侍元 (已結業)

這餐廳位於荃灣海之戀地方不大坐位不多.但拉麵價錢平宜.當晚相當多人.質素相當高,真的有日本當地感覺味道.主要拉麵分： 赤武士, 白武士,黑武士,侍元套餐選擇：（梅，竹，松）配炸餃子，沙律，泡菜自家檸檬茶不錯.很多片檸檬餐廳同日本當地很相似.先到收銀選食物付錢.再找位置等待.手上BB機會響.自取食物回座位吃。餐具都是用完即棄.感覺不需要服務員的快餐店.只要食客自律食完放回托盤給餐廳完美。選了赤武士地獄拉麵湯頭辣辣地但很開胃.拉麵真的軟硬適中.叉燒大塊厚身爽口.木耳絲粟米糖心蛋....份量好大碗糖心蛋鰻魚飯糖心蛋顏色好漂亮紅紅的.雞蛋好入味.有濃濃昆布香味鰻魚有烤過燒過.有BBQ焦香.珍珠米又圓又軟綿綿.堅日本珍珠米。

四十五分鐘放午飯時間，與同事急步到附近的「海之戀亅商場地下層「侍元亅吃個簡單拉麵午餐！ 下午二時多午餐時間一過比較少顧客，午市套餐算這家抵食，多種拉麵湯底風味又多選擇！ 我今天選了～侍元味增拉麵 62元+22元轉套餐享有小食+飲品等。拉麵湯底濃郁，最緊要是夠熱，木耳，粟米爽口，流心蛋入味軟滑。叉燒厚度適中啖啖肉有口感！小食有驚喜！日本餃子香脆好味！鰻魚飯 配 炸雞件份量剛好飯軟綿，醬汁濃味帶甜惹味！熱熱炸雞又酥又脆！雞肉嫩滑有肉汁！好有驚喜！两份套餐都好合格，好味！

商場抵食拉面餐海之戀竟然有間咁平民嘅日式拉面店，緊係要試下！見到佢地而家仲要做緊promotion，最便可以＄48一個日式豬扒定食！⭐九州白武士拉麵 $62豚骨湯底係幾香濃，一黎到見到鋪滿成碗櫻花蝦😍超香另外仲有3片日式叉燒、流心蛋半隻同埋木耳絲及香蔥見到已經流曬口水～拉麵麵質算有彈性，個份量仲要算多⭐炸雞套餐 +$22 （3件）+ 一杯凍檸茶侍元另一主打就係炸雞！炸雞外皮炸得好脆，肉質又夠嫩⭐另外而家只要order 夠＄100，餐廳就會送多2隻餃子😍好抵！餃子煎得香脆~⭐滑蛋吉列豬扒飯＄52份量多，豬扒炸得香脆2個女人食，絕對係好多，食唔曬

匿間日式餐廳系荃灣港鐵站鏈接海之戀商場出口一出來直行就到，非常方便。店鋪唔大，裝修濃厚的日式風格，好似去做日本咁👍👍就算堂食都全日免加一服務費Good。今日全店滿座，所以我決定外賣返屋企慢慢食。聽聞匿間炸雞又平又抵又好食😋所以我要左龍田揚炸雞定食（HKD 48）炸雞🐓：雞肉好入味，炸得又好脆，雞肉好滑，配上沙律醬，非常好味，份量都唔少有4大舊炸雞。白飯系珍珠米，比較有嚼勁，好有飯味，配上炸雞，好抵食。炸雞定食48蚊仲陪埋野飲，我要左檸檬茶，超級抵食，極度推薦大家去試下。

嚟到海之戀商場，諗住行一行Donki。係附近見到呢間餐廳就走咗入去食。入到去見到間餐廳好窄、冇乜地方，已經心感不妙。見到有個QR code，本身以為係用嚟自助點餐，結果就係社交平台度睇餐牌，社交平台又好慢，根本好難睇到。店內明明有實體餐牌，點解要專登睇社交平台餐牌？之後睇來睇去，嗌咗個侍元味噌拉麵。上到嚟見到個碗拉麵上有兩舊肉咁，本身以為應該好好食，但係一咬落去發現啲肉好柴全部都係瘦肉，好難咬。同埋啲肉唔知點解有啲莫名其妙嘅竹籤味。個湯底亦好普通，淨係一般麵豉湯嘅味道。食過之後應該唔會再食。而且個餐都有啲貴要70幾蚊，附近有更多水準較好嘅餐廳。呢個拉麵嘅水準唔值得呢個價錢。

本人好鐘意食日本拉麵，前幾日行街，見到一間好平價的日本拉麵，見人唔係好多，就入黎試吓。點左濃厚豚骨湯拉麵，賣相都幾吸引，湯底好白，同其他拉麵鋪賣相差唔多。但味道就越食越鹹，要飲好多水。建議湯底味道可以再淡D。叉燒就好差，算係食過最唔好食的叉燒，有D硬，味道亦好麻麻，勝在價錢平。半個溫泉蛋還ok，味道算中規中矩拉麵麵質彈性一般般，有D似超級市場買返黎果個口感。不過呢個價就唔好同平時出面啲出名拉麵店比較，算係可以果腹，對得起價錢。

阿囡終於考完試喇！佢話想去海之戀逛下商場，見到呢間食咖哩飯同炸雞，就去試下啦…...🍜侍元這分店店子小小，但裝潢不馬虎，佈置滿滿日式風格呢度啲日式飯,麵都幾抵，大概50多至70多左右，可以加錢轉套餐，有1份小食/飲品。消費滿100蚊送2隻炸餃子。我揀左🌟溏心蛋墨魚餅手打烏冬🌟加12蚊點泡菜套餐墨魚餅咬到滿滿的墨魚粒，烏冬夠彈牙，溏心蛋煮得恰好，蛋白剛熟加上微微流心質感的半熟蛋，食完一隻想食呢！泡菜微辣，不嗜辣的都可以點配。囡囡鍾意食咖哩飯，揀左🌟溏心蛋黑豚肉海軍咖喱飯🌟加22蚊點炸雞套餐日式咖喱味香濃，咖喱汁份量夠多，滿滿蔬菜，豚肉夠腍身，咖哩控唔好錯過。囡囡好快就KO成碟飯喇！要讚一下炸雞，外皮脆肉夠嫩，雞腿肉鮮嫩多汁，下次真係要叫一碟先得！已經諗定下次試地獄拉麵🍜😁

今日放工同老公去海之戀Donki買嘢。買之前喺附近搵食，我哋搵到哩一間價錢相宜嘅日本餐廳。餐廳裝潢十分日系，簡潔舒適。我點咗炸雞多蜜醬免治牛肉飯$62，而老公就點咗別府封血池地獄豚骨拉麵$62，另外加$22點咗餃子和汽水。🔸 炸雞多蜜醬免治牛肉飯🐂🍚醬汁十分香濃，清新開胃，味道同肉醬意粉嘅肉醬相似，配飯一流。炸雞好香脆，雞肉味香，肉質鮮嫩多汁。🔸 別府封血池地獄豚骨拉麵🍜一開始有啲擔心會唔會太辣，答案係不會的，辣度絕對可以接受。辣味好香好刺激，湯底味道濃郁，豚肉味好香，拉麵軟硬度啱啱好，口感富彈性，正！餃子🥟都好食😋，脆卜卜，十分香口。平靚正之選！

海之戀呢個商場連住港鐵站真係好方便，耐唔耐就黎買野順便食飯，是日就試左侍元。店不大，食物主打拉麵同日式碟頭飯，有不同套餐可選擇，豐儉由人。自助落單後等個牌仔響，效率很高，大約十分鐘左右已經有得拎。同朋友分別試了拉麵同咖哩飯，大家都加了套餐，天氣咁熱點少得凍飲嘛。豚肉咖哩飯朋友點的咖哩飯賣相還不錯，勁多咖哩汁正喎，入面是滿滿的豬肉粒、薯仔粒同紅蘿蔔粒，朋友仲笑稱似兒童餐，切得細細十分方便食，味道就是日式的甜咖哩，伴飯一流。黑武士醬油拉麵黑黑的醬油湯底幾鮮味，雖然飲多了係有一點點鹹，朋友話佢喺日本食拉麵飲嘅拉麵湯係更鹹，香港版已經有所調節。配料有溏心蛋、木耳絲、粟米、青蔥同叉燒，蛋很綿滑，叉燒軟腍。麵底用上黃色曲麵，爽口彈牙，不過有少少鹼水味。朋友加配了泡菜，微微辣都幾好食。自己就加了沙律，菜新鮮很清新，多麻醬正喎。用消費券比錢有餃子送，抵～餐飲要左凍檸茶，茶底香，檸無苦澀，仲有三片檸檬添，好飲。小店係自助形式唔使加一，食物都唔錯，咁多款配搭有排都未試哂。

第一次幫襯，外賣自取回家後，打開盒後發現只得蠔及沙律，俾漏左飯餐廳提供的電話一直都沒人接聽食物質素好好味，炸物好juicy，無乾爭爭，可惜無左個飯電話又無人聽希望餐廳可以出餐前確認一下，才交外賣給客人。對住打開外賣後才發現無左個飯的我，表示無奈

好耐無去過日本，好想食到日本的丼飯及拉麵，今日比我發現了一間價錢唔高，但好好味嘅日本餐廳。餐廳位於海之戀商場入邊，食完飯重可以周為行吓，非常好。餐廳有不同定食，有豬排，炸雞及炸蠔定食，亦有拉麵供應，拉麵有九州拉麵，東風拉麵，而且重有小食供應。吉列豬排定食豬排份量好大，一個人夠晒食。豬排外層炸到非常香脆，入口鬆軟，絕對對得住呢個價錢👍🏻一啖豬排，一啖飯，好滿足呀。九州風拉麵拉麵配有豚骨湯底，味道一啲都唔差，加上櫻花蝦作調味，增加了幾分鮮味。义燒味道正常，講真呢個價錢，我真係無可挑剔。我加配了炸雞翼，雞翼好好味，外皮炸到好香脆，浸一浸豚骨湯再食，更加好味。食後感：價錢親民，食物美味，如果我住附近，我會將呢間餐廳定位做我的飯堂，晚晚都去食飯，哈哈。

快~~~由櫃位落單到取餐用膳，全程十分鐘左右。加上又近西鐵站，出閘行過黎都系5分鍾左右。靚~~~叫左九州風白武士拉麵再加$22 有雞翼同凍檸荼，外加多個炸流心芝士蝦餅。各炸物炸到金黃色，毫無燶邊。而拉麵佈滿唔少櫻花蝦同木耳、粟米等。仲有流心溫泉蛋，擺款吸引。正~~~~芝心蝦餅，咬一啖，芝士流曬出黎!外脆內軟!拉麵湯底可口，拉麵爽口，肥瘦分明兩大塊豚肉。雞翼又大大隻，外皮脆，入面有少少肉汁，好惹味。現時消費滿$100，送兩隻餃子。

忙碌的一天，經過鐵路站，約埋朋友一齊食飯，順便去會所玩。朋友提意食拉麵，地點又方便，正正西鐵綫商場。朋友一到就話要食赤武士，湯底係豚骨湯，再加上地獄辣，溫泉♨️蛋，真似去左別府😅，另外加22元有多一個小食同飲品，炸雞翼好好味，外脆內肉質嫩，飲品都係檸檬茶，可以解除一下油炸食品。我就試左溏心蛋墨魚餅手打烏冬，湯比較清淡，特出左烏冬的口感，讚岐烏龍烏冬的感覺，墨魚餅咬上去有墨魚彈牙的感覺，再加上炸雞同檸檬茶，令人回味日本之旅。

有時會覺得係海之戀食野好貴，估唔到搵到一間咁平民價錢既餐廳最平既定食套餐$48仲包埋飲品其他既拉麵同飯類套餐都唔算貴，仲可以加配小食同埋飲品而家用惠顧$100仲會送2隻餃子呀我地叫左侍元拉麵同埋咖喱吉列豬朳飯！再加左松套餐有雞翼同埋飲品！侍元拉麵係味噌豚骨湯，湯底味道夠濃，麵質彈牙，叉燒肥瘦均勻，六十幾蚊黎講嘅拉麵算係性價比高咖喱吉列豬朳飯既豬朳都好大塊，新鮮熱辣炸出黎，咖哩汁都幾香炸雞翼都係熱辣辣，又夠juicy ! 仲有3隻，真係幾抵食

唔洗等位但非常一般🍜🫣·🍜濃厚味噌豚骨湯拉麵（$62）價錢抵食.溏心蛋切口參差不齊但味道唔錯.湯底略淡，麵質欠彈性～🫥🫥🫣·🍜黑蒜油醬油湯拉麵（$62）呢個味道出d!叉燒麻麻地，不過對得住價錢👌🏻👌🏻·🐥炸雞翼（+$22）最好食！！勁香脆，又唔乾👍🏻·🥟炸餃子（+$22）普普通通·🍹凍檸茶.小食套餐配～好大杯😆👍🏻·📍侍元荃灣大河道100號海之戀商場地下G32號鋪