來德好蝦麵廚房

营业中

休息中

第一次幫襯諗住個招牌叫做蝦麵，以為個蝦麵會好好食，點知成個蝦面嘅湯底一啲蝦味都冇！佢個湯底我都唔知佢有用過幾多蝦頭去煲？！個味淡到唔知要飲幾多啖先至可以試到有少少蝦味！朋友仲叫咗喇沙一碗，一嚟到已經見到個湯底唔對路，完全係咖喱湯！蝦面冇蝦味、喇沙又唔係喇沙！我真係唔知點解佢個舖頭名叫做蝦麵！然之後兩碗嘢嘅餸完全一樣，都係得幾隻蝦同啲豆腐卜。真心覺得完全係呃人。埋單仲發覺原來要加一，一間咁嘅舖頭完全睇唔到可以再次幫襯嘅理由！

走進呢間店，嚐一嚐新加坡嘅滋味，真係一場味蕾嘅盛宴。由冰鎮咕嚕肉開始，外層金黄脆脆，啖啖豐富口感，肉质腍滑，轉個彎帶點冰凉刺激，冰火兩重天，食落驚喜連連 😮🐷。蛋黃大蝦上桌喇，佢嗰勁咸蛋黃香，真係吸晒個魂咁教人停唔到口，咸香得嚟炒得乾爽，大蝦咬落鮮甜，每口都過癮得滯 🦐🥚。蛋黃雞翼都係一樣，咸蛋黃包覆住傳統滋味嘅雞翼，惹味大提升，脆香雞翼配咸蛋黃，嗰口感真係無得輸。再講下馬拉盞炒四大天王，咸香辣辣，帶一撃清新嘅辣味，四塊綠茵都脆口夠哂勁，四角豆嗰種特別嘅口感，真係令人記憶猶新。最後，香辣蘇東炒粿條 🌶️，辣辣地惹味，油光閃閃嘅粿條咬落去口感彈牙，嗰種辣得剛剛好嘅滋味，實在太惹火我嘅味蕾。喺西貢大自然嘅懷抱中，發現呢一間帶有新加坡風情嘅美食，實在太值得啦！跟朋友一齊享受這頓大餐，滿足到不得了，你地下次黎西貢，記得都要試吓嘅！🍢🌿🍴

周末入西貢玩，黃昏出黎一定塞車好彩朋友介紹左間好味既菜館，好surprise😍😍😍菜式特別，又有鑊氣👍🏻👍🏻❄️招牌冰鎮咕嚕肉❄️ 可以一齊玩尋寶😂😂🤣仲有估唔到有泰菜🔥火山骨，酸酸辣辣好開胃🤤🤤🌕黃金系列食過好幾次，炸雞翼炸蝦炸魷魚...炸乜都好好食！連炒飯都粒粒分明，真係冇一碟唔好食😂🤤🤤多人一齊食可以叫大size，仲可以坐上層，好似私人包房咁，氣氛更好，不過就要犧牲服務，因為上面冇專人服務大家想食記住訂位✅

朋友告知出品不錯，就過來食第一次，本人已喜歡這間食店，沒有口渴（無味精）味道非常好，其中有兩味餸菜是有湯的，我們都飲了很多碗，大家都認為是真材實料的又美味，食完後大家講出會再來，老闆好有心，知道第一次親身出來向我們介紹一下新加坡美食，好有親切感，西貢有這間用心經營的小店，要多來食下其它出品以前在西貢食飯，多數會到海鮮店，其實西貢都有其它這特色食肆，嚐到另一類美食，得知餐廳會為顧客煮海鮮，一間店舖有幾類型食物出品

Fat boy成日都會叫來德好嘅lunch外賣食，外賣加$2，都係$52，有杯熱飲，住家湯同個炒飯/粉。之前我叫炒粉多，佢d粉好多，又炒得好夠鑊氣，真係幾唔錯。而d湯都好好飲，似乎係無落味精，我次次都會飲晒！今日我去買外賣，佢竟然有個肥牛酸辣湯河……咁就即管試一試啦！食落又幾ok喎，個湯底唔係港式味道，而係中式酸辣湯味，即係好似魚翅加喼汁嘅味！又幾特別，出面都好少食到。而炒飯我都少食，下次搵日要試試佢！

朋友介紹黎左呢間袋小菜，話要食冰鎮咕嚕肉，我之前係其他餐廳食過都好好食，就睇下呢間如何。咕嚕肉係好脆，但太多汁令到口感好奇怪，如果乾身返啲會好好多。其他小菜不過不失。

趁復活節假期最後一天，和朋友到鹽田梓快閃遊，本來想在島上品嚐土窟雞，但原來要早幾日預訂，所以我們決定回西貢市中心食午餐。來得好是我們偶然在OPEN RICE 找到，個名真的沒改錯，佢哋嘅菜色確實令我們有意外的驚喜。

閒日同朋友係西貢行完山，西貢西餐廳就特別多，但新加坡菜既就少有。聽西貢地膽朋友介紹話呢間唔錯，唔係佢介紹，都唔知呢度有間主打新加坡菜既餐廳，因為門面裝修比較平凡，之前搵野食既時候經過都冇乜為意，真係隱世！蛋黃雞翼（例）：岩岩炸好熱辣辣，一上菜就聞到好香，蛋黃夠多，夠入味，唔會好鹹馬拉盞抄四大天王（例）：好惹味有秋葵、椰菜苗、四角豆、臭豆將四種唔同口感嘅蔬菜豆放埋一齊👍🏻個人最鐘意秋葵月光炒麵（原本配炒粿條，但賣哂）但轉做炒麵都咁好食唔小心影低就食左一大半😅生蛋汁液同麵撈埋一齊，麵變濕潤 但唔係淋加配菜炒得好香，但豬頸肉比較少，太細條，好似肉絲咁。脆皮金磚 （自家制豆腐）新鮮炸起、外脆內滑！好鐘意呢種外層，唔油、乾身地好香脆可口食到唔停口😛肉骨茶（中）：不過不失，唔算好濃，但起碼唔會飲完想飲水既味精味豬骨都幾多幾大舊

Restaurant Review📋Food🍽🍜Noodles in🇸🇬Singapore Style Shrimp🦐Soup- Thin, Umami & Savoury Soup with mild seafood sweetness. Can't stop drinking after the first mouth😋- Shrimps🦐were springly but not super umami, Squid🦑tasted Band- Deep-Fried Dried Beancurd Balls were cruchy, yet not oily, & had strong soy bean taste. Successfully added a punching texture to the whole bowl😊- Water Spinach was crunchy & Fresh, Cilantro's unique aroma enhanced the soup & noodles flavor- Yellow Noodles🍜were quite spring

今天跟皇上做完 飛掃 , 去了很久沒有去過的 蝦麵店 , 我們也是點了 蝦麵/麥皮蝦/酥炸黃花魚.蝦麵 & 麥皮蝦 都能保持水准， 但蝦麵沒有了炸豬油喳。但條 酥炸黃花魚 上菜的時候沒有了我最喜歡的魚尾, 激死人. 味道淡， 但我喜款。

復活節長假期郊遊完，來到西貢的來德好蝦麵廚房食晚飯。看到有冰鎮咕嚕肉，感覺很特別，所以點了一份，還有麥皮大蝦和招牌蝦麵。冰鎮咕嚕肉口感不錯，冰冰涼涼的外皮，只是味道沒什麼特別，未食過的可以一試。麥皮大蝦可算是很特式的菜式，蝦肉新鮮爽口，調味也不錯，不會過份重味而掩蓋了蝦的鮮味，值得推薦。只是招牌蝦麵湯底普通，而且麵質也是普通油麵口感，味道不突出。但配料也算多樣，有星馬豆腐，蝦，魷魚。雖然味道不特別，但份量搭夠。

西貢食晚餐，好多人都會選擇食海鮮，不過其實另外有選擇，不妨一試。來德好蝦麵廚房，係街坊餐廳，價錢唔貴，但係選擇多樣化，今次點選了炸黃花魚、冰鎮咕嚕肉、蛋黃雞翼、蟲草花杞子冰豆腐、小炒皇、油鹽水蜆、椰菜苗炒肉碎、杞子鳳美蝦浸時疏，當然唔少得招牌蝦麵同埋手工麵。整體來講，店舖較細，坐位有點迫，但樣樣菜式都係平均好吃，有份大、中及例牌，2個人過嚟食都可以叫3餸，一大班人亦夠食。上菜速度很快，但絕不馬虎，店員雖然忙碌，但仍然有禮！街坊小菜，值得多多捧場！

而家已經好少入西貢食飯啦，今次入嚟都係因為朋友吹雞，試咗呢間來得好蝦麵廚房，我哋自己買咗啲海鮮俾佢加工，其餘就食幾小菜啊、馬拉炒粉呀、招牌蝦面啊，通通都唔錯，佢啲炒野係好有穫氣嘅，最吸引係冰鎮咕嚕肉，鋪係底嘅冰將剛上穫嘅咕嚕肉降溫，外面脆卜卜，裏面鎖住肉汁，係正既！成餐飯都幾滿意，但最後埋單就後悔自己買野唔問價，買左$200海鮮，加工費竟然$280，有冇咁貴呀。另外如果唔係食小菜，而係食佢啲馬來西亞嘢例如係蝦麵，炒貴叼，都係好唔錯嘅！

來到來德好蝦麵廚房，叫了2個小菜一個麵。1）蛋黃大蝦（例）：份量比想像中多，對得住呢個價錢。入口蛋黃味很重，蝦肉爽口，十分惹味。2）咕嚕肉 ：有冰震咕嚕肉和咕嚕肉，我們選擇了後者。一直不太欣賞冰鎮咕嚕肉，因為不到五分鐘，咕嚕肉便會因為冰而變凍，我認為，小菜一定要熱吃才好吃。咕嚕肉十分脆，不過粉漿太厚，破壞枯嚕肉的口感。醬汁夠杰，不過有肉桂粉的味道，個人不太喜歡。不推薦。3）招牌蝦麵。湯底十分鮮甜濃旭，上面放有蒜片令到味道昇華，蝦肉爽口，作為招牌名不虛傳。總括來說，蝦麵令人驚喜，不妨一試。

初四去完三門仔釣魚，晚上同老友走左去西貢搵野食，行過門日以為淨係食粉麵，原來內有乾坤😁，裡面重有其它美食，老板娘重有推介我地食黃金魚片、送啤酒一流，冰鎮咕嚕肉必食，蝦湯麵冇味精，好濃蝦味正，老友記都話其它都好味，下次會帶老婆同個女黎試佢地D黃金雞亦和冰鎮咕噜肉先