影片
趕住返屋企叫咗個凍珍珠奶茶加粟米班腩飯，拎到返嚟屋企發現杯凍珍珠奶茶用啲熱飲杯裝住，又有冰又有珍珠，要開蓋放飲筒，擺埋支粗嘅飲筒入去，哈！真係離譜啊！！未飲過珍珠奶茶細杯到係去到飲筒半支！！究竟搞乜？！以前我好喜歡來呢度食，亦先幫我叫外賣，杯凍珍珠奶茶係用杯正常透明凍飲杯裝住，感統直接插入蓋唔使開蓋，真係唔知而家去做乜？！見到杯野咁，兜飯都冇晒心情食做街坊生意點解要搞到自己咁核突！凍飲用熱飲杯咁寒酸！仲要係珍珠奶茶加錢㗎！
继续阅读
今日系2點鐘下午茶落單，見到店員用左正價，之後2:03左右先比下午茶張牌黎，我就叫左個店員問下可吾可以轉下午茶餐，佢態度已經系非常差，甘單完之後其他店員就話個飯已經整好，甘我就話甘吾洗轉喇，照出原來個個飯，不過要改返下午茶餐個價，之後佢改左，行兩步忽然話：佢：你落個陣都未夠鐘我：但我望住兩點先落單架wo佢：（勁惡）我落單望自己隻錶架麻，你改早自己時間11點我系咪要賣早餐比你你阿？（問題系我系睇手機，系跟世界時間既）之後我就冇再講野，但我完全嬲到食吾落飯，一啖都冇食就留低朋友系度食同比錢走左，我黎比錢食飯，你錯左我仲要受你氣，我仲要本來態度系好好，一日有個位人兄系間店，傻更更入左去既都吾會有下一次，睇到依篇野既人千期吾好去食，如果吾系你系會食到一肚子氣！
继续阅读
前兩日行過見到佢改左名 仙桃島.好好餐廳，食物款式好似多左好多，諗住入去試下啦，入到裹面坐底落單，有個男侍應行過來，我点一個「兩餸」米粉和「三餸」魚面，佢竟然話只可以叫一款餸！下，吾係掛，加餸都吾比？ 我叫個侍應問下同事和廚房係吾係真的只可以叫「一款餸」，佢就行開去左執枱，我真係O左咀！等左一陣，我直接行去收銀問啦，我都未開口，個「四眼男人」收銀望都無望我一眼就講，「坐低先，係位到落order」，我話係你同事吾明喎，佢仍然吾望我講，「坐低先落order」佢講既時候係好無禮貌，我真係嬲到即刻離開。學劉德華話齋，今時今日，咁既服務態度係吾得架我以後都吾會再幫襯呢間「無一忽好好好餐廳」！！
继续阅读
嗌咗個常餐同牛腩煲，牛腩普普通通，常餐就唔想多加評論了。心想常餐應該最難有伏都係唔掂，嗌咗叉燒河粉跟雞蛋腸仔。叉燒同河粉出晒事，叉燒無味道河粉食起身有怪味，湯底都唔知點講🤔唔會有下次幫襯。
继续阅读
其實本身已經幫襯左十幾年 但係間野轉晒啲人 啲態度可以差到咁 我叫左外賣飲杯末香珍珠 點知拎比上來比左杯末香奶茶我 咁我咪打返落去講你地比錯野我呀 點知反而同我講而家無人比到你喎 下次比返你呀？我滿頭黑人問號？邊得來有下次？之後等左勁耐上到來真係比返啲珍珠我仲要黑晒口面話 你要嘅珍珠呀嘛！我心諗我得罪你呢？
继续阅读