元気寿司 (HomeSquare)

营业中

休息中

喺沙田呢個商場行完嗰間好大嘅傢俬舖，通常都會忍唔住食個熱狗或者雪糕。不過其實係出口行多幾步，就有一間元氣。見佢嘅下午茶餐都幾抵，就試一試啦。呢個午後の三食包咗三樣嘢，包括係壽司、小食同輕食。揀咗個壽司盛 B，裏面有五件壽司：螺片、三文魚、甜蝦、吞拿魚同辣味三文魚，全部都好新鮮喎，啲飯團都唔會好散，茶餐有咁嘅水準驚喜到我。小食就試咗蟹味噌忌廉餅同大阪章魚燒，比較之下章魚燒就好味啲，份量都多啲。最後輕食叫咗湯烏冬，上枱都夠熱，正常水準。呢個下午茶每人平均$55，食物唔差，坐得舒服又唔會俾人趕走，滿意。

大家都知道元氣經常有拎籌排長龍嘅情況出現，但竟然俾我發現一間唔洗點排嘅元氣沙田分店。相信大家都試過係沙田某元氣分店排隊接近一個鐘以上，今次無意中發現，只需要係沙田站行多幾步，到HomeSquare嘅分店，就會少好多人，係晚餐時段，甚至係唔需要排隊，就可以直接入座。依然保持食物質素，店員的服務亦十分友善，餐廳的環境同空問寬敞。

其實元氣間間質素都差唔多好味嗰款食物就好味唔好味嘅就唔好食三文魚頭湯非常差，應該我之前同事嗰個係好彩所以先會好味同埋有肉食 而家就係得幾嚿皮仔其他嘢都正常發揮，帶子好味，一如以往赤蝦刺身，$29.3隻正常發揮珍寶帶子唔記得咗幾多錢一件我嗌咗兩件兩蟹肉蟹膏手卷係極少蟹肉而且原來入面係蟹肉沙律，好多沙律醬 唔知以為呢個係cheap cheap手卷呢個又薄又難食嘅燒魚 係鯛魚嚟嘅，唔抵食其他嘢都不過不失，元氣嘅體驗都係咁樣

☀️迎接夏天來臨，元氣壽司全新 #夏祭menu 登場🎊！最愛壽司嘅Caca梗係即刻去試新嘢啦😍👧🏻Caca今次食乜嘢？🎏夏祭menu🍣翡翠螺-螺肉既新鮮又爽口彈牙，青檸微酸更突顯翡翠螺清甜。🍣珍寶甜辣墨魚：厚厚嘅「珍寶」原片墨魚口感獨特而且非常彈牙，原來係主menu墨魚嘅雙倍份量呀！濃郁嘅醬汁甜中帶少辣，搭配紫菜脆片更惹味！🍣醬油蝦：以琉球醃漬甜醬油、蒜茸及味淋特調醬油中浸泡過嘅天然海蝦，獨有嘅鮮味濃郁撲鼻，而口感比一般養殖蝦肉更緊緻彈牙，切成薄圈嘅小青椒，更添滋味。🍣赤海蝦味噌燒：以獨特方法烹製蝦頭製成海老味噌，同赤海蝦一齊炙燒，散發出濃郁香氣，赤海彈牙鮮美，炸至金黃大蔥絲，更香口美味。🍣三式蝦迷你飯：「蝦」控注意！原隻爽彈赤海蝦、鮮美甜蝦及爽嫩白蝦，加上口感豐富飛魚籽，完全係三重鮮蝦極尚鮮甜嘅滋味呀！🍣蝦貝三點：清爽螺片、鮮嫩甜蝦、爽脆赤貝，集合三款鮮、爽、脆口感，夏天就係呢種感覺喇😍！

開Genki嗰app先發現我嗰account都過埋期😂 其實我自己覺得元氣一直進步咗，以前無嘅魚生佢都開始有🤔️ 不過自從開頭返呑那魚試過好失望就無再敢試新嘢😂 但如果你係好似我咁中意食帆立貝、三文魚、油甘魷、軟殻蟹🤭 其實元氣都真係好滿足到我🤗星期日，兩點半拎飛，大約15分鐘都入到去，好感動😂 仲有現加嗌炸蝦尾甜品杯可以拎到呢嗰公仔🙊 入面啫喱係白桃味啫喱，雖然好細杯，但我都幾肯定醉翁之意不在酒😎 隻公仔好大隻好可愛❤️

基本上就係只提供1-2人枱，全部人入晒都冇四位枱的！已經馬上九點了仍然是沒有四位枱，令人氣憤！早知道坐的士到第一城我相信都比這裡快！切記超過兩個人不要在這裡食!

光顧了元氣很多次，亦試過不同的分店，今日第一次光顧此間元氣，一個字形容「差」。第一，元氣的高速線送的壽司沒有提示燈，壽司一直停在元氣帶上，食客用膳當中又甚知道有壽司到了。第二，下午茶餐有5件壽司，壽司是兩件兩件分開上的，我今日點選了兩個茶餐，我甚麼知道這兩件是哪一個茶餐的呢？第三，額外點選了一個牛油果蟹肉沙律，份量少，只有兩條生菜，與其他分店實在分別太大，職員的回應是計重量上菜的，我只好無言以對。這間元氣分店真係要努力改善食物質素及服務。

自從元氣將餐廳系統變電子化之後都方便了很多，電子取票，可免則除在門口等位，電話下單，軌道送上食物，每樣都做得好好，食物保持一貫質素，會有不定時，幾款限定食物，比到新鮮感你👍🏻

放左工一個人自私食壽司都開心。番工對得太多人，講得太多野，放左工一個人靜靜地去食下野都唔錯，放空下，me time下，輕鬆又自在。去其他餐廳一個人食又似都會有少少壓力，一個人去食壽司都係唔錯既選擇。平日放左工去，目測都幾多個既一個人去食。食壽司最鐘意就係甜蛋。最近先知原來都幾肥下，但係唔理啦。第二最愛係三文魚湯，因為本身鐘意食熱野，湯更加係不可少架。個三文魚湯都幾足料，好似20幾蚊，但都真係好多都魚肉。但係我唔鐘意佢一定要用手機點餐囉。搞都頭都大哂～

在沙田的元氣食午餐，午餐時間，等左15分鐘左右，因為有bb車，幸運地入到全店唯一一張有兩張可移動椅子既4人座位。🤗店內要用手機落單，如熟練用智能手機者，好快搞定，不過落遇上唔熟練手機人士，可能都要搵侍應幫忙。小火車送餐，落單快，出食物都快，不過小火車位置略高，幸好家人手長，拿食物不算辛苦～😅大部分壽司味道都保持水準，唯今次試既極太麵麵，味道頗咸，撈底下的汁時要注意。⚠另外，有新出三色海鮮卷，賣相麻麻，因壽司上的海鮮擺放略亂。油廿魚、吞拿魚壽司好正、鮮味～～～🍣至於卷物亦保持水準。3人埋單，$270，不過不失。

元氣間間分店都唔同味，今次試嘅home square分店應該係我食過最難食。叫咗個午餐自選餐，有湯烏冬配炸墨魚軟骨，壽司有三文魚、長鰭吞拿魚配炸蒜、蒲燒鰻魚、北寄貝、蟹柳卷，怕唔夠飽再加多個辣味三文魚手卷。湯烏冬非常之鹹，要瘋狂飲茶先至可以食得落！而且烏冬煮得比較硬身，好似同其他分店有啲唔同。炸墨魚軟骨都係偏鹹，炸得唔夠鬆脆，入邊只係啱啱好暖，有少少失望。壽司就不過不失啦，都唔會特別好味。反而個辣味三文魚手卷就真係爭啲，明明出面食嘅辣味三文魚好好味，但係呢一間就完全冇嗰種鮮甜味，只係食到辣味。朋友都覺得呢間分店難食，下次都唔會再幫襯。

新屋裝修差不多完成，同太座去宜家買嘢，行到肚仔餓，貪就腳就喺隔離食元氣，諗吓從來未食過，多數幫襯板長或者峰壽司，心諗咁多分店應該唔差，食物上枱速度快，味道唔差，呢個價錢算係咁，較特別係玉米蟹柳福袋，酸酸甜甜幾醒胃，太座要安哥多碟，其他食物就冇乜特別但合格嘅，另外呢度wasabi好似特別勁，同太座都標哂眼淚，不過揸車返屋企途中，我地就覺得口乾喉嚨乾，太座係咁咳，估計味精唔少啦，所以下次真係未必再去幫襯，唔知有冇其他食客都覺得呢個問題呢?

今日兩公婆 放低咗個仔畀阿姨湊 去咗宜家買嘢， 就順便入咗元氣 食晚飯 我哋安排坐 Bar 枱位， 原來呢間係有火車送餐 早知帶埋阿仔嚟啦 元氣啲嘢食不嬲都唔算差 呢間都唔例外 特別值得推介嘅有 其貌不揚嘅太極麵， 雖然細細碗 但係個醬汁做得好好味 仲有個蝦配 蟹膏嘅軍艦 真係回味無窮 另外值得一讚嘅就係服務員嘅服務態度 充滿笑容 令到人哋好開心呀

Little did we know that Genki is THAT popular we actually waited for over 30 mins for a table for two! We got our ticket and even took a walk around Home Square and walk back just in time for our seats. Salmon sushi (both grilled and raw) is one of the “must order” items for me in Genki. I also really like the grilled prawn sushi and the rolls on the menu. Don’t forget about the urchin as well, super fresh and delicious at a pretty reasonable price. They already used the upgraded “Kousoku” to de

同姨甥仔食飯, 首選一定係元氣, 因為有男孩子最鐘意嘅高速列車🚄. 睇黎我地已經漸漸習慣以電話scan QR code落單, 好似越黎越多餐廳都轉用, 係方便嘅, d野食好快送到🚅👍🏻.>原來li幾日堂食有”大滿足”系列壽司送呢🤩, 即刻”大滿足”幾件先. HKD10一件筋子同赤海蝦呀!!>太極麵- 原來係醬油撈麵, 有d辣味, 跟兩塊日式叉燒同烚蛋. >香辣呑拿魚卷 (HKD22)好多呑拿魚蓉, 都係辣ga! >日式海鮮燉蛋 (HKD20)>炸三文魚皮 (HKD19)>炙燒牛油熟帶子 (HKD17)>甜蝦蟹膏 (HKD19)>芥末榮螺 (HKD19)>軟殼蟹手卷 (HKD22)