從心素食 (Mikiki)

营业中

休息中

因為喺新蒲崗工作嘅關係，所以十素日的日子多數都會去從心食午餐今日就約咗個舊同事去從心食午餐了今日嘅套餐都幾啱我胃口呢度嘅例湯好足料我今日叫咗咖喱牛柳飯，呢個餸好惹味撈飯最適合😆😆我朋友就叫咗呢個原隻烤菇意大利粉但係佢話味道麻麻哋，最終都食唔晒另外我哋都有叫咗芋頭魚，呢個芋頭魚都幾好味，而且整得幾香口今日未到12點已經見佢爆曬棚，喺呢個時節素食店都有咁嘅效果都算唔錯了如果講素食店呢間都算味道可以，最重要佢有套餐咁就平啲啦

食得一肚氣，都忍唔住要開戶人生第一次寫食評投訴。本人於7月12日 約下午 2 時開始，連同家人共 5 位（當中包括本人 75 歲的母親）在 貴公司從心素食 (Mikiki) 取票等位。本人明白 5 人桌較難安排，因此全程耐心遵守規則等候。 等候期間（約 1 小時 30 分鐘），本人因心急且需陪伴年長母親，故站在領位員附近留意叫號情況。當時眼見叫號已接近本人號碼 26 號，*並目睹一張 6 人卡座空出。本人隨即詢問在場的一位經理，何時能安排入座，並直接詢問該張剛空出的 6 人卡座可否安排給我們*。 該經理回覆需按號叫位，並解釋需先叫前面三個號碼23, 24, 25 號，若他們3個號的 2 人且不願搭桌（使用卡座），才能輪到我的號碼入座該卡位。結果，前面三個號碼確實表示不願搭桌使用卡座。 *關鍵的不公情況發生：* 1.  *當輪到本人號碼時，理應安排我們入座該 6 人卡位。* 2.  *但此時，疑似該經理熟客的 4 位人士到場。* 3.  *該經理竟完全無視本人正站在其面前等候，直接將該 6 人卡座安排給那 4 位熟客！* 4.  本人立即質疑：為何沒有號碼的人可以直接入座？這完全違反了叫

同事係茹素嘅，故一直都很難搵到一間餐廳既好食，又符合佢嘅需要。喺OpenRice中反覆搜尋後，最後決定左呢間，因見佢嘅好評頗多，而且Mikiki又有泊車優惠😆登登登！雖然午飯時間很多人，但上菜速度都好快。落單後10分鐘左右，就已經開始上菜了😊👍🏻-麻醬雞絲粉皮 $48-粉皮好滑，雞絲係由腐皮製作而成，食落都有雞絲嘅口感，麻醬都好香-招牌蜜汁叉燒拼片皮鴨（跟掛包）$118-呢個非常推薦，必試！片皮鴨模仿到鴨皮嘅脆嘅質感，仲有鴨肉嘅彈牙。叉燒甜甜地，食落都似叉燒。而掛包就新鮮出爐，熱辣辣又軟熟，配上素乳豬醬、青瓜絲等，真係好似食緊片皮鴨-芝麻香橙骨 $98-呢味芝麻香橙骨食落好似西檸雞，果種肉嘅質地原來係用猴頭菇做出嚟嘅，真係好有創意👍🏻-七味香酥脆豆腐 $78-豆腐外脆內軟，又惹味，好食😋

檢視較大的地圖  個多月前，H部門的同事 wts我，徵詢我的意見，結果大家均同意到這間從心素食。甫進場，發生地方淺窄，但裝修算是雅致。套餐A.沙爹雞串伴粉皮(下)：粉皮夠爽滑，沙爹味香濃惹味，帶少許辣味，很欣賞。雞肉咬口，只是如果份量多一點就好了。套餐11.話梅糖醋排骨 (下)：菠蘿粒數多，再襯托糖醋排骨，甜酸味十足，很醒胃。套餐17.豉油皇牛柳絲炒烏冬 x 1(下)：佐料多，有胡蘿蔔絲、椰菜絲等........套餐14.紐西蘭牛肝菌蒸勝瓜×1😍😘😊😇😆(下)：整體多汁，牛肝菌大片而香氣馥郁；勝瓜爽口，質地嫩脆，水分多。套餐A.發財榆耳雞絲翅(4位窩X1(下)：賣相十足真翅。套餐4.胡椒湯舞茸菇雜菜煲 x1(下)：胡椒味濃。香滑芝麻糕：芝麻味濃郁，口感煙韌。招牌咖哩焗麵包(下)：蠻有特色，以一塊厚厚的麵包放入多種餸菜，很創新，由於份量多，所以單是這款食物已感到飽飫了。

今天和家姐、細妹在Mikiki行街，行到肚仔餓餓，打算吃下午茶☕️ 發現寳藏 📣 半價素食，真的⁉️ 不是假，半價😅 按餐牌全部食品半價，正價都不貴，半價更抵👍店裡都近乎坐滿人，等了 15分鐘便可以入坐。❤️我們點了：1️⃣ 黑松露牛油果焗多士2️⃣ 鰻魚玉子燒 3️⃣ 千島醬果子燒壽司 4️⃣ 懷舊芋頭魚 5️⃣ 滋補腰果合桃露迷你湯圓 每碟份量跟正餐一樣，不會因為半價而減少，真係好抵食👍碼住：星期一至五 2:30-4:30 先半價❗️

大家小心，伏伏伏👎🏼👎🏼👎🏼👎🏼👎🏼我第一次係度寫食評，估唔到就係腐皮‼️先唔好講好唔好食，重點係我同2個朋友食完都一齊肚痾😱食齋啫，又唔係食海鮮😮‍💨我地3人都出現同一症狀，咁都一定係你地間嘢問題啦😡環境：又迫又窄，3個人坐張2人枱，仲要張枱一邊靠牆，一邊行人通道。所以三個人一邊一個，一邊兩個咁對坐，坐到好唔舒服。至於食左乜👇🏻甜酸醋脆鱔鍋巴花菇黃耳紅燒豆腐煲招牌蜜汁叉燒併片皮鴨（跟掛包6件）招牌原隻菠蘿咕嚕肉西米露紅豆沙飲嘅係蕎麥茶唔知係啲嘢唔乾淨，還是食材唔夠新鮮，或者處理食物嘅過程中出現問題⋯總之唔會有下次😡😡😡👎🏼👎🏼👎🏼👎🏼👎🏼從心素食（Mikiki）Heartful Veggie (Mikiki)

時間：星期一下午茶空間：極度擠迫，侍應刻意將客人逼到如吞拿魚罐頭般入座，實在不敢恭維，明白做生意人以利益為前提，但多一點同理心會更好食物：這餐廳我吃過10數次，整體來說比一般素食餐廳水準高，可惜常常等太耐，如昨天我等了半小時；另外食物不符菜單上的描述，無蛋的壽司，最後變成有蛋，失望環境：廚房內播放Hi-Fi音樂，每次廚房門一開，就如同進入了disco，餐廳本身已經人多嘈雜，加上disco音樂，極度「熱鬧」 ，也已經沒什麼心情去品嚐他的美食由於新蒲崗沒有其他素食，所以每次去新蒲崗都會去從心，昨日離開的時候發現Mikiki對面開了一間素食小餐廳，終於可以跟從心說再見了

素食對於我黎講係一種視覺、嗅覺、味覺，有趣嘅體驗。每當你試每一款餸菜🍲，都會仔細地去品味道餸菜用咩食材做？非常有趣而選擇從心素食，係因為每次經過佢都勁多人而且亦會有喇嘛同和尚係入面食飯，令我更好奇，有次早左過去遠處見佢鋪頭冇咩人，行埋去望下原來大多數座位都經已留坐，所以大家真係要卜位。當日係食晚餐叫左三個餸，但就食咗五款菜式，呢間素食最特別係佢D餸係有雙拼，但唔係自己揀係鋪頭set 好左。1.芝士🧀大蝦伊麵2.金沙蝦+話梅骨3.沙律壽司🍣+肉鬆炸蝦🍣排名有分先後，供大家參詳。仲有一個隱藏甜品，送嘅（好似係每枱都有4.紅豆沙唔好以為食素唔飽肚，飽到你反艇。最後提提大家$茶位費好似係$12/位（晚餐）

🥢午市快餐@從心素食💚💚薑米鹿茸菌南瓜粒炒三色飯💚老干媽雜菜肉絲炒烏冬味道ok，老火例湯好鮮甜👍上菜速度都幾快～呢兩個菜式都似預製咗，煮好一大盤，order就上碟咁🤔🤔因為冇乜鑊氣，唔係熱辣辣😅😅（不過明白嘅，因為佢寫明係「快餐」🙈）但份量搭夠🤣兩個人share都好飽⋯🙈雖然午餐係正正常常～但食開佢其餘嘅散叫係好味嘅😋😋素食餐廳要繼續支持✊🏻✊🏻#everygreenhk_kowloon #香港素食 #新蒲崗 #新蒲崗素食 #新蒲崗美食 #素食 #素食餐廳

自從我轉左新工， 就開始係返呢間從心素食食晏。點知我一星期幫襯四次，每次都加畀六蚊服務費 。呢間野就好似同我有仇咁，我次次嗌特價午餐，幾乎每次都等廿分鐘，碟野先上枱， 仲要係我伸手叫個個侍應黎催。最㷫係咩？ 6月23號，昨日我嗌炆米粉，對面搭枱遲過我黎，遲過我落單，佢地兜煲仔飯+意粉上晒枱。我碟炆米都仲未黎。碟炆米炆左廿分鐘，買相唔係靚，又咸到飛起。6月24號，今日，我見昨日人地嗌意粉快，就嗌意粉。 點知今日倒返轉，都係啦，隔離枱嗌炆米，遲過我黎兼遲過我落單，竟然又係遲黎先上岸。我當場真係㷫過火炭、塊面黑過鐵板燒。碟意粉越食就越酸，拍得住益力多。家陣我係畀足錢黎食野，唔係奉旨畀你玩。唔會再幫襯佢。咁唔公平，玩我。搞到我得十分鐘食碟野，仲要喳喳林走。差差差！！！

之前食過好多次覺得佢幾好食，下午茶半價幾抵食嘅，所以帶啲朋友嚟試吓，點知一試難忘，佢哋話試一次就夠啦，半價都冇用唔會有下次，不過今次啲嘢食真心差，有啲待應姐姐嘅態度都唔幾好，食物質素好似比以前差咗，連隔籬枱搭枱嗰兩位姐姐都係咁講

媽子想食素,就手尋一下最近的素食店，剛考掃到從心，記得之前路過幾次都因大排長龍而放棄，今天是週四果然如我們所想不用排隊就可直接入座，店不大枱亦不算多但椅子還是颇闊大舒適，媽子不大識字，但看到菜牌中西日韓各式素食賣相都相當興奮，但由於我們食量都不大，所以無法試盡各種美食，便簡簡單單點了三餸一湯，包括：1）芝麻鰻魚飯卷： 清爽好味2）懷舊芋頭魚：芋香金脆3）野生竹笙蒸勝瓜：清甜好味4）紅菜頭野菌湯： 香甜濃郁奉送紫米露兩碗 ：甜度適中味道不錯我同媽子都十分滿意，而且食到飽飽都只係$32x,合理又好食， 以後同媽子食飯又多個選擇了yeah ！

之前想食素都會間中去Mikki 從心，貪地點就腳方便，食物都唔差呢日係附近做野，想清清地食素玉子燒汁鰻魚珍珠飯係見到嘅味道，珍珠米，紅薑，青瓜絲，玉子，素鰻魚即紫菜加大豆纖維，顏色好睇，簡單清新，不錯胡椒鹹菜豬肚湯米線因為好奇驅使下，所以就中左伏。米線較靭身，但最出事係鹹菜，懷疑無洗過，成碗米線都超鹹，唯有另用熱水去沖淡，好彩仲有杯熱豆漿中和下...

現今的素食已不同往日，除了選材多樣化之外，連賣相也可算一絕，色香味俱全，一定令你有驚喜。菜式以假亂真，健康有益，是素食者的必然之選！位於新蒲崗mikiki商場的「從心素食」，屬於新派素食，裝修簡單，環境衛生乾淨，座位寬敞舒適。 今次是下午茶時間，素食是有折的。這裡提供中西日式素食，價錢尚算合理，菜餚款式繁多，素菜菜色新穎。叫了素菜，潮式涼瓜、鮮果蝴蝶骨，芒果吉列卷，和鰻魚玉子燒。其中芒果吉列卷的仿製壽司，像真度達九成，口感味道幾可亂真，食材新鮮，都很好吃，份量非常足夠。潮式涼瓜反而比較油。值得推介的素食館，食素一族可嘗試。

嚟到呢間素食餐廳，真係為咗尋找吓那種無肉亦能美味可口嘅滋味。首先，蝴蝶骨要話你知，佢哋嘅猴頭菇真係正！橙味嗰款微酸微甜，清新得嚟又唔會死甜，食落真係過癮；芒果味嘅就啱晒鍾意沙律醬嘅朋友。🍊🍽️🥗意粉就更加得意，黑松露醬那份香味，包圍晒成盤，靓菌煮得啱啱好，唔會太老，咬落去彈牙得嚟又充滿豐富嘅口感。姑媽食得好開心，我都同佢一齊讚好！🍝至於籠仔蒸牛肝菌菜肉餃子，真係叫人驚喜，餡料多得嚟，每一啖都吃到滿滿嘅菌菠菜，好惹味。馬來沙嗲豆腐嘅味道用「惹味」兩個字形容都唔夠份量，個沙嗲醬夠勁，香而唔膩，我吃一串又一串，真係停唔到口。講哂呢啲，都唔好以為係一個人獨享嘅經驗。成間餐廳人頭湧湧，證明佢哋嘅食物係真材實料，口碑相傳。我知道啦，食素或者唔食素，都要黎試吓，肯定唔會令你失望！🌱🙌🔥