元気寿司 (將軍澳中心)

营业中

休息中

見到廣告，壽司盛 🍱 做八折，今晚 ordered 經典壽司盛C Classic Sushi Set C。裏面有：吞拿魚、長鰭吞拿魚、帆立貝、北寄貝、赤貝、螺片 玉子、皇帝蟹柳、飛魚籽軍艦。當日白鳥貝暫缺，以北寄貝替代。味道正常新鮮，no complaint。之後可以加配優惠 炸蝦天婦羅盛合（4件） Shrimp Tempura Platter （$39）個炸蝦天婦羅，正正常常。反而覺得個芝士魚餅天婦羅有驚喜，唔粉，好彈牙，中間有芝士將醬，好味！

元氣好多分店，梗有一間喺左近，快捷方便食到壽司早餐午餐下午茶晚餐，坐低直落order 5分鐘後到，快餐之選多款壽司選擇，我鍾意北寄貝，三文魚子，虎蝦。一個人靜靜坐低食，休息一下

收到 notification 今日「元氣日日有優惠」開始，一連21日都做不同款式食品特價，每日有兩款壽司做堂食特價，晏晝即刻去食。惠顧當日 帆立貝 及 芥辣八爪魚軍艦 都係$10一客咋。鍾意叫幾多碟都得。帆立貝壽司原價每客$18，最抵食。雖然做特價，帆立貝壽司一樣好新鮮、鮮甜，size 冇縮水。讚！芥辣八爪魚軍艦 就正常味道。服務方面：同平時一樣，好快手，冇黑面。一到舖頭，第二個號碼已經可以安排入座。手機落單後，食物好快已經到達，流程暢順。

每年新年都會有個例牌動作要做，就係食撈起，希望每年食完撈起都有個新開始，新一年新景象。每逢新年都唔算有好多食肆會開，唯獨是元氣會開，咁當然都要叫返一個撈起先除咗食撈起，當然唔少得有刺身啦，今次我就叫咗外賣自取，三文魚拼帆立貝，首先份量都算幾多，食開都覺得新鮮肥美，一家四口份量啱啱好，三文魚刀功唔錯，唔會太厚亦唔會太薄，厚度適中口感就自然會好，帆立貝每隻都非常大，食落都好有鮮甜味最後梗係唔少得主角撈起，其實幫襯咗咁多年，每年質素都維持到新鮮，食又開心撈又開心

在香港巳屬元老級別的壽司店，食物穩打穩紥，沒有太多新款又或期間限定供應，因此沒有期望便沒有失望，雖然食物質素仍能維持水準，但吸引出明顯不及壽司朗，但好處是不限時，可以慢歎。

第一次用會員app遙距express攞飛，原來下一張枱就即刻有，超快入座我同朋友講笑元氣係咪轉左CEO？呢排勁多新嘅期間限定 全部都好好味圖片嗰個季節限定蔥香燒左口魚入邊有塊紫蘇葉 鍾意食嘅朋友真係唔可以錯過 佢啲蔥油好味到包住咗成舊壽司飯 nomnom😋😋 左口魚好肥美好正 咁嘅價錢仲要一碟有兩件壽司喺邊度搵？辛香雞翼同埋有個蕃茄三文魚都係呢排新嘅 冇令我哋失望👏🏻仲要讚賞埋佢哋服務態度 好有禮貌，抵讚👍🏻

利申銀會員兩個月前，晚上6:30攞飛，7:00入座，入座才告知食物要等20分鐘。結果當然沒有再等下去，唯有到第二間餐廳。一個月前再光顧，今次光顧午餐，竟然不用攞飛，入去坐低才知道沒有午餐，只可以散叫。但係牆身的螢光幕廣告依然出示午市定食資訊。真諷刺。手卷遲遲未到，聽到員工們的對話，說新來的手勢奇差「d手卷唔見得人」今次連銀會員八折，午市竟然都不用攞飛。坐低隔籬枱猶豫咗好耐終於問員工邊度有午市定食，員工告知這分店沒有做午巿套餐。點了十數碟壽司炸蝦卷是鬆散的，凍的三文魚腩不肥美，色水似普通三文魚連三文魚頭湯淡如水，自己加壽司豉油落去提鮮手卷（冇影到）真係好肉酸再咁落去呢間分店應該做不下去尤其壽司x嚟緊喺附近開分店Ps. 炮台山分店質素比這間好很多

來到週末星期日，非常適合一家人連同小朋友來到元氣壽司食刺身和壽司。元氣壽司有專為小朋友而設的壽司和小食，一般都是熟壽司，例如玉子，鰻魚，竹輪卷湯烏冬，蒸蛋等。大人之選有我最愛吃的不同款三文魚刺身和壽司🍱🍣仲有，帆立貝，拖羅，手卷等，炸物等，大量不同款壽司刺身供應，太美味了💞🫰全線元氣由迴轉轉為高速列車，出餐勁快，可以慢慢叫慢慢食💞🍣正🫶😊📍元気寿司📍將軍澳唐德街9號將軍澳中心1樓118-120號舖

相信大家對於元氣壽司都不會陌生，都是耳熟能詳的壽司店，但周不時經過商場想吃個午餐，都會被他的午餐餐牌所吸引呢！❤️❤️❤️他的午餐是「午後之三食」，有一個壽司盛，視乎你喜歡哪一款壽司，但壽司上的魚生，都是頗新鮮，壽司質素算不錯👍🏻👍🏻👍🏻另外可選一款小食，我個人比較喜歡南瓜薯餅，因為比較香脆可口，也當然我比較喜歡吃南瓜😳😝😝😝最後還有一款輕食，我都會選日式海鮮燉蛋，蛋都是滑嘟嘟，而且很香甜滑蛋味😋

見晏晝冇乜人，就嚟食下壽司🍣天氣凍凍地飲返個三文魚湯就最正新年香港特別都係有兩舊魚有啲蘿蔔最鍾意就加啲七味粉落去另外試咗個新嘢，家肥屋潤三色海鮮卷，有四舊壽司，裏面都係青瓜蛋，上面就有帶子蝦同埋三文魚子，呢個唔錯幾好食另外嗌咗啲炸嘢，晏晝炸嘢係真係好熱好新鮮啱啱炸出嚟佢所有制都熱辣辣，炸軟殼蟹仲有膏係入面，大概有五舊左右，但係都係偏細舊嘅薯條都好多，熱辣辣大大條，但可惜佢嘅芝士醬麻麻哋好食冇乜太濃烈嘅芝士味🧀個蛋嘅芝士醬係同薯條嘅一樣最都係唔係好夾大個蛋本身都幾好食小丸子係我嘅最愛，去到邊度都要嗌，佢呢個真係似即整，裏面好熱，但係都係偏粉，所以都係去返啲小丸子專門店食比較好今次嘅感覺比夜晚嘅好好多，或者係因為夜晚多人嘅關係，佢好多嘢都整定左，但係晏晝嘅話呢佢真係即刻整俾你

今日晚上時段去等咗差唔多九個字時間跟住就入去啦好耐冇飲過三文魚湯，天氣又凍凍地，過嚟飲碗湯都幾唔錯，不過不失有兩大嚿三文魚肉，幾多舊蘿蔔，味道都幾好，$16嚟計唔錯其他壽司都不過不失唔算話好新鮮，但係都唔算話好差，當然同xx郎冇得比炸物黎計就真係好差，唔熱，賣相又差又貴炸雞軟骨就唔錯，但係佢裏面嘅調味佢嘅口感係唔錯嘅我最鍾意食嘅就係佢嘅辣味三文魚軍艦，係幾好食嘅，其他正正常常，可能因為繁忙時間關係，所以都係凍嘅係新鮮嘅，都嚟得幾快

我兩個姪仔一向都好鍾意食 #壽司🍣 疫情期間確實係忍咗好一段時間。前兩日係細姪仔生日，又臨近兒童節，呢日我哋就去瘋狂一下😅我哋去到將軍澳中心大概12點左右，可能時間尚早，等咗5分鐘左右店員就安排到位置俾我哋。熟手嘅兩位小朋友，已經急不及待開着手機落order，由於小朋友唔可以食太多生嘅食物，所以第一輪我哋都係要咗啲 #玉子、#蟹柳壽司、當然仲有 #蒸蛋 （味道好咸，師傅係咪落多咗嘅鹽？），同埋 #手卷 （蟹肉羔蟹肉好鮮味）啦。唔好以為佢哋係細路仔食少少做夠，好快就將枱面嘅掃清😅 幫襯得「元氣」佢哋又點會放過啲 #小食，#天婦羅🍤、#炸雞 仲有 #薯條 都係佢哋嘅至愛😉 見到佢哋咁開胃，我都有啲老懷安慰呀🤟🏼 見佢哋食到七七八八，我當然要對自己好啲，炸蠔壽司、帆立貝三文魚子都係my favourite，厚切嘅 #帆立貝，口感特別正😆好滿足呀✌🏻✌🏻

好喜歡食日本野，但生了小朋友後好難有機會食，因為很多東西都是生的不適合小朋友食，朋友講起元氣有火車小朋友可能會喜歡，便帶他來試下，果然非常喜歡，車來車往，樂透了😍😍壽司也新鮮好味，大大塊三文魚壽司只是14蚊一碟；小柱壽司，非常新鮮帶子的鮮嫩，外面包住脆口的紫菜；炸軟殼蟹，非常香脆又不太油膩，鰻魚壽司，大大塊的鰻魚非常美味配上燒醬汁，吃上兩件已很滿足；黃金三文魚皮，三文魚皮包上咸蛋來炸，有點辣又夠脆，用來當小食一流，滿足的一餐，小朋友又開心！

以前經常去食，但依家食得好少，因為覺得D魚生不太新鮮。而且，同另一間冒起的sushi店相比，性格比太低。次次都要等差唔多30分鐘先食到，但D食物質素又唔係好好，魚生又不肥美，覺得不太值得。

通常食元氣壽司，散叫好貴，見元氣有下午茶，價錢又唔錯當然要試下喇！我哋叫咗四個餐一齊食。茶餐小食隆重登場！我哋冇叫薯條，因為我哋覺得太普通。叫嘅三個小食到炸得好脆，唔會太油膩，亦好夠味。如果大家冇頭緒應該揀邊樣，我推介蝦寶，因為通常食海鮮會有雪味，但係蝦寶一啲雪味都冇。呢啲係茶餐熱食，其實我哋仲叫咗刺身花卷，不過唔記得影相。😅😂 我想讚下抹茶拉麵，非常爽口，口感好似蕎麥麵。唔會太重抹茶味，就算唔太鐘意抹茶嘅人，都會鍾意，配蝦寶或者炸雞一流！終於到主角，啲壽司喇。A 餐有送幾件刺身，鍾意食刺身嘅朋友可以試下。D 餐有好多香口嘅炙燒壽司同蛋壽司，全部都係小朋友至愛，非常 kid-friendly。E 餐咩都有啲，適合唔太鐘意全部壽司太接近嘅朋友。我哋每次食都會叫 A 餐，因為我好鍾意刺身同炸蝦卷。😍其實呢度嘅下午茶質素好好，分量 ok，仲有唔錯嘅價錢。大家想食壽司嘅話，不妨試下呢度嘅下午茶！