倫敦大酒樓

营业中

休息中

在3楼吃早茶，落座后服务员半天都不给点菜卡，而明明他手里有很多卡，却不给我们。拿早茶场面极其混乱，招牌椰皇排大队。这次尝试了一些茶点，出品都非常令人失望，要么食材不新鲜，要么调味过重或没有什么调味。蛋散已经软掉，非常粘牙。凤爪略咸。奶黄包里面的馅不知所以。鸡扎虽然分量大但没什么味道。牛百叶不知为何很多汤水，且能吃出食材的不新鲜。招牌椰皇除了淡淡的椰子味之外并无其他味道，炖蛋可能水加多了导致质感很奇怪。总之吃完落荒而逃，以后不会再来帮衬了。

今天我和朋友一起在這間倫敦酒樓食飯，懷着愉快的心情和朋友敘舊，看看這間開了幾十年的舊酒樓，和以前那種舊式酒樓嘅態度是否一樣當真都是這麼差的。我和朋友們嗌了一個套餐，$1200半席，晚飯時合理的價錢，雖然酒樓環境一般，我們都不當一回事，食物也一般，都預咗舊嘅酒樓都是這樣，估不到連服務的態度也跟以前一般，我們叫服務嘅員工斟水，等了很久也沒有回應我們，我朋友忍唔住自己去倒水，我們都制止他叫服務員來，也等了很久他們才幫我們斟水，可能我們覺得佢太耐所以有些怨言，伙計自言自語向我們發脾氣，我們都算數啦，我們食完後埋單！我想看看價錢是否正確？他還用手拍拍叫我快些簽名，態度極差，我們諗住走啦，看看隔籬枱跟我們一樣叫了一個套餐，他最後有生果拼盤，為何我們沒有呢？，我們跟他交涉，他才取回一個給我們，我同經理投訴，他的態度一般地叫我們坐回座位，稍後會跟進，我對這酒樓沒有太大嘅期望，服務態度極差，你想顧客再有會光顧都太難，現在香港飲食業已經很差啦，還有這種服務態度的人，我想很難跟中國內地的飲食業競爭囉！

朋友從加拿大回港渡假。 佢想食正宗粵菜, 就決定帶佢到這間懷舊酒樓。好在一早訂咗位, 星期五晚勁爆場。 在社交媒體網站有介紹蛇羹好出名, 今晚叫咗一個例窩試下。侍應一攞到嚟, 一開蓋已經好香。 裏面勁多料, 仲有脆脆, 檸檬葉和菊花瓣。👍👍👍朋友從加拿大返來, 就食番隻加拿大龍蝦加伊麵🤣。龍蝦size都ok, 個伊麵充滿龍蝦同海水的味道😋😋。另外,order 懷舊蝦多士$29/件, 蝦好大隻, 唔油膩, 抵食。 平時飲茶見好多人食燒味飯,今晚叫咗半隻燒鵝, 真係皮脆肉香。😋見到每枱都叫錦鹵雲吞$108, 當然要跟大隊。 嘩個汁大碗到好似湯咁, 有叉燒、豬潤和蝦😂 。雲吞皮好脆好新鮮, 我諗佢係即叫即整。翡翠炒青衣球$128 , 我哋揀咗伴西芹。 青衣球份量不少, 好有小時候去酒樓飲婚宴的味道。😁😁我朋友好滿意今餐介紹 。不過 ,廁所要搵多啲姐姐去清潔。😅

在間酒樓在上世紀70年代已經存在，位於旺角彌敦道多年，雖然多年來環境改變不大，但仍然存在，當中一定有原因的。或許這間酒樓是目前香港為數不多仍保留傳統點心推車服務的酒樓是其賣點之一。點心車總讓我想起小時候吃飲茶的記憶，其實點心車以很普遍，但現在已差不多消失了，所以還有點心推車服務的酒樓總是令上了年紀的我有一點情意結！目前仍有點心車的酒樓不多，記憶中上環還有一間「蓮香居」和美心大酒樓仍有點心車。今天帶著小朋友來飲茶，對小朋友更是很特別的體驗，要自己出去點心車搵喜歡的食物，也算是很特別的體驗，小朋友花了半小時才搵到想食的燒賣，也令我回憶起小時候的經歷！這兒有限定「椰皇燕窩燉鮮奶」，因不是太多地方會有，所以引來不少人排隊。這兒的另一賣點是點心全是酒樓點心師父自家整的，說實在這兒的點心味道是合格好食，不過不是特出之作，但價錢就真的唔平，大中小點都是$31，楊洲炒飯$90，茶錢$14一位。飲一餐茶5百餘元，以此食物質素而論真的是貴。其實運作的風格也保留舊式運作。4樓是不搭枱的，3樓是搭枱和自己搵位的，其實比$20小費，待應是會幫你搵位的。自己本想坐3樓，不過家人不喜歡搭枱，所以還是坐4樓吧！

我1人到這間酒樓目的食蔴蓉包，但已沒有非常失望。出去找食物，回來張枱俾人坐左，阿伯話無咭係枱面米坐，阿伯呀知唔知出去攞食物要蓋印仔。我攞住盤食物問侍應可以坐邊，但無人理，只顧招呼熟客，附近有個阿伯閙佢老婆話我唔啱。埋單唔知知要先俾侍應打單又俾侍應話，咁嘅服務攪到非常非常激氣。

去呢間酒樓飲茶，簡直就係搵苦嚟辛！等枱已經好耐，仲要求侍應執枱開茶。請佢做野嘅時候，仲要大聲喝罵你阻住佢做嘢，其實就係阻住佢同熟客傾計！呢啲咁嘅垃圾酒樓，員工態度超差，食物又一般，仲要食客服務自己，真唔明點解咁多人仲要幫襯佢！

員工質素太惡劣，廁所裏面唔乾淨同又冇人打理，又冇人執枱，員工服務質素太差同遞茶，食物太差，等位太久，又冇冷氣，冷氣又冇師傅整呀，又冇人遞茶同執茶，又冇改善，員工冇改善

食過幾次倫敦，實在一次比一次差，今次簡直可以形容為災難級。先去4樓攞飛，已經人山人海，派飛職員的面口已經不友善；之後落返3樓搭枱區自己搵位，好不容易等到一張枱剩返兩個位，企咗好耐都冇職員願意過嚟執枱，顧住同啲熟客傾偈。最後終於求到佢地執好枱坐低咗，熱水又唔加，諗住自己出去加水又比佢哋鬧，仲要同人客嘈交。出去攞食物感覺似輪米，我差啲以為自己去乞食。其實價錢又唔平，今次覺得點心退步咗，叉燒包好難食。而且表面寫一個價錢，其實根本全部點心都唔同價錢，又冇清楚標示，根本就有誤導成分。今次嘅飲茶經驗簡直係災難級，可能對於一啲熟客來講係有情意結，但我真係睇唔出有任何人情味，咁嘅服務態度，在呢個年代想不被淘汰都好難。

員工態度非常惡劣！！早上七點陪屋企人去到飲茶場內大把吉位，冇人帶位我哋就自行搵檯，四個人坐咗一張六人檯，野都未叫個員工阿伯無端端走過嚟用非常惡劣嘅態度同我哋講有兩個位要嚟搭枱㗎唔好拎走d杯，我問佢依家咩態度好好聲氣講野唔得嘅佢仲要同我講依d係香港飲食文化！我真係O曬嘴好好心情去飲茶消費無端端比人用惡劣態度對待 搞到冇到心情 。依間酒樓唔會再幫襯，野食又垃圾😡😡😡😡員工好唔掂，唔知去食野都受氣。

明明寫住大中小點都係$28，假日$29。但又有d點心貴d，個伙假又勁惡，淨係識叫我企定等佢計數，然後跟佢去俾錢。我問咗句唔係全部都$28咩，點解有啲貴啲？佢即刻話邊有㗎？全部$28唔使做啦。跟住我問收銀個姐姐想話攞張收據，佢又話冇得攞，咁我唯有問佢可唔可以影相，佢先死死氣俾我影低。本來想問吓係咪因為過咗午茶時間所以有啲點心收貴啲，但見佢哋咁嘅樣，我都無謂問啦，只能夠講冇下次，其他想去嘅，下次問清楚價錢，或者攞點心嘅時候睇清楚姐姐級嘅印仔，我就係攞嘅時候冇睇清楚，所以唔知邊啲點心貴啲，完！

媽咪話好耐無去倫敦大酒樓飲茶，所以就陪佢去嘆一盅兩件！上到三樓見到人山人海～太得人驚！伙計做到唔得閑招呼你！叫你地見位就自己坐😔因為三樓要自己搶位、搶食、搶沖茶水！所以轉頭上咗四樓唔使搭枱、總算坐得舒服、寧靜少少🙄最緊要唔使同幾十人搶點心食😐😐點心都係一般舊式點心！

倫敦大酒樓位於旺角市中心地段，由於歷史悠久，所以酒樓採用懷舊拎點心方式，佢分別有點心大排檔，另外亦都有姐姐推車仔叫點心。客人可以自助形式去拎點心食。 呢度值得推介嘅就係燕窩椰皇蛋白燉鮮奶。 佢入邊比嘅燕窩份量非常之足夠。 非常之多，而每次佢新鮮出爐嘅時候唔使2分鐘就俾人拎晒，但係每隔5分鐘左右，佢又會有新嘅出爐。但係都係好快冇晒🤣食客可以去到點心大排檔自由選擇點心嘅配搭。點心部姐姐都非常樂意幫助客人去配搭點心。

出開旺角，唸起呢度有間舊式酒樓好有特色，就上去睇下。搭lift去3樓，嘩，人山人海，星期六早上11點都咁多人，重要自己搵位，好彩最後都搵到張二人枱，唔駛搭枱。呢間酒樓好有懷舊feel，有推車點心，又有大排檔，點心款式都好多，價錢又唔係貴。最後食左以下點心：牛肉 - 有3粒，大大粒，味道都唔錯。蝦餃 - 皮薄餡靚，幾好味！燒賣 - ok好食，但冇驚喜。生菜水餃 - 係大牌檔叫，幾大碟，味道幾好，都係$43，性價比高。蛋撻 - 雖然得兩件，但大大件，熱辣辣，好有蛋撻味，食完有滿足感。本來想去大排檔攞棷王，但排隊既人太多，最後都係決定唔要，留番下次，咁多人排，相信有一定質素。

店名/Shop Name：倫敦大酒樓地址/ Adresss: 倫敦大酒樓 (旺角)旺角彌敦道612號好望角大廈地舖種類/Type：飲早茶推介/Recommend：炸芋角，椰皇燉蛋白人均價錢：70至$80店舖環境:傳統中式酒家，有人推點心車，有點心攤位交通:旺角地鐵站行5分鐘上菜速度:5-10分鐘服務態度:一般食物口味:有傳統酒樓的味道炸芋角未被拍照前已經吃光了，椰皇燉蛋白是倫敦酒樓必吃之選，每一張枱最少有一個，亦限量版，按人頭計算一個人只係可以買一個椰皇燉蛋白是一道口感細膩、香甜美味的甜品。倫敦酒樓的燉蛋白絲滑綿密，椰皇燉蛋白的口感非常細膩，蛋白質經過烹飪后變得柔軟絲滑，入口即化，給人一種絲絨般的感覺。融合了椰汁的濃郁香氣，散發出誘人的椰香。這種香氣充滿了整個甜品，讓人聞之即使食慾大增。椰皇燉蛋白的味道豐富而濃郁，蛋白質的純凈味道與椰汁的甜美完美融合，帶來一種持久的美味感受。椰皇燉蛋白的味道豐富而濃郁，蛋白質的純凈味道與椰汁的甜美完美融合，帶來一種持久的美味感受。經過烹飪后，溫潤的口感讓人感到舒適和滿足。它不僅柔軟，而且具有微妙的甜味平衡，讓人覺得溫暖而愉悅。這就是每次到倫敦酒樓也是必

今日同朋友到倫敦大酒樓食晚飯。突然好想食懷舊菜。沒想到平日晚飯時段都坐滿了客。因為只有兩個人的關係所以我地只是叫咗三個餸。「錦滷雲吞」簡直一流！讚不絕口！吃起來勾起很多童年回憶。個酸甜汁和配料十分邪惡！雲吞炸得好脆好香口。我地叫咗半隻「炸子雞」。 味道十分入味，炸得外脆內嫩多汁。好耐冇食過咁好味的懷舊菜😋😋😋蝦醬通菜鮮魷 - 好野味，夠鑊氣🔥這道菜一定要夠鑊氣先好食。 超級滿意！好好味！We will definitely revisit!!