元気寿司 (大埔超級城C區)

营业中

休息中

品种真的很多，越吃越撑三文鱼牛油果寿司 🍣丝滑绵软的三文鱼被绵密的牛油果进一步装点，整体的口感不仅很油润，还丝滑绵密的充斥在嘴里🥑海胆军舰 微微鲜甜的海胆渗入了米饭，又融入了海苔，在口中爆出汁水留下无尽的香甜🚶各种各样的小吃和甜品也还挺多种类的，难怪每天这么多人排队呢

本身湊住個BB，諗住坐得舒服啲，就叫侍應安排卡位給我們，撳飛後當然就要等啦，同時間個侍應話到Number嘅時候會通知我哋，咁我就叫咗個工人姐姐留喺度等，足足等左半個鐘冇行開過，我諗住去洗手間嗰陣都仲未到我哋，咁我就同撳飛俾我嘅侍應講我哋張飛嘅Number係幾多號，佢話下一張卡位係我哋喇，咁我就叫個工人姐姐唔好行開，侍應亦都知道個工人姐姐揸住咗嗰張等枱嘅Number飛喺度等，之後，我就去洗手間，出返嚟，個侍應同我講個Number已經過咗，我即刻問佢點解會過左，我去過廁所5分鐘都冇，我個工人姐姐亦都喺度等緊，侍應亦都知道我工人姐姐揸住張飛嘅Number係下一張枱，工人姐姐亦都冇行開過。開頭我都算，諗住下一張枱安排返俾我，一分鐘後，見有卡位枱走，我就諗住入座啦，點知佢同我講，話我哋過咗Number，要排過咗Number嗰啲人既隊，大約等多45分鐘，當時即刻火都嚟。初初侍應同我哋講話會通知我個工人姐姐，我先放心去廁所，我工人姐姐無行開過，佢冇通知我姐姐不特止，仲要當我哋過咗號碼等多45分鐘，真係不知所謂！元氣，冇下次！

呢間野安排座位好有問題，已經有好多卡位比3人以上。但叫位不斷hold起bar枱比多人客，單人等到好唔合理既耐。同樣時間，A票叫左5張，B票叫左10張。咁叫單人唔好黎食啦。不知所謂

話說仲有一張食$250平$50嘅優惠卷。就去試吓好耐冇食過嘅元氣壽司🍣 大埔超級城地下被佢個秋祭廣告吸引到 點知谷氣入到座先話鮑魚同三盛蝦都冇貨。 但我係六點去到都話冇。想食吞拿魚三盛都冇貨，唯有食其他啦 事實上都揀冇可揀 圖片是油甘魚炸蝦卷簿到一個點嘅吞拿魚$14全晚最好食嘅泡芙 印象中以前得三粒今次有四粒。紫菜林啤啤嘅辣三文魚軍艦因為天婦羅，軟殼蟹都冇貨而叫嘅炸雞件。最後只係食到岩岩好夠數就離開，真係揀無可揀。 總結就係應該短時間唔會再黎。

🤭元氣最近推出🎏九洲祭壽司系列7款新壽司聽講部份更由📍日本鹿兒島直送當然要去試吓✨海の桜勘間八腩 - 每日限定供應肉質肥美厚身，口感柔軟✨海の桜勘間八 呢款比海の桜勘間八腩，肉質較爽，脂肪較少，味道清甜✨柚子醬油漬鰹魚 咬落肉質細韌，帶有陣陣煙燻香味配上柚子，酸酸甜甜，令人開胃✨九州 和牛 帶小小壽喜燒汁，但整體乾身佐少少✨天草真鯛 肉質結實爽甜👍🏻配搭少少Wasabi已經夠鮮味✨炙燒明太子三文魚卷特別鍾意食🥰炙燒過嘅三文魚🐟魚油味特別香濃，配上明太子、玉子同青瓜令口感更有層次👍🏻👍🏻✨炙燒明太子軍艦 獨家配製嘅明太子，味道咸咸香香帶少少微辣都幾特別🤭

平時食元氣，最鍾意5:30前幾分鐘到舖頭，然後當晚餐食，因為咁樣食係「最抵食」既。我同朋友要左2個「午後之選」，一個$50、一個$62。點解話佢抵食? 因為如果散叫一定無咁平，又多款，份量就夠，完全係當晚飯咁食。可能時間仲早唔係好多人，所有的食物都好快來到，多到張枱唔係咁擺到，如果可以唔好咁急咁多食物出哂，會食得無咁緊張。我朋友其實唔係好食生野，佢叫左下面呢個餐($50):所有壽司都係全熟的，而另外仲有包括一個烏冬同埋南瓜餅。呢2個好可惜無影到相，烏冬正正常常啦，南瓜餅就好好食，甜甜地，個炸漿亦唔錯，而且來到個時好熱，應該係即炸。壽司方面，講真食物賣相擺盆真係好「求其」，食物展示同上面張相差好遠下。但諗深一層，我都係為左便宜和同個friend傾下計先來食，咁賣相就真係唔係我地睇重的地方。壽司的味道，我個朋友話正正常常啦，無話好、又唔係差。佢最鍾意食饅魚，個汁甜甜地。以下呢個就係我個餐($62)，包括的食物亦較多:小食方面，我就叫左薯條，薯條好好好好食，係即炸，好香、食落去係會燙親個口的，要小心啲食。唯一批評係個醬，係沙律醬，唔襯個薯條，我情願要普通蕃茄醬。仲有個章魚小丸子，又係唔記得影

過去几年，每逢周末必定帶上家中姐妹戓兄弟的囝囡偶偶尔尔出去大餐！而壽司是騙小孩吃飯的最佳利器，加州卷，小卷等都是儿童餐必須之選！再說這个壽司，再挑剔的人也有吃得下的食物，生有刺身，熟有諸多熟食，我的最愛就是軟壳蟹！，没有之一！每次必點！最近段時間因為疫情，所以少了次數，想想仍是覺得吃不夠，上上个星期，還是忍不住拖三帶四出去大吃一頓！看看我點的，那是多美味！炸蝦卷，加州卷，燒牛肉，炙燒三文魚，燒鰻魚等等，光想想都美食，更何況美食當前？唉！不知不覺我又吃多了！說好的減肥呢？

到底佢啲壽司落咗幾多增味劑/味精/鈉？食咗6舊壽司，口渴咗一晚⋯最嬲係食火灸蟹捧壽司，完全圖文不符，條蟹柳又細又幼⋯另外，點個新出嘅明太子薯條，明太子醬竟然係分開上，仲要無明太子味⋯仲叫咗個炸生蠔，沙律醬又係另上，用隻小膠兜上⋯但隻生蠔放唔入個膠兜其實想我點食？我建議如果各位好鍾意食壽司，又覺得區內無咩壽司選擇，大家都可以改食去放題⋯唔洗等，又多食物選擇，人哋整啲壽司細細舊架咋，唔洗驚人哋俾大大舊飯食飽你，因為而家好多間放題都好高質，起碼開心過我今日又食得貴又唔好食⋯

由於社會運動，呢個品牌，每次都要排長龍，變咗有啲冷清……高速車直接將壽司送到， 變相侍應嘅工作量都大大減低，同時都會快啲！會特別highlight呢個吞拿魚蓉壽司，既香，又creamy！

一個人肚餓的時候可以有咩最好的選擇🤔元氣幾時都係我食飯的最佳選擇💕最近食了性價比高的8月有新menu全部都足料而且好鮮甜• 豪快海老二点甜蝦配上赤海蝦，再加上三文魚籽，新鮮到不得了🙈• 北海道帆立貝牛油燒 一整粒帆立貝，再配上薯蓉牛油汁再炙燒後加上香芹碎，香味濃郁• 三色海鮮卷😻青瓜蛋卷上面舖上新鮮蝦仁、瑤柱和三文魚籽，鮮鮮甜甜• 豪快海老二点 ($22)• 北海道帆立貝牛油燒 ($17)• 海膽配厚切墨魚 ($14)• 三色海鮮卷 ($20)• 焗檸檬芝士蛋糕 ($19)

#元氣壽司 #GenkiSushi #cal_food好好好掛住壽司🍣好想好想食壽司🤤sushi is my life💛口痕痕嘅我扺抗唔到壽司嘅誘惑🧡拉埋女友一齊去元氣壽司🍣原來最近推出夏日期間限定嘅壽司系列🥰本來打算叫曬全部黎試下但係有啲我去嘅時候無得供應😿唯有試得幾多得幾多😭-期間限定🧡豪快海老二点 ($22)鮮蝦+爆汁juicy三文魚子💋晶瑩剔透 好QQ鮮甜得嚟又幾juicy✨北海道帆立貝牛油燒 ($17)牛油香味好濃郁 但係唔會好油膩而目帆立貝肉質好鮮嫩好容易可以咬開🔥焗檸檬芝士蛋糕 ($19)檸檬味好濃烈🍋芝士味都算係幾濃 但係可以更濃🙈我覺得可以有個消化餅餅底😳海膽配厚切墨魚 ($14)三色海鮮卷 ($20)我食唔到😭😭😭😭 但係賣相好吸引🤤🤤-章魚小丸子同埋明太子薯條都係新出品💥小丸子嘅味道同日本嘅差唔多💙章魚好鮮甜🐙 醬汁鹹鹹地甜甜地好過癮🥳明太子醬好正 一粒粒明太子 一啲都唔腥而且薯條炸得啱啱好 配合一齊食非常夾🤤但係有少少鹹！-評分: 8.2/10-🥢: 元氣壽司📍: 大埔超級城C區1樓 501-515號舖[🚇東鐵綫太和站]

長期多人，都有原因， 本身唔太鍾意食壽司 ，尤其對連鎖店冇咩好感，但呢間元氣，較突出嘅 係軟殼蟹手卷，同肥牛湯烏冬，仲有小朋友都愛的火車軌運送食物，鼓勵小朋友點餐和幫家人取食物。

來來回回周圍去, 都唔知道自己其實最想食什麼野, 天呀請比多提議都好呀.咁岩幾個人又大家望黎望去, 都念唔到既時間, 我地就見到答案了!!!哈哈哈. 念念下我之前用落左D會員分依家可以大派用場了. 等我開反個APP先.其實都唔知個D分係點計, 但無所謂, 我最愛食野. 馬上GOGO喧岩個日係晚上, 可以太多人等, 我地都按飛後,等左好一陣.....其實食物家家都係差唔多, 重點係個師傅如何放好件SUSHI.  so that why you look very similar but you need to taste it out to find out.... 依家店都係有火車系列, 所以可以叫完野食就專心傾計咩都唔理...等運到.As the train is funny and lovely so we all tried to order one by one and to keep the train coming...我地都好玩下.食品質素大至同其他地方一樣. 係有時SUSHI會放多放少.服務員OK 反正都係火車運比你食地方OK 算係清潔佢地好好, 隻碟上面會寫住D 金句

元氣壽司又有新限定野食喇今次呢幾款都好出色好好味◾️胡麻冷麵◾️芒果卷蛋伴雲尼嗱雪米糍◾️草莓梳打配荔枝雪球◾️池魚◾️特大帆立貝◾️極辛三文魚卷今次想特別講佢野飲同甜品好有驚喜梳打入面仲有草莓🍓係入面配埋雪糕一流芒果卷蛋鬆軟芒果味重之如仲有芒果肉嫁

大埔元氣而家轉左高速線，但係座位便少咗，所以出邊變咗好多人排隊，等候嘅時間就會長咗今日五點幾已經有人排緊隊，好彩一早喺Apps攞咗飛，但係都要等一陣-極辛三文魚卷呢個比平時嘅辣味三文魚辣小小 中間包住牛油果 -軟殼蟹手卷元氣必食之選，軟殼蟹啱啱炸好，上到嚟仲係熱辣辣 -炙燒三文魚/帶子/赤海蝦壽司呢三樣每次都食，用火槍燒過，有少少焦味赤海蝦重用牛油燒過，好香好好味-炸蝦卷呢樣都係元氣必食，一隻炸蝦分三件，壽司飯上面仲會沾上孩蟹子，口感非常之好