人和月雞煲火鍋店 (已結業)

食物質素唔錯，牛肉及海鮮都okay。其他食物嘅種類選擇可以再多啲，感覺因為店舖位置比較細，所以未必容納到太多種類。門口比較隱蔽，搵咗一輪先見到入口。可能我哋早入座，所以有卡位坐，感覺較舒服

聖誕節就係要食食食！拆禮物日我就冇禮物拆啦⋯⋯食餐好補返數。同家人去咗食雞煲火鍋放題。限時120分鐘，當日小朋友有小小禮物送，好窩心。雞煲叫了唔辣，味道唔錯，最鐘意食啲紫洋蔥，夠惹味，海鮮拼盤跟餐有一碟，有鮑魚，帶子，青口，蝦，魚片，蜆，新鮮嘅都冇沙。牛肉先上一大盤，都可以任叫，帶子，蝦等海鮮都係，不過就冇第一盤上嘅咁新鮮。蔬菜，唔同類嘅肉丸，甜品，汽水，果汁，茶，係出面任拎，呢度地方比較細，可以選擇嘅食物比較少，限制得2小時而要過4百蚊1位，感覺性價比唔高。

明明成功book到枱，但事前沒有任何通知，去到先發現寫住”內部裝修，暫停營業”一行6人被逼臨時再揾其他餐廳，非常掃興十分不負責任的一間餐廳…絶對不會光顧，亦不推薦

食評時間啦！我去咗尖沙咀嘅人和月火鍋專門店，食咗啲好好味嘅火鍋同小食，真係好好食，性價比一流！🍲 椰子雞鍋：呢個湯底真係好特別，原汁原味嘅椰子加埋雞肉煲出嚟嘅湯汁，又香又甜，而且雞肉非常嫩滑，好開胃！👍🥟 韭菜餃：皮薄餡靚，韭菜味道好濃郁，配埋啲醬汁真係好好食！😋🐮 美國手切封門柳：牛味道好濃郁，肉質好有咬口，真係好正！👌🥩 美國嚴選牛小排：肉質好鮮嫩，煮熟啦之後啲肉汁流出嚟，就好juicy啦！😍🐝 蜂巢豆腐：個形好特別，口感味道都好特別，好滑好軟，好好味！👅🍠 芋泥包心丸：芋泥味道好濃郁，包心丸餡料都好有嚼勁，真係一個好正嘅甜品！🍮總之，人和月火鍋專門店真係好好食，而且價錢都算實惠，值得推介啦！👍👍👍

相隔一年再來慶祝，八點冷清清都心知不妙！結果面目全非🤦🏻先講講以前食佢哋嘅放題海鮮同牛肉都質素好好雖然現在變成單點但朋友喜歡佢哋嘅食物就算單點都冇所謂啦，結果伏中之伏！！！先講湯底至尊龍蝦雞煲$468，龍蝦細隻冇乜肉、半隻雞得頭、頸、翼、屁股同成隻雞腳，跟本冇肉食都算👎湯底飲唔到鮮味、雞湯味只發現勁多胡椒，唔知以為係胡椒豬肚湯跟出面一人一鍋平價湯底一樣👎牛頸脊有牛味但肉質不嫩👎日本A4和牛$298簡直垃圾到跟美國肥牛一樣冇牛味肉質又劣👎爽脆鯇魚片又腥又多骨👎聖子皇$168唔爽唔新鮮👎海蝦$88有8隻完全唔新鮮肉質散蝦膏係苦嘅👎鮮桶蠔$98好腥唔新鮮👎響鈴正常味道跟超市一樣，墨丸大大粒冇墨魚味….5粒都係冇味跟街邊小食墨丸一樣👎蝦滑算係成晚最正常發揮覺得唔錯的食物，娃娃菜$28得幾片仲要唔係新鮮靚菜。整體來講肉又差海鮮完全冇一樣係新鮮嘅，人均消費$450講真四百幾蚊放題都好食過佢，最過份係單點食物本來錢都唔重要但都唔好咁過分咁差！咁嘅垃圾食物後面亞士厘道好多都比你出色好多。

我最近去了一家叫人和月的餐廳，真的想要分享一下我的食評。我點了幾道菜，包括酸菜魚、鹽酥雞米粒、花雕醉鮑魚、乳鴿和南國糍粑。其中，我最愛的是酸菜魚。這道菜辣度適中，魚肉入口即化，而酸辣口感十分開胃，一試難忘。除此之外，鹽酥雞米粒也是一道絕佳的小食，炸得金黃酥脆，份量十足，非常美味。另外，我和朋友還分享了花雕醉鮑魚，這道菜的花雕酒味道十分濃郁，而鮑魚也非常鮮美，絕對是一道值得一試的佳餚。乳鴿也是我們的菜單中不可錯過的一道菜，味道香脆可口，每人半隻份量剛剛好。最後，我們還品嚐了南國糍粑作為甜品。這款中式點心口感獨特，外皮酥脆，內裡鬆軟，非常美味。總的來說，人和月的菜品真的非常出色，而且價格也很實惠。如果你喜愛中式料理，一定要來試試看這家餐廳的菜品，你一定會愛上它們的獨特滋味。

講到打邊爐一定唔少得呢間人和月， 除咗場內環境過晚而且乾淨之外， 依間既火鍋湯底好正，今次我就揀咗個藥膳牛奶湯， 呢個配搭我都係第一次嘗試，藥膳又係濃味，牛奶又係濃郁的。 但兩者撞埋一齊是很match的。 再來介紹一下火鍋配料，有一個火鍋拼盤，入邊嘅海鮮都很新鮮，海蝦大大隻，仲要有粉絲吸晒所有湯嘅精華。 牛肉方面，種類很多，當中我最推薦的是牛板腱和和牛， 牛板腱牛味很濃郁，而且肥肉部份比較少因此我比較喜歡， 和牛亦都係牛味好出的一種，值得一食，又唔會很油膩。

行完街行過這裡朋友推介這裡嘅雞煲味道正，於是就上了去，這裡嘅環境都算係旺中帶靜，樓下就係人流超多嘅海防道，上了樓上又係一另一個舒適嘅地方，座位主要是卡位，地方闊落，環境光猛，落單可以在選菜紙上自己選擇填寫，當然一定要食就係這裡嘅雞煲系列，今次就點了酥皮龍鳳雞鍋（龍蝦雞），一次過有齊想食嘅選擇！之前在這裡食過火鍋放題，雞煲出色入味，而今次這個酥皮龍鳳雞鍋，上枱時大大塊酥皮包住個熱辣辣雞鍋，店員幫忙打開酥皮陣陣香濃味道撲鼻，酥皮入口十分香脆，原隻龍蝦龍蝦入口彈牙爽口，啖啖肉夠晒鮮甜！雞件肉質亦十分嫩滑惹味，食完龍鳳雞鍋內的龍蝦同雞還可以加上清湯變成火鍋🍲，龍鳳雞鍋本身嘅鮮味令湯底更鮮味。 配上肥美嘅牛肉拼盤盒，賣相精緻，內有不同部位，牛肉口感非常嫩滑肥美，牛味濃郁，牛脂雪花分布均勻，入口肉質細嫩，高級雪花肥牛，油脂甘香，入口即溶，勁正！這還有串燒，點了燒粟米🌽，可以用不同醬汁款式去燒，個人喜好就係牛油蒜香🧄，師傅原條開邊，粟米本身爽甜多汁，加埋香濃牛油🧈蒜香入口味道帶點濃郁，勁喜歡💕燒茄子🍆，同樣都係牛油香蒜，師傅用上大量香蒜超級茄子十分惹味！還有燒烤海鮮燒蟶子，師傅用上超大隻蟶子來燒，配

人和月雞煲火鍋店 (尖沙咀)呢間火鍋店離尖沙咀A出口，只係3分鐘路程，店員非常有禮貌！至尊龍鳳湯湯頭鮮甜，有原隻龍蝦，仲有唔少雞肉喺入面！呢個湯又飲得又食得😃本地新鮮手切牛頸脊牛肉非常嫩，口感很好，有牛濃郁，份量非常足夠！兩個人差啲食唔晒😆爽脆鯇魚片魚片非常新鮮，份量好多！擺盤都有心機🤣扇貝扇貝新鮮，口感很鮮美，肉質爽口啖啖肉，好滿足🤣花膠花膠口感鮮嫩，味道清甜，滲入湯底非常鮮甜！芋泥包心丸第一次食芋泥包心丸，好特別！芋泥的味道濃郁，外面爽口，入面芋泥綿綿！蟹籽蝦滑蟹籽蝦滑爽口，重點係唔貴！🤣炸魚皮 金菇菜炸魚皮酥脆，口感很好，打邊爐必叫！娃娃菜同金菇都係我必要嘅蔬菜😆

返完一日工，食返餐好嘅慰勞下自己，係必須嘅！今日約朋友放工去尖沙咀食晚飯，事關係網上見到個酥皮雞煲非常吸引😍我哋三個人就去咗呢間餐廳食，環境舒適，位置好坐、闊落👍🏻 啱晒收工之後鬆一鬆！我哋個個做咗大胃王，食咗超多嘢🤤超滿足每人比多$20 ，就可以試埋店家提供嘅惹味醬料及餐前小食。正！雖然有餐前小食，不過由於實在太肚餓了，我哋仲叫多咗兩個小食：·香酥肉 $28.00味道都幾得意，酸酸地又有點麻的感覺，好特別！不妨一試！·南國糍粑 $28.00一食就不自覺「嗯～」咗一聲，堅好食！紅糖漿配黃豆粉真係好夾，糍粑口感煙韌👍🏻👍🏻一定要試🌟終於到主角出場：酥皮龍鳳鍋 （BB辣） $298.00個酥皮一出場，不！得！了！是金黃色的😍烤焗得勁靚！不停打卡！店員哥哥幫手切開之後，裏面就非常多料，呢個龍鳳鍋係又有雞又有啖啖肉嘅龍蝦🦞如果唔想食龍蝦，都有淨雞煲選擇的👍🏻食完雞煲唔夠喉嘅話仲可以再打埋個邊爐，個人覺得性價比高的可以試吓以下呢幾款：·和牛三寶(後腰、上前、極黑板腱）$388.00·至尊牛三拼（本地牛、牛小排、和牛）$368.00·海陸空拼盤（肥牛/黑豚肉、雞件、廣島蠔丶虎蝦）$198.00

以為餐牌既圖片只供參考，點知食評既圖片都一樣係只供參考。鍾意食牛既朋友真係要小心啦。差不多300蚊一碟牛小排原來係咁既樣。係咪低食呢？當你睇見碟牛既時間，你唔會敢再叫野食。諗住飲杯野就走人。點知飲品極少選擇。連可樂都冇。仲有仲有，一座低就比碟野你，問佢乜野泥，話係前菜，再問個前菜係乜野佢話佢都唔知。總之就位位20蚊。隔離就醒，即走人。果碟野。。。。。如果你見到有間食店有阿姐拉客又有極多好評而上到去又冇人。你就要醒水了。

天氣涼涼哋就最鍾意打邊爐，平時雞煲食得多，不得不提人和月的精品雞煲火鍋，餐廳空間充足，推介窗靠窗位，可以欣賞翠綠的九龍公園景，用餐體驗不錯，而且食物質素比起放題時有提升當天晚上的冇人$20的醬料費已經包含餐前小食兩粒炸手打蝦丸，幾香口好食🤤另外也贈送了A4和牛，有少少驚喜招牌龍蝦雞煲$268 真係有驚喜，滿滿的雞肉同新鮮龍蝦肉，湯底很鮮甜不會愈煮愈咸，以三黃雞加海鮮湯製作，食材很新鮮，店內仲有招牌酥皮芝士雞煲，芝士控一定好鐘意！本地新鮮手切牛頸脊 $298精品牛果然有水準！必點之一，牛肉纹理超靚，而且牛味好出，份量就算2-3人吃也很足夠自家制招牌響鈴即炸響鈴吸滿海鮮湯汁很不錯人和月以往是放題火鍋店，棒場客不少，為了可以提供更高質的食材，而且客人都不想限制時間，所以升級成精品火鍋店，店員服務超殷勤，會有會主動換碟及用心介紹食品，希望可以維持下去—————————————————人和月雞煲火鍋店 (尖沙咀)尖沙咀海防道38-40號中達大廈3樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfo

和朋友在尖沙咀逛逛，看見這個酥皮火鍋，感覺十分新鮮，所以就試試這間餐廳。酥皮龍鳳鍋 BB辣 $298.00酥皮、芝士、龍蝦、滑雞配上麻辣湯底。看見這無敵大片的酥皮，層層分明！店員將它切開再放入湯裏。酥皮吸引湯底的精華，而龍蝦和滑雞都岩岩好，不會太韌！由於我們開得太大火，酥皮痴在煲底燶了，店員得知後立即幫我們更換，十分貼心。朋友和我也是食肉獸，所以我們order了三碟牛。它們分別是本地新鮮手切牛頸脊、和牛三寶和至尊牛三拼。本地新鮮手切牛頸脊 $298.0和牛三寶(後腰、上前、極黑板腱）$388.00至尊牛三拼（本地牛、牛小排、和牛）$368.00塊塊肥美的牛肉擺放整齊排列，件件牛味十足。店員推介的牛頸脊陣陣油香，肉質鮮嫩爽滑。而至尊牛三拼的和牛片片雪花肉，牛味濃郁。海陸空拼盤（黑豚肉、雞件、廣島蠔丶虎蝦）$198.00黑豚肉不會比牛肉遜色。廣島蠔和虎蝦新鮮，大大隻廣島蠔滑喐喐，十分鮮甜。

之前食過印象良好有啲掛住佢地個酥皮雞煲所以再黎發現原來由放題轉左單點😮員工話轉左單點的食物質素更高更好味😋即刻好期待😆坐低無耐員工就會拎醬料盤黎醬料及餐前小食·每人$20餐前小食係一碟涼拌青瓜·有啲辣度都幾開胃以剔剔紙落單，好快就上菜喇🤩💜酥皮龍鳳鍋 （小）$298·走辣·走麻酥皮外酥內脆，沾上雞煲汁實在令人停唔到口🤤主角雞件同龍蝦🦞都好好味 芝士雞煲汁相當惹味 正👍🏻食到差唔多就可以叫員工加湯打邊爐🍲💜本地新鮮手切牛頸脊 $298限量單品✨放題唔會有的手切牛頸脊🫣牛肉鮮嫩🥰肉味香濃·不得了💜蟶子皇4隻 $168✨超大隻，直頭長過我隻手而且隻隻都好多肉 係必點之選👍🏻💜日本黑豚片 $88💜家鄉墨魚滑 $38💜魚皮餃 $28💜饗鈴 $28💜午餐肉 $28💜蔬菜籃 $48💜萵筍 $28💜烏冬 $18💜出前一丁 $18💜罐裝汽水 $15💜南國糍粑 $28✨糍粑軟糯軟糯的🤤但唔會痴牙，我都幾鐘意💕

醬料及餐前小食（芫荽燒賣） $20.00 有別於平時的小食，是脆脆的炸芫荽燒賣，等待其間可以醫醫肚，芫荽味都明顯，喜歡芫荽的朋友一定喜歡。酥皮龍鳳鍋 BB辣 $298.00餐廳主打的特色火鍋，怎麼想得出這麼有意思的菜式。酥脆的外皮包裹着鮮嫩的龍蝦和雞肉，店員幫手一切開，酥皮泡在濃烈的龍蝦和雞肉湯中吸滿湯汁，非常邪惡🤤整體辣度適中。香酥肉 $28.00外皮炸得酥脆，內裡肉質鮮嫩多汁，吃得出有麻辣，和梅子粉。南國糍粑 $28.00口感鬆軟，甜度適中，配上黑糖和黃豆粉更加美味。🐮本地新鮮手切牛頸脊 $298.0🐮和牛三寶(後腰、上前、極黑板腱）$388.00🐮至尊牛三拼（本地牛、牛小排、和牛）$368.00口感豐富，肉質細嫩，各種牛肉的風味各有不同，但質素一定在平衡值之上，來貨有素質。海陸空拼盤（黑豚肉、雞件、廣島蠔丶虎蝦）$198.00擺放得精緻，份量不算多，但勝在夠新鮮。皇帝菜 $38.0、翡翠苗 $38.00、生菜 $28.00、金菇菜 $28.00蔬菜清新爽口，口感嫩滑，搭配上醬料更加美味。罐裝汽水 $15.00