影片
港铁香港大学站 B1 出口, 步行约2分钟
继续阅读
电话号码
28571728
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
石塘咀真係冇乜好食嘅牛腩麵雲吞麵舖，尤其是夜晚過咗食飯時間，見佢未收就買個牛腩撈麵，返到去一開個盒嚇咗一跳。真係未食過啲牛腩麵可以切幼條切到咁樣。基本上你可以睇到將舊牛腩上下層切咗一半。跟住再砌幼條！其實有冇誇張啲？而家啲嘢雖然話貴，但係都唔使切到咁樣，唔講個賣相，味道普普通通冇乜牛腩味。我本身都幾鍾意食牛腩麵，有時去灣仔，香港仔都會叫牛腩。旺角太子嗰邊都食過，但呢間真係實在太誇張。唔知其他食品點，但係牛腩牛雜麵就真係勸你唔好叫。
继续阅读
收工行過見到呢區少有既牛什粉面店，于是好期待甘入去叫左个牛腩米，點知碗野一來到，淨系望个樣已經無左一半胃口，个D牛腩瘦到呢…跟住食左一舊，好似煲完既湯渣甘，湯底又咸，米粉又碎，真系比啊旺都吾食，即刻起身走人，呢檔野真系祝它“生意興隆”
继续阅读
成日行過都見到有唔少人食，係區內牛雜粉麵店唔多。去到果時差唔多兩點，剛好有卡位，例牌都係叫牛雜麵多蔥。$34 份量都幾多，賣相唔錯。蔥花有芹菜粒，夠香。 麵底浸一陣仍然夠爽彈。牛雜相對就比較一般，基本上都已經入晒味，金錢肚都切得幾大件，食落較淋身。牛腸有肥唔錯，但牛膀就唔太得。湯底偏咸，食完有少少口乾。整體係不過不失，$34可以接受，但唔算特別出色。
继续阅读
隔離檢測完，行經依間舊式店食叫左招牌八寶轉河粉，見到好多料選擇都算ok咁啱聽到客人同店員講潮州話幾有人情味八寶好快就有得食都幾大碗下魚蛋 魚片 墨魚丸 好食，食得出都係拎貨果d，同平時街市買既一樣牛腩：好食😋忟得好耐，淋淋地牛根腩：根位勁正！有軟淋雲吞： 好足料！餡料豐富咬落去有蝦🍤好足料牛肚： 唔錯，最仲意食潮州辣醬油加油完全係升華左小小都好夠辣唔知點解餐牌標示係46，埋單果陣係47果陣傻下傻下比左錢走人
继续阅读
旦求一飽可以試吓，如果對食物有要求切勿到此⋯云吞米粉，唔係大地魚湯底，而且湯底亦唔會有乜嘢特別，叫做有D味道咁啦，所以放咗大量酸醋加味⋯有2粒云吞係凍嘅，真係唔係好敢食，好在米粉煮得唔太淋，還有一分爽口，填飽個肚就算啦⋯花生醬奶油多，張相明明係厚多士，點解嚟咗又係另外一會事，吹脹⋯終於知道乜嘢叫做茶冇茶，連檸檬都係冇味，經典中既經典⋯呢間嘢真係試過一次無下次，雖然係平總數$55，但都要有D良心，其實真係好想叫個廚自己試吓D嘢⋯
继续阅读