伙頭仔小廚

营业中

休息中

老公今日第一日學車，佢緊張到飛起，仲話師父扼左佢10分鐘，學完塔西鐡由元朗返屯門，塔西鐡通常都會去雅都既food court 食，因為大家可以食吾同既野，又方便。老公話佢可能太緊張，所以無咩胃口食野，所以佢叫左”伙頭仔小㕑”同呀仔一齊share 一個飯。雞扒漢堡扒白汁蘑菇飯$39： 一睇過賣相真係吾太吸引，食落塊漢堡扒又干又實，塊雞扒啲肉勁鞋，連我個仔都唔太吼，搞到我地要比電話佢睇先搞得掂。如果要飲汽水，要額外加$5，但我吾記得左加比佢。

小弟分別兩次光顧此餐廳的外賣頭一次說好的2人餐，菜心 雞翼 中式牛柳！味道方面來說問題不大！ 但份量方面太小了！簡單黎講只屬於1人半餐！我一個人也可以吃下整個2人餐！但缺點係凍奶茶送黎之前已經漏到成個袋都係！第二次再光顧時 醒目左唔再叫2人餐了，叫左兩盒碟頭飯跟2杯熱奶茶！中式牛柳上次食過，味道依然好味熱奶茶 比較苦，得1包糖真係太小了最神奇既地方就係果盒蕃茄炒蛋飯！小弟第一次食到咁樣既蕃茄炒蛋！炒到隻蛋老哂，然後下面加豉油汁上面d蕃茄又分開黎炒...難聽d講呢盒野睇見就想嘔....試問邊個叫蕃茄炒蛋唔係為左佢d蕃茄汁撈飯...呢間舖係咪搞笑丫 求其比幾舊仔既蕃茄我！仲要撈豉油汁.... 好難食....蛋既份量係幾多...但炒到老哂呢我要食蛋我不如叫芙蓉蛋飯....成盒飯食左兩啖...丟左落垃圾筒，唉....