絕對對得起這個價錢。

呢日要陪老人家食飯，放題、火鍋又唔喺幾啱食，於是上網搵到呢間中菜自助餐就帶佢嚟試吓餐廳是二小時任食，入座後每位客人會奉上一碗砂鍋花膠湯及原隻花菇炆鮑魚奶白色的雞湯很夠火喉，花膠厚身又夠腍滑鮑魚炆得很入味，夠糖心又唔韌；花菇肉厚菇味濃隨了以上一次性送上的食品外，亦有餐紙剔點心及甜品類，即叫即做，新鮮奉上點心類小籠包/生煎窩貼上海春卷/炸饅頭/紅油抄手個人喜歡小籠包皮薄餡鮮，肉汁爆滯；其次是紅油抄手，皮滑肉餡飽滿，紅油夠香辣甜品類驢打滾/脆麻花/豆沙窩餅高力豆沙豆沙窩餅同高力豆沙都做得很出色，是我至愛，必點之選話明喺自助餐又點少得琳瑯滿目的食品呀主角:京式片皮鴨有師傅在場把燒好的鴨切片，客人就可以自配搭，最特別是有哈密瓜條，配搭鴨件清甜又可減低油膩感冷盤類其中醉雞肉質嫩滑充滿酒香；淆肉，晶瑩剔透充滿彈性熱葷類琳琳種重的熱葷類，選擇頗多，總有啱自己口味的

今日帶爸媽黎食好西！朋友介紹上環有間中菜自助餐！呢個配搭真係好適合帶爸媽去😂餐廳環境幾闊 坐得舒舒服服食buffet😊自助餐又好多選擇！有曬介紹！爸媽都好滿意有咁多野揀！☺️呢間大推片皮鴨 係自己動手整 幾得意🤤鴨味幾香 而且皮都幾薄！拎下拎下都拎左3 4碟😂媽媽最鍾意係鮑魚冬菇 雖然唔係好大隻 但好彈牙🥳另外花膠湯都又足料又香濃！酸辣湯惹味開胃😆小籠包啲汁好香好濃！紅油抄手辣得好過癮🎊仲有春卷都好香脆！🤤呢間啲甜品都做得幾岀色！😇仲有好多選擇！全部都係傳統甜品！高力豆沙 豆沙鍋餅 糯米滋 仲有酒釀丸子都好吸引！🤩

Anyone who knows me will tell you that i'm a sucker for Beijing roast duck, and when I heard that there was actually a place with all-you-could-eat roast duck, i literally did a double backflip in excitement! Arriving at the restaurant i was nearly in tears, not only was there a dedicated roast duck counter stocked with all the essentials - piping hot steamed wrap, hoi sin sauce, cucumbers and even melon strips, there was also a full selection of other Beijing dishes to choose from as well. Rang

酒店自助餐同放題就食得多但中菜自助餐就真係未試過所以網上見到介紹幾特別咁就黎左試餐廳主打兩小時任食京式片皮鴨以及四十幾款京川滬菜砂鍋花膠雞湯/原隻鮑魚花菇餐廳奉送砂鍋花膠雞湯以及原隻鮑魚花菇；雞湯色澤奶白濃香配搭花膠燉煮養顏潤膚同時滋補養生；鮑魚肉厚鮮甜經過炆煮肉質彈嫩涼菜涼菜主以素食為主包括沙律菜、手拍青瓜、涼拌小雲耳、涼拌小茄子、四喜烤夫、京式素鵝以及油炆荀；肉類方面則有五香牛肉、鎮江肴肉、麻辣多春魚、花雕醉雞同醉翁蝦五款選擇；個心推薦花雕醉雞肉質嫩滑之餘略帶花雕酒香湯羹酸辣湯材料繁多口感豐富而且微酸帶辛醒胃刺激主菜京式片皮鴨鴨皮香脆鬆化油脂豐腴甘香配搭京蔥京醬微甜惹味；北京麼麼輕薄透光口感煙韌配搭青瓜爽脆清新以及蜜瓜香甜消膩其他主菜仲有東坡肉、醬茶鴨、宮保雞丁、水煮牛肉、椒鹽排骨、四川回鍋肉、糖醋魚塊、西芹炒魚片、翡翠炒蝦仁同XO醬炒螺片等唔同菜式蔬菜餐廳同時提供多款素菜選擇相對素食友善，當中包括干扁四季豆、熗炒土豆絲、江南素齋、上海翡翠苗以及蔥油小芋奶主食主食只有上海粗炒同埋上海菜飯；如果特別啲唔想食麵同飯仲可以揀雪菜肉絲炒年糕點心六款點心包括山東大包、椰汁蒸/炸饅頭、生煎鍋貼

☺️北京填鴨一向係我的最愛，聽到有任食北京填鴨就即刻book枱！.上環無限廣場，地鐵一出就到了，上到最頂就見到呢間京香閣酒樓。任食於6:00開始，我地準時去到已見到有人排緊隊入場！.北京填鴨一出爐就可以排隊拎，師傅一路片，食客就新鮮滾熱辣咁夾上碟，有用蒸籠熱住薄餅皮，香蔥，青瓜，木瓜等配菜。.因為一路都有食客會拎，所以師傅係一路無停拎新鴨出嚟切，確保新鮮同温熱！🥰 鴨皮燒得酥脆，鴨肉同肥膏比例剛剛好！薄餅皮薄薄一片，唔會過厚，夾入鴨&青瓜，木瓜絲，甜醬，好正好好食😍.除了主角北京填鴨，每人會有原隻鮑魚花菇+砂鍋花膠雞湯。鮑魚花菇用蠔油汁炆成，彈牙又入味，花膠雞湯好足料，湯底好鮮甜，花膠入口即溶😍.呢度係滿足晒你好多個願望嘅中式自助餐+放題！你諗得到嘅中菜基本上都會有！覺得呢道特登做不同省市嘅特色菜，讓味道多元😋.冷盤方面:有醉雞，醉蝦，牛展等熱食: 有咕嚕肉，糖醋魚柳，醬茶鴨，宮保雞丁，回鍋肉，土頭絲，翡翠苗等甜品: 酒釀丸子，薑汁小丸子仲有一張點心紙可以揀一啲即叫即整嘅嘢，包括春卷，小籠包，生煎鍋貼，高力豆沙😁.我哋咩都有試，愛甜嘅我梗係鍾意高力豆沙同酒釀丸子啦因為唔係周街食到。酒釀丸

💁🏻‍♀️京香閣 (上環)🍴-2年前去過北京一直念念不忘啲京菜，今次難得系上環搵到京菜自助餐，2個鐘任食，強烈推薦帶屋企人食，cp值夠曬高！必食推介：原隻鮑魚花膠係真 · 鮑魚同花膠，用鮑汁熬煮而成，唔會太硬，好有鮮味！砂窩花膠雞湯原隻雞熬煮而成，飲得到啖啖精華任食片皮鴨！冇睇錯啊係任食啊！有廚師即場片，啲鴨每塊油脂分佈均勻，同埋啲餅皮係keep住蒸，加埋啲醬汁好好味！小籠包一口食到嘅小籠包，皮薄多汁，我同朋友夾埋叫左18隻🤣🤣鎮江鹵肉好入味，豬肉唔會太油，食多幾舊都唔邪惡值得一提嘅係入面嘅環境亦都好優美，擺設富有中國特色，同屋企人一齊食絕對係一種享受！.📍京香閣 (上環)#上環 德輔道中199號無限極廣場2樓#小丸子搵食記 #小丸子上環-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #上海菜

京香閣-京菜自助餐放題、韓燒、buffet一年都食唔少次，今次竟然比我係上環搵到間專食京菜既自助餐。又為食又貪新鮮既我，點會錯過覓食既機會。一坐低，服務員就極速送上每人一份原隻鮑魚花菇同砂窩花膠雞湯。鮑魚同花菇都好大隻,經過蠔油炆煮後,非常入味,鮑魚亦都夠腍身。至於砂窩花膠雞湯，完全飲得出湯既鮮甜，花膠非常厚身，入口除咗黏咀外，亦好爽口。另外，全場超過四十幾款冷熱菜式、甜品任食，而最得我歡心一定係酸辣湯、醬茶鴨同四喜烤夫，野食種類多到試唔晒。而重點中既重點，一定係京式片皮鴨，鴨胸皮脆肉嫩，油香滿溢，而餅皮用上牛油紙相隔，以防黏埋撕爛，而keep住用蒸籠熱住，入口熱辣辣質感煙韌。加埋京蔥、青瓜同京醬，超級好味！-仲未夠喉唔緊要，仲有即叫即做既點心同甜品，有我最愛既小籠包同炸饅頭。兩個鐘頭不停食無停口，完全覺得抵返晒。

同事好少食中菜都，難得朋友帶我去食，仲要係京菜自助餐，平時西式自助餐同日式放題就聽得多，中菜真係第一次食～價錢方面都好抵食，HK$228就可以任食90分鐘，唔怪之得人頭湧湧~每位客人仲送一份砂鍋花膠雞湯同原隻鮑魚花菇～花膠雞湯好清甜、花膠厚，湯料非常足；鮑魚、花菇炆得又琳又入味必食推介一定非呢度片皮鴨莫屬，肥瘦適中、皮薄肉嫩，非常juicy，配埋青瓜、京蔥、醬料，食完一份又一份，我超幸運仲有鴨髀食添～其他嘅熟食選擇都非常多，好似有鎮江肴肉、涼拌茄子、手帕青瓜、手撕雞、中菜宮保雞丁、上海粗炒等，一次過食晒禁多款的特色京菜～甜品仲有酒釀丸子、薑茶丸子仲有即點即真嘅點心，有小籠包、紅油抄手、春卷、炸饅頭等～

一直都在想，為什麼沒有京菜自助餐呢？ 酒店款式又少，剛好睇雜誌就知到無限極廣場有啦！不過，個日差啲去唔到呀，成個西環，上環都係警察同人海。所以，急急食完就走了。今次無慢慢食真啲，唯有簡單寫下食評先：酒樓會送每位細細隻原隻鮑魚花菇同花膠雞湯，精緻擺設，花膠有一塊，足夠味又濃，正嘅！在場有四十多款菜式，不過就食唔曬咁多，最鍾意食：京式片皮鴨︰以北京地道製法﹐皮脆肉嫩﹑油香滿溢﹑有北京烤鴨嘅水準，加上即製的自家製煙韌餅皮，皮超特薄，配搭青瓜、京蔥、京醬﹐香口美味！心水煮牛肉：辣椒數目非常充足，鋪滿一整碗呀！至愛的痳子又非常之多，而且用大陸傳統製法，先由高度油炸，再加入水煮牛肉的「油海」，吃下脆卜卜，又很有痳子香呀！至於牛肉方面，則以薄牛肉片為主，有咬口，又有少少牛肉味，但痳辣口味真的令人愈食愈上癮呀！

上環京香閣出左$2️⃣2️⃣8️⃣任食9️⃣0️⃣分鐘高級京菜自助餐，每位送原隻鮑魚花菇及花膠雞湯，由星期一至日晚市﹐多達四十款菜式任食😲，菜式包括：皮鴨自助餐，鴨崧叉子燒餅、手撕雞、乾蔥豆豉雞、京蔥牛肉、翡翠炒蝦仁等等😋。.==重點介紹==🦆京式片皮鴨︰做法好地道﹐皮脆肉嫩﹑油香滿溢，自家製嘅煙韌餅皮特薄，配搭埋青瓜京蔥同埋京醬﹐非常香口好味🤗！.🏵️杞子桂花糕：啖啖都食到桂花清香，微甜，杞子大大粒漲卜卜，唔覺唔覺一個人食咗4件😁.🍄原隻鮑魚花菇︰用名貴花菇及鮑魚，用蠔油炆製﹐入口彈牙爽口﹐香味濃郁。~~~~~~~~😋味道: 8/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$228(另加一&茶位) ⏪回頭率：90%~~~~~📍京香閣上環德輔道中199號無限極廣場2樓~~~~~

上環加這商場在星期六日人流基本上少，其他店也很早關門。以放題來吸引喜愛上海菜的朋友來，的確是好方法因為鍾意食片皮鴨，所以和朋友不嬲都會周圍搵鴨食見到有放題當然要嚟試下這間上海菜小館地方大，亦都乾淨，食物種類多基本上所有上海食品都可以食得到 鹹點甜點包點小籠包樣樣都齊再加上人人都有鮑魚同埋燉湯， 係非常正嘅 重點嚟啦當然係片皮鴨 片皮鴨當然非常好食，皮脆肉滑，唯一係排隊嘅地方比較窄和迫，同埋每次都要排一陣先攞到，所以想不斷食都唔係容易嘅事 不過片皮鴨真係煮得好食亦都好多配料係要讚嘅而用表剔嘅包點甜點 好細粒，不過放題嚟講，細細粒容易食都係唔錯嘅做法 總括嚟講鍾意食片皮鴨到上海菜嘅朋友都推薦可以嚟呢間 店舖一試記得空肚來大擦一餐吧

西式日式自助餐吃得多，今晚試試新意思，兩小時中式自助餐，地點是上環港鐵站上蓋無限極廣場，套餐現在優惠價$228食物共分三種點選方法，第一款是一次性奉上砂鍋花膠雞湯雞湯很綿滑，味道超濃，花膠厚身又夠大件，超足料原隻鮑魚花菇鮑魚雖不算大，但鮑魚味都很濃，肉質有咬口第二類是入單點心，即叫即蒸，有甜點及咸點，不限量小籠包外皮夠薄，內裡有大量肉汁，入口超有滿足感，是必點之選鍋貼和高力豆沙都有外邊上海菜館水準第三類是自助餐形式到外邊自取，身物種類繁多，重點是任吃片皮鴨服務員不停地將新鮮出爐片皮鴨切片，櫃檯還有齊餡餅，青瓜絲及醬料供自取醉雞酒味完全滲入了雞肉之內，很惹味鹵水牛𦟌鹵水味濃，牛𦟌肉夠甘香淆肉晶瑩剔透，正宗上海風味其他中式菜式可口可樂都是任飲酒釀丸子糖水味道略帶酒，但不算太烈，丸子是小粒，煙靭彈牙這次中自助餐體驗，真的比西式更加豐富又多元化，絕對值得一試

之前俾廣告吸引，但試過之後，坦白講真係一般，雖然平日三百有找，但選擇吾算多，唯一賣點係片皮鴨任食，其餘真係好一般，甜點高力豆沙好味，上海炒年糕都吾錯，其他只可以叫塡飽肚子。