低調高手

营业中

休息中

只要是雞蛋仔的愛好者，相信都一定有聽過低調高手這間位於筲箕灣的傳奇名店⭐️最近這間人氣小店更加廣開分店，令其知名度再次急升💥這次我就來到了其位於銅鑼灣的分店，看看分店是否也能夠保持水準👀———————————————————————要試出一間雞蛋仔店的功架，原味絕對是不二之選😌雞蛋仔賣相相當堅挺圓滿，完全沒有扁塌或甩皮甩骨的情況出現👍🏻入口口感非常香脆💥內裡蛋漿半滿🐣外脆內軟的效果不俗👌🏻但圍着每粒雞蛋仔的脆邊位置就略嫌過硬😕當雞蛋仔冷卻後邊位的硬度就更加明顯🥴大大影響了整體口感👎🏻同時蛋香方面亦未算突出🤨以$28的價位來說，難免會令人有點失望🥲除原味以外最廣受好評的口味就是黃金雞蛋仔🏅鹹蛋黃的份量十分慷慨😝蛋黃碎平均地撒滿整份雞蛋仔，每粒都有充分的鹹香味道😆但如此份量的鹹蛋黃反而令整體口味過鹹😅原本未算突出的蛋香味更加被完全掩蓋😣實在有點弄巧反拙🙃———————————————————————這次光顧的雞蛋仔水準只屬中規中矩🤨未算配得上其人氣地位和進取的定價🧐相信質素比低調高手好的雞蛋仔店比比皆是🫢

在中央圖書館借完書，下晝3點3，想食少少野。記得低調高手在附近開了分店，上次試過跟 Google map 搵唔到。睇左網上食評，教搵營多超市，係條橫街入面。行到附近已經聞到蛋香。無人排隊，要了原味雞蛋仔（$26）。前面有一個人等緊。落完單佢即整。等左5分鐘左右。好脆，有蛋香，唔滯。可以一試。多年前在筲箕灣食過夾餅，印象中不錯。朋友話，好味既小店，趁佢仲係好食，得閒就去食多一兩次。如果唔係，一多人就唔好食，一少人就執。

筲箕灣總店成日都要排隊，銅鑼灣就唔會，而且有枱又有冷氣，夏天去食舒服很多。我叫咗格仔餅，加晒數有醬，一份$26。不過食物就感覺總店好味多，因為真係做到外脆內軟。銅鑼灣而家覺得比較有啲冧唔知係咪因為有冷氣，又掛住影相整冧咗。我可能下次都係等天氣冇咁熱去總店食。

今早聽到兩位同事談論，原來咁近公司，都要行10分鐘，可接受的本來想去嗰頭茶記午餐我先去買雞蛋仔先好特別，在營多撈麵舖頭裏面原來可whatsapp 預先落單。因為即整，只有我一個客，我等了10分鐘我又想試埋奶醬格仔餅，又買埋等待期間，我問了職員，是可以在whatsapp 註明取貨時間，邊款雞蛋仔和格仔餅多年前，行完龍脊，落番sau kei wan, 箕我有排過隊買,我記得無特別前月，我在港島香格里拉自助晚餐，有食過，當時覺得雞蛋仔，食緊空氣買完，我去附近的禮賓閣會合同事。我望住格仔餅和雞蛋仔，我食完唔使食午餐。我只叫最愛凍檸茶。呢間茶記的紅茶底非常滑。坐近茶水檔，沖茶時聞到紅茶香味雞蛋仔不及媽咪雞蛋仔有蛋香。凍了都脆， 但食空氣，無媽咪雞蛋仔咁足料。$26，貴！媽咪雞蛋仔只要$20早上，同事們告訴我夾餅好味啲。我覺得夠厚身，但都係有點空氣。醬是好味的。夾餅最好味是在紅磡，我食了20幾年

蘋果格仔餅，好好食！喺門口睇咗好耐點解營多idol Market會係得獎熱點呢？點解會有雞蛋仔同格仔餅買？最後才睇到低調高手銅鑼灣分店！立即跑入去買格仔餅食，3分鐘有得食蘋果格仔餅！非常開心，唔使頂住太陽，熱辣辣，有冷氣嘆住等嘢食😙😙😙

行過聞到雞蛋仔香味，估唔到咁低調地開咗係印尼超市入面，有室內冷氣。之前周不時去筲箕灣食，而家開咗係銅鑼灣，雞蛋仔新鮮即製，真係好鮮香蛋味。朱古力味嘅雞蛋仔，入面有朱古力粒粒，食到一半會有少少甜，雞蛋仔質感保持水準，外脆內軟。下次再食另一款。

依間遠近馳名嘅雞蛋仔小食店最近積極開分店，終於唔使再走入東區都可以試到啦！今日就去咗銅鑼灣試吓佢嘅雞蛋仔！雞蛋仔除咗有原味仲有好多種唔同味道，有：朱古力，雙辣，蘋果同黃金（鹹蛋黃）。蘋果雞蛋仔$38每一粒雞蛋仔入面都有粒蘋果蓉，蘋果蓉酸酸甜甜非常開胃！而雞蛋仔嘅甜味，亦都可以中和蘋果嘅酸味，令到成件事非常之夾！雞蛋仔亦都充滿着蛋香味，亦都做到一半空心一半蛋糕嘅效果！雞蛋仔亦都係即叫即做，所以如果前邊有幾間排隊賣緊嘅話，都要等一段時間先可以有，但為咗食新鮮出爐嘅雞蛋仔係值得既！

4/7 C33號單嘅格仔餅顧客是我。叫咗一份格仔餅切兩份，等緊出單嗰陣，已經見到女職員似乎見到塊格仔餅冇格仔紋，做唔到正常鬆脆效果，但佢都照攞出嚟當冇事發生。作為顧客，我好明白，只要係整熟咗，都係餅一份都係落到肚嘅，既然佢唔介意照serve比我，我當然都會照要啦。臨走嗰陣，同職員講咗一句「希望下一底係正常架啦」。冇嘅，純粹對於噉出名嘅格仔餅鋪冇做好質素管理有啲失望，與其再次失望，下次都係慳返廿六蚊算啦。

—放工趕過去 因為鋪頭收1930二訪終於食到 原來識行喺皇室堡過去係幾近🥞原味雞蛋仔($26)見店員不停手地製作 咁肯定係新鮮出爐等緊嗰陣可以行下營多超市 有冷氣涼唔錯Wowww 個外殼真係做到薄脆很酥化咬落去一半中空 另一半係軟綿內餡 唔太甜作為小食幾輕盈唔會飽肚很欣賞薄殼 但同時鍾意蛋糕內餡再實在d嘅版本———————————————————————低調高手 (銅鑼灣分店) 銅鑼灣信德街1-7號美蘭閣地下A號舖

黃金雞蛋仔 $38低調高手名氣不少, 基於地理位置的原故, 一直沒有機會品嚐到其出品, 即使今日來這間分店, 也是需要點堅持, 因為距離銅鑼灣中心也有點距離, 不過要吃好東西, 堅持是需要的。這分店位於信德街的 Indomarket 內, 未入 Indomarket 已嗅到蛋香, 低調高手對出設有立食區, 可邊嘆冷氣邊吃美食。看了看餐牌, 有雞蛋仔和格仔餅兩款小食, 味道方面則有甜酸苦辣鹹各一款, 是次選了黃金雞蛋仔, 付款後, 在等待叫號期間, 可在 Indomarket 內逛一逛。黃金雞蛋仔即鹹蛋黃雞蛋仔, 蛋香撲鼻, 鹹蛋黃鹹香, 不會蓋過本身的蛋香, 鹹蛋黃份量適中, 但分佈略微不平均, 近邊緣的雞蛋仔鹹香味道略微不足, 不過中間較足鹹蛋黃的雞蛋仔, 明顯惹味。點單後即叫即製, 以為交來會很燙手, 怎知不是那回事, 雞蛋仔冷卻得快, 但仍保持著邊脆, 內外軟綿的狀態, 不似坊間的會整粒變硬, 令我眼前一亮, 果然是名不虛傳。

揾咗成條街，原來喺 indo market 入面，距離銅鑼灣鬧市10分鐘路程。呢間暫時仲係全港島最好食嘅雞蛋仔，外脆內軟，有啱啱好嘅朱古力粒粒，唔會太甜，係遠咗D，要特登行過去買。

星期六下午去到都幾多人 至少都有十張單係我前面ö總共有5款雞蛋仔口味、5款格仔餅味道👅🧇黃金格仔餅🧇 ($38) 食得出格仔餅個漿同雞蛋仔個個唔同 格仔餅幾彈牙 但可能夾住砂糖同埋煉奶 我覺得有甜左d反而蓋過左鹹蛋 之前我朋友試過原味 覺得個個好食d🫶🏻～ 但總括而言 我覺得都係一個合格有多既夾餅！🔥味道：🩷🩷🩷.5/5 📍低調高手 (銅鑼灣分店) (銅鑼灣)地址：銅鑼灣信德街1-7號美蘭閣地下A號舖

早排低調高手係銅鑼灣開咗分店,想食呢間嘅雞蛋仔/格仔餅🧇可以唔使去筲箕灣,就有得食😍位置位於營多超市入邊,人流比較少,所以等咗10分鐘就有得食👍🏻#黃金雞蛋仔 $38雞蛋仔拎上手熱辣辣😍外層脆口,裏面有一半係實心,一半係空心,口感有少少煙煙韌韌,蛋味濃郁,鹹蛋黃味香濃😋

低調高手今日賣完旗同一個foodie去咗附近一間熱爆嘅掃街小食店叫「低調高手」，呢間小食店最近越開越多間，銅鑼灣分店就喺營多超級市場入面，跟住google map行，Google map話到咗，一望超市入面原來「低調高手」真係咁低調，我哋買咗一個原味雞蛋仔，另一個買咗金沙朱古力格仔餅，好彩呢間分店無咩人排隊，好快就拎得走啦！1.金沙格仔餅$40（9.5/10）呢個金沙格仔餅入面搽滿金莎朱古力，少少甜之餘，又有粒粒花生，格仔餅外脆內軟，好好味！2.原味雞蛋仔$26（9/10）呢個原味雞蛋仔外脆內軟，唔錯唔錯！2人總共價錢$66個人口味總評分：9.25/10@master_low_key_food_shop地址：銅鑼灣信德街1-7號美蘭閣地下A號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#低調高手 #銅鑼灣 #銅鑼灣好去處 #銅鑼灣美食 #相機食先 #香港美食 #掃街美食 #hkfoodie #hkfoodblogger #hkfoodpic #hkfoods

知道了不用去筲箕灣就可以食到星級雞蛋仔，就來到在銅鑼灣與天后之間的這一條小巷內，在一間印利雜貨店内找到了！好一陣子沒有去筲箕灣本店，不知道是否一樣也增加了這麼多的款色選擇。星期二的黃昏時段，人不多，只等了六個號碼，在室內有冷氣，又可以逛逛東南亞食品超市，我還因此而買了咖喱醬和平價蝦條！約8分鐘後，我的原味雞蛋仔便到手！已經唔記得其實筲箕灣店的雞蛋仔如何，但到手的這一底，未食已聞到蛋香，外脆、內軟，熱辣辣，絕對是好的港式小食！