亮記海鮮飯店

营业中

休息中

嘩，講真，今次喺這間食肆食嘅粥品同腸粉真係給左我一個好驚喜啊🤩！皮蛋瘦肉粥滑到不得了，啖啖粥口感都細緻得黎，皮蛋夠味，肉絲瘦得嚟唔柴，真係話你知，一口接一口，停都停唔到。另一碗艇仔粥仲唔輸蝕，料真係實在到爆，啲魷魚鮮甜得滯，完全冇韌勁，食落好滋味。至於牛肉腸，嘩，條腸粉透晒光滑，牛肉多得嚟又嫩，配上特製醬汁，滋味一流。雖然炸兩唔夠熱辣辣，但呢個小瑕疵完全被美味蓋過，照食得好開心。呢間食肆真係一個食完會令人懷念嘅地方，玩到飽嘅口味，讓人次次都想再嚟過呀😋！下次一定要帶多啲人一齊嚟享受這份美食，因為食得開心，分分鐘就可以喺彌敦道上面走兩個圈先消化得嗮！🚶‍♂️🚶‍♀️

去左住泰安樓既朋友屋企玩 玩到六點幾就去食dinner 去左附近既一間大排檔 早黎就有位 食完已經好full 唔係好夠人手 上菜要等下主菜：啫啫介蘭煲大份又抵食 好香既蝦醬味 撈飯一流 介蘭新鮮主菜：炸子雞好出色 炸到個皮冇晒油 但保留到雞既肉汁味 大推薦主菜：招鹽九肚魚外脆內軟 真係出色 入面既魚肉好滑 外面既招鹽好有味 唔會太咸主菜：沙拉豬排又甜又咸 豬排又彈牙 仲有好多桃 略嫌個醬太多太甜 叫左杯啤酒 充滿大排檔既風味 3 條佬食左500 蚊 非常開心既一晚

近排都係黎西灣河返工，雖然有太安樓係附近，但係要外賣無得坐，於是就係附近搵下野食啦見到街市有熟食中心就入去搵食啦😋 返工食飯最緊要 平 靚 正 飽好幸運地食到一碟好有鑊氣既炒飯 蝦醬牛崧炒飯 加凍齋啡 $50

這幾年的疫情，已經令我平時幫襯的晚飯店都倒閉了，是時候要找一些新歡😝經過疫情的洗禮，能夠留下來的應該都有一定嘅實力，今次揀呢間，係因為老公話好想試市政大樓啲食肆，而且離屋企好近😊一入店，煙霧離漫，諗緊係咪廚房通風唔好，吹晒啲煙出嚟，坐低留意先知原來係好多人喺度食煙😰餐牌上選擇不少，還好因為要等埋朋友可以慢慢揀，選了四餸一湯，上菜很快，第一味亮記小炒王，微辣惹味，有我喜歡的魚干👍🏻跟住係芝士中蝦伊麵，蝦新鮮沒有霉，味道上差點牛油，叫得呢味預咗邪惡，鮮牛油不能少😝招牌炸子雞- 皮脆肉嫩，老公一向對食比較腌尖，也讚雞做得很好👍🏻魚香茄子煲，老公點的，不是我的菜，一向很怕多油，嚐了個茄子，味道適中，不會過鹹，但好像吃不到我喜歡的鹹魚😝最後是魚雲豆腐菜湯，這個有家的味道，沒有落味精👍🏻鶴藪浸得剛剛好，不會太冧又索到魚湯味👍🏻👍🏻👍🏻整體菜式實在高出我的期望，很有驚喜，但晚飯時段真的太多人食煙了，怕食二手煙，睇怕好難再嚟，不過見到隔離叫炸大腸真係好想食，而且餐牌上好多菜式都想試，喜歡食煙和飲酒人士還是很好的選擇😊

呢間食店應該真係隱世食店，我地平時西灣河只想到有太安樓等等。但今次找左地膽帶路，如要星期 56一定要book位，好彩友人一早留定位，我由 6點坐到7點半佢地已經推左 8-10枱客。首先食左咕嚕肉，黑椒牛仔骨，豉油王炒麵，炸子雞，最正係，蝦多士！避風茄子！ 

疫情期間冇晚市堂食，唯有提早食！廚房小菜鑊氣十足！🤩推介必食蠔餅！墨魚炸波波！香口鬆脆。👍🏻我地掛住食冇影相，只影左個豉油皇鮮魷麵唯有等晚市堂食開返再去過食再補相

早餐A火腿絲麵+火腿煎蛋+牛油方包賣相：🐧🐧味道：🐧🐧包裝方面，火腿煎蛋會跟火腿絲麵放在同一個碗內，牛油方包則另外用膠袋裝好。味道方面，公仔麵由於並未分湯，麵身已浸致過淋，一夾即碎。火腿絲量適中，原片火腿無特別。煎蛋不會過老，但由於浸湯，因此已無煎後的薄脆口感。方包尚算新鮮，口感不算太乾，牛油量適中。奶茶賣相：🐧🐧🐧🐧味道：🐧🐧🐧🐧賣相方面，奶茶色澤金黃，一打開杯蓋已能聞到陣陣茶香，非常吸引。味道方面，茶味濃度適中，不會苦澀，入口甘香細滑，奶和茶比例合適，十分推薦。外賣等候時間：🐧🐧🐧🐧在平日上午9點幾，由下單至領取外賣，需要約10分鐘。服務：🐧🐧🐧🐧大牌檔姐姐態度友善，在顧客等候期間會安排門口邊座位給予暫坐。🐧❤️結語：大牌檔奶茶名不虛傳。

住左西灣河幾年，呢間大排檔都係香港老字號近30年。最近疫情就走去試下，早午餐去食，除左茶餐客飯，居然有我最愛嘅羊腩食，羊腩係漏夜新鮮整，羊脂入口即化，超香。平時唔鐘意食羊嘅朋友都話好食。叫左佢加多杯熱奶茶，呢幾日寒流一食真係可以成日個人都暖晒。勁回味，有問到伙計夜市外賣自取有咩好食。佢地推介左糯米飯。又一個最愛。一碟份量真係可以食兩餐（夜晚細食）伙計仲教我地最好蒸返熱，到夜點 蒸熱後效果都係咁鮮味。因為生炒嘅關係，糯米飯都等左大約10-15 分鐘，但係同伙計傾下傾下就唔覺，超nice。

一早本來同婆婆阿女去飲茶，點知到咗西灣河先知道海寶關咗門，我哋好失望，唯有去揾另一家店食，因為太早關係唔係咁多間開門。我哋去咗西灣河熟食中心裏面嘅亮記，我哋三人叫咗同款嘅雪菜肉絲米，一嚟到食第一啖已經覺得唔多妥，所以叫我女試下啲肉，佢一試就話酸，婆婆都話酸，同個女工講，佢再同師父講，師父話尋日先煮，唔會酸，跟住有個後生仔嚟，我同佢講啲肉絲酸嘅，叫佢試下，佢嘅答案係雪菜肉絲係酸嘅，係正常嘅酸，冇問題嘅。真係好好嘅答案，我食過咁多次都未試過係酸嘅，佢後來又話幫我哋換，我哋話唔洗，因為真係唔敢再試。

咁啱行過西灣河，喺地鐵站附近求其搵間舖頭食野，估唔到搵到間大件夾抵食既舖😋😋午餐唔駛40蚊有湯有野飲真係唔講得笑😮😮，平得嚟又好食，午餐仲有10幾樣揀我帶住小朋友，兩個人叫一個餐，侍應都好好問我要一個湯定兩個湯😍😍叫左個什會炒麵， 呢啲炒麵最緊要夠鑊氣脆卜卜，佢真係做得到雖然唔係啲咩特別菜式，但佢既麵底比起出面茶餐廳既粗，脆卜卜咬落特別好味🙈😋😋最衰我唔係住西灣河🤣，如果唔係真係會成日走嚟食值得推介💪💪💪💪

一日嘅工作要加班至十点幾、正在諗吓係边度食啲嘢先返家、電話就响、原來係啲老友知我開夜未食反、就打比我、問我收工未、佢地話係西湾河亮記等我、去到嘅時候、佢地已經点左菜、有油泡鮮尤、菜心浸魚付、黑椒牛柳、炸青根魚、鮮尤好炸得好香好翠要來送啤酒一流、黑椒牛柳好冧、青根魚好香、最後加多個自家制牛油多士、唔係個個有、要熟客先有、飲飽食醉至後又埋单走人、因為明天要返早。

其實同老公結左婚，搬到西灣河，我自己一直都未試過去西灣河市政大廈入面食野，今次就同老公試試亮記既早餐啦！亮記既早餐都好多選擇，有中式同西式，今次同老公就揀左一中一西既早餐試試。叫左碗艇仔粥，用料唔錯，有一般請仔粥用料，還有鯇魚片，粥也夠棉，不會食到一半變成水，真心推薦。另外還叫左蝦米腸粉，腸粉夠滑，蝦米也足料，再配合自己落的混醬，真係無敵。輪到西式早餐啦！沙嗲牛肉麵的牛肉就比較少左dd，但麵質唔錯，不會過淋。這個多士送上時還是脆的，配合牛油真的好好味，火腿炒蛋也不會過份油膩。奶茶真的是我杯茶啊！因為我比較茶味較濃的奶茶，這杯正合我口味，茶不會因為濃要苦澀。

不嬲都係亮記Fans佢啲早餐好好食，晚餐都好有鑊氣又唔貴三個人食咗京都骨、墨魚餅同班腩煲京都骨超好味，酸酸甜甜。豬扒炸過好香又淋墨魚餅不嬲我的最愛，上臺熱辣辣。外脆內軟反而班腩煲味道比較淡，同好多燒肉埋單$304，好抵食！

上次幫襯係10月, 事隔兩個月 再來了這邊工作, 可惜由於公司取消西灣河這個點, 往後再來機會不大了, 今次午餐點了: 黑椒茶樹菇肉絲飯 價位大部份是在$38, 這是個飯同餸分開上的餐, 個餸有少少似炒小菜咁, 拿過來時還帶起陣陣黑椒香氣, 有大量爽口芽菜, 茶樹菇走油後會走去那份菇的苦澀味, 肉絲則普通醃過的瘦肉絲還好醃味只是淡口味, 整個小菜纖維豐富, 肉不多, 雖然將來沒太大機會再來但也讓這最後一次留個美好 回憶吧!

呢個年頭35蚊的碟頭飯套餐已經好難搵,但…搵到喎!重要係地鐵站附近, 只不過呢個地鐵站就未必係一般人的熱門出沒地點啦!22/June來西灣河做野, 唔熟地頭, 睇過麥記,大快活都唔啱心水, 見斜對面有個”街市”咪多數都有熟食檔囉! 行過去果然係有嘅, 但這街市熟食排檔在地下無須上樓很方便, 但在賣海鮮那邊天氣潮濕下地面濕濕地, 感覺似麻麻不過枱面抹得都乾淨, 客人不多, 午餐大概只有5-6款, 我叫咗茄子免治肉碎飯, 一個冚汁上飯面嘅碟頭飯, 茄瓜免治肉碎有咸香微辣有鑊氣完完全全嘅大排檔風味, 例湯ok , 奶茶就一般啦!06/July 同樣情況來到西灣河做野, 這天點了”蒜香豆豉蒸排骨$36 好簡單的蒸排骨本應好穩陣,但往往最安全的地方就係最危險的陷阱, 呢次中招了, 排骨面的生粉一舊舊咁, 口感異常的怪, 排骨是什麼味道也沒有, 只能靠碟底的豉油汁點綴一下, 由於現今的蒸飯餸的蒸排骨唔會有兩條菜只有蔥花, 唔食排骨的話就只有汁撈飯了, 估佢唔到黎兩次, 一次天堂一次地獄