元気寿司 (荷里活廣場)

营业中

休息中

八號風球下的晚餐，好耐冇食元氣喇。點左個牛油果蟹柳沙律，竟然個汁入面有wasabi ,首先我個人係吾食wasabi既，再加上呢d都算係重口味，例如咖喱、香辣....都會註明，食落口先知😣真係失望。

喺商場睇完戲，所以去咗元氣攞位，被安排坐卡位，因為而家基本上都冇迴轉壽司拎， 所以因為反而傾偈更加方便， scanQR code 再order, d 食物好快到， 所以一次過最好唔好order咁多，食完先再order.今期同角落小夥有合作， 特別order左炸蝦卷，平時炸蝦卷有三件，今次特別版得兩件，但個長度比平時長，所以加埋公仔印刷都唔錯本來想加$20 換炸蝦尾書簽， 但已換哂， 只好換貓貓書簽其他食物水準一貫okay, 只係好懷念以前既象拔磅壽司. 唔知幾時先可以出返

今晚我無聊得滯，去咗食元氣高速線壽司🍣，如果有朋友仔係好鐘意食三文魚又冇麥要求甘就襯18/5至11/6去食下，因為真係好抵食只係$7一碟三文魚壽司，份量又冇縮水👍食到捧住個肚，一定冇問題架！仲有佢又有其他推介，不妨可以試吓佢嘅熱食烏冬，雖然吾大碗勝在夠平

一直以嚟，#小秘書 都係 #元氣 嘅 #擁躉，無論係 #午餐、#下午茶、又或者 #晚餐，我總係會搵機會嚟 #幫襯😋 呢日咁啱屋企無飯開，我又可以嚟食 #壽司 🍣 喇! 六點鬆啲客人唔多，改咗由 #新幹線🚄 送 #壽司，冇咗一碟又一碟壽司喺前面轉來轉去，硬係無咁好氣氛嘅👉🏻👈🏻 不過我都明嘅，要 #慳成本 就要減人手🤯 不過講到尾，我都係關心食物質素多啲😋 呢日我點咗 #期間限定 #象拔蚌壽司，無諗過 $14 兩件嘅質素都唔錯，爽口又有鮮味，所以我都encore叫多一份😋 仲有呀... 我一場嚟到又點可以唔食 #蒸蛋 喎🥳 滑滑嘅口感，裡面仲藏有 #帶子、#蟹柳、#魚蛋，好豐富啫🥰 埋單嘅時候，我仲厚住面皮叫 #收銀姐姐 送咗份 #熊仔摺紙 比我拎返屋企玩😉 製成品都幾可愛呀❤️

星期五晚上6時食元氣，完全唔洗等位，我相信同近期嘅活動有關......可能真係人少咗嘅關係，所有刺身明顯係雪得太耐，未溶得曬雪。叫了生蝦壽司，蝦嘅質量同 昔日已經好唔同，昔日好厚肉又爽，但今次的不似預期。熱食叫了軟殼蟹，可惜唔係熱辣辣，食落去林曬。不過薯條，雞翼明顯係即炸，因為好好好熱。薄燒三文魚依然係好味，另試了新出嘅拉麵，清清地。細細碗。另叫了煮食八爪魚，好記得之前係得4，5隻左右，但今之竟然有8隻，成碟係滿滿的。

食咗成個星期 #西餐 🍽嘅 #小秘書，係時候搵啲米氣落肚🤪 不過要我食碗白飯又寡咗啲，都係 元氣壽司 GENKI SUSHI HONG KONG 嘅 #下午茶餐 最啱我😚 呢日 #小秘書 貪心啲，除咗 #壽司🍣 之外，仲加咗份 #魚生 + #炸蠔，雖然只係得兩件 #三文魚、一隻 #赤海蝦，不過其實個餐除咗有 #壽司🍣 之外，仲可以揀兩個 #小食，所以份量已經好足夠。我要咗 #炸蝦丸 同 #熟蛋😋 #炸蠔 好鮮味😋 但係份 #炸蝦丸 似乎一早整定，凍咗層炸皮自然無咁好食👉🏻👈🏻 不過個 #熟蛋 就保持水準，係咸咗少少，不過配咗配裡面嘅 #熟帶子、#日式魚旦... 我鍾意😉

每次經過元氣壽司都好多人排隊， 前幾日壽司引發作🍣， 專程提早五點幾揸車到荷里活廣場食元氣壽司， 終於有機會唔使排隊入到去啦！ 雖然元氣壽司已經好多年， 但係唔知點解間唔中都會掛住佢。 最鍾意佢哋嘅高速列車🚅，點餐又方便，上菜速度非常快， 當晚食咗以下咁多款壽司： 北寄貝壽司$17， 魷魚壽司$14，油甘魚壽司$20，帆立貝壽司$34，芥末榮螺軍艦$14，芥辣八爪魚軍艦$14，珍寶皇帝蟹棒壽司$20， 赤海蝦壽司$20，加州小卷$22，海膽墨魚軍艦$17，脆蒜長鰭吞拿魚壽司$20， 柚子醬油吞拿魚壽司$19。 之後叫返個拉麵暖肚～北海道蝦味噌拉麵$32， 仲有小食大阪章魚燒$26。壽司方面我鍾意非常甜美的帆立貝壽司， 啖啖肉的珍寶皇帝蟹棒壽司， 鮮甜的海膽墨魚軍艦， 惹味的芥辣八爪魚軍艦， 仲有新款口味的柚子醬油吞拿魚壽司， 味道清新帶有柚子香。北海道蝦味噌拉麵細細碗， 食壽司之外叫番碗拉麵暖下肚都幾好嘅！大阪章魚燒， 估唔到又做得幾好喎，章魚燒入面有兩粒八爪魚粒，煙煙靭靭，好味！間中食下元氣都幾開心，好似搵返童年回憶咁！😋🍣

晚餐時間食元氣既排隊等候時間真係好長好長，做會員係佢個app拎位先可以慳好多時間。元氣自從轉咗做高速列車後，質數好咗，唔知係咪心理作用😂😂佢新出個幾款壽司雖然都係用個啲材料，但係新配搭好有新鮮感，唔會黎黎去去都係個啲基本壽司。好鍾意佢個款照燒醬油薄切三文魚、炙燒澳洲牛同埋辣吞拿魚蓉，仲要十蚊一舊炸🤩真係「大滿足」呀！今次主要想試海膽厚切魷魚，本身好鍾意食魷魚壽司，但我6:45去到 已經 售！罄！唯有下次再去食啦

就算佢被爆出壽司含菌量超標，過左一排依然咁多人排隊。今日心思思想食平壽司，既然食野咁易死，行出街乜都冇做又咁易俾人打死，所以就黎左食。太耐冇黎，原來全線一早已的冇曬迥轉😂😂變左高速列車，送壽司速度幾快👍等左成個鐘先有位，好彩上菜速度快咋。科技進步左，落單已經係用手機，冇左寫紙仔😂可想而知，對上一次食元氣真係long long ago🤣🤣好似每期都會有新menu🍣當然要試下啦壽司質素都唔錯👍豪快海老二點北海道帆立貝牛油燒三色海鮮卷海膽配厚切墨魚赤貝三文魚油甘魚蟹肉蟹膏軍艦柚子胡椒醬油甘魚甜蝦蟹膏軍艦辣味三文魚軍艦芥辣八爪魚軍艦海膽墨魚軍艦香辣吞拿魚炙燒明太子三文魚

呢間分店係我第二次食！上一次都已經叫難食。今次簡直是接受唔倒。首先第一次既order叫左「2粒炙燒黑椒蠔」，黎度賣相極差又散哂！要求更換。食哂所有野都冇換倒就call人跟一跟。換左返黎係「1粒」散哂既蠔壽司。自問好明白服務業的辛苦！但以食客黎講都不是提供咁既賣相給我。。於是再call職員反映意見！第三次更換係「1粒」完整既蠔壽司！但我地係叫左2粒！算 費事再煩一啖吞落肚賣單走！一夾散哂🤷🏼‍♂️ OK淨係咬粒蠔 口感係冰凍仲咬到有冰塊。完「完全唔明白入面的職員做緊咩！」放棄人生冇用心工作都唔好放棄食物。其他食物質素一般，但食物出黎十居其九已散左～ 絕對冇下次。想食劣食呢間分店絕對幫到你！

元氣係一間我時常光顧的餐廳，高峰時期可以一星期去兩次或以上，簡直是飯堂。自從消費者委員會報告後，都有個幾月沒有去，雖然有點點顧累，但都係忍唔住要去食下。🎈環境🎈在荷里活商場內，之前這時段有好多人，但明顯現在人潮是少了，大約等了二十分鐘左右。🍊食物🍊沒有了我最愛的油甘魚及左口魚，唯有食其他；照燒三文魚薄切 - 成為新寵每次必食沒有了最愛，取而代之是下酒菜食雞軟骨好想飲返杯💁🏻‍♀️服務💁🏻‍♀️自助點餐，其實沒有需要什麼特別服務。💰價錢💰比起其他有水準的日式壽司餐廳，價位算便宜了。*個人意見，我曾經去過其他的分店，得出的結論，都係覺得黃大仙及鑽石山的分店比較好味*

元氣開左好多間 高速列車唔係間間有 個人比較鐘意高速服務多啲 因為 直接係廚房出唔使轉到天荒地老都未到你而且落單方面 用手機落單 環保又方便自己食物方面新鮮唯一唔好就係當點得太多碟時，會一下就放到成張檯都係壽司🍣整體而言 效率高左 食物新鮮程度多左

放咗工攰攰地想係瞓覺前來一個下午茶之前喺第二間元氣分店食過元氣嘅下午茶 覺得唔錯 所以就想喺荷里活分店再encore我揀咗1D + 2B+ 3B一個套餐$501D 包括炙燒牛油熟帶子壽司, 炙燒黑椒熟蝦壽司, 炙燒黑椒三文魚壽司, 珍寶皇帝蟹柳壽司同玉子壽司 共5款每一款都好好味 唔記得幫炸墨魚軟骨影相，份量雖然唔多 但味道不錯而湯烏冬份量雖然不大 但好煙韌好好味可惜嘅係喺其他分店跟餐加$12可以加任何一款手卷 但鑽石山分店就軟殼蟹手卷除外 唯有以正價點一份軟殼蟹手卷熱辣辣嘅軟殼蟹真係好好味最後我就加咗$12食日本芝士蛋糕元氣嘅芝士蛋糕味道好正 好濃郁嘅芝士香味元氣壽司嘅下午茶套餐好抵食 可以一次過滿足我三個願望 基本上$62就可以食晒壽司,小食,湯麵再加埋甜品 非常滿足

元氣呢家其額都開左好多間分店 但只有指定分店先有高速列車 所以專登相約朋友過黎呢間食 不過黎到門口額係好多人係到排緊隊 朋友話下次原來可以先係手機拎飛 黎到就快點有位啦對上個次食都幾年前 呢家咩都唔同晒 落單都係用手機點菜 揀選你想要既野食 壽司都好快經過身旁既高速列車送到你面前 第一次嘗試 感覺好得意呀 高速列車比以前送餐既時間快左好多 唯一唔好就係手機點餐 每次落單既數量有限制 數量多就要分幾次落 同埋好似搵唔到定食既選項 但整體黎講都幾好既 壽司既質素依然維持高質

食元氣最鐘意叫到成枱都係野食，每碟嘅份量都唔會好多，所以叫好多都唔會食唔哂。每次食元氣都會叫燉蛋，帆立貝裙邊，水準保持之作。另外，隔左幾個月食，發現元氣繼高速送餐後，加入咗新食品。首先有照燒三文魚薄切壽司，望落幾靚。雖然係薄切，但一塊都唔細，所以食落都幾夠肉。值得一讚係做到入口即溶，不錯！另一款新作係蟹肉蟹膏壽司，蟹肉份量比蟹膏多，都幾重蟹味。十蚊嚟講，十分不錯！第三款新作有明太子薯條。元氣都有頗多炸物嘅選擇，但薯條就少見啲啦。今次岀嘅有芝士薯條同明太子薯條，我地就選擇咗比較特別嘅明太子味。上菜嘅方式唔係直接倒哂啲醬落薯條度，所以薯條保持新鮮，唔會淋哂。明太子醬好惹味，明顯有一粒粒嘅明太子喺入面，整體十分滿意！第四款叫嘅新作係壽喜燒牛肉飯，嚟到個樣比起相片中差，牛肉份量少咗，不過都係意料中事。份量雖然唔多，但味道都okay，飯亦煮得剛好。另外再叫咗個炸大蝦天婦羅🍤，望落就大大條，但炸漿就太厚，蝦就太細隻。整體而言，味道有保證，新作有驚喜，值得再試！