住家飯

营业中

休息中

兩個人去食小菜，有二人餐好正👍🏻$178可以揀兩個小菜，配兩碗白飯、兩杯飲品，仲有湯飲😋😋例湯都好入味🍍菠蘿咕嚕肉皮脆肉嫩好高質😍好好咬口一d都唔會「鞋」👍🏻🪿豉椒炒鵝腸勁大碟！爽口彈牙，量都超多呀！另外叫左個新餐牌：脆炸蠔餅蠔仔的確甜🦪👍🏻好脆好味😋飲品叫左凍檸樂 & 奶茶紅豆冰奶茶+紅豆好正😊整體黎講，性價比好高，食物種類款式都真係勁多～～小菜抵食之外，見都幾多客去食任食雞煲，每位都只係百幾蚊！餐牌最吸引其實係下午茶，成餐飯我地都講緊下次要來食下午茶🤣🤣係會encore既好餐廳👍🏻

#搞串個pantry而家越來越多連鎖 #打邊爐 舖頭，佢哋都係行日式🇯🇵，或者台式🇹🇼嘅風格。不過我哋都冇忘記港式🇭🇰嘅邊爐，今次就嚟到一間位於 #屯門 ，標榜冇味精、家常菜嘅 #火鍋 舖頭啦！我哋係食佢哋嘅雞煲火鍋放題套餐😍，成人每位$168 (不設加一)💰。套餐可以揀 #雞煲 🐔、 #酸菜魚 🐟、或者鴛鴦鍋♨️。另外仲額外送小菜🍳。飲品就包咗罐裝🍻、同埋茶餐廳飲品☕️任飲。椒鹽鮮魷🌟🌟🌟避風塘式🔥嘅炒法同埋調味🧄，真係好惹味、好正🤤！配埋飲品放題嘅啤酒🍺一流。魷魚🦑出面嘅炸粉屬於硬脆，如果薄啲口感會更加好😝。不過入面嘅魷魚大大塊😍，而且嫩。打邊爐🌟🌟🌟🌟🇯🇵日式壽喜燒湯底｜好重嘅鰹魚汁味同埋甜味，唔係正宗嘅日式味道，不過呢款港式嘅味道都好啱烚唔同嘅邊爐料，好香。🥘香濃沙嗲湯底｜沙嗲味好濃好香，而且花生味都好出，嘢食烚完之後沙嗲湯嘅味道入晒味。🌊紫菜響鈴｜浸完湯底之後吸收晒湯汁，加埋紫菜更加有鮮味，本身響鈴有啲油味，不過都俾呢啲香味冚到。🐮肥牛｜用咗牛五花嘅部位，好重油香味。而且每份都有好多牛肉，好滿足，大家嗌嘅時候就住食唔食得晒呀。🪼芋絲｜烚完之後又彈牙，又入味，吸收晒湯汁嘅濃郁香味。

📍 住家飯（屯門） 住家飯點可以唔飲番碗住家湯呢。真材實料既木瓜花生眉豆蜜棗雞湯 ，落足料煲，完全冇味精，飲完成碗都唔會口渴，仲可以食到湯渣～午市餐廳都好繁忙，人來人往.價錢合理，適合附近居民同打工仔食飯嘅好地方～🔸金針雲耳蒸雞飯呢一個飯係家中必食既菜式，簡簡單單一款蒸雞都已經好滿足，用新鮮雞切成雞件，口感嫩滑，金針雲耳吸晒雞嘅精華，撈飯一流～🔸小食另外配咗瑞士雞翼，雞翼用招牌瑞士汁煮8分鐘，味道恰到好處，瑞士汁不過甜，雞皮爽滑、雞肉嫩滑。🔸蔥油雞扒雙蛋飯豐富嘅蔥油，鹹度得宜，雞肉嫩滑多汁，雞皮煎到脆脆地，最鍾意食佢嘅雞皮，兩隻太陽蛋，流心蛋黃不斷搖晃很是吸引豉油汁較甜口，弄穿蛋黄拌飯吃就夠美味，雞蛋邊有少少煎焦感，正👍

我未食過咁難食嘅雞煲，啲雞件件炸粉成寸厚，完全都唔係雞煲，似係啲姑嚕雞球就咁掉落去，啲味道又剩係得一個鹹字，又滯又難食，明明係最少辣都可以咁鹹我懷疑個廚師根本無自己試食個，怎至從來未食過雞煲，邊有雞煲咁整架個廚師唔識因份量，兩個人食佢比咁大煲，似四人份又難食嘅野，點會食得哂，你要打邊爐，就局住食哂啲成寸厚炸粉嘅姑嚕鹹雞，又滯又難食，叫一碟牛佢居然可以搭到14塊，出面放題一碟可能都係4塊，佢搭到咁厚，好容易一叫叫多3倍不過服務員態度非常好，環境都企理，唔食雞煲，食其他可能係不錯的選擇

秋涼季節到又開始打邊爐啦，同朋友去咗置樂揀咗呢間餐廳，除了有住家飯食，仲有雞煲、酸菜魚同無味精湯底邊爐🫕湯底仲有7款選擇！🌟椰子雞湯底湯底有鮮椰子肉，好清好鮮甜，放肉同菜落去更突顯食物的鮮味！🌟地獄麻辣湯底湯底有唔少辣椒同花椒粒，聞落已經夠晒麻香，食落一樣麻味十足！雪櫃放滿蔬菜🥬🌽🥦菇類同好多款丸類，而肉類🥩就有牛肉、豬肉和雞肉揀，點完由廚房送到枱上，全部都係可以任食架！百幾蚊一位，好抵食！

好耐冇去屯門置樂嗰頭，嗰日剪頭髮嘅髮型師話呢間住家飯係好多人排隊嘅餐廳，當堂有一啲抌心口，因為我嗰日去到真係有好多人排隊，但係但係我竟然冇食到嗰隻最出名嘅雞煲啊！我只係食咗小菜咋，下次真係要搵個機會去食下好出名嘅雞煲先得喇！嗰日因為真係太多人排隊啦，所以都排得來已經時間比較眼，隔離有間好可愛嘅貓貓店忍唔住一入去玩咗一陣，所以就揀咗啲小菜快快脆脆食，蜜椒牛柳粒呢碟餸唔係度度都整得好食㗎，要將薯仔炸完之後再炒，先可以令到佢唔好咁容易變得爛晒，牛柳粒甜得來有咬口又唔會太老，如果唔係就咬唔郁啦！另外揀咗清湯雜菜鍋，原來真係少少海鮮都冇🤣，不過清淡得嚟又估唔到真係冇味精個喎，所以如果屯門牛牛要食一餐住家飯嘅話呢間餐廳又真係冇改錯名都係一個幾好嘅選擇。

今日唔知點解好想食西多士,所以將lunch拖到tea time先去食野,2條友係屯門搵搵下搵到宜間,門口明明係放下午茶牌,但好得意入面個個都係打邊爐,冇錯 tea time打邊爐,我一心想搵西多士所以我唔理睇返下午茶,佢西多士唔係普通野,都有5款選擇我見到芝士咸牛肉西多士咁古怪,冇理由唔試佢一試,認真好神奇地好夾,以前食過芝士火腿,沙爹牛西多士,我反而覺得芝士咸牛肉係3個入面最夾朋友仔就叫左個迷你日式鐵板炒烏冬(肥牛),說好的迷你呢,宜個係正常份量囉,勁大碟,仲要係好食,唔係死咸,又多料,之後呀仲有試新野,天生冒險王,叫左2杯跟餐飲品,1杯係奶茶紅豆冰,另1杯係忌廉泡泡阿華田,佢地係QR code 落單,有得揀走甜小冰,奶茶紅豆冰可能相對多見d,但忌廉泡泡阿華田睇個名都知係小朋友殺手啦,一黎到白雪雪好開心下次一定試埋佢個邊爐同小菜先,門口寫冇加味精,唔怪得3點幾去都搞到員工用膳都讓位俾我地,平日都咁full

置樂不嬲都有好多小店可以揀，尼一間小店的特色就係推好似係屋企食住家飯的味道，出街食飯都想食得健康D，同埋，價錢都好抵食。打邊爐的食材和湯底，果然都係原汁原味，我叫左蕃茄薯仔湯和沙嗲湯底。蕃茄薯仔湯底係見到有好多件大大塊的蕃茄和薯仔，無味精，酸酸甜甜，沙嗲湯底滾下滾下，就已經香飄飄，兩款湯底味道都是十分濃郁！可見在湯底方面落足心機😋😋肉類方面，雖然只係得豬肉、牛肉和雞肉三款可選，但係都係厚切，唔係好薄，一盤已經等於平時食開既3、4盤，大家最好都係逐盤逐盤叫！每樣一盤已經好夠飽，而且，肉類都係無醃製過，唔洗擔心有太過咸的問題。蔬菜和丸的選擇都有10幾款可以揀，仲有魷魚🦑和牛柏葉好岩沙嗲湯底。

家陣出街打個邊爐🍲閒閒地都二三百蚊/位，最近洗突咗少少，今次就慳慳地揀咗間小店食個9️⃣0️⃣分鐘火鍋放題。🥘無味精湯底 ($128/位，+$10/位轉鴛鴦湯，免加一及醬料費）湯底叫咗🥥椰子雞湯同🍅蕃茄薯仔湯，蕃茄湯超濃😍而椰子雞湯就淡淡嘅清甜，呢家餐廳標榜無味精湯底，食完返到屋企真係冇口渴👍 出色啵❗️牛肉🐮同豬肉🐷質素唔錯，但今次Yummy推介嘅係雞🐤，平時打邊爐d雞肉多數麻麻，但今次d雞又鮮又滑，煮到尾都仲好食😍😍 大推🔥配料方面有好多款，有唔同款嘅丸、水餃、牛柏葉、水魷🦑等，而且唔似出面嗰d咁有雪味。蔬菜有4-5款，當日嘅菠菜🥬同娃娃菜仲幾鮮。另外邊爐當然唔少得紫菜響鈴、炸魚皮同山根啦‼️ 配合埋蕃茄薯仔湯不得了‼️😋 其實仲有烏冬同即食麵，想像到同湯底好夾，可惜已經食唔落啦🤣🧃飲品多款係必須的，不過冇諗過呢個價錢連啤酒🍺都係任飲。 認真今次呢個慳家之選CP值幾高⏫😋

呢間餐廳做緊優惠，打邊爐任食任飲之外，仲要係免左一，免醬料費，真係好抵食😚.首先就係先食雞煲，食完再加湯打邊爐，這間的雞煲醬汁勁野味唔會太鹹，小麻小辣，越食越停唔到口，煲内望落有半隻雞力，而雞件切得正好，size岩岩好，雞肉煮過後仍然很嫩滑，好正！而且配料有洋蔥、蔥頭、蒜頭都唔少，入哂味👍🏻加入奶白色嘅湯，繼續打邊爐🍲.任食配料區有粉麵、唔同嘅丸類同埋腸仔、仲有響鈴、魷魚芋絲等等，真係好有住家飯嘅味道啊👅

人地Lunch食兩餸飯午市套餐我就眾目睽睽之下火鍋呀唔該🤣一眼就見到火鍋任食全日供應滿足心血來潮想打邊爐嘅我☺️名副其實「窩心味道 • 健康滋味」◂ ◂ ◂ ◂ ◂ ✐☡ ▸ ▸ ▸ ▸ ▸↬ 火鍋湯底 ↫可揀兩食款式湯底或淨火鍋湯底多款選擇下揀咗鴛鴦鍋(每人+$ 𝟏𝟎)湯底非常足料而且飲落堅無味精🤩▸ 椰子雞湯坦白講好味過母親大人煲嘅只因料真多(媽媽別生氣😚)奶白色超多椰子🥥越煲越濃郁味道好～清甜忍唔住係咁飲🤤▸ 韓式芝士泡菜湯除咗多泡菜仲有唔少豆腐一開始唔覺得辣有少少酸但越食越顯辣似泡菜鍋辣度唔會好嗆又辣得過癮🌶️其他湯底▸ 可兩食：酸菜魚 / 麻辣雞煲▸ 淨火鍋：日式壽喜燒湯 / 芫荽皮蛋豆腐湯 / 地獄麻辣鍋 / 香濃沙嗲湯 / 蕃茄薯仔湯 ↬ 肉類 ↫ 用QR Code落單只有豬牛雞三款每款每碟份量唔少▸ 豚肉油脂唔多肉質軟嫩無臭豬味▸ 肥牛油花平均肉質爽滑牛味唔錯▸ 滑雞肥膏唔多淥耐咗肉質都唔太老 各款醬料及以下類別係雪櫃自取↬ 丸/炸物類 ↫ ▸ 魚腐本人表示好食超索湯🤍▸ 魚蛋魚味好濃、墨丸、貢丸、芝士丸、蟹籽丸等多款選擇，但可惜無牛丸▸ 魚皮餃、餃子▸ 廚師腸、芝士腸

👦🏻👧🏻第二次嚟到屯門食「住家飯」，呢度食物講明係無味精，咁就食得放心🥰 我地叫咗晚市二人套餐$188，有兩款任選小菜🥘、兩個住家湯🥣、兩碗白飯🍚同兩杯飲品🥤。見到隔離枱打邊爐🍲，原來佢地依架有任飲任食火鍋，下次嚟試下先。青紅蘿蔔粟米南北杏蜜棗豬骨湯味道清甜，湯入面有青紅蘿蔔🥕同豬肉🐷，煲湯豬肉一啲都唔鞋👍🏻菠羅咕嚕肉 份量多，咕嚕肉大大件，外皮薄身微脆，內裏豬肉好厚肉🐖，咬落去有口感同鬆軟。是日蒸魚蒸魚size兩個人食啱啱好🐟，蒸既時間剛好，魚肉同魚骨輕易分離，魚肉好滑身，魚腩位無腥味，清洗得好乾淨👍🏻凍菊花蜜 +$3凍利賓立 +$3📍 住家飯 (屯門)屯門青海圍8號屯景大廈地下C號舖

芝士鹹牛肉西多士($35) + 鹹牛肉炒蛋菠蘿包($32) + 豐盛茶餐 - 五香肉丁米線+ 瑞士雞脾($40) (下午茶/包餐茶/轉奶茶紅豆冰另+$8）屯門牛帶我去呢度食下午茶，話大份又抵食💛用QR code落單方便，侍應服務勤快；以一個街坊茶餐廳下午茶嚟講，大份料多，連埋餐飲$30-$40，價錢都幾親民！西多士本身已經邪惡，仲要配芝士鹹牛肉兼成吋厚大大件，正🤟🏻鹹牛肉炒蛋菠蘿包，大大個好似burger咁，外層夠脆身，蛋牛鹹香澎拜，配菠蘿包幾夾👌🏻五香肉丁米線+ 瑞士雞脾(可選炸脾)，大堆頭，夠晒飽肚👌🏻餐茶奶茶紅豆冰，奶茶夠滑零澀味，紅豆夠綿👌🏻睇牆上menu見晚市有$148任飲任食火鍋(無味精湯底)120分鐘，或$168揀麻辣雞煲/酸菜魚又得，免加一免醬料費，啤酒都可以任飲🍺午市再平啲火鍋$128任飲任食90分鐘；百物騰貴下，唔太高要求嘅話係食得過👌🏿

超級平價火鍋之選，其他地方都好難搵到咁既質素，餐廳環境好親切住家，窩心味道。另外，呢間餐廳主打無味精火鍋，真係好似番左屋企咁，貼晒鋪頭名主題《住家飯》服務方面都很好，order既野好快送到。我地叫左沙爹湯底＋椰子鍋湯底，沙爹湯幾好味，好香濃沙爹味，重點係有加到花生碎！抵讚！椰子湯裡面真係有嫩口既椰子果肉，並唔係用黎煲湯果種老椰子。任飲飲品都有好多種，全部係晒雪櫃自己拎任食配料櫃上面有菜，蛋，烏冬，公仔麵等等， 醬料調配區都係埋呢度，下面有大量丸類選擇，仲有午餐肉，水餃魚皮餃。另一個區域有響鈴、魚皮、任點既火鍋料有幾款，分別有牛肉，豚肉同雞肉。

以往打邊爐都因為湯底味精太強，搞到食完好口渴。屯門街坊推介一間主打冇味精住家飯，除咗有小菜、碟頭飯，仲有任食火鍋。湯底有蕃茄、椰子雞、韓式泡菜、沙嗲湯底等等。兩個人揀咗鴛鴦鍋，一清一濃，可以試吓不同口味。沙嗲及椰子雞湯，堅係冇味精，沙嗲湯底非常濃郁，有大量花生調味。椰子雞湯椰香味濃，放入雞件，入口鮮甜。三款肉類用QR code 落單，豬肉片俾牛肉更勝一籌。其他配料可以到凍櫃自取，推介佢哋自己包嘅手工餃子，係自家製好健康。另外午餐肉係厚切，一d 都唔孤寒。仲有大量不同款式罐裝飲品任飲。餐廳好多街坊幫襯，主打家常菜，價錢實惠。下次有機會一定要試吓小菜同埋住家靚湯😜