來多碗車仔麵 (康寧道) (已搬遷) 新店位置

食過依間好多次啦，因為又好味價錢又平2餸麵$24，3餸麵$30，4餸麵$36每次黎都會叫油麵🍜餸十分推介魷魚、蘿蔔(超入味)☺️豬紅、豬腸都係唔錯既選擇最緊要係一定要埋佢個秘製辣汁甜甜辣辣，加埋會令碗車仔麵變得更好味🤤🤤🤤.車仔麵黎講，銅鑼灣榮記我會排第一，依間來多碗會排第二👍🏻👍🏻

身份米線fans，當然要試埋車仔麵店既米線啦。望到個碗，見到d餸多到堆起座山咁，但都係$40幾左右，真係好抵食。首先係佢魚蛋，吸晒味，唔會得個外表，所以係好香口好濃，咬落彈牙。另外仲叫左牛腩，牛味好濃，牛腩夠淋、而且唔痴牙，呢樣真係好緊要，有筋會令到整體個感覺下降，而佢無呢個問題。仲有就係佢個蘿蔔，勁大份量，食極都有，佢勁吸汁，真係超超超超超超好食，將成碗車仔麵帶上一個精華點。總結：車仔麵黎講係上級，推介！

開左一排都未有時間去試，今日咁岩經過終於可以有時間試下。先講下店內既格局，入面有卡位有普通位，地方不算大，但空間感不錯。因為是下午茶時間去食的關係，店內不算太多人，環境幾舒服。店內的車仔麵是以即叫即整的形式進行，我叫了三餸車仔麵，而我朋友更為食的叫了四餸車仔麵。餸既選擇同一反般車仔麵鋪頭冇咩大分別，而我和朋友都不約而同咁叫左冬菇，因為一入到間鋪已經聞到好香既冬菇味!!!一如我們所料，冬菇真係好入味，另外朋友推介魚皮餃亦不錯。湯底方面亦很入味，雖然食唔出係用咩食材煮既湯底，但係湯底食落就感覺好有「滷水」的味道，幾特別!!

人到中年，連食車仔麵也怕太迫。飯腳們告假，自己樂得清靜自由行遠D為食好嘢。今日特別唸起車仔麵，但公司附近的車仔麵太多味精，食完下午不停口渴。呢間車仔麵食完不太口渴（雖然話無味精就不太可能），至於食得出配料那種入味不是死靠味精調出來。行到辛水辛汗，一入舖內冷氣充足，坐位寛躺。店員指示我在入口先點麵和餸才找位置。我點了一份米粉、豆卜、豬紅、魷魚、魚旦。店員又問我要唔要加8蚊配咖啡或奶茶，由於上午已飲了一杯咖啡，今天quota 已滿，要不然一定點奶茶。坐下可舒舒服服食車仔麵，真感恩！香港人其實很簡單。魚旦彈牙、豬紅豆卜入味、那pat深色辣醬很有深度，惟嚴魷魚分量太少，只有三至四小條。下次若點牛丸或午餐肉，餸的份量應該實在一點。$37蚊有一麵四餸在官塘區已經是no complain 了。

唔明啲人點解話好食，我今日因為睇左食評去食，完全中伏，我點了猪腸，牛腩同豬紅，豬腸太淋，無咬口之餘，似餸渣，牛腩少得黎又碎，唯一豬紅可以食下，咁樣連飲品都收三十九元，中伏，冇下次。

沒有太大胃口，想簡簡單單食碗麵。朋友提議附近的車仔麵，他幫襯了多年～車仔麵位置不近地鐵站，應該靠街坊生意。我們在門口看了一會，人來人往，出出入入，人流不絕。我們先排隊再搵位，配料有魚蛋、雞翼、滷水蛋、豬腸、朱紅、大腸、蘿蔔等，全都是車仔麵的經典配料～想了一會，選了豬紅、豬腸、牛腩、滷水蛋加油麵。車仔麵要腩汁，腩汁湯底惹味濃郁，味道自然，應該沒有太多味精。牛腩炆得軟稔，十分入味。食車仔麵豬腸是我的首選，這裏的豬腸乾淨沒有腥味，口感豐腴。滷水蛋大大隻，內裡蛋黃是金黃色的。可能是早上新鮮製所以不太入味，但雞蛋味重。吃車仔麵緊係飲汽水！忌廉配車仔麵簡直一流～原本沒有胃口都變到胃口大開！近幾年有很多新開的車仔麵店，但質素參差。車仔麵材料、製法雖然簡單，但要做得好，都要花很多功夫，還是喜歡這類街坊味濃的老店。

先去門口落單同俾錢，一坐返埋位兩個麵已經到，阿姐真係好有效率蘿蔔無渣，好甜好林。魷魚非常爽口。辣醬又甜又辣，幾過癮豬腸好彈牙，冇乜肥膏唔油膩，份量都幾多。牛腩雖然細粒，但非常入味。總括黎講，$25兩餸麵係抵食嘅，仲要啲餸樣樣都好食。聽講豬紅都好出色，下次要試下。

觀塘食肆林立，工廠區嘅精緻cafe，apm嘅各國美食，橫街窄巷嘅懷舊老店。而我卻獨愛這一間車仔麵。經常心思思想食，就算依家轉左工，都好懷念佢嘅味道。呢間小鋪只賣車仔麵，有人嫌棄佢嘅獨沽一味，而我卻欣賞佢嘅專一。呢間車仔麵其實大有來頭，佢嘅前身係老字號小食店-金橋小食，所以改名重新開業後繼續吸引好多舊街坊光顧。鍾情呢間車仔麵，原因係無論佢嘅湯底到滷味到辣醬，都一絲不苟，吃得出佢嘅用心製作。滷豬腸同魷魚係必點。豬腸洗到好乾淨，沒有異味。保留着纖維嘅部份，幫助索汁，所以豬腸咬落口感豐富又juicy。魷魚爽滑彈牙，無得頂！食得辣嘅朋友，一定要加佢嘅秘製辣醬。個辣醬簡直係令到碗車仔麵錦上添花，推上另一個層次。一定要試下！ ！

今晚和娘子在APM中逛街Windows Shopping，大熱天時本來想在APM中用膳，但是每一間餐廳皆是人龍，只要是食店皆是萬人空巷，此時此刻Step想起甚麼分析員說香港經濟有下滑跡象，Step看到現在的盛況實在沒法相信，基於娘子又不想在Food Court用膳，Step無奈地問娘子… 『不吃Food Court的話，那麼你想吃甚麼呢？』Step問。 『Umm…周圍都是長長的人龍，等吃的話都不知等到何年何月；突然想吃車仔麵，不如我們去上次去過的車仔麵店用膳吖…』娘子回答。 上次去過的車仔麵店？吖，記得了，就是位於康寧道的來多碗車仔麵。 ------------------------------ ~地點位置~ 來多碗位於觀塘康寧道62號地下，由觀塘港鐵站A1出口沿著裕民坊步行再轉上康寧道，全程大約8-10分鐘；如果在物華街巴士站下車再步行至康寧道，大約需要5分鐘； 不過因為現在天氣炎熱，加上康寧道是上山路段，未行到來多碗便已經全身冒汗衣服濕透了… ------------------------------ ~裝潢擺切~ 一到來多碗，店員會要求食客先在門口落單，落單後再拿取車仔麵和

舖頭叫來多碗真係無改錯ga30$ 3個餸大大碗 好幾樣配料都係必食試過幾款菜包括蘿蔔 豬紅 豬腸 魷魚 冬菇 辣魚蛋千萬唔好小看來多碗嘅辣魚蛋 真係好辣ga就算係辣椒醬都係好好味ge其他配料我就未試過 係因為我對食材無興趣所以不試姐全部都煮得好入味 不過豬腸呢就看運氣啦 有時煮得唔夠耐 好難咬得爛 不過我今次食好淋好入味ah 冬菇好香 到底來多碗ge醬料有咩秘訣 可以令人想來多碗呢 haha不過預左e d 餐廳會dirty d 檯面ge自助醬料樽好痴luplup 啊 下次都係外賣算

最近在蒐羅觀塘嘅美食…心血來潮就入去食車仔麵个老闆態度好好。我叫咗一面三送加多個奶茶加埋39。坐低開始食，第一啖食个河粉，加咗佢地秘制嘅辣醬，真系好惹味丫！再食个豬紅，脆bobo好好食。個羅白都好夠味…不過個人覺得個味道過咗籠…偏鹹咗d…同埋有d軟淋淋…個魷魚我覺得就麻麻地…冇咩味…不過個河粉都幾得，唔系個种一夾就斷嗮嘅河粉就可憐我著白色衫…沾到個湯汁…要返去洗衫喇個人推介個豬紅同埋可以食得辣嘅一定要加個秘制辣醬！（辣醬其實都衹係小小辣）

很少來觀塘，不知有甚麼好吃的，上openrice一看，看見這家排名甚高的車仔麵，決定走上斜坡試試看。一進內，有位員工會叫你先點麵和餸，付款後才入座。款式也不少，最後點了三餸麵，承惠$30，真的很抵食份量也不少，記得跟他說要辣，他們的辣不算辣，但甜甜辣辣的味道使這碗車仔麵更加出息豬腸很入味，而且份量也不少；牛腩不算淋，但也不太靭；豬紅沒有甚麼特別；油麵軟硬適中。食物很入味，但難得吃完沒有口乾口渴，下次有機會會嘗嘗魷魚，因為看見很多人也有點這款。

其實由細到大, 我都真係好鍾意食麵, 尤其是食車仔麵, 因為可以將自己最喜歡食嘅都放曬喺同一個碗度. 好啦其中一個嚟參觀塘嘅車仔麵飯堂, 就是這間來多碗啦. 阿姐一見到我哋, 就問我哋食咩麵, 我就叫個油麵啦. 好多選擇, 都唔知選咩好 就算平日晚上都好多人, 不過這裏地方整齊乾淨, 所以都食得頗舒服 我就叫了個 四餸車仔麵, 打包檸檬茶, (HKD44) 來到這裏當然要阿姐 畀啲辣醬啦, 因為這裏的辣醬是自家製的, 是非一般的那辣醬, 除了辣味十足之外, 都帶有鹹鮮味, 令整個車仔麵的味道昇華了不少. 原來這裏一定要叫這個玻璃魷魚, 爽口之餘, 玻璃魷魚都醃製得非常入味. 而我還叫了這裏的牛腩, 雖然今次牛腩不是半肥瘦, 肉的比例比較多的, 但還算軟腍入味, 不錯. 這裏的牛丸都爽口彈牙, 因為這裏的牛丸是自家製自家打, 牛味十足. 但今次的瑞士雞翼就失色了一點, 不過也是不過不失. 而油麵也是煮得剛好, 加上車仔麵湯底是用上豬骨餚製之餘, 阿姐都會再加天牛腩汁, 令到湯底更香更濃 所以每次食車仔麵我都連湯一起喝掉, 因為這湯實在太濃郁太好吃了, 最重要的還是

作為住係新市鎮嘅朋友，成日1好羨慕住舊區嘅朋友樓下帶無數小店老店，咖似我地得連所店選擇。。。所以每次去到舊區╴都一定係搵啲老店食！來多碗車仔麵真係無得輸！以前係金僑小食，細細個成日同屋企人食╴而家轉左名，但味道無變！新店嘅地方比從前闊落左好多仲帶學生餐！叫左個豬腸豬紅魚滷水蛋粗麵+熱檸水（＄45)魚蛋選了辣魚蛋，咖哩魚蛋唔算太辣，反而好惹味～滷水蛋係第一之叫，睇佢唔係好深色，估唔到食落咁入味，下次可以再叫～呢排好鐘意食粗麵(鍾意到隔日早餐都食)所以今次都揀左粗麵！粗麵夠彈牙，而且面積夠大，無一口麵麵可以沾更多濃濃湯汁～店內亦提供唔小醬料比無選擇，重口味嘅朋友可以自己調配更岩自己口味湯底～

最近都一直直在下雨，我最怕撐傘逛街今天約了在附近上班的朋友吃飯隨便就走進一間吧，下次不想待在室外太久下雨天人不多，還有卡位可以坐坐下才知道是先去購買半自助形式um...什麼是冰底？不過我沒有詢問...反正我要熱吃趁阿姨幫我弄麵時，快快拍個照,..本來我坐下時大概想了要什麼餸才出來的可是出來後，我之後才發現我的選擇有所改變女人嘛...真善變唯一沒變我由頭到尾都想著想吃油麵醬料齊全！本來想要漢堡扒，但最後變了腸仔豬紅跟豬腸都很入味！湯底腩汁也很濃唯一覺得油麵有一點碎鹵蛋也很入味，看也看出來吧..我覺得我下次要試吃蘿蔔倒是朋友叫了河粉，是幼河，沒斷朋友稱讚很好！魷魚也爽滑，漢堡扒說只有一片太矜貴半自助的原因是麵是自己拿回坐位，飲料是店完遞過來的平常的我很少order奶茶不知道什麼來的衝動我叫了奶味很出！是我的口味！我挺喜歡就是了其實坐下我是想要豆漿，怎料..是沒有的學生來吃超值...