偶遇台北 (荃灣廣場)

营业中

休息中

餐廳已經開咗一段時間，一聽個名就知食台灣菜，我本身都幾喜歡食台式食物，當然要去試吓啦！👑海島蠔滷肉飯 $88面層鋪滿滷肉，米飯粒粒分明，再加上滷肉汁，味道香濃有咬口。蠔仔每粒都脹卜卜好飽滿，味道鮮美😋 ✨台式紅燒半筋半肉麵 $82湯底味道濃厚，麵條粗身有嚼勁，紅蘿蔔唔算腍但都入味，仲有蟲草花感覺更高級🤭 牛肉有少許韌，味道還好。但最可惜係份量比較少。✨滷水大腸麵線 $52豬大腸幾入味，加埋油炸鬼，口感更豐富。麵線腍而不爛，質地剛剛好，但份量都係少咗啲😅✨士林蚵仔煎 配海山醬 $68蚵仔煎以鐵板上菜，能夠保持熱辣辣。蛋味頗香，蠔仔飽滿juicy，但數量唔多，加上海山醬能夠突顯蚵仔鮮味。正宗蚵仔煎餅底會加入木薯粉，令質感更煙韌，但哩個蚵仔煎較軟身，韌度唔太夠😂✨綜合滷味拼盤 $98雞蛋唔會硬，但唔夠入味；豆腐軟滑香濃幾入味；雞翼相對滷得幾好，外皮滑，肉質幾嫩，豬大腸腍身好入味；焢肉肉質有啲韌，但味道香濃。✨愛玉手打檸檬茶 $38手打檸檬茶都算大杯，茶底唔錯，就算少糖都冇飲到茶澀味，但底層愛玉太大塊，飲哂啲茶都仲有好多飲唔到😔🔍整體感覺：餐廳裝修簡約，環境都算乾淨。職員服務就真係有待改善，門

今日lunch跟同事試新店，呢間位於荃灣廣場4樓嘅地道台式餐館「偶遇台北」。🥢 鹽酥雞鹽酥雞外層酥脆，裡面肉質嫩滑，而且仲有九層塔嘅風味，再加埋椒鹽，令到口感層次更豐富。🥢 蟹柳粟米起司蛋餅蛋餅裡面材料豐富，除咗有大大條蟹柳和香甜嘅栗米之外，還有生菜和沙律醬，重點係勁多芝士，仲可以拉絲添，真心覺得好好味。🥢 台式紅燒牛肉麵呢個係我必食嘅牛肉麵，佢哋用咗粗麵條，軟硬度適中，而且口感夠爽滑。牛肉方面選用咗牛肋條，炆到夠腍身，而且肉質好香嫩，個湯底亦熬到十分香濃，攪到我飲晒成碗湯。🥢 溫泉蛋滷肉飯呢碗飯鋪滿滷肉，滷肉肥瘦適中，連埋啲滷肉醬油汁，再加埋溫泉蛋，使到每一啖飯都有濃郁嘅香味，話咁快就消化咗成碗飯。🥢 黑糖愛玉珍珠芋圓呢碗芋圓好足料，愛玉又夠Q彈爽滑，而黑糖亦唔太甜，份量足夠2人食用。🥢 手打鳳梨檸檬茶茶底夠香濃，配合埋鳳梨嘅香甜和檸檬嘅酸爽，令到整杯茶飲清新爽口，絕對啱晒夏天飲用。

呢晚嚟咗呢間新餐廳，同呢間台式餐廳嘅相遇就同餐廳名一樣，係偶然😝 餐廳有提供晚市二人餐，不過呢晚我哋就係散叫嘅🧐士林蚵仔煎 配海山醬呢個蚵仔煎用鐵板上，夠晒鑊氣😮 蚵仔煎入面咗一粒又一粒Creamy嘅蠔仔，配埋側邊嘅雞蛋同埋稍帶煙靭嘅木薯粉一齊食🦪 食落口唔會覺得好腥，畫龍點睛嘅係佢上面仲有海山醬，更能帶出蠔嘅鮮味。台式香腸起司蛋餅呢次係我第一次食有台灣腸喺入面嘅蛋餅，估唔到個味道會有驚喜🍳 入面嘅材料除咗喺個名度見到嘅台灣香腸、芝士、外層嘅蛋餅之外，仲有生菜、沙律醬、紅蘿蔔絲同埋我最鍾意嘅肉鬆，整個配搭都好夾，而且口感豐富。溫泉蛋滷肉飯呢個滷肉飯味道都好足夠，面頭嘅滷肉唔會只係得肥肉，又有瘦肉🐷 滷水嘅味道帶點甜甜地，係好經典嘅台式風味。同台灣嘅滷肉飯有分別就係面頭嘅蛋係溫泉蛋🥚兩個配料都係撈飯一流啊🍚台式紅燒牛肉麵呢個牛肉麵都係我好期待嘅菜式，因為都係台灣菜嘅另一個招牌。餐廳選用嘅牛肉部位係牛肋條，炆得好軟身又入味🐮 底下嘅面係闊身嘅，食落口嘅小麥味幾香，口感都唔錯🍜椰汁仙草紅豆芋圓呢個甜品顏色鮮艷，配搭精緻😆 上面有煙煙韌韌嘅芋圓同埋地瓜圓、紅豆、穀物脆脆同埋透明嘅寒天，全部材料

上次途經這裏，見到有間新店，於是今天特意來試試。台式餐廳，我通常會選台式牛肉麵，午市套餐包飲品，有可樂、柚子蜜及桂圓紅棗茶選擇。台式牛肉麵- 湯頭較鹹，牛肉選材一般，較韌，配菜紅蘿蔔唔林，欣賞有蟲草花陪襯。麵是很粗身的那款，有咬口，可惜份量很少。桂圓紅棗茶- 沒有桂圓肉，好甜。酥炸花枝丸 - 標準味道，可以一試。餐廳是新開的，裝修很舒適，坐位尚算闊落。可惜其廚師推薦的台式半筋半牛肉麵就已是很一般，不知道其他的會是怎樣？

個臭臭鍋又得個咸字，又貴，份量又少，鴨血得嗰兩嚿仔，同佢嗰幅圖完全唔同 滷肉拼盤個滷汁又唔好食，食落去個感覺超怪，舊豬肉又柴，都唔知點樣整出嚟。一句嘢講晒，又貴又唔好食

趁國慶假期，嘗試一間台式餐廳，以下是我的評語這間台式餐廳食物十分差台式紅燒牛肉麵 ：牛肉沒有味道及硬，面質較韌，很難咀嚼控肉飯：控肉飯比台式紅燒牛肉麵更差，飯不太熱，控肉更加硬及韌，不值得這個價錢鹽酥雞芝士奄列 ：沒有太特別價錢也不便宜珍珠奶茶：叫咗少冰，但沒有小，珍珠比較硬及細粒，價錢是$38，這個價錢可以不試，有更好的選擇總括而言，這間店可以不試，我見有新台式餐廳，試一試味道，但令人失望環境是可以的，用餐時間只得75分鐘

鋪頭新開來到荃灣廣場，小朋友學完興趣班，又係時候試下新野醫肚😋🥢台色紅燒牛肉面🍜牛肉非常入味，筋肉分明有至，脂香滿口，配搭麵條彈牙，湯底香濃，面條吸曬精華，相常入味溫泉蛋滷肉飯🍚肉燥醬汁濃郁，令到滷肉的口感和滷汁的味道，入口即化；再加上溫泉蛋，搓破蛋黃的一刻，蛋液流出來的畫面好療癒，順滑的溫泉蛋提升了滷肉飯的口感，真心大愛好好吃香腸起司蛋餅🥚🍳小朋友至愛食雞蛋腸仔，呢個真係必點，入面仲有肉鬆，有少少沙律醬，真正台灣的味道夜市鹽酥雞🧆一道經典的台灣小吃，新鮮炸起香噴噴的炸雞，香味令人垂涎三尺，讓人回味無窮椰汁仙草紅豆芋圓🍡呢個飯後甜品一流，好喜欢吃有口感的美食，呢個有多種材料，完全真材實料珍珠奶茶🧋茶底的甜度適中，珍珠大大粒對辦抵讚，嚼感充足，而且粒粒很分明呢到環境舒適，服務非常好，侍應主動有禮，貼心附上小朋友玩具＆餐具，滿意度加分，加上食甜品的時候，會附上另一個餐具，真係好滿意😍👅👅偶遇台北📌荃灣大壩街4-30號荃灣廣場4樓432號舖#荃灣美食 #偶遇台北 #荃灣廣場 #台灣美食 #美食關注組 #台灣美食關注組 #珍珠奶茶 #芋圓甜品 #鹽酥雞 #蛋餅 #滷肉飯 #牛肉麵 #荃灣廣場美

麵線太稀，一啲都唔‘’杰‘’身，咸咗少少，餸直頭少到離譜，一舊大腸砌片分開5舊，加多5塊油炸鬼，一片冬菇。臭臭鍋，毫冇特色，似係就咁求其拎個打邊爐湯底煲埋一鍋，大腸臭豆腐豬紅本身已經煮好真係伏，呢啲餐廳都要加一

[ 偶遇台北 ]早幾日係荃灣行街見到 荃灣廣場4樓新開呢間台式餐廳，有好多款台灣夜市小食同埋傳統台灣菜，中意食台灣菜嘅朋友又多個選擇。夜市特色小食 ✿ 士林蚵仔煎 配海山醬 $68 🦪🍳蚵仔煎用鐵板上菜保持熱辣辣狀態，餅皮Q彈帶嚼勁，蠔肉份量正常，海山醬嘅鹹香帶出蠔肉鮮味😋。台式蛋餅🥞✿ 台灣香腸起司蛋餅 $58蛋餅即叫即製，餡料有台灣香腸、芝士、沙律醬等。主食✿ 焢肉飯 $68 🐷🍚經典台式滷肉飯，豬五花肉滷得入味，外皮滷得軟而透徹，配埋台式鹹酸菜同埋滷水蛋，送飯食一流😋。✿ 台式紅燒牛肉麵 $78 🐮🍜紅燒牛肋條燉得夠入味，牛肉湯底濃郁帶少少藥膳味😋，台式麵條較粗身，口感尚算彈牙。飲品✿ 珍珠奶茶 $38 🧋台式黑糖沖製嘅珍珠奶茶。✿ 手打鳳梨檸檬茶 $38 🍋🍍用新鮮檸檬、青檸、鳳梨沖製，酸甜消暑。甜品✿ 椰汁仙草紅豆芋圓 $48仙草味道清香回甘，芋圓夠Q彈，啱哂夏日消暑😋。總結🫦 餐廳另外有晚市2人餐、平日有午市套餐，中意食台灣菜去荃灣又多個選擇。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿偶遇台北地址：荃灣大壩街4-30號荃灣廣場4樓432號舖電話：5287 5278

中午午休的時候和同事吃了附近新開的台灣料理午市很多人在外面等位，員工很熱情，服務也很貼心，主動給我們添水，並且給我們介紹餐廳招牌菜～我點了一個紅燒牛肉麵 ，用料十足湯底也很讚，感覺得到是精心熬製的，一點都不會輸在台灣吃的牛肉麵牛肉麵配料也很豐富，有蟲草花，酸菜，胡蘿蔔～同事點了個焢肉飯，米飯粒粒飽滿，滷肉入味，吃起來很正宗另外午市套餐有包飲品，但我另外追加了鹽酥杏鮑菇和手打檸檬茶！檸檬茶超大杯！味道也很棒！

新開台灣菜餐廳，在荃灣廣場4樓，新裝修幾有現代感，讓人感到輕鬆愉快。菜單上有創意獨特的蛋餅，內餡有鹽酥雞及芝士，配上特製醬汁，口感特別，味道可以。滷肉飯則選用半肥半瘦豬肉，滷汁香濃四溢，仲有溫泉蛋淋在熱騰騰的白飯上，讓人垂涎欲滴。台式柯仔麵線幾有台灣地道口味，讓人一口接一口。仲有最愛台灣雙色腸及手打檸檬茶，茶底正又夠大杯。整體來說，這新開台灣菜都保留傳統口味，還融入了創新的元素，值得一試！👍🏻

十萬伏特，千祈唔好去份量勁小，$60一個飯得手掌咁大，食完最後一粒飯即刻過嚟收碗，務求清空你檯面令你覺得尷尬，再不停sale你食糖水。埋單仲要收加一，人均消費$80食到你肚餓， 做衰曬啲台灣人。 如果你覺得我吹水你自己去試下!!!重複多次以防你睇唔清楚!!!十萬伏特，千祈唔好去份量勁小，$60一個飯得手掌咁大，食完最後一粒飯即刻過嚟收碗，務求清空你檯面令你覺得尷尬，再不停sale你食糖水。埋單仲要收加一，人均消費$80食到你肚餓， 做衰曬啲台灣人。 如果你覺得我吹水你自己去試下

唔知係咪肉碎好貴，得啲啲，碗白飯就多，好似食左白飯加蛋，食物味道一般，就住個啲肉碎唔值咁嘅價錢。飲品又要另外叫$3x杯珍珠奶茶，價錢偏貴，太孤寒，要賺到盡，沒下次

岩岩開張，食物貴，服務差，建議大家千祈唔好去食品不算便宜，但沒有相對服務，很趕客，剛吃完不夠10秒鐘，店員立即收碟，怕我阻住佢下一台客人，我們一行5位，店員要一次過收哂所有碗碟，但自己收碟技巧不足，嗰隻碟仲要係全部都係醬油汁嚟，倒落我身上，事後只有發呆，最後經理只是給我個八折，亦沒有詢問負責清洗衣服的費用，我一碗牛肉麵七十多，不太經濟，只懂快速趕客走，建議大家千祈唔好試，超級劣評！ 對呢家新店非常失望！