影片
是日喺附近做完嘢，同男朋友想食个夜饭，已经好肚饿，所以想快啲有得食，就喺附近揾嘢食。之前望到过呢间餐厅有个outdoor area,好似几chill,用咗eatigo app search同book间餐厅，发觉越夜折扣越多，一于等到9点先食，有7折。上到去因为夜夜地，人唔算多，都可以拣位坐，我哋就想坐出外面。个outdoor area其实系一条窄窄地嘅balcony咁，靠边有几张高枱高櫈，虽然有少少逼，但见无其他人坐又想chill啲，就坐低咗。虽然空气唔系特别好，对住条弥敦道，但有好多星星灯decoration, 都好有christmas嘅气氛，喺闹市中嘅outdoor area食饭都好少有，别有一番风味。由于真系太肚饿，所以又重蹈覆辙，失去理智叫得太多嘢食。两个人叫咗猪颈肉汤河，咕噜猪颈肉捞檬，牛油鸡翼同春卷。啲嘢食来到先知死，多到张台都摆唔落，要将壶茶同啲杯放上去窗台，好牙烟。咕噜猪颈肉捞檬个人认为唔系太夹，本身好钟意食甜酸嘢同咕噜肉，但发觉猪颈肉都系classic啲炭烧再点泰式辣酱系最好食，所以最后都系夹男朋友猪颈肉汤河个碟炭烧猪颈肉食。牛油鸡翼个batter都炸得有少少硬，唔够松脆，仲要有一只食到啲肉黐黐地骨，唔知系未熟定点。但其余味道都正常，加上啲灯都有啲情调，7折后两个人食咗$264, overall都系唔错嘅选择。
继续阅读
今日点左bb鸽同埋三个午市套餐， 啲嘢食冇得弹， 非常好味海南鸡好滑唔会老，金边粉系近来食过最好味嘅，咖喱牛腩够晒入味，bb鸽仲算ok啦，我都系钟意烤𠮶种。最后三个人食唔晒，所以想打包返屋企避免浪费，然后问靓女想打包d嘢，初初畀咗两个袋，但我系想要盒，靓女就冇好气咁话一个胶盒要五蚊，唔知佢哋嘅胶盒系咪特别靓？ 最后仲要好恶死咁对同行两个老人家讲扯啦。总之服务态度唔系特别好，我都懒得喺𠮶度嘈， 揿住两个好嬲嘅老人家走咗，以免影响其他人进餐。希望下次唔好用咁恶嘅态度同啲客讲嘢， 唔管你系心情唔好，定系辛苦，都唔系你甘态度嘅理由。
继续阅读
是日难得与好友吃饭，想吃东南亚菜，好友在openrice见其好评较多，就选了此餐厅。一开电梯就是餐厅，不太大，环境及坐位还好。餐牌都是正常泰国菜会有的菜式，但价钱偏贵，誉发呢橦大厦的餐厅系油尖旺来讲都偏贵，上次食焱手工火锅贵又唔抵，抱住期望去食今次呢间亿饍。。拼盘得几款野，每款得2件，成180蚊，5人都系每人吃一啖🙄。生菜包，生菜一人一块都冇晒，冇得添加，加一碟成7蚊6块🙄。咖哩薯仔猪颈肉，摆明系整好左成大盘咖哩再不出黎上菜，薯仔仲系硬‼️。蒜茸包，$55先得5个，一般。谂住个冬阴汤一人前火锅，有龙虾、石班等等，细细煲，仲要龙虾、石班、虾都唔弹牙，成$200总括而言，5人食左一千蚊，冇份量都算，竟然冇质素！！！ 一间街边东南亚餐厅都可能好食又有镬气过佢！！！200一人食个好d的放题/韩烧都得，真心唔值呢个货！！！
继续阅读
旺角弥敦道誉发广场这座大厦可算系美食中心， 今日同朋友食这间亿膳， 包含咗广东菜、越南菜和泰国菜， 又有炖汤饮， 感觉有点私房菜嘅特色。电梯按4字， 一出䢂便是这间亿膳，够哂开放。而座位摆得宽敞， 坐得舒适。看完餐牌， 泰国、越南和本地菜多款选择, 因为样样都想试， 结果点了这里必食之一, 避风塘野生辣龙虾HK$295,少少辣，味道十分惹味， 镬气十足。加上澳洲龙虾肉鲜味十足,肉质爽弹， 跟避风塘炒蟹食法同样味美， 辣得嚟又鲜甜味足。话晒这里有得食泰国菜，当然整番个我至爱菠萝炒饭HK$123。 这个泰式原个菠萝炒饭 , 用上新鲜嘅菠萝,配上爽滑鲜鱿和弹牙嘅海虾， 饭炒得香喷喷，粒粒分开，好好食。还叫个驰名炖汤， 椰子乌鸡排骨炖汤HK$78, 材料足， 香甜嘅椰子加上肉质幼嫩嘅乌鸡， 益气养颜、健脾补虚，啱哂秋凉天气饮，完全没有味精， 滋阴有益。青岛啤下佢，都系HK$38/支，正！
继续阅读
晚饭要揾间餐厅同朋友庆祝生日, 但朋友表示唔想食西餐, 所以就随便揾左间食亚洲菜既餐厅。餐厅系弥敦道楼上铺, 近油麻地A出口, 位置来讲都算方便。当日被安排坐电梯口附近, 用餐环境一般。因为大家都唔太肚饿, 所以都唔算叫左好多野食。菠萝炒饭用原个菠萝上, 味道ok。牛油果软壳蟹卷, 串烧同冬荫功都合格。但炒金边粉令人非常失望, 卖相似一般广东炒粉面。如果抱住食泰菜心态食呢间餐厅, 绝对会失望而回。另外值得一提呢度切饼费要$100, 以一般餐厅来讲都算贵, 如果有自备蛋糕的话其实有更好选择。下次有机会再试泰菜以外的其他菜式。
继续阅读