俊達信茶餐廳

营业中

休息中

午餐時間約莫一點半，我入到餐廳後四處望了望，發現好幾張空位，於是選了一個角落的位置坐下。當時餐廳不算特別忙，但服務員竟然完全無視我，明明見到我已經坐下了，但他們卻忙於聊天，好像我根本不存在一樣。我心裡不禁懷疑，是否因為我一個人來吃飯，他們就覺得不值得花心思招待？如果真係唔想做我這單生意，不如直接講清楚，唔好浪費我嘅時間。等咗足足五分鐘，竟然仍然無人過來幫我落單，最終我失望地起身走人，決定唔再浪費時間喺呢度。

下午茶時間過咗嚟工廠區隔離嘅民居住宅區，響附近搵嘢食，喺馬路對面就已經見到呢間俊達信餐廳，又係一間潮州打冷，門口睇落去以為好細，但入到去地方都好大，例牌點咗兩個小菜，一個主食。份量都幾多。薑蔥鯇魚煲，好有鑊氣嘅一個菜，外面一層係炸過嘅，裏面嘅魚肉結實，食落去就知道係新鮮，薑蔥爆香，食落去唔會腥。豉汁排骨炒涼瓜，涼瓜食落去只有淡淡回甘，唔會苦，排骨雖然用嘅係冰鮮排骨，但冇乜雪味，都可以接受。咖哩炒貴刁，咖哩味唔會太重，河粉配搭芽菜洋蔥絲炒出嚟，一啖落去食到河粉嘅煙韌，又食到芽菜同洋蔥絲嘅爽脆清甜，還有蝦仁，呢個值得一食。

次次睇完戲都入駐下呢間茶餐廳啦，薯仔牛柳粒真係好好食，薯仔炸的脆卜卜，又加埋d果仁一齊炒真係好香口，牛柳又腍，一d都吾老好好食，嗌多個涼瓜排骨都吾錯，間鋪有d似大排檔，好多人係度飲啤酒，嘈左少少，好彩我哋都吾介意，d卡位都幾好坐

🤮🤮 $40，叉燒紅腸飯！ 寧願你收返貴啲，比返啲正常質素出嚟！！！打開個飯盒見到啲叉燒，望落已經好似塑膠玩具咁硬硬哋，影定張相先……筷子夾落去，啲叉燒嘅質地係‘’柴‘’到舊叉燒會自動一條條絲或一小舊咁分裂 (見相)。！！！ 入口更加是又硬又柴又乾，有兩舊食咗兩下之後仲發覺臭臭地，要𦧲返出嚟！！！白飯偏硬及乾。紅腸正常，起碼唔係好似啲叉燒咁臭臭哋及又柴又乾。唔會再幫襯 😡

🥘香辣麻婆豆腐🥘海鮮雜菜煲🥬❤️上一次食麻婆豆腐就係食中學飯商嘅健康版…係唔好食😅😂我終於脫離中學嘅魔掌幾年，第一次食出面餐廳嘅麻婆豆腐！佢係一道好受歡迎嘅川菜，大人細路都鍾意食，口感麻辣香口，豆腐吸收曬醬汁嘅味道，有淡淡肉碎嘅香，好夠辣🌶️配白飯食係最完美嘅食法🍚另外，我地食完咁熱氣嘅一道菜，都要食另一道清清地嘅嘢食中和下🥬呢煲海鮮雜菜煲有菜、魚、蝦、章魚，個人覺得麻麻地，無論海鮮定係菜都好普通，不過個湯係幾清甜 唔濃味！忍唔住飲咗2碗🙈🙈

這一家非常舒適的街坊茶餐廳，環境寬敞，光線充足，令人感到非常舒適。進入餐廳後，你會發現這裡的食物選擇非常豐富，有許多潮州食品和廣東小炒，你可以選擇不同的菜式，品嘗不同的風味。此外，這家餐廳的價格非常實惠，讓你可以在不花費太多錢的情況下享受美味的食物。我推薦你嘗試這家餐廳的滷水，這是一道非常受歡迎的菜餚，味道鮮美、口感獨特，不妨嚐一嚐。總的來說，這家街坊茶餐廳是一個非常值得去的地方。它提供了舒適的環境、豐富的菜單和實惠的價格。如果你想品嘗正宗的香港茶餐廳美食，這家餐廳絕對不會讓你失望。

完咗聚會，同老婆各有各食，佢就同朋友飲茶，得番一支公，好彩仲有個老友同樣得一個，就問聚會所下面嘅茶記「俊達信 」食個午餐，簡簡單單費事周圍搵，香港地梗有一間茶記晌左近。其實呢間茶記開咗好多年喇 ，不過一直都試，因為比較心水喺附近嘅「太子小廚餐廳」。 環境都喺同大部分茶記差唔多，無玩懷舊，好街坊，但呢度勝在地方大，座位多，有細圓枱、大圓枱，卡位就唔使講啦，大電視送飯，又幾乾淨企理，尖峰時間都幾爆場架。 餐具、水杯、基本調味料放晒晌枱上，自由取用，仲一次過放埋一大壺水俾你。 茶記除咗平靚正之外，選擇亦喺無限多元化，好似乜都有咁，乜餐物餐、碟頭飯、湯粉麵、小炒……等等，不過此時此刻最抵食嘅都喺午餐啦，佢哋嘅午餐選擇唔多，只有五款，款款賣$45。唔啱食嘅可以晌主餐牌揀其他碟頭飯，貴啲之餘，飲品另外收錢。例湯嚟食午餐，除咗包嘢飲，亦都送埋例湯，啲阿姐都好好招呼，未點餐佢就送上例湯。是日喺簡簡單單嘅青紅蘿蔔煲豬骨老火湯，咁大量製作而用料夠足嘅話，都喺好唔錯嘅，最緊要都喺無加味精啫， 香港人工作繁忙，少湯水，所以就算有個例湯飲吓，都喺幾好㗎。星洲炒米 $45老友揀星洲炒米，茶記嘅炒粉飯麵另一賣點就喺

今日無間斷地落雨，紅雨又黑雨所以阿媽無去買餸.....放工收到阿媽通知落樓下食樓面阿姐都好用心推介餸叫咗滷水三併，大腸，腩肉，墨魚煎鹹鮮爐魚，魚香茄子炆米，蜜豆西芹炒腐竹滷水大腸腩肉幾好食，墨魚就普通，而驚喜嘅係墊底嘅豆腐好好味，有豆香索咗啲滷水汁鹹鮮爐魚，第2次食，依舊炸到好脆口，啲骨脆好香口都好好食呢2樣送啤酒一流，喺街坊餐廳黎講好好食魚香茄子炆米就正常咁蜜豆西芹炒腐竹就油咗少少煎鹹鮮下次會繼續encore滷水可以試併其他滷水餸