任你點車仔麵 (已結業)

深水埗又一力作車仔麵，仍是那一句，我愛扶弱，但此間一點也不弱。.4餸車仔麵（番茄湯）-油麵（$9）🔺份量很足-番茄湯🔺清甜的茄湯，並非一整煲番茄湯，而是濃縮自家制茄蓉再加清湯製作。-花膠（$13）🔺甚少車仔麵會提供，雖然並非一整塊大花膠，但份量很足，約有5件小花膠，味道不錯。-日式叉燒（$13）🔺味道不錯，但肉比較「鞋」，上次吃的時候很軟嫩。-墨魚餅（$13）🔺墨魚味超重，非常彈牙，肯定自家製，必食而且超抵食。-糖心蛋（$11）🔺又是另一必食，口感滑，蛋味濃。

呢間車仔麵就係我屋企附近，之前只食過兩次，但覺一般。見近期openrice 外賣自取用MasterCard 有推廣優惠，就試吓訂呢間外賣啦。我選擇了訂車仔飯，餸菜款式頗多，我點了豬紅，雞翼，墨魚餅配沙爹汁跟黑芝麻豆漿。估唔到豬紅同雞翼都好好食，墨魚餅就咸了些。最後食晒先忘了影相，下次會再幫襯。

呢間車仔麵其實都幫襯左不下10次....原因除左好食之外，職員都好好服務態度既咪睇班職員個個後生仔就以為一定態度麻麻地，查實佢地做野好主動，好好禮貌！同老闆仲有講有笑，我估應該都係老闆教出黎，同埋關係應該幾好。所以話，要有好員工個老闆必須將心比己，大家關係先會好。環境比起一般車仔麵店寬敞，座位都係俾圓櫈仔，係坐得無咁舒服既。但好彩冷氣夠，食車仔麵最怕食到大汗淋漓，食都食得唔開心！呢度完全無問題。最好既一樣野就係佢地落單係圈落餐牌，用完就擦走佢再用，既環保又唔洗驚口頭落單要重覆又重覆又或者落錯單。可以坐係度慢慢揀，餸都叫多兩樣啦！我個人就唔食花膠、豬腸呢類野既.....但朋友食過都話花膠好高CP值！入味同埋好大塊！我自己就鐘意食佢個皇牌 - 墨魚餅! 有兩大舊，入面堅係食到墨魚粒粒，好彈牙勁鮮味！係其他地方真係未食過！除左配車仔麵外佢地仲有得散叫煎墨魚餅！會有四件，配埋泰式辣醬又幾好食喎！另外，仲叫左牛腩、豬柳漢堡同炸魚皮，配河粉。佢地個牛腩其實都幾好食，好大舊好淋，拍得住專食牛腩既餐廳架豬柳漢堡就一定係出面攞貨架啦，唔需要多介紹炸魚皮就會另外放係碗仔，都幾香脆，無油益味亦都唔會過厚。浸

💁🏼‍♀️花膠 墨魚餅 糖心蛋 米粉 $43*老闆以$12一大塊花膠打響名堂！花膠唔算好有膠質 但食落滑口 又大大塊 十分有誠意👍🏻不過！！最令我驚喜係佢既手打墨魚餅同糖心蛋😍墨魚餅真材實料仲有粒粒墨魚 而且炸得好香口！糖心蛋亦媲美日式拉麵店🤤車仔麵配料黎講呢間真係唔差👍🏻👍🏻好味程度💡8.5/10(by M)個墨魚餅真係好好食 足料又彈牙 令我想外賣啲番屋企打邊爐食😋 下次一定要試下！！！😋😋

成日睇到啲人讚呢間車仔麵嘅花膠有幾抵食，我梗係要去試試佢😛呢間車仔麵係續個餸計錢嘅~我叫左花膠$12，手打墨魚餅$12，魷魚$10，蘿蔔$7，韓國粉絲$8Total食左$49😯每樣野嘅份量都幾多👍🏻不過粉絲太淋了，下次食返米粉先🙈花膠真係好大塊，仲要有吾只一塊，係幾抵食嘅😳👍🏻但係我本身麻麻地花膠所以對我尼講試一次就夠😂手打墨魚餅的確係幾彈牙😛蘿蔔同咖哩魷魚就正常味道啦，份量算多同埋都係好食既😛👍🏻揀左麻辣嘅中辣加腩汁湯底，麻辣味幾香，不過都幾油下，扣左少少分🙈我覺得中意食車仔麵嘅人都可以一試既😂未去到好好食，但勝在有多款特別多款選擇，份量又足，性價比算高😛

今日陪同事去深水埗買野，突然心血來潮想食車仔面，點知見到「文X」好多人排隊。立即轉戰其他地方，見到有一間係附近，叫「任你點」。見外面既餐牌唔錯，決定試試！款式算多算唔錯！我叫左3個餸，腩肉，大腸，水餃。腩肉有3大塊，好足料，仲要係厚切。大腸算幾入味，又乾淨。最後到水餃，好足料，皮唔太厚，似係自己包的。之後仲加多個墨魚餅，無咩炸粉，好真材實料！但係原來佢地最出名係花膠，下次黎一定要試一試，聽講好足料！

如果我同男朋友想食車仔麵, 一定係嚟呢度👍🏻👍🏻男朋友好中意食呢度嘅花膠, 糖心蛋, 墨魚餅, 日式叉燒, 酸齋......我就好中意佢個清湯😂好清甜, 台灣腸, 鮮蝦卷, 鮮腐皮......有時唔想食粉麵就會嗌最少四個淨餸😋😋佢哋早餐同下午茶仲有牛角包同菠蘿油, 一直都好想試下😋 今日終於食到牛角包🤤牛角包一層層酥皮好香好脆, 加埋碎蛋, 火腿好好味👍🏻今次都叫左清湯淨餸, 有台灣腸, 魚肉春卷, 鮮腐皮, 生菜🤤🤤全部都好好味😋下次要嚟試埋牛腩,牛筋🤤🤤呢度仲可以比客人畫畫同寫意見, 隔離仲有自助斟水站, 好貼心👍🏻👍🏻

第一次嚟任你點車仔麵試下，好彩唔使等位，而且坐圓枱比較闊。佢哋用唔係即棄嘅點餐紙，反而係過咗膠嘅餐牌，幾好👍🏻一早已經同同事揀好咗食乜，2個人叫咗7️⃣個餸share🤩我揀左腩汁沙嗲湯底，好香唔辣，又無味精嘅感覺，配埋粗粗嘅紅薯粉，正呀！我哋叫嘅七種餸包括最出名嘅鮑汁炆花膠、墨魚餅、魷魚、甜酸齋、豬頸肉、蘿蔔同埋糖心蛋。我覺得樣樣都好好食，特別係個墨魚餅，好大嚿，而且非常彈牙，諗起都想食。😋😋😋花膠都好食，不過我本身唔係特別鍾意好，雖然係餸，但份量一啲都唔少，每人可以食到幾塊大大塊。甜酸齋個汁係另上㗎，第一次見，可能因為驚影響個湯底，個汁好正！糖心蛋就好流心，好入味。豬頸肉都唔錯，但細條咗啲。蘿蔔有成四大嚿👍🏻。但最唔好嘅就係個魷魚，冇乜味又勁細條勁碎，呢個餸第日一定唔會再嗌👎🏿但就一定會再嚟食，再食佢嘅墨魚餅同埋試吓其他餸，就係因為同同事share，而且佢每樣餸嘅份量都多，所以可以自製到7️⃣餸車仔麵，仲要只係每人$45。😛😛😛

任你點開店冇耐時我已經去幫襯，間唔中都會返去食，食親都係深水埗分店。今次再來食，開始有啲失望啦😕車仔麵配料叫咗花膠、墨魚餅、生菜、紫菜，麵底揀咗粉絲，湯就揀清湯。以前食就揀豬大腸、雞翼尖、韭菜餃等，因為食得有啲悶（ 基本上我食親車仔麵都係揀呢幾個餸），所以今次專登試咗比較出名嘅幾款餸。首先，個清湯係完全冇味，我飲咗兩啖，食咗幾條麵，最後都忍唔住叫佢幫我加返個沙嗲醬。墨魚餅我以為係好足料好多墨魚粒，但其實似係魚餅嘅味，食唔出鮮甜味，簡單啲講就係冇咩特別。紫菜同花膠亦都好大份，但兩個都係冇咩味😂 雖然成碗面真係幾抵食，直頭可以兩個人share，但係味道好一般，下次都係試返其他餸

在深水埗區一帶有著不少的車仔麵店，這間是以其$12的飽汁炆花膠聞名的，小編是日來到深水埗用膳，當然要過來嚐嚐。小編選了幼麵底$8配上清湯（沙嗲汁），餸菜方面選了最多人點的：$12鮑汁炆花膠、$12手打墨魚餅、$7生菜。麵條爽口，清湯底配上沙嗲醬，咸甜味適中，不會喧賓奪主，一口湯配上一口麵條，就是滿足，墨魚餅彈牙，花膠炆得挺入味，充滿膠質，以十多元的價錢，吃到這質素已十分不錯。這裡的小食選擇頗多（其他如自家製的日式叉燒、溏心蛋也挺受歡迎的），小編會encore再來光顧的！溫馨提示：每碗設最低消費！（1麵3餸起）

深水埗其實有好多間都食車仔麵既，今次就揀左呢間任你點車仔麵，因為平時去親深水埗都係食文記的，想試試新野😝我地晚上七點幾去到，完全唔洗等位。一去到就即刻睇menu睇下食啲咩，都有好多選擇啊😂本身想食四餸，但諗諗下好似太多了，驚最終食唔哂，所以都係叫左三餸算啦。我就叫左瑞士雞中翼、手打墨魚餅、秘制豬紅配米粉（沙嗲汁）🤣我朋友其實一開始叫左兩個餸，但原來呢度最低消費係一麵三餸或淨食四餸。所以佢最終就叫左日式豬軟骨、蛋白魚腐、飽汁炆花膠配蕃薯粉（蕃茄湯）！我覺得個手打墨魚餅真係好好食，好值得試下🥰至於個秘制豬紅就唔係好入味，有啲失望😫瑞士雞中翼相比起來有少許煮得太熟，感覺太淋同埋好細隻😭至於我朋友個碗車仔麵呢，我地兩個感覺都唔係好食到蕃茄，因為我地以為既蕃茄湯應該係全碗都係蕃茄，好濃蕃茄味的，但呢個只係擺左少許既蕃茄係碗車仔麵到！整體來說我覺得都係普普通通，唔算好突出咁！！！

因為諗唔到食咩，所以openrice睇下附近有咩好食，諗住咁多就去試下。。點知中伏。。。。。兩碗車仔麵加一杯凍檸茶。。首先，兩碗麵既湯底都係無味，有腩汁都係無味。我已經唔係重口味既人，都覺得無味。。我叫牛腩，蘿蔔同豬紅。。牛腩大舊，但係好“un”, 無腩汁味。 蘿蔔完全唔入味，同白烚蘿蔔無分別，豬紅不嬲無要求，但係男朋友話唔好食。。男朋友叫豬腸，響鈴，豬軟骨，佢覺得3樣都唔好食，我都試過豬腸好大陣豬“ho”味，豬軟骨已經算係比較好，d肉同軟骨都“林”。因為響鈴真係唔想食，咬左一啖就想吐番出黎最好都係杯凍檸茶，因為我唔飲，男朋友鐘意飲凍檸茶都覺得唔錯。。咁應該真係唔錯。。哈哈。。唔會再食第二次既車仔麵。。。。。

任你點車仔麵主打的是無味精湯底 在得知任你點的車仔麵主打無味精後 我便有種心理作用 認為店內的味道必然是淡然無味我點了豬軟骨及溏心蛋米粉 然而它的味道卻叫我驚喜 與預期中的淡然無味相反 加了腩汁的湯底頗為濃味 而且溏心蛋的確出色 有流心的效果另一方面 友人點了一個冰火菠蘿油(據說亦是主打之一) 友人亦表示真的有冰火的感覺 熱騰騰的麵包🥯夾著冷冰冰的牛油 的確十分吸引而另一主打則為蒜香雞翼尖! 如果有吃過b仔 它正是那種味道 不過份量沒有那麼多罷了

我同老公已經唔係第一次幫襯了今次我換咗麻辣小辣湯底+薯粉配菜係 飽汁炆花膠 蘿蔔 香菇貢丸距個辣係唔會同出邊同一個辣 係特別的根據以往經驗 單嗌花膠會細塊d 如果嗌距包含花膠果d套餐.塊花膠會再大塊d老公係嗌咗沙爹拉麵 叉燒 墨魚丸 蘿蔔墨魚丸真係好墨魚 又香小食嗌咗蒜辣雞翼尖 呢個真係要激推蒜+辣 味道真係剛剛好 must try上次試韮菜豬紅真係麻麻～唔算難食 但無乜特別啦

今日行完黃金見到隔離有間車仔麵 個樣好似幾好咁 我同我既另一半就去幫襯啦入到去個職員就俾咗一個循環再用既膠片餐牌,圖文並茂仲睇落好吸引添 於是我哋就一人叫咗一碗--我自己就叫左瑞士雞翼 日式叉燒 花膠 牛腩汁 幼面，牛腩汁唔算太鹹好配合碗麵 雞翼好嫩滑 反而我覺得花膠就麻麻地 唔係好啱我胃口我 honey 就叫咗豬紅 溏心蛋 牛腩 蕃茄汁 粗麵 豬紅好滑好易入口 溏心蛋就好好食仲有少少酒味 不過蕃茄汁就無咩特別 凍奶茶同熱朱古力就唔係沖得好好飲 下次可以唔叫飲品整體黎講係呢個黃金地段$96 算好抵 而且咁近地鐵站一定大力推介再幫襯!