何明記麵家餐廳

营业中

休息中

星期六瞓到自然醒都差不多11點，出街食個午餐，突然好想食麵就諗起何明記，在元朗有好耐歷史。常餐～雞翼生麵，何明記生麵好彈牙，無鹼水味火腿奄列 + 朱仔包，豬仔包咬落脆脆地

我真係未食過一碗咁小家嘅叉燒麵，成70蚊，得4塊叉燒唔係4舊，仲要每塊都透光，而家我食剌身咩，筷子都厚身過啲叉燒，又唔係突別好食，湯底得過清，淡而無味🙂‍↔️🙂‍↔️🙂‍↔️唔會再嚟第二次😡😡😡

星期日同女友去元朗大棠睇紅葉，其實之前想去好耐，不過因為怕多人，所以等到今日先去。睇紅葉嘅人唔多，但係其實啲紅葉已經枯得七七八八，但少人兼天氣好，又可以輕舒腳頭都開心。睇完紅葉落返元朗醫肚，見到大X餅家好多人辦年貨，近近地去咗對面嗰間何明記食個下午茶。因為冇食早餐，所以大家都叫咗個份量重啲嘅下午茶，我叫咗北海道炒飯佢有叫咗焗豬扒飯。炒飯除咗有好多蛋白仲有啲XO醬瑤柱絲，炒得乾爽俐落好味。女友個焗豬扒飯size細細，但有幾舊薯仔同原片蕃茄。豬扒切細咗啱女士食好多。睇餐牌其實呢間嘢有好多嘢食。又滷水又燒味，小菜連素菜都有，下次會試吓佢啲小菜。

什果賓治30蚊，就係咁樣…..好足料，成半杯什果但下午茶個魚柳好细，成碟一共47蚊十分建議大家食其他餐特餐會好啲，仲有真。什果沙律，會比下午茶餐好好多，除非想食包就可以叫下午茶啲包餐

就啱啱晚反時間叫左碟豉椒炒蜆同幾碟小菜其他野都ok唯獨碟炒蜆夠膽死成碟野無一隻蜆肉大過我手指尾半塊指甲同老闆講一幅愛理不理既態度😡😡亦無話解釋或者整個碟比你所以大家入去前真係要有心理準備

今日行過元朗超肚餓一見到呢間茶記就行去食我哋叫咗兩個常餐，一個係蜜汁叉燒米粉另一個係雞翼公仔麵，加炒蛋野飲就叫佐熱檸茶凍檸茶職員上一上到碗蜜汁叉燒米粉，由於太肚餓滿心歡喜即刻食，點知出事，個湯底又咸又甜，真係好難食，同職員反映佢好強硬個語氣話個湯底一直都係咁，好理所當然，真係第一次遇到一間咁嘅餐廳，食物難食仲要客人硬死，真係0曬嘴，在我堅持最後先換咗另一款雪菜肉絲麵比我，點知一樣咁難食，我費事再同佢吵，食咗幾啖就走人，豪比佢，真係估唔到呢間咁唔掂，難食仲要人硬食，職員態度仲咁差，真係好離譜。

無論老闆，侍應生態度極其惡劣。明明有位，無人等位，都要你一定要同人塔枱坐。落order, 無論你點舉手都唔會有人理會，係要你大大嗌落單先有反應，場大人又唔夠，貼錢受氣。

落單叫左個餐講到明要轉米線，黎到俾錯都算。好有禮貌同佢講差杯鮮奶未黎，侍應即時反應係射波，大大聲罵番我地轉頭，呢個？係佢冇拎啊！ (意思講緊自己同事）我地感到非常無奈🥹

下午茶餐供應至7:00pm, 但4:00pm叫餐時伙记才通知又冇包又冇多士，冻飲水汪汪，我的冻咖啡少甜更發現有只小烏蠅，咁嘅茶餐室質素不只影響元朗，仲会影響香港，難頂！

開開心心星期六早上九點想食個早餐，入到去門囗有2張卡位寫了留座能不能坐，她說坐2號位啦，坐低準點嘢食，另一阿姐走過來吾係幫我點單，叫我坐另一卡位對面有人食緊嘢的檯！我心諗斜對面剛剛人走左，我就好自然坐另一張檯，之後有一阿姐 走過嚟話這張也留咗枱，我當然嬲到震，一間茶餐廳真係可以早上9am留位？ 真係差到一個點，現在疫情咁嚴重，仲嫌三嫌四唔招呼好客人， 真係多謝呢啲垃圾員工垃圾餐廳的管理真係可以振興香港經濟？ 呢啲係咩理念呢自己服務態度唔好，到時餐廳小咗生意自己工作又無埋，咁樣對自己有好處咩？ 祝你們早日倒閉！ 如果唔想走這條不歸路， 老闆應該炒曬所有嘅員工/經理！真係無得救，餐廳甘嘅風氣和態度食物一定吾 ok, 一肚氣強烈建議大家不要幫襯這間x店！

話說今日同我老公去完街，諗住搵個地方醫肚，就求其搵個地方坐低休息吓咁啦，點知諗住求其食少少野就叫咗佢個下午茶餐。叫咗個燒味飯，點知個燒味飯一嚟到，我老公一摸隻碗就講咗句：哇哇個碗咁熱嘅。跟住見到啲燒味好似用微波爐翻蒸過咁，入邊啲飯軟林林，根本就唔似外面”筆＂出來黎嘅飯，完全冇諗過一間茶餐廳有燒味部都要反手蒸我自己食個個都算大路野，如果你話味道上就同外面既味道一樣，只係我同我老公無諗過新年流流食既野會係咁

每一次都會比漏野！叫三次 第一次比漏左杯野飲 第二次叫奄列又比漏左 第三次又比漏野飲 又話老字號 員工做野連用個心都冇最離譜係連找錢都可以找少120蚊 唔提佢真係唔知-.-

2個人叫左油雞河 同雲吞豬扒麵 竟然收$186 胡亂寫價錢 俾錢真係要睇清楚 一問之下只係$121叫佢計多次都只係$118 亂咁黎食物等勁耐又唔到 待應態度又差 真係冇下次 離譜😡😡😡😡

何明記有個丫姐大聲夾惡😭明明佢自己聽錯寫錯單，然後屈我講錯，之後太態度極差，想逼我要一個錯嘅野食係咁話我講錯，我指埋餐牌俾佢睇，佢都仲話係我講錯🙄自己發緊夢 仲要屈我要

何明記有個丫姐大聲夾惡😭明明佢自己聽錯寫錯單，然後屈我講錯，之後太態度極差，想逼我要一個錯嘅野食係咁話我講錯，我指埋餐牌俾佢睇，佢都仲話係我講錯🙄自己發緊夢 仲要屈我要