傑克漢堡 (華健大廈)

营业中

休息中

漢堡包外賣店，位置係條巷仔入面較為隱蔽。Menu有7款選擇，外賣8-10分鐘左右就拎得，以一人經營模式算幾快手。之前食過一次 ♥️招牌牛堡餐$33牛堡肉汁偏小，但未至於好乾，牛味都唔算濃，醬汁酸酸甜甜味道幾好，依個價錢有飲品、薯條/粟米，性價比都算唔錯。今次試埋個 ♥️夏日風情菠蘿牛堡餐$39成個包俾片菠蘿主宰左，可能本身牛味已經唔濃，夾埋一齊食就好似食緊菠蘿漢堡咁。個人幾欣賞塊芝士，芝士味好濃烈，食完個口總keep著有好香芝士味。

今日用外賣平台戶戶送的送餐功能，因為有優惠券，而且免運費，所以選咗呢間餐廳。今餐叫咗幾個牛肉漢堡、豬漢堡、薯條及焗薯。1. 牛肉漢堡完全沒有肉汁，好乾，牛肉冇牛味。2. 豬肉漢堡冇豬味，味道奇怪，不符合個人口味。3. 薯條好普通，但係太乾，而且不够熱 (可能因為外賣送餐凍咗) 。4. 焗薯吃下去好似番薯，不過個人認為番薯比較好吃，而且這間店的薯仔好似不夠新鮮，味道奇怪。整體而言，本人認為本店的食物質素欠佳、有待改善，且個人認為麥當勞比較好吃。

發現新開外賣漢堡包店。。位置雖然唔係大街。但都唔太難搵到。見佢試業價。。全部餐都係$28蚊。就試下。。叫左一個芝士熱狗餐。同一個豬柳蛋漢堡餐。叫左之後。大約等左5-8分鐘左右就有得拎。唔使等太耐。幾好。芝士熱狗餐。改配左牛油粟米。仲有一罐汽水。。芝士熱狗。d芝士有拉絲。。包整到脆身。。。加係有千島醬汁。。。而腸唔太乾。。豬柳蛋漢堡餐。薯條。一罐汽水。。薯條係粗身唔太咸軟身。而個包有少許菜。。同熟晒既蛋。。個汁係燒汁咁既醬。。。整體正常。。不過不失。。。