元気寿司 (曼坊)

营业中

休息中

今次嚟到美孚食元氣壽司，真係好多選擇，首先斟咗杯茶暖下個胃，嗌咗好多壽司，首先有牛油果三文魚，全部三文魚壽司都好肥美，仲有大大隻嘅蝦，好黏口好彈牙好正，然後仲有蟹膏蟹肉壽司，啲蟹膏真係好正呀，忍唔住嗌咗好多舊

平日放假撞啱會員日有折扣，食下午茶餐就最實惠。套餐分ABC組合，輕鬆易攪。A部分自選6件壽司盛，完全無欺場，件件新鮮好味，B部分揀咗茶碗蒸，蛋香綿滑又細緻，勝過D「渣」，C部分炸物就揀咗炸雞，普普通通!盛惠$60蚊，認真超值扺食。另+散叫壽司：海膽軍艦、燒3文魚、墨魚、鱈魚明太子帆立貝軍艦、香辣牛油果軍艦。全部都好味，只係覺得當中最貴的海膽（單件$19）性價比不高！打側就原全見唔到D海膽，太慳皮！試過就算！兩個人找數唔洗$120！抵

今日黎到元氣壽司， 三文魚真係mvp。 一入去， 就斟咗杯暖笠笠嘅茶， 再嗌咗幾碟三文魚壽司。 頭幾件就係牛油果三文魚壽司， 估唔到三文魚同埋牛油果係咁夾， 再嗌咗啲燒三文魚系列， 燒完之後有陣炭香味，咬落去啲油喺個口裏面噴出嚟，好正好有魚香

元氣壽司呢間分店嘅環境真係細細個，仲要排長龍先可以食到。但係嗰度嘅壽司質素唔係好好，特別係壽司飯，好容易散開。飯粒嘅黏性唔夠，食落感覺唔太夠口感。生魚片嘅新鮮度都唔係最好，有啲魚片有啲腥味。而且啲壽司菜式嘅選擇唔算好多，同其他分店相比，真係有啲失望。個服務態度就普通般般啦，無咩特別嘅。總括而言，元氣壽司呢間分店嘅表現唔係好出色，有啲令人失望。如果追求壽司嘅高質素同口感，可能要揀其他分店啦。🥺🥺

元氣壽司，越嚟越有創意，經常帶比大家不同驚喜，今次食左珍寶螺片、珍寶赤海蝦壽司 、豪快辣味三文魚等壽司，🍣👍👍♥️♥️♥️，剌身好新鮮，份量十足，性價比很高，好滿足😍😍😍👍

琴日收工同女朋友返美乎，突然好想食下壽司🍣就去左食元氣啦唔知係咪太耐無食，依家落單除左用QR code外同運送上都係用架船仔運過黎，仲要唔駛禁制佢就識自己返去廚房😂😂我特別想推介既就係蒸蛋啦，三文魚湯同埋三文魚腩壽司首先講下個蒸蛋，又熱啦又勁香蛋味，d蛋仲要勁滑，都係20零蚊！超抵😂😂😂至於個三文魚湯，湯味好濃郁，好重三文魚味，仲有好多三文魚肉食，不過就好多骨，要小心d食！慢慢食最後就係三文魚腩，我至愛，10蚊件！超抵！

早前，無啦啦收到「中電」嘅現金券，原來小弟都算喺低用電量戶，真喺多謝晒中電喇。趁到期前，當然用咗去唔好嘥啦，基本上好多餐廳都用得，不過，發覺好多小店都諸多藉口話用唔到，結果，就近近哋過嚟「元氣」喇，今次精咗，問過用得先坐落嚟。呢間分店裝修算簡單，無咩太多花巧裝修，而餐廳呈長形，中間有廻轉帶，一邊喺吧位，另一邊喺4人卡位，此外，最左邊亦喺卡位，我哋被安排坐晌嗰邊，感覺更好，因為除卡位前後喺高椅背加有膠板擋住，就連對開嘅通道位都設有一大塊。餐廳嘅防疫措施都做到足，一入門口量體溫、登記，又以大膠板間開啲位，枱上仲備有消毒搓手液。 而紙巾、芥末、七味粉、醬油放晒晌枱上，自由取用。因為好耐之前都幫襯過，都知佢哋喺用手機程式點餐，自己搞，清清楚楚，又唔怕有漏單，今日，就點咗呢堆嘢。 由於我哋唔喺坐晌廻轉位，所以，壽司就唔會逐碟上，先喺一輪5款卷物同壽司，以下就逐一分享。牛油果軟殼蟹卷 $22 牛油果軟殼蟹喺老婆頗心水配搭嘅卷物，睇樣就做得有啲粗糙，好似表面嘅蟹籽，黐到啲就算。卷物內除有牛油果、軟殼蟹之外，仲捲住青瓜，口感甚富層次，整體食味亦算唔錯。 鱆魚燒風味香脆魷魚卷 $19講明喺香脆魷魚卷，卷

元氣又有新搞作😊今日經過，見到都幾多人叫咗一碟我之前未見過嘅嘢，所以吸引咗我入去試🤷🏻‍♂️原來碟嘢係叫做呑拿魚豪快盛☺️每碟29蚊，就可以試哂長鰭吞拿魚，大拖羅同中拖羅，性價比都算高👏🏻個人覺得大拖羅有比較多筋，中拖羅反而好食啲🥲

星期六下午抗疫疲勞落街搵嘢食，所有餐廳都迫爆😱同一商場三間餐廳全部撳曬飛邊間最先有位入邊間最後元氣壽司跑出人多流量特別新鮮我已急不及待胡亂點餐海膽墨魚好味貝殼類極之新鮮每件壽司都泛起立立令嘅油光吞拿魚亦都呈現好新鮮嘅紅色連啲蝦壽司都特別弹牙軟殼蟹手捲脆卜卜嘅紫菜包住好軟嘅飯再包住脆卜卜嘅軟殼蟹 好味 跟住再叫兩個烏冬嚟飽肚湯底好味烏冬亦都好滑最後再叫一個泡芙做甜品整體來說食物好新鮮忠告大家 想食新鮮嘅壽司就越多人排隊嗰間就食嗰間

每次黎元氣，心情郁好興奮，因為真係超級鐘意食壽司呀，同佢個芝士鰻魚卷必食呀。😍😍😍今次見到佢再個期間限定嘅烏冬，冬日限定-蕃茄牛肉烏冬，而且價錢好優惠只需要三十六蚊炸，我今次叫埋朋友一齊食，一人一碗好滿足，蕃茄湯底濃郁，個味一d都唔假，好香濃嘅蕃茄味，仲有好新鮮嘅蕃茄粒粒，加上日本嘅肥牛，真係特別香口同好食，牛味好足，連埋個烏冬真係oishi 呀😋😋😋仲有我最最鐘意嘅鰻魚芝士卷，香滑芝士一口咬，超正架🤤

曼坊商場１樓，環境不錯！做街坊生意為主的店，經常要排隊。我們１個月差不多來２次，一般是星期六或星期日來吃午餐，偶遇也會來吃下午茶餐。我本身很喜歡吃壽司，以下是我愛點的壽司：#灸燒黑椒三文魚，用火燒微微過，增加了三文魚的油香！#炙燒帆立貝#辣味三文魚軍艦、柱貝軍艦、蟹籽軍艦，３款每次必點的軍艦壽司，辣味三文魚比一般三文魚更對我的胃口，愛吃紫菜的不要錯過！#海鹽赤海蝦，蝦很大隻，吃得滿足！#炸蝦卷，和赤海蝦的口感不同，外脆內軟，加了沙律醬，我媽媽喜歡！#吉列豬扒小卷，唯一會點有豬肉的卷物，不習慣吃魚生人士，可以試試！壽司以外：#鹽燒三文魚頭#芝士魚丸#海鮮蒸蛋

元氣壽司好耐都冇食過了，今日lunch time 見冇咩人等位就入去食下啦🤣。Lunch set 有4個選擇，我就揀左set B ($80)有前菜沙律🥗、麵豉湯🍲、什錦壽司🍣，壽司包括三文魚、赤海蝦、帆立貝、北寄貝、火灸芝士三文魚、火炙熟蝦、鰻魚、炸蝦卷 x3，total 10件。壽司正常 不過不失，品質穩定😂，食完都好滿足好飽。以日式料理來說價格都算經濟實惠👍🏼，但如果同同區茶餐廳lunch set 比較就偏貴💰↗️，要看看想一想一個午餐消費接近100元了。

元氣出品大家都食慣了. 今次星期六來到美孚元氣食個下午茶, 很少分店星期六也有下午茶供應的. 三點來到, 不用等位, 直接入座. 下午茶介乎$50至$62, 可先5選1壽司及刺身款式決定價錢, 後選小食和主食類. 小食可選炸物, 芝士小食等. 主食可選熱湯烏冬和茶蒸碗等. 另有加錢追加小食. $50的壽司餐四件壽司併兩件巻物赤海蝦壽司美味!小食的芝士魚旦失望. $62 的壽司併刺身餐炸蝦巻很吸引, 元氣的招牌菜小食炸雞OK茶蒸碗即日式蒸蛋蒸蛋香滑, 品質一如以往的好. 整體OK抵食之選

只要唔係同日本當地嘅壽司對比，其實喺香港嚟計，元氣都唔係差嘅👍🏽其實本喵真係幾欣賞佢哋嘅炸蝦卷同埋珍寶蟹棒壽司🤤🤤🤤尤其係珍寶蟹棒壽司，真係每次必嗌👍🏽👍🏽👍🏽

有一次同屋企人去飯, 唔想去酒樓, 因為太嘈, 同埋有小朋友.喧所以大約係中午去食SUSHI，依家有點唔同，依然係人手下單，暫時無支持手機下單，同埋無火車送出來不過好在, 地方好夠, 可以放BB車.好快安排到入坐，冷氣唔錯TIM，待應非常有禮有耐性。仲有見到BB會送小禮物比佢玩, 搞到BB勁開心.一家人叫左唔小SUSHI, 雖然都係舍幾款壽司，但肉質好，飯又彈牙。最重要係下午茶都抵食，記得要岩時間先入去, 個COMBO幾好味, 好合理化算優惠超值，非常大眾化同有效率。忙既可以食快啲，優閒既都可以坐耐啲。