元気寿司 (屯門市廣場1期)

营业中

休息中

屯市其實都好多食壽司嘅地方，但元氣總會令我隔一段時間都會返去再食，除左佢性價比比較高之外，佢menu都會有定期嘅新款。今次嚟到見到有油甘魚天身，完全心心眼，因為天身係成條魚最嫰油脂比較多而且又冇筋嘅地方，所以性價比真係十分之高；辣三文魚軍艦係我每次元氣必點嘅壽司之一，而且一直都保持到一貫嘅水準； 中拖羅就略嫌比較薄身，而甜品方面極力推介濃厚生朱古力同埋海鹽檸檬焦糖芝士蛋糕，海鹽檸檬完全中和左芝士蛋糕嘅膩。另外每次去到元氣都會好鍾意睇佢碟上而嘅字句同埋公仔。

元氣壽司嘅珍寶大切祭返嚟喇，你地仲唔飛身落去食😋😋😋呢6️⃣款新壽司，全部份量激增（增量，珍寶，厚切），見到呢幾款新壽司點忍到手唔叫呀🤩🤩🤩🍣特大赤海蝦特大赤海蝦份量較原有主餐目的赤海蝦增量1.5倍😍🍣珍寶吉列炸蝦份量大增，外層金黃酥脆，内裏蝦肉厚實彈牙，同時保留軟嫩口感🍣珍寶螺片較主餐目的螺片增量約一倍😍，螺肉肉質更加倍厚實爽脆，鮮味濃郁🍣極上厚切長鰭吞拿魚腩呢款長鰭吞拿魚魚腩係我嘅大愛😍😍😍魚脂豐盛，以厚切方式處理，口感豐富，入口即溶，教我如何不愛它🍣珍寶甜辣墨魚又一珍寶出場🤩😖墨魚配上香甜微辛的醬汁和惹味紫菜脆片，清爽開胃🍣蟹雙式！特大松葉蟹棒松葉蟹腳或蟹膏飛魚籽軍艦都蟹味濃郁，配上青瓜片和飛魚籽，口感層次升級

等左差唔多45分鐘，終於可以入座 ，原本滿心期待。叫左最基本既三文魚 ，誰知道…冇紋三文魚壽司真係第一次見識，零脂肪、極其健康 。另外，刀功十分好，三文魚刺身，每一條就好似薯條咁既形狀，壽司就片片一樣薄，入口感覺似有還無。唔知食緊白飯定壽司？ 告知服務員，三文魚為什麼會這樣沒有紋，她還跟我說，需要叫三文魚腩才有紋 。What ! 真係第一次見識 。能夠去到如此境界，實屬壽司界頂級，最能入口都係烏冬，其他不可一不可再。

屯門元氣真係好食 ！ （元氣不是間間都好食）呢間壽司新鮮靚味，每一口都令人滿足。服務好好，啲員工好友善有禮貌。環境舒適，不過經常好多人 要排排隊。而元氣經常有唔同的限定款推出，每次都可以試到唔同既新鮮壽司🙊真係好好食的

屯門市中心已經有好多間壽司又有元氣又有爭鮮又有壽司郎壽司郎，元氣都開咗兩間不過呢間元氣嘅質素好過下面壽司郎好多下面間壽司郎真係好唔掂都係食返啲吞拿魚呀左口魚裙邊呀嗰啲普通嘢囉中吞拿魚好食過普通吞泥同長鯕吞拿魚好多長期吞拿魚啲肉好梅左口魚裙邊冇乜魚油味好爽，同想像中有啲出入高雄外面都脆嘅有少少餘溫呢個吞拿魚軍艦太濃味太鹹呢個蛋暖暖地都幾好食坐低見到個杯有唇膏印真係好離譜即係證明佢啲杯洗得好唔乾淨可能你已經食咗好多人嘅口水因為只係透明所以你睇唔到

耐唔耐食壽司都會食下元氣 , 因為水準唔會太差同埋久唔久都會有新款壽司試下 今次去食ONLINE拎位,晚市都要等1個鐘到,但ONLINE拎位可以附近行下 好快就到等到都餓餓地,好多都食左無影相,但都係舊款壽司,所以講下新推出既仲好舊款壽司(厚切三文魚壽司) - 睇樣都見到 唔會差啦 都算肥美新推出(厚切味增灸燒三文魚) - 多左味既三文魚 雖然有種燒魚油味 但我覺得咩都無 原味既三文魚好味D新推出(灸燒鲷魚) - 燒過既魚 魚油好足 加埋少少沙津醬 好夾 總結:元氣今期新推出既壽司都叫可以一戰 , 有ONLINE拎位好方便

真心很久沒有食過元氣壽司！因為覺得水準比以前差很遠！但今晚因為同朋友食飯，見到朋友想食，所以就去了食元氣壽司！不知道是否太耐無食過，好似比以前好左少少！而剛剛有個期間限定「澳洲塔斯曼尼亞三文魚祭」其三文魚比以前厚身和新鮮，所以2個人也吃了很多，有興趣嘅朋友可以一試！

咁啱見到有角落小顆伴限定壽司同小食即刻黎試下本身都諗住可能得個樣未必好食結果覺得 咦 都ok wor個啫喱可以食 又有得帶走裝住佢既炸蝦尾 都唔錯近呢幾年都少食左元氣 今日一食 都ok

特大松葉蟹棒 (一件) $27好味指數 2.5/5 🍭🍭🍬松葉蟹龍蝦濃湯拌烏冬 $32好味指數 4.5/5 🍭🍭🍭🍭🍬特大松葉蟹鉗 (一件) $25好味指數 3.5/5 🍭🍭🍭🍬蔥香珍寶熟帆立貝(一件) $18好味指數 3.5/5 🍭🍭🍭🍬炙燒黑松露帆立貝 (一件) $18好味指數 4/5 🍭🍭🍭🍭本鮪中拖羅(一件) $17好味指數 2/5 🍭🍭白鳥貝（兩件) $14好味指數 3/5 🍭🍭🍭油甘魚腩 (一件) $15好味指數 4/5 🍭🍭🍭🍭赤海蝦蟹膏 (兩件) $14好味指數 4/5 🍭🍭🍭🍭燒三文魚 (兩件) $12好味指數 4/5 🍭🍭🍭🍭炙燒黑椒蠔 (一件) $11好味指數 4/5 🍭🍭🍭🍭麻糬今川燒(吉士味) $17好味指數 3/5 🍭🍭🍭整體好味指數 4/5 🍭🍭🍭🍭{近日推出了幾款用蟹做主題既壽司和食物 感覺幾吸引就試下 松葉蟹棒:味道一般 甜味較少 松葉蟹鉗:肉質結實 入口清甜 松葉蟹龍蝦濃湯拌烏冬:這碗烏冬好好味😋 龍蝦濃很香濃 不會太稀 搞拌後每條烏冬都能掛上湯 入面有一條條既蟹肉 味道不太突出 給龍蝦湯蓋住了 麻糬今川燒:吉士很多 但有點膩 麻糬較少 外

行到攰攰地唔想等位又想食少少野，竟然元氣都係一個唔錯既選擇！千層蛋糕味道ok既，而且雪到啲cream夠硬，有啲似食雪糕feel!日式芝士蛋糕以前好好食……但而家就……好普通好普通，又未至於難食既，但一定唔會到叫！昆布青瓜新出品，味道ok，但麻油太多，令到成碟青瓜都好油膩，無哂青爽口感！

平時係粉嶺食開元氣，係屯門行街就來食左屯門呢間，點知d野食差到爆，係最差嘅一次體驗牛油果三文魚卑的勁孤寒，得之前食開嘅3分1嘅份量呢張已經係後面拍攝嘅，蛋黃醬亂咁擠，賣相差，果牛油果仲要卑平時食開嘅細☹️呢張相嘅牛油果已經係卑到比較多果碟，前倆碟係得呢張相嘅一半三文魚壽司都比其他分店難吃，有筋之餘仲要有小小腥😡雞軟骨明顯翻炸過，落單唔夠1分鐘就上，擺到明唔系落單先再炸過，而係炸完又炸係度擺住，炸幾次再上臺，食落又硬又有苦味，卑嘅檸檬都比以往細

老婆生病了😷，費事佢煮飯辛苦，就建議哩一兩日買外賣算數。最後預早一日訂咗元氣壽司🍣。我哋叫咗特選壽司盛C，原價$133，但咁啱佢做緊網上訂購外賣自取優惠，減$14，盛惠$119。另外，我哋仲加咗大切三文魚腩壽司$20、腐皮壽司$12同飛魚籽軍艦$12各一客。特選壽司盛C都算抵食，裡面有帶子壽司、赤海蝦壽司、甜蝦壽司、三文魚壽司、三文魚沙律軍艦各兩件，及蟹籽壽司同赤貝壽司各一件，總共12件。真係估佢唔到，我哋最欣賞嘅竟然係三文魚沙律軍艦，唔知係咪加咗沙律醬，所以覺得特別惹味，三文魚食落亦更加肥美嫩滑彈牙。帶子壽司都唔錯，厚身結實，味道新鮮甘甜，無乜腥味。三文魚就比較失色，薄身之餘，食落亦比較乾身嚡口。其他都不錯👌🏼。大切三文魚腩壽司亦比較失色，肉質較結實，唔夠肥美，無乜魚油香味，亦無入口即溶嘅感覺。腐皮同飛魚籽壽司則正常發揮，新鮮好食。

屯門市廣場吃喝購物都幾多元化, 大型超市及各類食肆俱備。元氣壽司下午茶套餐相當抵食, 有幾款套餐可供選擇。三文魚刺身夠新鮮, 各類壽司口感唔錯, 還可選配湯烏冬, 更可特價加配手卷, 即叫即做, 手卷以爽脆紫菜包著, 口感豐富。工餘課餘來個悠閒下午茶, 充滿歡樂嘅氣氛。

平日六點想食壽司。本想食壽司郎但六點已經冇得攞飛啦。為有去附近元氣。去到完全唔洗等位。同壽司郎好大對比！都已經知道唔會太好㗎啦。如果唔係，點會冇人食。好耐冇去元氣。發現佢同壽司郎一樣有啲期間限定。叫咗幾款。真心冇咩特別之餘仲同圖片差好遠。魚生片好乾。如果係炙燒嘅壽司，仲會全熟之餘同好乾。好似早幾個鐘已經煮熟咗，然之後風乾左咁。覺得最好味已經係佢嘅牛油蝦壽司，但其實都冇咩特別。啲壽司嚟到嘅時候甩甩流流，就快散咁。我明白到點解啲人寧願排隊食壽司郎都唔嚟元氣食。味道一般，賣相唔使講，但係價錢差唔多。正常人都會去食壽司郎。玉子壽司都係好乾好硬。就好似平時你喺超級市場買到一尊冰咗嘅玉子，就咁解凍就咁食嘅質地。覺得食完呢一餐浪費咗自己卡路里嘅quota。

Absolutely horrific experience. I came to the store to use an in-app coupon on my points card but when I opened the app the coupon had disappeared. The restaurant staff were unable to help me and gave me a hotline number. I spoke to the staff on the phone for 30mins and they told me that they couldnt help me either even though it was an error with their app. How can anyone trust their membership system if coupons can disappear and they refuse to help?Absolutely awful dining experience.