住家飯

营业中

休息中

上次跟朋友去屯門挖到寶了！居然發現一家超抵食嘅雞煲啤酒放題！人均158蚊就能無限時雞煲+火鍋+啤酒，性價比直接拉滿啊！🥳 週一到週四去最抵，成人158蚊，小朋友和長輩128蚊，仲唔使加一！週五到週日或者公眾假期就貴20蚊，但依然抵食！ 雞煲選擇超多，川味麻辣、台式三杯、沙嗲、咖喱呢啲經典口味都有！我哋點咗大排檔同台式三杯，雞肉超多而且好嫩滑，煮得超入味，甜嘅夠香，直接食到停唔到口！呢個價位可以食到呢個質素，真係冇咩好挑剔，我一個人都食咗好多雞！🐔 食完雞煲就可以開波火鍋啦！湯底可以揀忌廉雞湯或者沙嗲，都超濃味！火鍋料多到眼花，美國雪花肥牛、西班牙豚肉片、嫩滑雞件、羊肉片呢啲肉肉任點，仲有芝士腸、雲吞、各種丸類、蔬菜、烏冬乜乜乜，反正諗得到嘅基本都有，隨便煮都好食！🥩 蒜辣雞翼尖辣得過癮，涼拌青瓜超解膩，炸饅頭蘸煉奶簡直係靈魂組合，仲有炸蝦片、炸春卷呢啲，一口一件停唔到口！肚餓仲可以叫份迷你肉燥飯，真係唔知幾滿足！🍟 啤酒控開心到飛起！雪櫃塞滿晒各種牌子嘅冰啤酒，藍妹、健力士、Asahi、青島呢啲都有，想飲邊款就拎邊款，無限續杯正到爆！唔飲啤酒嘅朋友都唔洗擔心，仲有奶茶、咖啡、阿華田、凍

最近同朋友去咗屯門食雞煲啤酒放題性價比超高！！多款啤酒任飲！雞煲仲可以無限添加😍 仲要冇限時間！環境乾淨企理坐得舒服～星期一至四：成人＄158小童/ 長者＄128（免加一） 星期五至日或紅假每位加$20每日5點前入座全單9折 🐓川味麻辣滑雞煲🌶️🐓大排檔奇味滑雞煲🐓特濃沙嗲滑雞煲 🐓台式三杯滑雞煲🐓港式咖喱滑雞煲 我哋叫咗川味麻辣滑雞煲同埋台式三杯滑雞煲 雞件好多 而且雞肉都幾嫩滑 仲好入味 呢個價錢冇嘢好挑剔！我自己都食咗勁多雞😆🐓食完雞煲就可以火鍋🍲 有數十款火鍋料 可以揀香濃忌廉雞湯底 或 特濃沙嗲湯底 有超多選擇！例如：美國雪花肥牛 西班牙豚肉片 嫩滑雞件 羊肉片 芝士腸 生根 鮮牛肉 雲吞等 仲有大量丸類 蔬菜 烏冬 雞蛋等等～仲可以叫特色火鍋小食😆有蒜辣雞翼尖 涼拌青瓜 炸饅頭 炸蝦片 炸春卷 迷你肉燥飯 孜然炸茄子 有好多唔同牌子嘅冰凍啤酒 🍻例如健力士 藍妹 生力清 醇滑嘉士伯 Asahi 青島 另外亦有多款即沖飲品 例如奶茶 鴛鴦 咖啡好立克 朱古力 阿華田 鮮檸茶 利賓納 菊花蜜 柚子蜜 雪碧 紅豆冰 可樂 etc結論係性價比真係好高 如果你哋鍾意食雞煲飲啤酒 真

山長水遠入屯門探朋友，佢帶咗我去住家飯食雞煲，性價比極高！呢度$158 就可以無限時嘆到大排檔風味雞煲，仲要無限添，連啤酒都任飲，食完雞煲仲有得打邊爐任食，嘩！抵到爆唔好以為價錢平，質素就將就！絕對無呢回事，雞煲上到黎，色香味俱全，份量勁足！兩條友三兩下手勢就KO 左啲雞，即加湯打邊爐打邊爐配料，小食，飲品都係APP 自己點我好欣賞佢set 到啲單位一件一件咁，可以食幾多點幾多，絕無浪費邊爐料應有盡有，牛羊雞豬，丸菜腸等等，上菜速度都幾快，轉個頭小編已經食到好飽，但幾飽都好，打邊爐唔少得食返個公你麵😆另外試左幾款炸物小食，蝦片勁香脆而且厚片，食到唔停口春卷係米線素菜饀，熱辣辣，好香口炸饅頭點煉奶，無得頂蒜香雞翼尖，唔太辣，蒜味多啲，一碟唔夠喉啤酒汽水，冰箱自助拎，員工refill 得好密，全部都好冰凍爽口！又一餐平靚正，抱住個肚走出餐廳難怪鋪頭坐滿之餘，門口仲咁多人等位👍🏻住家飯 (屯門)📍屯門青海圍8號屯景大廈地下C號舖#hkfoodie #foodiehk #foodie #hkfoodblogger #food #foodblogger #foodporn #香港美食 #香港必

介紹返💁🏻‍♀️。。🇭🇰 無限時雞煲火鍋 在屯門 🇭🇰。住家飯 HomeFood。屯景大廈地下C號舖。無限時 雞煲火鍋啤酒放題川味麻辣滑雞煲。大排檔奇味滑雞煲。台式三杯滑雞煲。港式咖喱滑雞煲。特濃沙嗲滑雞煲。星期一至四 - HKD158。星期五至日 或 紅日 - HKD178🤫 尋日腳仔又帶我喺大西北覓食..佢話今次要去食港式茶記地道雞煲火鍋..位位百六蚊有找唔使加一😳仲要係無限時任食😱本來聽到以上幾隻字嘅介紹個心都已經打定輸數..諗住係捨命陪君子..地方好可能會係大排檔坐街邊..好有風味唔太乾淨嗰隻🤪點知去到位於屯門市中心邊皮位嘅呢間住家飯又有啲驚喜喎🤩估佢唔到係一間地方好新淨企理..整整齊齊有卡位嘅茶餐廳～🤫 呢度雞煲有五種口味任君選擇..分別係標明辣椒仔嘅川味麻辣雞煲..仲有平時食雞煲好常見嘅奇味雞煲..聽到周圍每枱都叫嘅三杯滑雞煲..仲有比較少見嘅港式咖喱雞煲同埋我哋揀嘅特濃沙嗲滑雞煲～🤫 咁應該係因為佢哋呢度嘅滑雞煲寫明即叫即炒..所以雞煲上枱都需要用上五至十分鐘左右時間..期間我哋可以用QR code先落咗一啲放題任食嘅小食同埋飲品食住等..小食嘅選項唔算話好多..主要係兩種

餐廳內環境寬敞，仲有自肋醬料俾你調配味道。雞煲係即點即炒，仲有5種口味揀架雞份量好足料，好有大排檔風味啊雞肉質鮮嫩多汁，而且佢炒得好內味，另外佢仲加左啲洋蔥，生菜同粉絲，粉絲吸晒啲雞既精華，好野味啊。當食雞到咁上下仲可以加湯同點下小食同其他配料一齊烚吓烚吓而且佢配料種好多同新鮮，尤其最愛食佢既雪花肥牛同鮮蝦雲吞，雲吞鮮甜多汁，好好食。我哋食到最後一秒都繼續食。飲品除左汽水啤酒任飲之外，你仲可以任點朱古力奶，咸檸七，紅豆冰等既飲品…岩晒我咩都想試既人而餐廳店員好貼心周到，約朋友反聚一聚真係岩晒

$158就可以無限時任食雞煲+任飲啤酒。平日去$158仲唔使加一，週末貴$20都仲抵過去茶餐廳叫個扒！雞煲款多到選擇困難症發作，川味麻辣夠癢、三杯夠香、沙嗲夠濃，我哋嗌咗個雙拼，雞肉嫩到好似BB肌，汁又夠味，舐埋手指都仲想再食🤤食完雞煲仲可以轉火鍋，忌廉雞湯底濃到見到奶皮，涮咩都好食！配料多到要兩個雪櫃先裝得晒。最正係啤酒任飲！青島一支支排到整齊，我個friend話呢度簡直係「啤酒控嘅天堂」，飲到面紅紅仲話要續攤🤣 唔飲酒都有奶茶、凍檸茶，即沖都幾好味，總之無人會空肚走。

大排檔風味雞煲最豐盛即炒雞煲啤酒放題川味麻辣滑雞煲小辣風味雞煲總是吸引著眾多食客的目光。這道即炒雞煲的啤酒放題，更是讓人無法抗拒。煲中的雞肉鮮嫩多汁，經過秘製醬料的調味，味道香濃，令人垂涎。每一口都能感受到香料的層次感，辣味適中，讓人一口接一口，欲罷不能。在這裡，啤酒與雞煲的搭配更是絕妙，冰涼的啤酒能有效中和雞煲的辣味，讓整體口感更加平衡。用餐環境輕鬆自在，與好友圍坐一起，共享美食，實在是享受生活的一種方式。享受到新鮮的食材，讓人回味無窮。用餐環境輕鬆自在，QR code 落單$168 無限時任食仲要免加一抵食！

喺屯門搵到呢間超抵任食雞煲，真係物超所值 .ᐟ.ᐟ 環境雖然唔算豪華，但勝在夠地道，就好似返到屋企食飯咁 ᴡᴀʀᴍ。服務態度都幾好 ·͜· ♡○ 任 食 雞 煲 無 限 追 加𝐌𝐎𝐍 - 𝐓𝐇𝐔 成人 $158 小童 / 長者 $128𝐅𝐑𝐈 - 𝐒𝐔𝐍 每位加 $20- 5 款 雞 煲 口 味 任 揀 -川味麻辣、台式三杯、大排檔奇味、特濃沙嗲、港式咖喱。最後揀左台式，甜鹹平衡完美，九層塔香氣濃郁，雞肉滲透醬汁夠晒入味 ( ੭ ˙ ᗜ ˙ )੭湯底都有兩款可以揀，香濃忌廉雞湯奶香濃郁；特濃沙嗲湯底花生味香甜，層次豐富。- 港 台 式 火 鍋 配 料 任 食 -依度最貼心係全部配料都係遂件 ᴏʀᴅᴇʀ，食完唔夠喉再叫唔驚浪費 ٩꒰ ˘  ³ ˘ ꒱۶重點推介美國雪花肥牛係原碟上，油花分佈均勻；另外鮮魚片都係必點 ( ˶ˊ ᵕ ˋ )੭ 入口超鮮嫩 ~- 多 款 特 色 小 食 -涼拌青瓜爽脆清香，酸甜開胃醒神；迷你肉燥飯夠飽肚；孜然炸茄子外脆內軟，孜然香料濃郁。- 飲 品 任 飲 -基本汽水茶記飲品都有齊，特飲有忌廉泡泡好立克 / 朱古力 / 阿華田同咖啡紅豆冰。另外仲有啤酒放題：藍妹、

最近同朋友喺屯門發現間雞煲＋啤酒放題店，人均 $158 就可以 無限時任食任飲，真係超抵！🗓 週一至四最平：成人 $158，，唔加一；週末或假期貴 $20，依然抵食！🍗 雞煲款式豐富：川味麻辣、三杯、沙嗲、咖喱等樣樣齊，我哋叫咗＋三杯，雞肉夠嫩滑，入味到停唔到口。🔥 火鍋加持：湯底有忌廉雞湯、沙嗲，肉類同配料多到花多眼亂，點咩都唔會伏。🍻 啤酒控天堂：青島等等任拎任飲，仲有奶茶、凍檸茶、咖啡等即沖飲品。🪑 環境舒適：座位闊落、乾淨企理，無限時邊食邊傾最啱朋友聚會！總結：性價比超高，鐘意雞煲同啤酒嘅朋友絕對唔可以錯過，我已經諗緊幾時再去！地址：屯門青海圍8號屯景大廈地下C號舖

喺屯門想搵間雞煲食其實有好多選擇，今日輪到我男朋友帶我去搵食，因為佢話佢想食雞煲，就帶我去咗一間佢之前都有同朋友食過既無限時雞煲🐔除咗無限時之外佢仲要免加一，而且5點前入座仲會全單9折添，所以怪唔之得一早都咁多人，仲要啤酒都任飲。呢度吸引嘅地方係除咗有雞煲之外，都仲有唔同嘅小菜，而我男朋友最鍾意嘅就係呢度有得任食炸饅頭，而且仲要係即叫即炸，超級外脆內軟，配埋煉奶真係一流👍🏼。🐒無限時雞煲火鍋啤酒放題(星期一至四)💰$158(無加一)✅川味麻辣滑雞煲✅大排檔奇味滑雞煲今次試咗兩款雞煲，佢係先食雞煲，食到唔使加雞之後就可以打邊爐，我覺得兩款雞都好入味，而且雖然我哋只係兩個人食，但係佢哋份量都比到好足，所以其實基本食咗兩轉雞之後我哋都飽咗一大半😂而且佢哋啲雞件全部都係啖啖肉，唔會話好多骨打邊爐其實配料都好多選擇，不過我哋真係食唔落，所以就揀咗啲想試嘅配料過下癮就夠👏好似平時喺出面好少食到嘅紫菜響鈴咁，我一見到就忍唔住要嗌，諗到紫菜響鈴嘅人真係要俾個Credit佢😂

#大排檔奇味滑雞煲 ⭐️⭐️⭐️⭐️成日都聽到置樂有間住家飯，最近先知道佢有雞煲任食，即刻同朋友過去嘆返個雞煲先！好有童年回憶啊🤣仲好多街坊幫襯，住置樂附近嘅可以當飯堂🤣⭕️無限時任食同朋友仔一流⭕️唔想食雞煲普通住家飯都有⭕️雞煲好惹味好濃郁 加埋湯做火鍋好滿足⭕️多款配料可以選擇而且任叫⭕️價錢平民好抵食⭕️員工好有親切感佢仲有個紫菜響鈴 好特別大家可以試吓📍 住家飯 (屯門)屯門青海圍8號屯景大廈地下C號舖

今次去咗屯門住家飯試佢哋嘅「無限時雞煲火鍋啤酒放題」，每人只係$168免加一，真係正到爆！一開波就有即炒雞煲任叫，我地試咗大排檔奇味滑雞煲，啲雞肉又滑又入味，個醬汁濃到黐線😳食完一鍋忍唔住即刻encore，侍應加單又快，完全唔會拖拉，亦冇任何漏單情況出現👍🏻 打邊爐環節仲精彩，幾十款料任你落單：安格斯肥牛、手打丸、海鮮、蔬菜樣樣齊，最驚喜係有埋炸魚皮、響鈴卷同炸饅頭呢啲小食，仲有自家包嘅餃子，真係好足料！ 飲品方面除咗汽水同茶，最正係啤酒任飲！打邊爐點可以冇啤酒？冰凍啤酒一杯接一杯，爽到震！ 環境夠闊落，服務又唔錯，最緊要係冇限時，可以慢慢食慢慢吹水。屯門友想搵高CP值放題，呢度真係唔錯！ **溫馨提示：夜晚多人，記得早啲book位！**

呢間位於屯門嘅雞煲真係好好食，首先係佢係放題可以有好多食物可以任食，而配料亦都好多選擇，有肥牛，都好新鮮，又有好多唔同嘅丸😍😍 仲有我至愛既響鈴，而且叫配料嘅時候上菜速都好快，岩曬喜歡速度既香港人，比一個like 👍🏼👍🏼雞煲嘅雞好滑，好有雞味，份量都好多，一煲3-4個人食都唔係問題😎😎 而且味道好岩胃口，好好味😍😍店員服務態度都好好，有禮貌、熱情，而且性價比真係好高，推介大家過來試下😃

今日晚上3個人7點攞飛，等咗一個鐘下一張就到我哋，然後有2位喺我哋之後黎入去坐低咗，覺得可能係訂咗枱/只有細枱就無理到佢哋。但係10分鐘後有四人枱走，以為終於到我哋，點知前面入去嗰2位突然之間轉咗去四人枱，之後叫咗後面2位入去。？？？我哋3個喺成頭問號。覺得佢咁樣安排非常唔合理，加埋我哋在內仲有2張3位等緊，等咗一個鐘，同埋嗰陣已經8點，間舖又收10點，仲要無限時，即係我哋唔使等啦。最後又等咗半個鐘都無人走，決定走人唔等。完全唔識安排坐位，無考慮過後面等緊嘅客人。如果轉枱嗰2位覺得二人枱太細，應該叫佢哋出返門口等，而唔係坐咗十分鐘等有人走先轉。

無限時！屯門獨家最豐盛雞煲火鍋啤酒放題最近去到屯門，試了這間無限時的雞煲火鍋 幾扺食～星期一至四**：成人$158，小童/長者$128（免加一）星期五至日或紅假**：每位加$20優惠每日5點前入座全單9折雞煲特別推介台式三杯滑雞煲，雞肉鮮嫩，醬汁入味！小食炸饅頭是必試的選擇，外脆內軟，搭配煉奶非常美味適合聚會 服務員熱情 唔會趕人走架！比起肉類 我更推薦菜類！好多選擇同款式 飲品都多款茶記選擇！住家飯 (屯門)屯門青海圍8號屯景大廈地下C號舖