俏鳳凰

营业中

休息中

食物尚可，當天晚上6點很多菜式已經售罄與先生點了兩碗紅酸湯肥牛粉和一杯鴨屎香檸檬茶-紅酸湯肥牛米粉米粉口感偏硬，湯底夠酸辣度普通肉類份量不平均，先生那碗米粉的肥牛偏少，只有3-4片肥牛米粉份量對女生來說很足夠，對男生的話就不足夠了-鴨屎香檸檬茶檸檬茶ok，有香水檸檬的香氣-服務見到很多評論指出服務態度惡劣，樓面服務態度沒有要求的話ok但是，收銀員服務態度惡劣，付款時系統連線有問題，無法結帳，卻把責任推卸在客人身上，以命令的口吻叫我們檢查清楚有否關閉點餐系統才能結帳🙃🙃去food court其他餐廳用膳相信會有更好的體驗

#啟德Airside俏鳳凰 可以一試！同朋友嚟到啟德Airside頂層 ，food court隔離發現到呢間食店，即刻入去醫肚先。今次嗌咗三樣餸加一杯手打檸檬茶🍋同一碗飯🍚，人均港幣$125。🥩酸湯味豆米肥牛煲個人唔太鍾意太酸嘅味道，呢個淡淡地，易入口，所以呢個肥牛煲其實幾啱我，料都好足夠，另外我地$10加咗一碗白飯，撈飯食都幾好。不過如果鍾情於濃郁酸辣湯口味嘅朋友仔，我個人覺得可以pass☺️🍗香到鳳凰街的燒雞燒雞對我嚟講係最有驚喜！今次點咗嘅係半隻份量，上菜嘅時候外皮仲係金黃酥脆，肉質又鮮嫩多汁，至於沾埋嗰獨特醬汁，成件事會更加有層次同加分，大推！🥬翠翠灼菜心菜心正常發揮，一碟$18兩個人食，個人覺得份量可以😌但如果同我一樣，每餐堅持要有菜有肉嘅朋友，建議可以嗌一碟～📸同場額外餐廳有一邊係落地大玻璃，望到出邊風景，影相都幾靚🌃；手打檸檬茶正常發揮🥤；有啲脆卜卜嘅小菜可以無限添加🤤；最後係菜單上嘅英文翻譯有驚喜，令人會心微笑😉。#香港美食 #香港foodie #啟德美食 #啟德airside #俏鳳凰

今日行經諗住試下入到去已經有侍應話呢度唔係foodcourt咁表示明白後個侍應帶左我同朋友去1張4人枱（果時都已經7點已經開始晚市） 當時有2人枱又唔安排去果度坐咁點野啦。 用qr code落單出野都算快叫左個蕃茄肥牛烏冬， 酸辣烤魚， 半隻好似炸子雞既雞蕃茄肥牛烏冬， 湯唔憹味。 普通味精湯辣魚又係味精， 魚肉唔新鮮似橡筋同縮左水咁雞反而幾好， 味ok， 算滑。 不過隻雞都幾迷你， 半隻雞似2／5隻雞咁由點菜到食野期間都不停聽到2個女侍應係咁同人黎未點菜既客講呢度唔係foodcourt, 其實人地都未攞foodcourt d野入黎， 最重要係根本人黎既人本身都係打算幫襯。 真係令人好煩躁。 之後要拆枱搭台， 唔緊要。 繁忙時間但人地食緊野又係咁收你枱面d野勁趕客然後坐我地入面果台客落完單上菜係咁係我果台頭頂穿過去擺d野去隔離枱， 搞到隔離台都話果個侍應連基本既服務禮儀都做唔好，個侍應又黑哂面走左去幫襯完上後openrice睇下呢間野咩料。 原來都好多意見表示呢間野態度差我自己就一定唔會再幫襯野食中下水平， 價錢唔貴(同隔離foodcourt差唔多水平)但服務真心差， 過隔離

隔離food court都full到hihi 但依到仲有位坐諗下都覺得伏伏地不過唔試過就作準既果不其然預制菜黎講可能都係大陸仲整得好食過香港佢啲菜色呢 就張圖唔同樣既就係好普通你係屋企都整到果啲砌砌堆堆既菜色個酸湯烤魚呢 個味就未至於入唔到口但就唔可以話好食啲魚又多骨啲配料又唔多夾咁個蕃茄豆米肥牛煲就睇落都知麻麻地咪一個冇乜料既部隊煲囉牛肉都係得果幾塊又唔係好食又冇乜蕃茄味配料仲多過牛肉我又唔係好覺有豆米大部分都係菇阿公殺豬粉其實就係普普通通一碗豬雜米線但反而味道最正常因為夠普通依間野我就覺得麻麻地都唔知係我唔中意食湘菜定係佢整得唔好

果日叫完嘢食入去搵位坐，之後另一個侍應凶神惡煞咁行過嚟好大聲話呢度唔准食出邊d野，（佢以為我食food court其他店d嘢食），我俾張單佢睇，話係你度買架喎，佢望一望張單跟住就走咗去，完全唔知咩事，第一次去食好似得罪佢咁。我地叫咗兩碗米線，其中一碗叫（一顆蕃茄肥牛粉），張相呢舊叫肥牛？全部都係脂肪，成寸厚啊，呢舊脂肪仲大舊過佢比一碗粉酸菜嘅份量，跟住我叫侍應過嚟問佢（呢舊咩黎？咁大舊肥豬肉？）跟住佢冇講過野，頭也不回走咗，呢啲係咩態度？完全唔講嘢跟住走咗。完全係勁普通嘅蕃茄辣米線，態度又差到不得了，真係唔會再幫襯👎👎👎

呢排天氣悶熱，令人無乜胃口，行過airside見到food court 有呢間苗家菜，又有酸湯，所以就想試下喇！✨肥牛酸湯米粉佢苗族既米粉就好似米線咁，不過就幼d同淋d，所以比較入味！上網睇酸湯係用米水發酵，所以有天然又比較溫和既酸味，唔會似加左醋咁sharp。所以好易入口！同加上佢有酸筍，十分順口！不過肥牛就正常發揮啦！但個酸湯已經吸引我翻去食兩次！✨煙火炒飯粒粒分明獲氣夠，但唔會過油！不過味道上個木魚？定某d煙熏味太過出，所以唔係最好味。✨桂花米糕似白糖糕，但無over發酵，所以無白糖糖嗰種酸味，雖然面頭見到有桂花粒，但食落無桂花味，建議用桂花糖搽面！✨ 香到鳳凰街的雞燒春雞既size，味道不錯，但略嫌炸得太乾！✨臭豆腐夠臭！但太過細粒！✨黑糖桃花淚好香黑糖味，入面有桃膠，冰冰涼涼同辣野好夾！

在 Airside 的美食廣場 Food Muse 發現一間叫俏鳳凰的苗家菜店子，看到餐牌上的菜名，禁不住進去一試，結果3個人點了特別推介的鎮店菜式如下：—香到鳳凰街的脆皮雞—心里嫩一口臭豆腐—五花肉小串—「酸不釋口」的苗家紅酸湯牛肉粉3碗—鴨屎香手打檸檬茶結果比較失望，臭豆腐不臭，但檸檬茶卻給人臭的感覺，五花肉又乾又油膩，脆皮雞的皮不脆，而且肉乾骨多，就連苗家必點的「經365天自然發酵的正宗紅酸湯牛肉粉」也只是中規中舉，相信試過一次過就已經足夠⋯⋯

食物差到貼錢都唔會再去，主打嘅牛肉仲衰過柴。仲有嗰半隻雞，衰到唔識講，擺盤似廚餘，食落口後完全好後悔入咗嚟呢間餐廳，以後一定唔會再幫襯。兩位樓面員工hea爆不停傾偈都算，仲要服務係9流，我哋喺佢面前坐，叫都唔郁仲要好串，餐廳趕客靠晒佢兩位。未講完，佢哋有其他位唔俾我哋坐，係要俾個面對大垃圾桶嘅位我哋。都唔明個老闆究竟有無搵神秘顧客去睇吓佢d員工點做嘢。

唔係10分高要求，米線同串串都真係幾好食新商場嘅餐廳(半food court）真係算係咁但係個炒飯，真係硬到有粉雖然咁嘅價錢，有咁大兜真係幾抵食但係冇理由食生米唯有攞返屋企煮一煮再食😂

位於airside 5樓 ,地點乾淨企理, 四點幾去完全冇人, 包場咁用餐, 可惜食物質素極差,我地兩個都好唔滿意啲肥牛,完全韌到咬唔開! 食完過咗半個鐘左右我哋兩個都肚屙

第一次去Airside隨便選了一間排隊比較少人的店。一，座位及服務態度：店員問人多要搭枱嗎？不，我哋可以等下。等咗陣最后坐入后，又因為人多問可否給其他人搭我哋枱，拒絕後言語上有陰陽怪氣，“食飯人多預咗比人搭枱架喇”，入座前已揀了不搭枱，咩態度。二，坐了半小時最后告知食物賣晒眼見廚房只有兩位女士，不忍催單，但上菜真的太慢，平均半小時上一碟，然後主食肥牛煲又等了半小時說沒食材了，真浪費食客時間。無下次了，食飯唔想出來受氣

嚟到新商場啟德Airside5樓有個頗大的food court 俏鳳凰位於門口位置揀咗一個招牌雙人套餐豆米肥牛煲湯底揀咗酸湯味，配菜好豐富，有肥牛、豆皮、筍和娃娃菜等，酸酸辣辣好惹味～收銀枱附近有酸菜蔥水可以任意加，份量好足值得一試心裡嫩一口臭豆腐一份6粒，一啖一件😆臭豆腐炸至外脆內軟，上面鋪滿辣蘿蔔乾和蔥花，一齊食口感豐富黑糖桃花淚呢款甜品係解辣之選，材料有桃膠、雪耳和枸杞，甜度剛剛好套餐已包含鴨屎香手打檸檬茶👍抵食

婆婆嚟到FOODMUSE見到苗家粉就話好想食📍苗家牛肉粉·俏鳳凰🍴苗家紅酸湯肥牛粉 $81加了蕃茄湯 令酸辣度夠平衡 唔會太酸或者太辣啱唔食得辣嘅婆婆食肥牛份量也算多 闊條麵索哂湯汁 齋食都好好味😋🍴黃牛肉小串(8串) $30未試過食黃牛肉 原來好香牛肉味肉質結實有嚼口秘制醃料好惹味🥤黑糖桃花淚(凍) $20原來系黑糖桃膠銀耳糖水黑糖味道清甜 又夠冰涼 非常解膩🍹鴨屎香手打檸檬茶+$18🍴翠翠灼菜心 $18

今晚食咗俏鳳凰叫咗番茄土豆泥拌粉苗家紅酸湯肥牛粉香到鳳凰街的鷄燒👍🏻配個醬美味😋翠翠灼菜心心裡嫩一口臭豆腐👍🏻老街水煎包👍🏻仲有重點鴨屎香手打檸檬茶現場手打，好好飲👍🏻

見到負評都不少，未食之前係用以身示伏嘅心態，諗住幾廿蚊就算啦，你都其實$60.1個牛肉粉感覺同譚仔差唔多，不過個湯嘅味道係幾特別嘅佢有啲微酸微辣幾開胃，牛肉又唔係啲人講到咁少，同埋都係用咗5分鐘就整完喇，有冇啲人講到話要等好耐喎。牛肉係用嗰啲普通火鍋嘅美國牛肉，冇乜牛肉味，不過用呢個價錢我都冇期望過啲乜嘢。粉嘅份量係幾多但我覺得唔夠彈牙。手打檸檬茶有驚喜， $18一杯唔差得過出邊嘅茶飲專門店，整體嚟講都想幫佢平反一下，我覺得食完未必好有衝動短時間再嚟過，但未至於想被負評佢如果牛肉可以質素高一點嘅就會再好啲