仁安醫院飯堂

营业中

休息中

因為生病，黎到仁安醫院做手術，第一次試食佢嘅飯堂，完全沒有驚喜，不過豬手飯還是不過不失，只是啲飯有點凍，另外我叫了港式奶茶，略嫌偏多奶，建議大家下次嚟到可以叫小奶或者少甜。

尋日食咗個葡國雞飯，份量少已經算，原本以為一件件雞，超級垃圾，原來係雞絲，仲有得5條，平時的兩餸飯已經好難食，點解個廚房可煮得出咁難食嘅嘢，最搞笑係廚師自己都落街食，的餸日日都冇新，一年365都係果啲，離晒譜。食意粉仲慘，霖到的冇牙婆都食到，大佬，意粉都煮得唔好，其它野點會好食？好過份

唔好彩2月14日情人節要入仁安大圍醫院， 2日1晚。要等檢測報告沒有問題才可入院，下午等到晚上才入得。第一餐晚餐肚餓了， 打電話訂炸豬排蕃茄汁飯雖然不是炸得太熱， 但鬆脆程度比相像好。配蕃茄汁味道真的幾好味。👍第二餐午餐 （早上要做檢查及抽血， 唔食得野。）咖哩牛腩飯買相唔掂， 味道麻麻。 第三餐晚餐（唔係太肚餓， 等醫生巡房聽報告結果。）公司三文治＜居然有珍珍薯片10幾片， 正＞總評・ 以醫院餐來說， 質素唔差， 餐廳姐姐好有禮貌。三文治會主動問你要唔要叮熱。送餐上來都好快，晚餐時間20～30分鐘到。纺

佢哋嘅中菜清淡得嚟我覺得都好夠味就算係醫院 都可以食得健康同好味亦都好多款選擇另外叫左個耶汁燉燕盞養養顏佢哋好細心 將糖水分開咗上可以隨自己心意去加甜病人入左醫院 都有餐好味嘅飯餸 👍🏻👍🏻

最近心臟唔舒服，立即入院做個詳細檢查。係印象中醫院嘅餐廳都係飯堂味道，估唔到仁安哩間飯堂咁有水準，小菜一點都唔馬虎，絕對係即叫即煮，所以要等耐少少。份量啱啱好，而且味道淡口，就算小炒都比較健康。

入仁安做個內窺鏡檢查手術，需要全身麻醉，喺度過咗一晚。早上起床，點了港式早餐，煎雙蛋/炒蛋配火腿/香腸/豬柳漢堡扒，餐肉/沙爹牛肉/榨菜肉絲/扎肉配米粉/通粉/即食麵，牛油餐包，咖啡或茶，十分豐富。食物嘅質素一般啦，同出面茶餐廳冇太大分別， 沙嗲牛嘅味道比較出色，奶茶香滑，最可惜係全部用即棄餐具，非常不環保。醫院另一間餐廳是使用瓷器皿盛載食物，餐具也是金屬那款，可清洗再用。香煎粟米石斑柳，配薯條/白飯/意粉，兩大塊石斑柳煎得香口，剛剛熟，啖啖肉，粟米白汁有許多粟米，味道錯但較為淡口，相信這樣會健康一點，配大量薯條，熱辣辣不過唔脆。餐廳提供各類粥品及湯麵類。也有各款中式湯水及滋補燉湯，好讓病人手術後進補。小菜也有許多選擇(包一碗白飯)。西餐方面，包括沙律、西湯、主菜、意粉飯及甜品，任君選擇。亦有燕窩及薑醋，各式其色。入住私家醫院費用好多時都係保險包咗，探病嘅家屬都會一齊開餐，大家未必會睇價錢，這餐廳收費尚算合理。

今天到仁安醫院有事要辦，臨近午飯時間，順便到醫院飯堂醫肚。比起公立醫院，仁安的飯堂顯得很小。時間尚早，人流不多，很易找到座位。私家醫院的飯堂，食物的價格都不便宜。一個兩餸飯餐盛惠$50，西式焗意粉/飯更索價$70。兩餸飯餐可在三款餸中選兩款，米飯可選白飯或紅米飯，隨餐附一份蔬菜和水果，加一碗中湯或一杯飲品。三款小菜中，選了中式牛柳和冬菇扒西蘭花。兩款小菜的份量很豐富，牛柳都有十幾塊，頗為抵食。中式牛柳很軟腍，亦很夠入味。西蘭花炒得夠翠綠，冬菇夠厚身，茨汁味道不俗。兩款小菜都少油和少調味料，感覺較健康。紅米飯實實的一碗，蔬菜份量亦多。隨餐蔬菜是紹菜，有陣陣菜腥味，吃了幾口作罷。是日中湯粉葛赤小豆煲排骨有驚喜，湯超甜，很有住家湯風味。喝湯後未有口喝感，料是真材實料，不加味精。

14-3-2016（Mon）入院，傍晚做完檢查就諗呢晚晚飯同老公第二日帶飯，問老公想食咩?佢叫我揸主意。嗯，我呢樣唔食得，嗰樣唔食得，叫個清清地，一個中間啲，一個for老公食嘅啦。咁我就要$72.00嘅瑤柱蛋白薑飯，$85.00嘅豉汁涼瓜排骨，同$75.00嘅菜遠炒牛肉。老公嚟咗喇，三個餐都到，我哋打開先，老公先將牛肉同其中一碗飯，放入佢飯盒，然後我哋就開餐。瑤柱蛋白薑飯，淡色就一定，食落，只有薑嘅辣味，飯唔太乾，幾好。而以為呢個好清，原來唔係，食完見到都幾多油。味道：2.8分， 抵食：1分菜遠炒牛肉呢，墊底嘅菜心唔多，不過好甜，同口感適中。 味道：5分， 抵食：1分而豉汁涼瓜排骨，涼瓜甘，排骨腍但唔惹味。兩個小菜嘅白飯都軟熟同唔乾，比上次好啲。味道：2.8分， 抵食：1分夜晚，醫護人員幫我叫定16-3-2016（Wed）嘅早餐，我就叫$50.00粟米粥，豉油皇炒麵同熱奶茶。當日準時送到。飲啖奶茶先有啲茶味，我落半包糖飲，茶滑嘅但味道都係爭啲:粟米粥，粟米算多，粥都棉，OK;炒麵唔深色，份量亦唔算多，豉油亦唔多，但鹹淡適中，幾啱病人胃口。味道：2.83分， 抵食：1分等到夜晚要叫飯喇

月中,同老公,醫生商量決定前日(26-2-2016 Fri)朝早入院,由於有保險,同事都我入o左院後至食晒早,午,晚三餐,重要食豪啲,夜晚o個餐重可以叫埋老公o黎食.啊,我重諗住晏晝早啲出院去買餸返屋企煮添.好,一於聽同事話 .攞o左床位,即call送餐服務喇,我揀o左$50.00o既美式早餐,要炒蛋,豬柳漢堡扒配牛角包,飲熱奶茶.送到o黎睇,三樣o野食都好細件/份,先食豬柳漢堡扒,似白烚,冇乜味,自己加胡椒粉吧.炒蛋一樣係冇乜味o架喇,自己加啲鹽,但佢o地都係炒得嫩;牛角包鈿件到我以為得半件,原來唔係.佢唔酥,牛油味淡但夠,唔油膩.熱奶茶我落o左一包糖,茶味OK夠.食完呢個餐,我重係唔夠飽.味道: 2.7分, 抵食: 1.5分而由於原定o係12:20pm做o既小手術押後到3:00pm,於是諗埋個lunch.我要$85.00o既菠蘿咕嚕肉配絲苗白飯.睇menu,睇有咩o野食,見到有燉湯,同老公好少煲湯喇,飲埋佢啦,呢個要早兩個鐘訂,趁老公lunch time,問佢飲邊款,就落定單,叫人o係7:00pm送呢個兩個燉湯o黎,飯就即上.亦同老公研究o左夜晚食咩甜品(係另一間),就打埋電話,

又夠期入院做檢查，一早空肚做完檢查就立即去醫院飯堂食個早餐，在醫院內的早餐也沒什麼要求了，點了個魚柳太陽蛋配咖啡，這早餐勝在即叫即做，雖然要等但新鮮熱力足，太陽蛋煎得甚有靈魂，入口嫩滑有蛋香，魚柳也炸得外脆內嫩，入口香脆而不覺油膩，內裏魚肉十分幼嫩又夠熱，但跟附的茄汁豆就好像完全沒有處理過，涼冷口感，頗為難食，令整個餐打了一大節扣，還有那杯咖啡，入口已知是即沖，而且味道甚淡，實在令人十分失望。

做完小手術又驚自己餓，又驚無胃口。所以點個瑤柱冬菇粥加個干燒金菇伊麵。食啖粥濕下個口先。我係咪自己失血過多，味覺都無埋？即刻試埋個伊麵，太感動啦，調味料真係人類好朋友呀！個粥可能真係鹽都無落，瑤柱可能煲完湯先撈返上嚟，平時食啖白飯都覺甜甜地，呢個粥真係完全無味，神奇！

今日黎到仁安醫院上堂，上堂就梗系要醫肚啦，我揀左西式套餐既煎豬扒意粉，奉送一個餐包同是日水果一個！餐包以獨立包裝上碟，感覺好衛生！細細地而且包身軟熟，搽埋牛油就好味！意粉味道比想像中好，以為醫院野食就一定唔好食，估唔到都可以接受！軟硬度適中，略嫌汁方面唔夠，食到最後意粉無咩味！呢個餐有菜有肉，似乎都健康！白菜份量都唔少架，淋淋地唔會苦，唔錯！豬扒共兩大塊，而且無肥肉，加上煎豬扒可以唔油都幾岩食！今日既生果系香蕉，不過我本身唔食既，所以無影到！每日既生果都會唔同，味道系就系淡d，不過成個餐都真系幾健康！## 其實好多人心目中 , 醫院 d 野係唔好食 ...但係我覺得總唔會所有野都差o既 , 最緊要唔好太貴 @@"所以我都有欣賞公司 d 飯o既時候o家 xd 無員工價就難講 d

啋! 大吉利事, 又到醫院用餐!! 是次經歷, 是因為好友要做手術而特地去探望探望. 探病時正是開飯時間, 邊談談病情進展, 邊享用醫院飯堂的到會美食.上次在養和發現, 病房既menu比起堂食既高貴好多, 呢次沒有對比, 不知有沒有不同. 不過, 看了餐單, 說醫院餐廳, 是由美麗華集團經營, 實屬有水準的呢.他說這兒的碟頭比較大份, 三個人叫兩個飯麵已經夠哂分, 於是便叫了一個越南牛肉檬同一個日式鰻魚炒飯, 比養和更衛生, 打開膠蓋, 仲有一層保鮮紙封上, 確保運送途中不會受到任何細菌感染.朋友點的越南檬粉, 他說因為呢一碟夠清淡, 又有菜. 因為是大家分, 試了少少, 牛肉果然是上等肉, 肉質嫩, 入口有味, 湯底夠清, 排除中醫常說牛肉比較毒既因素, 呢個檬的確好啱病人食用.日式鰻魚炒飯, 看落是港式炒飯一碟, 但其實不是普通的炒飯, 賣相是港式, 但充滿和風的味道. 鰻魚切成碑粒, 平均分佈在炒飯中每一個角落, 沒有加入生抽老抽, 味道全是日本的醬油味道, 用日式燒汁炒飯, 本人食歷不多, 可算是一個有嘗試, 有機會買支日式燒汁, 回家炒炒看, 不知可否尋回呢一個獨特既味道呢.