住家飯

营业中

休息中

今晚又光臨這間店，本著三百元可以結帳，態度又好，味道又不差，再光臨一次，上一次只得麻辣和三杯雞，今次除以上兩款，還有 港式咖哩、薑蔥生蠔、大排檔奇味和特濃沙爹，我這次便試沙爹雞煲，這個沙爹煲有附上粉絲，味道十足，十分推介！後來我還叫了半份奇味和半份生蠔滑雞煲，要是喜歡生蠔真的要試，蠔味足又肥又好食，奇味只屬一般大排檔炒雞味道，雖然這裡汽水選擇不多，但可以選擇茶餐廳的飲品，也值回票價，連檸樂和紅豆冰都可以任叫，不需加一，那裏還可以以此價錢吃到，這樣品質的雞煲啊！勝價比超值！服務員很窩心！超對再來光顧！

本身想過來食個下午茶，點知坐入位10分鐘完全無人招呼，無視顧客.....嗌野食嘅時候都未講完說話嗰店員已經行開咗，行到門口落單部機嘅位置大大聲問你仲要d咩，中間仲隔住好幾張檯，態度又極不耐煩，雖然近近地就在屋企樓下，但以後都唔會再來.....

很兇口氣很差，都不是太多人很忙，不知道自己在忙亂什麼，還有客人不高興走了，東西也沒有太好吃或難吃，就是一般般，如果服務好點是會加分的，不要這麼兇，基本服務還是要有。

以試伏的心態來這間雞煲，一來這間價錢比左右兩間平，德哥主打雞煲加點心另外一間本身以雞煲出名加炸饅頭。入坐前問清楚是否可以無限添加雞，是可以的，還有兩種選擇，一種是三杯雞，另一種是麻辣雞，我食完三杯雞，之後再叫加麻辣雞，兩者以$168任食價錢，絕對對得起個價，更何況我是早鳥價$148入場，叫了個雞煲，還可叫一個次食，是台式炸物拼盤或蠔餅，我當然叫蠔餅一試，這個蠔餅以為是捧送就會差，絕對不是，這質素已好過好多打冷舖，而且服務不錯，時常走來換骨碟，飲品雖然只得幾款，但茶餐廳飲品可以任飲，例如凍檸茶、凍檸樂、鴛鴦等等都是任飲，而且還免收加一，最後兩個人三百大元有找，世上那裡找到啊！值得推介

諗住係屋企附近食個下午茶，呢間之前都間唔時有食，都知道一向都無乜服務可言，今日老細唔係度啲伙計更加變本加厲，話說三點五十分直入，得返門口張檯，行入去無人問幾位都算，咪自己諗住坐底，坐底前都比個短髮阿姐喝「睇住滾水啊」（我嗰刻其實拉緊張櫈），好啦，讓讓你先。坐底自己scan QR code睇下食乜啦，睇睇下有卡位埋單，咁我又未落單咪自己轉過去啦，轉到過去成檯上手嘅野未執，咁我等等啦，睇住食乜先啦，等左2分鐘未見有人理（當時有成3個伙計）一個係收銀，兩個係入面近出餐位，咁啱有個阿姐行過咪問下可以唔可以執執野，我唔知個阿姐係聽唔到，聽唔明定點，完全無視，連一個「嗯」字都無，無反應咁直接行咗去收銀，坐多半分鐘又無人理，得，既然你地咁把乜閉，我咪走囉，祝你地生意長做長有。

本身諗住食雞煲點知隔離要等位就諗住食呢間，諗住雞煲打邊爐啫，應該唔會伏。叫雞煲送個小菜就叫左個小菜王，我咁大個女真係未食過有汁既小炒王，蝦乾好多，不過食多兩舊恐怕係要洗腎，唯一最好食係隻蝦，因為蝦唔使醃，啱啱好無味。個雞煲叫唔好開火怕痴底，但係我食開既都係開細火調住，唔開火啲雞唔熱仲要有啲係生既，啲雞好鞋，我亦都係第一次食雞煲食唔晒啲雞，叫侍應加湯，加完湯係湯係咸到食唔到，最後加清水。見其他咁多好評，我真係有啲懷疑人生。

天氣又凍又濕，放工係屯門置樂搵食，見到呢間小店 - 住家飯 門口海報寫住$168/人（2位起）有得任飲同任食雞煲火鍋🐥，諗都唔洗諗就入左去試下，店員介紹2個人以上食呢個餐，就會送一碟小菜，見到小菜嘅選擇又多又吸引，都賽係好難選，最後就選左蜜糖薯仔牛柳條， 本身以為碟小菜應該好細碟，點知份量超多，牛柳條好入味而且唔硬，重好夠鑊氣添，好有驚喜～麻辣雞煲我地選左小辣，份量又係超多，無諗過兩個人都有差唔多成隻雞，麻辣越食越好惹味， 除咗有普通雪櫃嘅飲品之外，重可以落單叫檬茶檬賓飲，最出奇嘅係連紅豆冰都有😂朋友話食住雞煲飲紅豆冰🍧真係好爽🥳， 食完雞煲之後仲可以加水黎個任食火鍋，選擇都唔少，牛肉、豚肉、蔬菜、丸類、公仔麵都有，真係可以食得好盡興🤩屯門呢間小店真係性價比極高，店員都好貼心好有人情味，就算好多客，都會過嚟細心講解同問吓意見傾下計咁，唔掛之得一路食都見啲人keep住黎食雞煲啦～住家飯 (屯門)屯門青海圍8號屯景大廈地下C號舖#天天飲食_屯門#天天foodies評分：7.5/10#住家飯 #屯門 #屯門美食 #雞煲 #火鍋 #打邊爐 #hkig #ilovesharefood #beef

街坊好友多次推介，屯景大廈有間叫做「住家飯」嘅餐廳。餐牌寫住無味精，好似喺屋企食緊住家飯咁健康。價錢親民，座位舒適，員工又有禮貌。中午時間人較多，可想幾咁受附近街坊歡迎。✨酸菜魚飯 魚嘅份量都好多，食落一條骨都冇，重點係魚肉質感滑溜好新鮮。還有酸菜和芽菜、豆腐卜索曬湯底嘅精華味道更好。✨卡邦尼意粉意粉彈牙有嚼勁，配上香脆煙肉、蘑菇和洋蔥粒，混合埋芝士，已經好好食，Creamy得嚟又唔膩。✨蔥油雞扒雙蛋飯雞扒香脆鬆軟，煎香咗嘅太陽蛋，撈埋特製嘅蔥油，唔錯。奉送自家湯:✨木瓜花生眉豆蜜棗雞湯真材實料，湯底鮮甜，飲咗唔會口渴。✨凍咖啡紅豆冰幾特別又好飲，呢個組合配搭得好好，鍾意飲咖啡嘅朋友仔可以試下，飲到多層美妙口感。✨熱杏霜杏仁味好濃，入口順滑，好飲。住家飯屯門青海圍8號屯景大廈地下C號舖

嬲到搞左個賬號寫食評，比呢間餐廳雷咗三次第一次喺瑞士雞翼撈丁，D汁唔夠，撈完淨係得一半有色，一半仍然喺麵色，根本唔夠汁，結果要自已加汁。第二次喺蜆肉蒸水蛋，蒸水蛋唔係叫你蒸蛋加水，個蒸水蛋完全冇味，得一堆水，又喺要自己加汁，加豉油。第三次，就喺今次，雲耳金針蒸雞飯，首先D雲耳又喺好啖，餸唔倒飯，個D雞仲要超多骨，個飯連盒連飲品$57，隔離之前間巧手個北菇蒸雞飯$14，唔算啖啖肉都叫有骨有肉，你$57就啖啖骨？連有D肉嘅都有一陣怪味，結果最後淨低曬D飯。離曬大譜！仲有，你哋個飯盒、膠袋唔知點解有陣怪味、油味，成個飯盒、膠袋滿曬油，噁心！虧我仲要用2蚊買個盒！

今晚睇戲前仲可以去撐枱腳真係喜樂開心7:30左右來到屯門青海圍這間住家菜，只剩下一二個座位，之後不斷有街坊來幫襯，生意興隆。員工非常有素質，禮貌、熱情，我們先叫：麻辣雞煲火鍋放題。先來一锅抵食夾大件雞鍋一雞兩食。先食雞煲。後加入火鍋湯打邊爐。麻辣雞煲十分之入味、雞肉鮮嫰好味，豆卜和生菜十分和味，倆人於是食得七七八八⋯⋯//當我去拿佐料，員工很醒目地拿火鍋湯料加入雞煲，火鍋雞放題，雖然肚已經幾滿足，但眼球未飽，繼續努力加油，有牛肉。還有肥牛，豚肉、雞肉.南瓜、菠菜，紫菜嚮玲，魚皮，蟹柳，牛柏葉。各種各樣丸類即食麵等等. 各種汽水飲品。任吃任飲。

天氣凍凍地，好想打下邊爐。之前係呢度食過早餐，都想試試佢既晚餐。行過見到佢既任食套餐幾抵，$168任飲任食，就試下佢。首先，可以選擇食雞煲定打邊爐，好耐無食過雞煲就叫左佢既雞煲，但同行朋友唔食得辣，所以只好試下佢唔辣既雞煲。起初都擔心佢唔夠味，但成個煲都好夠味，再加上都幾大煲，兩個人未必食得晒😂因爲佢夠味，所以都食左好多件雞。而雞煲入面亦都放左好多豆卜，豆卜索晒味，好好食食完雞煲後，可加湯再打邊爐，但因為食左太多件雞，所以試唔都太多野，只係叫左炸魚皮同牛肉，炸魚皮脆脆的，正；除左自己點餐既食物，餐廳亦放左好多丸同菜，款式叫多，而且D菜都好新鮮👍除左食雞煲打邊爐，佢個任食餐仲包左個小菜，有幾款比你選，我今次選左蜜汁薯仔牛柳，好好味呀。薯仔外脆內軟，成個小菜又夠味，可惜食左太多雞，只可以食左兩件牛柳同薯仔，好浪費呀，下次要再食最後，除左罐裝飲品，仲可以選茶檔既飲品，選擇夠晒多，讚

天氣實在太凍 打邊爐絕對最適合 加埋食完雞煲再打邊爐 一次過滿足曬嚴寒下食熱辣辣野嘅條件今次係屯門置樂搵到間兩小時任食火鍋雞煲小店二人食雞煲會再送多個小菜🍽️XO醬西蘭花炒鮮魷🥦有穫氣 西蘭花熟度剛好 醬汁帶起鮮魷鮮味今次揀左小辣麻辣雞煲🌶️🐔雞煲一落枱 店員表示已經熟透 可以即刻食雞肉大件 啖啖肉 醬汁香辣濃郁食到一半就可以加湯打邊爐有不少丸類 菜類可供自取😌肉類則可QR CODE點雞肉無限添～但兩人要食曬本身雞煲既份量都好有難度🙈🙈最特別係除左汽水可以任飲外另有特飲 忌廉泡泡朱古力/鹹檸七紅豆冰可以任飲😨用餐當日見到Keep住有人排隊以呢個價錢 絕對係性價比高既任食麻辣雞煲火鍋小菜出色屯門人可以一試😻

#港女覓食到屯門.屯門足料任食雞煲火鍋放題 🚫謝絕味精 ，可以滿足幾個胃既你~✨火焰黑松露雙重芝士麻辣雞煲 （即叫即炒）兩個人食一隻雞既雞煲，相比出面雞煲既份量更多，職員為我地倒上燒酒，再點火，雞既香氣撲鼻，再加上黑松露，芝士碎同埋芝士片，口感更豐富。✨配菜套餐價錢包括（時令蔬菜、午餐肉、牛丸、手工餃、魚皮餃、蘿蔔、蟹棒等等）款式種類眾多，質素都唔錯架！✨雞煲火鍋套餐送一客小菜（只限星期一至四，優惠有限）有成20-30樣小菜比你揀，我地叫左個豉椒炒鵝腸，餐廳以小菜起家，絕無味精，份量十足👍🏻✨飲品有酒水櫃自取，支裝豆漿，汽水等，又可以餐牌內order，有奶茶紅豆冰，忌廉朱古力等。仲要係任飲😍✨醬料請自行到自助醬料吧自行選配。✨除左雞件任食之外，仲要係即叫即整，鑊氣十足，大家一定要黎試試。客人可按自己口味自行添加牛肉、豚肉及火鍋配料，全部都係任叫任食，豚肉選用五花腩肉片，好味道🤤🤤🤤✨總結人均消費💸：$168/1人味道：🌕🌕🌕🌕🌑份量：🌕🌕🌕🌕🌑 服務：🌕🌕🌕🌕🌑 質素：🌕🌕🌕🌕🌑🍴 住家飯 (屯門)📍屯門青海圍8號屯景大廈地下C號舖::::::::୨୧::::::::୨୧::::::

🍽️ 住家飯 📍屯門青海圍8號屯景大廈地下C號舖-老公話今日好想食雞煲，所以帶埋我一齊去屯門食朋友推介嘅雞煲火鍋放題（ $168一位）❤️❤️❤️星期一至四再送一個小菜，不過我哋太飽啦，今次就冇食到🥰🥰🥰真係好抵呀！💫火焰黑松露雙重芝士麻辣雞煲估唔到佢既份量咁多咁大煲😝😝難怪朋友仔推薦一定要嚟食！雞肉嘅份量好多🐔🐔雖然雞肉上枱嘅時候已經煮熟晒，但係一路煲住一路食，雞肉肉質依然滑溜👍🏻👍🏻😆😆而且雞肉同豆卜、蒜頭、芫荽等等嘅配料都好入味😍😍😍小辣嘅雞煲惹味香濃😝😝加啲芝士落去可以中和咗少少辣味🌶️🌶️同時間味道更加有層次🎊🎊而點睛之筆就係佢啲黑松露，令成個味道昇華咗另一個層次🥳🥳🥳而重點中嘅重點係咩？就係啲雞係任加㗎 ！😍😍😍真心超抵！💫火鍋配料餐廳提供咗多種蔬菜、麵料、牛柏葉、魷魚同埋丸類配料，夾埋濃郁嘅麻辣雞煲，真係好正啊！🔥🔥🔥💫飲品雞煲火鍋放題，仲有提供多款飲品🍺🍵🧃🥤🧋包括茶、涼茶、汽水同埋啤酒，仲可以落單叫紅豆冰、利賓納等茶餐廳飲品，呢個價錢嚟講，真係好抵呀！-🌟見到店員不停咁樣補充邊爐配料😆😆😆唔驚食食吓冇晒貨👍🏻👍🏻🌟呢個份量、呢個質素配埋呢個價錢🤩🤩仲要冇加一、任加雞😙😙😙我會話係

聖誕約朋友見面，適逢天氣寒冷，最好就係去打邊爐食雞煲了。地胆朋友帶我去這間「住家飯」食雞煲。店舖不是很大，窗明几淨，裝修簡潔，真的有「住家飯」的感覺。今晚都頗多食客，座無虛席。我們選了$168的任食雞煲火鍋放題。飲品任飲，凍櫃內還有很多丸類、瓜類、菇類、蔬菜等火鍋配料供選擇。我們選了火焰黑松露雙重芝士麻辣雞煲。芝士味道香滑濃稠，還能有拉絲的效果。雞件包一層薄薄的脆漿，經過炸後，仍然軟滑入味，份量也充足，還可以無限量加雞！雞煲配料如豆卜、洋蔥、生菜等亦非常入味。整煲雞煲熱騰騰的，還微微滲出黑松露的香氣，十分惹味。吃完雞煲後，原來還有小菜奉送。有很多小菜供選擇，如啫啫生菜煲、啫啫滑雞煲、魚香茄子煲、通菜炒牛肉、京都豬扒、泰式肉碎生菜包、住家小炒王等等。我們你好選擇困難症，最後，選了脆煎蠔餅。脆漿很薄，蠔餅炸得很鬆脆，蠔亦很大隻，蘸上魚露吃，非常正宗。我們已飽了七成，但還是繼續打邊爐。店員倒入豬骨湯，便把雞煲轉成為火鍋。我們點了肥牛、及豚肉片，又拿了一些丸、蟹柳、冬菇及蔬菜。真是大滿足！最值得一提的是飲品！這個任飲任食雞煲火鍋放題，除了普通的罐裝、紙包裝飲品外，居然還有一般茶餐廳的飲品，如忌