停一亭

营业中

休息中

收工周圍都閂晒門，諗住求其食啲嘢，落完單費事摷銀包，跟住問過阿姐問咪收PayMe，阿姐西口西面話張紙寫住收咩就收咩，自己睇跟住就轉身走咗去。收就一個字唔收就兩個字，係要講咁多嘢仲要西口西面好似欠咗佢咁。嘢食方面，叫咗個印尼撈麵，個面又乾又硬又冇味，小食份量少價錢亦都唔平，加咗10幾蚊叫咗個司華力腸，半條腸都冇得個三四嚿，仲要乾爭爭硬骨骨都唔知擺咗幾耐，如果唔係半夜周圍閂晒真係唔會食佢。建議大家落單之前諗清楚

夜左收工 求其叫左個撈麵 想叫多份薯條點知丫姐話炸埋份薯條會阻佢收工 丫姐怕遲收工 但係唔肯收舖 繼續接單 🤔落完單發現 佢口罩😷淨係帶一半 對手拉完口罩就去煮嘢食 好污糟丫 好想cancel張單😭然後佢求其炸完.. 份薯條入面仲係凍既…🤢🤢🤢比左$20 又細份 又唔食得 💀最後返到屋企 要用氣炸鍋再炸過 撈麵感覺上得半份 而且未撈好 d麵仲係一舊舊痴住 一邊好多醬 另一邊係冇醬 丫姐態度又差 又唔衛生 一定唔會再幫襯！☹️☹️☹️

時不時都會黎呢間小食買炸物，每次買hkd80左右就可以飽死兩個人😂優點: ♢真心多樣化嘅炸物，帶子 薯格 薯餅 魷魚鬚 燒麥 魚蛋 金菇 雞軟骨..., 除左炸物仲有冷麵，芋圓甜品，撈麵(麻醬雞絲撈麵非常好食)...♢炸得好香口，外脆內嫩，分量足缺點:✘姐姐嘅態度真係會有時令我傷心😥，不羈中帶點唔想做我生意嘅感覺，問多兩句都會費事理我嘅感覺。每次買野食，都好似去見娘娘咁😂但我又鐘意食，冇辦法，感情世界就係咁複雜😂 (佢一個人忙成間店都好難，體諒下佢辛苦囖，但希望佢都體諒下，我地只不過係黎食野😥)✘芋圓10次有10次係冇嘅✘珍珠奶茶10次有10次係嘅

之前喺呢度食過酥炸魷魚好好味，如果嚟呢度要試吓👍🏼👍🏼今次食呢個唔係酥炸嘅魷魚都好好味👍🏼👍🏼仲有其他小食都唔錯👍🏼👍🏼例如酥炸金菇都好香脆好味😋😋👍🏼👍🏼

之前食過酥炸魷魚好好味，如果嚟呢度要試吓！👍🏼👍🏼今次試吓呢個唔係酥炸，但都好好食😋😋😋😋😋😋😋😋😋👍🏼👍🏼👍🏼👍🏼👍🏼👍🏼👍🏼

做完運動諗住睇吓有咩食見到呢間煎釀三寶小食店諗住問吓姐姐平時收幾點等我下次都知咁夜仲有咩食點知佢問我買唔買唔買就唔好問咁多講完就自己走咗咁嘅態度都得。。。咁嘅服務態度如果去買嘢等於受氣

成日經過見到$25一個飯一直都想試吓，今日諗唔到食乜就一於食佢。咖喱雞扒飯，本身20幾蚊一個飯都唔會抱有乜嘢期望，估唔到可以有咁好嘅質素！飯粒算分明，雞扒皮脆，肉耐左少少，咖喱汁都幾辣，頹飯價錢黎講，完全超班。左邊係酥炸雞粒，右邊係酥炸魷魚。每款$35，幾多，好香脆，粉唔厚，不過咸咗啲。同埋真係好熱氣🙈凍芋圓加$4仙草，好重嘅薑味，冬天食好正，味道唔會好甜，不過仙草嘅口感如果冇估錯應該係涼粉黎，太爽口😂其實本身另外叫咗一個咖喱吉列豬扒飯，但係應該因為塊豬扒係另外裝起，所以老闆唔記得放入去，變咗咖喱白飯🤦🏻‍♂️不過唔緊要都抵食，一定會再幫襯，變飯堂添👍🏻唔知下次同老闆講會唔會俾返塊豬扒我呢

這裡好多選擇好多種類的小食，又有飯、麵、意粉，還有冷氣位坐，可以舒服慢慢食！幾好！今次叫咗個酥炸金菇，上次食過又再食，好香脆好味道！另外叫了一杯冰凍的青蘋果仙草綠茶，在天氣酷熱下，喝了特別感覺清涼

蟹籽沙律拼即炸魷魚鬚， 星期六下午嚟到呢個小食亭 見到佢嘅食物種類選擇好多， 街邊小食檔冇位坐但係佢又有撈麵大大份嘅嘢食，唔知可以坐去邊對面有個公園， 蟹籽沙律好冰凍喺雪櫃攞出嚟整夏天食消暑唔錯， 太子分量都唔少唔係得兩粒嗰種， 啲魷魚即叫即炸 但係一包裏面 其實 得幾條好長嘅魷魚， 啲咋張發到好大睇落好似好大包， 其實份量唔算好多不過由於都好鮮味價錢嚟講算係合理。 整體份量如果男仔食就唔係好夠啦但係作為消息ok如果女仔叫一份應該啱啱好。

好耐都無試過正宗家鄉狗仔粉，好好食，唔會好似醬住咁，煎釀三寶好新鮮，尤其炸魚蛋，非常彈牙，芝士撈即製，熱辣辣，店內還有好多嘢食，但我真係食唔晒咁多種，大滿足！大家入開元朗不仿一試價錢亦比市區便宜，抵食夾大件，