影片
开饭介绍
佐賀燒肉谷主打日本九州佐賀縣農場空運直送的佐賀和牛，提供無限量的肉類和海鮮放題，讓您慢慢享受100分鐘的滋味。餐牌上有超過140多種菜色可供品嚐，味蕾會忍不住隨著菜式的變化而起舞。
继续阅读
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
有关奖赏计划
相关文章
佐賀燒肉谷🤩呢期做緊個水果夏祭，🎊新增多款用咗水果製作嘅食物🤤，十分之有特色當然要嚟試下啦😎。🚇觀塘apm呢間分店十分之大，除咗有😆大堂位置之外仲有好多闊落嘅🪑卡位同埋個室，週圍都用咗木系🪵嘅裝修感覺溫暖舒適。我哋揀咗Lv3嘅🇦🇺澳洲和牛海鮮放題，😍食品款式超豐富，最正嘅當然係澳洲和牛🥩上級牛胸腹肉同埋特上牛肋肉！🍎水果祭期間每枱仲會🎁送一份呂宋芒🥭雜果沙律。另一個🍉水果祭嘅焦點食物我個人就💁♂️大推水果醬封門柳壺漬😋。封門柳🔥燒香咗之後入口好軟腍🥰，加上有水果醬嘅酸甜香味🤤，十分之令人開胃！海鮮🦐都係呢個餐嘅重點之一，款式多👏又新鮮，仲有水果祭期間限定🗓️嘅雜果醬醃鎅花魷魚🦑添。啲有殼嘅🦪海鮮呢度啲職員仲會幫手✂️剪開，服務殷勤值得一讚👍！自助區💪有唔同嘅特色食物、水果、🥬蔬菜、飲品同埋醬料，😍應有盡有。甜品方面🍍水果祭期間每人會送一件貓山王🤩榴槤刈包，另外椰青糯米糍、🥥椰汁流心球同埋榴槤炸彈💣都十分出色。呢度仲可以自己🔥烤銅鑼燒，外脆內軟又香甜🥰，最後食埋烤棉花糖真係👍勁滿足！
继续阅读
我自己特別鍾意食海鮮🦐，而我朋友就比較鍾意食肉🐮，尤其係和牛。今次我哋搵到一間高質放題餐廳，可以滿足晒我哋嘅願望，就係佐賀燒肉谷。我叫咗日本A4和牛海鮮放題套餐，坐低無耐，就送上咗….📍日本佐賀A4和牛盒盛，裡面有六款和牛部位（例如和牛肋肉、和牛小排等），和牛油花分布均勻，入口時口感真係好正，令人一試難忘。😍最重要食過好食係可以無限追加，而且質素始終如一，唔會淨係得第一批靚。六款和牛入面，👍🏻我最推介 和牛肩胛同埋 和牛小排。.除咗和牛，餐廳嘅海鮮選擇都唔少，而且質素幾好👍🏻.📍大蝦🦐處理得幾細心，有修剪過，燒過嘅蝦有獨特香氣，入口爽脆彈牙，鮮味十足.📍鹽燒白鱔🐟依個真驚喜，無諗過放題會有咁高質嘅白鱔，佢新鮮無泥味，師傅已經去咗九成以上骨，食落啖啖肉，鹽燒可以保留魚肉嘅原汁原味，加上燒出嚟嘅脆皮真係好正，追加左幾次🤭🫣.📍燒蠔🦪估唔到放題都有咁大隻蠔，肉質鮮嫩，口感滑順，每一口都充滿海洋嘅鮮味。.📍個餐仲包左日本清酒同SAPPORO生啤，正！🍺.除咗以上提及嘅，餐牌仲有成140種食物可供選擇，真係胃就得一個，樣樣都想食🤣，另外，見到餐廳今期仲做緊韓日祭主題美食，各式日韓口味的五花肉配不同配料，下次嚟一定要試下😋😋
继续阅读
已經黎过好多次，佐賀谷既封門柳真係無得頂，秘利蘋果燒肉醬配味付紫菜，加上七彩芝麻，櫻花蝦，木魚碎既珍珠米飯真係好正。+$38 有清酒任飲，呢隻嘖酒都唔係好竹梅果種好薄身既，性價比一流，絕對會再黎
继续阅读
上網book咗 星期日，一點鐘 去到， 等咗一陣位。我哋坐近門口第一張卡位，座位寬闊 舒服，我哋三個大人，各自叫咗(75分鐘) 定量餐，包自助bar，三個餐 :v1($98) v2($118)同v4($158)。嚟到三碟肉見份量都足夠，女士唔係好大食，十分足夠，肉質ok，尤其係牛舌，好味 嫩滑， 另外出面bar有不同嘅熱食、甜品雪糕、罐裝汽水飲品，亦有唔同嘅蔬菜類可以任夾，燒番薯同埋秋葵特別好味。 埋單連加一$411蚊，平均每人$137，cp值好高😋，同埋可能當日唔算多人，所以佢彈性處理， 冇sharply趕我哋走💓。侍應又有禮貌，服務質素高，值得嘉許👍🏻，有機會會再嚟。
继续阅读
呢間日本燒肉店真係值得推薦，食物質素一流，肉質新鮮，入口嫩滑，油脂分布均勻，每塊都充滿鮮味。服務態度親切，細心照顧客人需要，令人感覺賓至如歸。環境清潔企理，地方寬敞光猛，坐得舒服，無壓迫感。加上性價比極高，以呢個價錢可以享受到高質燒肉，真係物超所值，下次一定會再嚟！食物同服務一流，肉好新鮮，性價比好好，環境清潔，地方闊落光猛整齊 。
继续阅读