伍仔記

营业中

休息中

在大埔買了些日用品，順道到市政大樓的大牌檔食晚飯。朋友說這家「伍仔記」他光顧過，甚為抵食，一於再來多試幾度地道小炒。蠔仔腐皮卷 $78腐皮十分薄，炸得騷脆；餡料豐富，最特別的是有新鮮蠔仔，鮮甜美味！其他餡料亦豐富爽口；配合喼汁提鮮，風味獨特，是餐廳的招牌菜。避風塘茄子腰果 $85以大量超香炸蒜作為襯托，便是香港的避風塘特式小炒；這道菜除了有香脆腰果外，軟熟的茄子更釀了新鮮的墨魚膠，鮮甜彈牙，跟茄子的軟熟口感十分夾，推介之選。芝士蝦（伊麵底）$138芝士燴海中蝦，開胃惹味！海中蝦都有剪腳，甚為細心。蝦殼沒有去掉，型態更優美。伊麵底軟硬適中，沾滿香濃芝士，滿足感爆燈！

到大埔探朋友，他帶我去熟食街市中心2樓的五仔記，佢話我知呢度嘅小菜有鑊氣得嚟，味道濃淡適中，於是一齊去試吓招牌魚湯浸菜心，菜心削去多渣嘅部份，食落條條嫩口豉椒炒蜆，蜆肉冇沙，抽得好夠鑊氣同火候，特別嘅地方係個芡汁一啲都唔濃，但係又好惹味，如果唔係因為要減肥，一定係叫一碗白飯撈住食就最好！侍應推介嘅蠔仔腐皮卷，係佢哋嘅招牌菜之一，餡料有蠔仔有少少肉碎，腐皮炸得脆而不膩，上枱嘅時候係非常之香，咬落口聲音清脆，餡料嘅份量配合得好總括嚟講，幾個小菜簡單而做得有心機，抵讚！

雖然高峰時段我們等咗一陣，但這一切都不會影響我們嘅好心情。講到食物，斑腩煲真是難以抗拒。煲仔嘅香氣離遠已經聞到，裡面不僅材料豐富，味道層次也分明，斑腩有骨又有肉，滿足各人嘅口味。鱆魚蓮藕煎肉餅，外面煎得焦脆，裡面有粒粒蓮藕，搭配豬肉，口感真的很好。椒鹽泥鯭絕對值得一試！魚肉炸得金黃酥脆，非常惹味。酥炸墨魚，外層酥脆，裡面嘅墨魚新鮮爽滑，吃得出真正嘅鮮甜，而且不會油膩。涼伴涼瓜作為清爽嘅配菜，讓整餐嘅口感更平衡。涼瓜爽脆，搭配特製的醬汁，清新開胃。

尋找地道美食，今次來到大埔街市2樓的熟食中心，這里熱鬧非常。伍仔記是必食之選，提供多元化大排檔招牌菜。還設有海鮮來料加工。椒鹽雙拼選了沙追及大腸，沙追魚營養豐富，炸至外皮金黃色，非常酥脆，雙拼配搭炸大腸的香脆口感，味道香而不膩。炸墨魚餅的份量十足，餅身金黃厚實，內裡的墨魚餡料彈牙十足，並且沒有油膩感。啫啫芥蘭煲上枱仍然熱辣辣且香氣四溢，綠色的芥蘭保持了鮮脆的口感。味道濃郁而不膩。加入肉碎更加惹味。每次到熟食中心都能感受到熱鬧和親切的氛圍，食東西不但講求味道，更是一份人情味。

今晚同朋友走到大埔墟街市入面嘅熟食中心食晚飯 ，我地行咗一轉，選了<伍仔記> ，我地都係第一次幫襯，望下餐牌價錢唔貴👍🏿！✨椒鹽蝦惹味之選😮‍💨蝦肉爽口彈牙，份量非常慷慨🤩！✨椒鹽雙拼九肚魚拼蒜香骨香口菜式誰能抗拒😂九肚魚香脆肉嫩，蒜香骨配南乳醬好夾，另有一番風味！✨上湯瑤柱浸豆苗瑤柱絲香甜，豆苗爽嫩無渣，冬天食豆苗時間岩岩好👏。有點不夠喉，追加了拔絲咕嚕肉。咕嚕肉粉漿有小小厚🤏肉質肥瘦適中而且鑊氣十足。

有趣大叔 ，有溫度的晚餐我哋兩個烈女跑去大埔熟食中心搵美食！好耐冇食過大排檔，晚上熟食中心冷氣又夠勁，食起嚟特別舒服。點咗隻紅燒乳鴿，皮脆肉嫩骨香，食一啖就愛上！伙記仲推薦咗上湯勝瓜浸花甲，真係冇介紹錯，花甲鮮甜無砂，勝瓜爽脆多汁，上湯唔會太咸，啱晒口味。仲叫咗個蝦乾椰菜粉絲煲，鑊氣十足，份量夠晒，蝦乾又大隻又香！最後，朋友仔話好耐冇食過生炒糯米飯，結果一試就唔停口，糯米飯干身煙韌，臘腸臘肉香口，再加少少蔥花，冇咁油膩，完美！必食推薦：❤️❤️ 紅燒乳鴿 ❤️❤️

朋友介紹咗呢間幾好食嘅小炒，我哋自己喺樓下買咗條魚拎上去加工，之後再喺度嗌咗幾個小菜，味道好好，蒸魚時間啱啱又甜又滑，炒西蘭，花炒蜆好好味，加咗個清清淡淡炆豆腐，仲有一兩個小菜，呢間真係唔錯，朋友介紹得好好，有機會一定再嚟

今次朋友介紹喺街市地下先買海鮮再去樓上熟食區做加工今日試咗呢間加工味道做得好好，我哋叫咗個椒鹽瀨尿蝦，椒鹽鮮魷，炒蜆，白灼蝦，廚房師傅手勢做得好好味道真係唔錯，可能係自帶海鮮嘅關係，係特別好食嘅，以後會在嚟食🥰

颱風襲港晚上6點左右改掛8號風球，幸好老細識做給予員工提早放工， 街市已經搶購一空，好彩在大埔舊街市大牌檔(伍仔記)照常營業，真的解决了打工仔苦惱👍👍地道親民大牌檔小炒好有鑊氣🥰🥰❣️仔腐皮卷外脆內嫩，餡料豐富，肉粒粒脹卜卜鮮甜味美多汁，口感層次豐富。香氣四溢，搭配醬汁更添風味。❣️菠蘿生炒骨肉質的嫩滑juicy，炒制後外焦內嫩與菠蘿的酸甜巧妙融合。菠蘿的清新酸味不僅提升了整道菜的層次感，還平衡了豬肉的油膩，讓人食欲大開。❣️凉瓜炆䱽魚魚肉鮮甜滑嫩，炆煮後吸收了凉瓜獨特的清香回甘，味道鮮美而不油膩。

🔥走進熟食中心，晚餐時間這裡好旺人，各式各樣的美食攤位，讓人垂涎欲滴🍗，這裡是不少人的晚餐首選。除了美味的食物，這裡還充滿了市井的氛圍，隔離的食客們都可以邊食，邊傾計，👍🏻店員們都好客熱情，幾快手。海鮮雜菜煲，搭配好豐富，淋甜白菜，西蘭花🥦，更有入味的粉絲，爽口木耳，海鮮方面，口感豐富，爽口的蝦球同魷魚，🥢更添鮮味。食鮑魚😋真係第一次食呢款用椒鹽製作嘅方式，口感香口，而且可以食到鮑魚厚肉嘅口感，💖配上香脆嘅外層，非常過癮。

今晚和家人來到大埔熟食中心，早就聽聞這裡人氣鼎盛，果然名不虛傳！還沒踏入中心，就已經感受到熱鬧的氣氛，人潮絡繹不絕，幾乎每張桌子都坐滿了人，看來這裡是不少人的晚餐首選。媽媽平常都會和朋友來這裡聚餐，今天終於帶我來體驗一番。我們找了一張空桌坐下，仔細研究菜單，琳琅滿目的菜式讓人眼花繚亂，最後決定點三道經典菜式：黃金蝦、蒜蓉蒸吊桶仔和薑蔥豬膶鯇魚卜。黃金蝦一上桌，金黃色的外皮就讓人食指大動，香氣撲鼻。輕輕一剝開外殼，鮮嫩的蝦肉就露出來，沾上鹹蛋黃的醬汁，鹹香的味道在口中蔓延，讓人忍不住一口接一口。蒜蓉蒸吊桶仔的鮮甜更是令人難忘。吊桶仔的肉質鮮嫩，肥美多汁，用蒜蓉蒸制，保留了海鮮的原汁原味，每一口都充滿了海洋的鮮味，讓人回味無窮。薑蔥豬膶鯇魚卜則是一道令人驚艷的菜式。豬膶和鯇魚卜的口感都非常棒，豬膶軟嫩，鯇魚卜爽脆，配上香濃的薑蔥醬汁，味道層次豐富，令人欲罷不能。除了美味的食物，大埔熟食中心也充滿了市井的熱鬧氣氛。周圍的食客們一邊享用美食，一邊聊天說笑，熱鬧非凡。服務員們也都很熱情，雖然人手不足，但依然盡心盡力為顧客服務。

朋友外國回來，😋帶佢食下地道菜👨🏼‍🍳最傳統少不了香港情懷大排檔風味，係大埔舊墟街市2樓熟食夜市，專做少炒，夜晚人流都幾多，好多餐桌，幸好不好等位👍🏻🍖脆皮椒鹽豬手脆皮好惹味，幼椒鹽脆卜卜，送飯送啤酒一流🐮薯仔一口牛黑椒味牛肉細細粒，軟冧多肉汁🥬招牌魚湯浸菜心魚湯底吾會太鹹，菜心新鮮幼嫩，大碟份量十足🥢豉椒炒蜆青椒炒蜆肉香噴噴，好新鮮，即炒夠鑊氣🌟支持香港小店🌟大排檔情懷風味

同屋企人提早過冬，由於好多餐廳都趁機加價，所以最終決去街市熟食中心，感覺即使加價都唔會太犀利🤔。第一次夜晚去熟食中心食晚餐，亦係第一次喺樓下街市買海鮮上去加工，估唔到又幾好味喎😯，啱哂一大班人嚟食。以下係我地自己買嘅海鮮加工：蝦我地揀左用豉油皇整，我印象中係$60/斤🤔。呢個蝦整得好好味，蝦殼炸到近乎可以食埋，豉油皇調得好香，少少鹹，如果送酒就一流。我地有兩桶蠔，分別揀左薑蔥蠔煲同炸蠔，印象中係$80/桶。由於我地D蠔好肥美，所以煮完都仍然大大隻，鮮美多汁!! 😋炸蠔炸粉好薄，增加酥炸口感。兩款口味中，我個人比較中意薑蔥款，一嚟薑蔥增添風味，二嚟無咁油膩🤤。花甲用最經典嘅豉椒炒，調味適中。不過由於我地等整人先上枱，職員可能喺廚房炒定先，所以到上枱果陣唔熱，有點可惜😐。最後蒸魚，印象中唔同整法唔同價錢，呢條魚好似一百左右。正正常常，唔會太老。另外叫左幾個小菜，分別有椒鹽鮮魷 $118呢個鮮魷有點失色，炸過龍，食落好乾、魷魚好硬又唔彈牙😫；拔絲咕嚕肉 $98拔絲就唔太覺，但肉多過肥，啱啱煮出嚟果陣仲食到少少脆。菜遠牛肉 $85牛肉分量唔少，而且唔會好韌，不過就油左少少。最後叫左幾碗白飯同汽

一去到，個老闆拉我地去食我地見有唔少人食就諗住試下，結果中曬伏！🤬🤬🤬🤬🤬全部菜色都冇鍋氣，一係冇味，一係太重口味！魷魚唔新鮮、菜煮過龍、咕嚕肉太酸、鵝腸咬唔郁，連白飯都有啲硬！😤😤😤😤😤又唔係便喎，係度係咁推薦一啲好難食嘅菜色，好似食緊廚餘咁🤮🤮🤢嗌咗8碟鎹 ，結果個白飯最好食😕失望至極原來客人嘅數量多並唔代表間嘢好食我阿嬤都整得好食過佢🤦🏻‍♂️PS：間嘢連服務態度都差過人！劣中之劣

大埔墟街市熟食中心有好幾間大排檔，其實都差唔多，價錢差唔多($100上下一個小菜)份量都差唔多(偏細份)，質素都差唔多(不過不失)。烤鱔得10舊，連半條鱔都無，開價$158咕嚕肉又整得太酸其他菜色就中規中矩，份量偏細，大食啲的話可能要人頭+2 先夠飽以往幫襯開九龍(深水埗、大角咀)一帶嘅大排檔，又碟，又有鑊氣，價錢仲要平過大埔大埔唔算好多野食，但都有好多餐廳食肆抵食過好食過熟食中心嘅大排檔市政街市嘅租估計唔會好貴，做生意賺到咁盡唔好怪人都北上消費