來多碗車仔麵 (康寧道) (已搬遷) 新店位置

這是我最喜歡的車仔麵, 原因是童年的回憶吧!小時後, 和母親去康寧道後巷的理髮店剪頭髮, 完成後就去對面的金僑吃車仔麵. 第一次吃到豬大腸的肥美和爽滑, 以及其秘製辣醬的香辣, 印象就烙印在我的腦內.時而世易, 金僑因原址租金高昂而結業, 老闆遇到貴人, 在對面再開車仔麵, 這故事在報紙已提及過不少次. 味道嘛, 依然是我多年前嚐過的. 秘製辣醬配上魷魚以及豬大腸還是我的最愛.地方比以前乾淨了不少,?沒有以前金僑的嗱渣感, 但吃得更為安心, 只是價錢就不能和二十多年前比較了. 現在出街吃過米線, 也要四十多元, 對吧!

OT完放工好肚餓，既然自己一個人食，就打算搵啲快靚正嘅晚餐醫肚，於是去咗康寧道嘅來多碗車仔麵。呢間車仔麵喺未搬之前已經成日食，而家搬咗去康寧道，要行少少斜路先到，觀塘mtr過去10分鐘唔駛，食完仲可以去埋隔離松記食埋個糖水先返屋企都仲得。呢到係半自助形式落單，先喺門口麵檔排隊落order，之後揀個位坐，阿姐就會拎埋碗麵/嘢飲過嚟俾你。睇咗陣餐牌，今日唔想食麵，就叫咗個淨餸，通菜底，雞翼，豬皮，鹵水蛋，加辣。湯底-雖然望落好黑，但其實香濃得嚟好清甜，唔會好咸。通菜-車仔麵檔嘅阿姐喺淥嘢方面嘅時間已經掌握到出神入化境界，通菜滾得啱啱好。雞翼-好入味豬皮-乾淨無毛，爽口入味鹵水蛋-整個鹵水系統都好出色，入味得嚟唔咸辣醬-必加，甜甜地又唔太辣，呢隻辣醬以前細個時日食到，而家已經唔係到到有，係童年嘅味道呀

今日4點幾經過觀塘想搵食下午茶，甘岩見到有車仔面就入去食下，因為小弟成長既地方樓下就有間車仔面，果時成日同屋企人去食，所以總會懷念下3餸32蚊， 油麵,通菜,豬皮,魷魚鬚下午4點無咩人，靜靜地食住面思考人生學生3餸都係29蚊，學校午飯時段應該幾爆總結，車仔面黎講算不過不失，係油面有小小硬，其他都可以

其實唔係第一次食，不過上次食麻麻地！今日去開附近，心思思又想食車仔麵，所以俾多次機會佢啦😝今次係十一點半左右去食，人未算有好多，但都有2-3枱客人。我點左魚蛋、豬紅同魷魚、米線、少辣車仔麵最緊要就係湯底，其次就係要餸好食！呢度湯底味道濃厚，腩汁加上好正嘅鹵水汁，配埋秘製辣醬，湯底好味呀！魚蛋同魷魚都爽口彈牙，豬紅都炆得好腍，夠哂入味！整體黎講唔錯呀！老公加埋麵底，都係加$3，真係抵食！下次再食過😋😋😋😋

#LuBie觀塘🍜車仔麵（蘿蔔、豬皮、大腸 粗麵）（$32）（🤤7/10）🔽湯底色澤幾深色 但味道偏清淡，麵就煮得較硬身少少 阿Lu 幾鐘意 幾有咬口 掛湯能力就普通 。蘿蔔清甜無渣 而且份量唔少 非常推薦叫呢樣餸。豬皮普通 唔會太過稔 都算幾彈牙。大腸偏瘦 但都算入味 滷既時間足夠 所以大腸都轉晒色🔽整體而言碗麵算唔錯，雖然無試過其他餸，但就住試左呢幾樣黎講 合樣有餘 加上份量多 價格唔貴 ，算係不錯之選。.📍來多碗車仔麵📍觀塘康寧道62號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#觀塘美食#食好西#車仔麵#來多碗車仔麵

今日同老公過開觀塘行開街經過，見門口寫住來多碗車仔麵。見個名幾得意咪入去試下囉。我地食叫左辣尤魚 魚蛋 冬菇 通菜等，味道都相當之入味。尤魚都爽口又夠辣，魚蛋D咖哩入香濃入味，冬茹都好軟，整體上個湯底加左牛腩汁相當之夠味。下次有機會都會再食呢間野！

今日收工食飯朋友講開想食車仔麵,但係觀塘一帶既選擇似乎唔多,見到呢間尚算唔錯,便膽粗粗一試!可能由於落大雨既關係,間鋪頭唔係好多人,而且店內無播收音機/音樂,所以環境極靜~呢到既車仔麵價錢唔算貴,但揀得落手既選擇就唔係好多,,最後揀左油麵底，配尤魚、豬紅、魚蛋，而朋友就揀左尤魚、牛腩、豆卜一捧到返黎,又比想像中吸引!湯底唔係普通既清湯底，而係牛腩湯底,睇個顏色都知道唔錯，唔洗再加其他調味! 至於尤魚就好爽亦都好入味，而豬紅都整得唔錯，平時出街食既豬紅最怕就係有好大陣味、驚唔夠乾淨。但呢到既唔錯，而且份量仲唔少，可以一試！另外最推薦既餸一定係朋友今次揀既牛腩，炆得好稔好入味，完全唔會韌，係今次既意外驚喜！

朋友以前住官塘, 呢間車仔麵未搬舖之前佢已經成日幫襯~經常讚佢既秘製辣醬好惹味但又唔會太辣...尋晚去官塘買野順便同佢專登行過去食🙈我地都係叫左三餸, 我叫左豬紅, 豬皮同冬菇油麵朋友叫左豬皮魷魚蘿蔔幼麵我覺得我果碗既豬紅同豬皮份量好多... 尤其豬皮, 好似食極都食唔完咁😅豬皮本身無咩味, 但D毛拔得幾乾淨, 抵讚👍🏻豬紅我就覺得可以再滑D至於個冬菇好厚身好有口感, 但都入味, 推薦👍🏻👍🏻👍🏻我偷左朋友既魷魚同蘿蔔試, 魷魚剛好, 唔會太熟蘿蔔夠淋又入味😄😄而個辣汁又真係幾香既, 會令人幾開胃, 難怪朋友咁熱愛~~🙈🙈整體黎講唔錯~!

由於工作關係，好多時都要就係港九新界走來走去。今日就去到觀塘隨意地入了依一間車仔麵店試試。果腩汁湯底幾濃夠曬味，而餸就要咗豬紅、蘿蔔同埋魷魚。豬紅都算唔錯食落口煙煙韌韌、蘿蔔就夠甜夠大件、魷魚爽口彈牙。整體來講性價比幾高，食得好飽之餘，連埋飲品五十蚊都唔洗。

今日終於試左來多碗車仔, 真係好好食.  叫左魷魚,牛腩,豬腸.全部入唒味,食完唔會太好干.   應該味精唔多.    但舖面比較熱食到出唒汗.   下次都係買外賣返公司食!

今日黎觀塘釣🦐🦀，果度冇野食，所有先食d野朋友食開呢間，話又平又好味佢$25有兩餸，$31有3餸，餸價錢有平有貴，但好似係任揀的🤑仲見到學生價$28有三餸連紙包飲品，好抵揀左鹵水蛋同咖哩魚蛋鹵水蛋熱住上，好入味，連蛋黃都有鹵水味😍咖哩魚蛋堅辣，但好正湯底可以揀辣同唔揀，我驚太辣揀唔辣，佢個湯底濃味得黎又唔算膩，雖然望落有d油，似用豬骨同雞煲出黎有幾款麵底揀，我少食粗麵就試下粗麵啦諗好係出去點俾埋錢，跟著自己拎番位，少d人手，所有可以做到咁平

之前經過見到呢間車仔麵已經想試吓，今日終於有時間同朋友一齊去食。我就叫咗唔辣魚蛋，蘿蔔，牛腩，同佢地最出名嘅魷魚，再加多罐可樂，夾埋都係$45。一份蘿蔔有四舊，每舊都又大又甜幾好食👍🏻，牛腩應該燜咗好耐好入味，D魷魚辣得嚟又爽口唔會黏牙夠哂惹味🤤

觀塘區有相當多的車仔麵店，我自己都試過唔少。不過食過咁多間，最鍾意的都係「來多碗車仔麵」。一來味道好，二來價錢合理。這間車仔麵店對正大馬路好易搵。店內的裝修簡簡單單，座位數目都唔少，而且仲有卡位。佢係先落單，然後再搵位坐的。一入門口就埋去落單揀麵、揀餸、揀飲品，之後阿姐會幫你拿埋位👍🏼。我揀左魚蛋、蘿蔔、魷魚、豬腸。蘿蔔真係超好食、超入味絕對好食過其他車仔麵店。另外最好食的，就係魷魚🦑，爽脆微辣又有辣香，真係食過番尋味。正如佢的店名「來多碗」，絕對值得再去食多幾碗。

呢日突然好想食車仔麵於是黎左呢度食但其實我已經食左野🤦🏻‍♀️🤦🏻‍♀️冇他 佢排名係openrice 一直高企個位置都唔係太易搵 要花少少時間搵黎㺯 因為我已經食左野 所以叫得唔多叫左蘿白魚蛋米粉加辣個蘿白超好食 好入味🤤🤤🤤🤤🤤個魚蛋就正正常常另外個自加制辣汁超得！！！！強烈建議大家黎食一定要加辣

我由小學食粉麵食到大的,今次按食評和評分就選擇去觀塘粉麵鋪食吧~今日入佢點左個,河粉幼滑得不會斷開,豬紅夠味的如果可以浸多一陣湯底就更理想!每隻雞翅尖有哂牛腩汁味道和大大隻!食完好飽抵食!值得一試!