元燒 (已結業)

食過2次這店的串燒，2次都係附近泳池同仔仔黃昏玩完水過嚟醫肚。這店6pm至開鋪，早上經常落閘，唔講以為佢已關門大吉。今次點了三款，金菰肥牛卷、芝士雞肉串、芝士煙肉，$62。串燒放在生菜上，仲有車厘茄伴，感覺好refreshing. 第一次食的經驗係：串燒好熱，唔好即刻食。今次醒目咗。阿仔一次過KO曬，話好味😋

星期日一個人想食串燒，特登來試下。先叫左1 round 芝士煙肉大菇、羊肉串、蘆筍煙肉卷。老闆好有心，擺盤整得好靚，蔬菜好新鮮👍 大菇味道一流，超級juicy爆汁，又切到一啖啖既size,好細心❤️ 蘆筍卷每卷都有5條，而且好嫩，俾足料👍 而且煙肉係厚煙肉，唔似有d地方用薄煙肉，又油又痴牙。 唯一失色係羊肉，冇孜然味，蓋唔住羊肉臭味，而且亦都凍左。第二round加點燒菠蘿、雞軟骨同燒墨丸。燒菠蘿超級大推薦！ 好多串燒店的菠蘿都好老又有渣，但lee到的嫩、甜、香，好似食到有點微微酒味咁！讚！墨丸亦都彈牙。整體來說值得推薦，老細服務態度好好，亦感覺有心。不過在燒野既次序上可能要再落d功夫，才不至於燒完出來有d好夠熱有d已經凍左。加油！

串燒唔熱！元燒茄子擺明係用水煮！海鮮炒烏冬啲魷魚可以係唔熟！擺明係唔識煮，個鑊都未熱就放啲嘢落去炒！小喇叭三個人食咗＄300！早知自己喺屋企開爐燒好過！食完果盤串燒之後，都冇晒心機！所以條水汪汪的茄子同個唔熟嘅爛鬼烏冬都冇去影相！屋企個印尼姐姐都話: 咁鬼難食都有，小姐早知去食牛腩麵好過！本來滿心歡喜，仲諗住星期五食好啲，點知瀨晒嘢！呢間嘢絕對可以使你嘅心情跌落谷底！雖然個廚師話下次會做返好啲俾我，但試問我又點敢再去！絕對冇下次！certified!

說好了的川菜變了獨獨鐵板晚餐！頭頂有點冒煙，心裡有團火，衝入元燒。暫時一個食客都未有，室內吧檯只有兩個位，老闆示意我坐門口。唔係掛？我臉色一沉加滴汗，心諗我唔坐街邊架喎，正打算轉身離開。老闆即 offer $500 蚊最低銷費，一個人包場無問題，抵啦 ﹗其實已上網多次查閱 menu，海鮮不是每晚全部都有得供應呢，視乎當日街市有咩賣。先 order 幾款試試，之後再添食。老闆稱帆立貝不太新鮮，取消較好，無問題，聽您的。原來元燒無酒供應的啊，網上見到的照片只係食客 bring your own beer 架乍。那我要杯蘋果梳打得喇，還以為會跟照片一樣用有柄玻璃杯，竟然用 1664 啤酒杯，真係估您唔到。蒜蓉辣椒，味道似現成外購多過自家製，蒜香濃而油而濁，辣味微弱，還可以。見老闆都係剛開檔無耐，好多食材還未預備呢。開定鐵板預熱，待一陣表演。又一估您唔到由羊架打頭陣，有別於由淡食到濃、由蔬菜海鮮到肉類既編排呢。羊架兩面煎封再閣在一旁慢煎，那就能騰出時間煮理其他菜色。薄牛仔骨轉眼兩面煎熟，居然會出動火槍噴射，使其表面燋香，食落就更香口。肥美牛仔骨油脂豐富，被火槍猛燒下散發濃郁燒烤香氣，油脂溶化包

宵夜時間，叫左唔同既串燒試下。花枝丸燒到脆皮，好彈牙。雞軟骨好有咬感、爽口。雞肉好滑，雞皮燒到脆，好香口。牛柳粒好juicy,無渣好淋身，有牛味。拌碟仲有好多蕃茄，好清新。有檸檬可以吱d汁落串燒度食，味道好fresh.

一直都覺得宵夜店一定有間串燒鋪先得， 難得大埔開左間新既， 去朝聖一下！晚飯後走入小街， 見到鋪面不大， 店外放兩張細枱， 其中一張已經有人客， 那我和朋友就自己開櫈自己坐底先， 因為老闆忙於燒串燒比隔離枱。餐牌一眼望哂， 算經濟的價錢。 老闆見我地兩個女仔無野飲， 送左兩杯蘋果汁比我地， 無計啦， 尼個天氣要坐室外真係幾熱， 唯有送野飲比我地消扛番啦～叫左五款， 因為第一次來試味， 所以只係叫左幾款平平地既串燒： 翠玉瓜， 雞心， 雞腎， 冬菇， 魷魚。一來到第一個感覺： 擺得幾靚喎； 第二個感覺係： 份量咁細既串燒緊係襯熱食啦， 只係簡單的鹽燒， 沒有其他調味， 燒得剛好也不會太乾身， 不錯整體來說， 味道係幾好， 夠鮮味（原材風味）， 吹水好地方， 但只限秋冬天吧， 因為我真係熱溶左

假期去大埔逛逛，居然有意外收穫。路經富萊花園看見一間新裝修的鐵板燒。抗拒嚐新的我，胆粗粗就入去一試，唔知有乜嘢好吃的，就讓主理人介紹。由清淡的慢慢開始吃。首先端上的是鮑魚，入口嫩滑爽脆。然後來一客香，甜，爽，脆的聖子王及鮮甜的半生熟蝦，飲咗一淡啤酒，食慾頓開。跟著來的就是一客羊架，意外的是沒有羶味，然後就是一客牛肉，鬆化多汁。眼闊肚窄的我開始飽了，就向主理人偷師廚藝。期間見到鄰枱點了魚肝多士賣相不錯，我便order一客果然了得，感覺好rich。最後更點了一個甜品冰火薯仔作結尾，有新意。總結今天吃得舒適價錢又實際，值得推介。

假期去大埔逛逛，居然有意外收穫。路經富萊花園看見一間新裝修的鐵板燒。抗拒嚐新的我，胆粗粗就入去一試，唔知有乜嘢好吃的，就讓主理人介紹。由清淡的慢慢開始吃。首先端上的是鮑魚，入口嫩滑爽脆。然後來一客香，甜，爽，脆的聖子王及鮮甜的半生熟蝦，飲咗一淡啤酒，食慾頓開。跟著來的就是一客羊架，意外的是沒有羶味，然後就是一客牛肉，鬆化多汁。眼闊肚窄的我開始飽了，就向主理人偷師廚藝。期間見到鄰枱點了魚肝多士賣相不錯，我便order一客果然了得，感覺好rich。最後更點了一個甜品冰火薯仔作結尾，有新意。總結今天吃得舒適價錢又實際，值得推介。

有日上open rice見到大埔開左間新嘢, 係食我最愛嘅鐵板燒同串燒, 我一定要去試下!個舖頭好細只可以坐2個位係入面. 不過唔緊要, 因為我地外賣.  雖然仍舖頭細細, 不過五臟倶全, 仲有好多唔同嘅鹽. 佢地有2個汁, 一個係泰式辣汁, 一個係蒜頭辣汁, 好野味!我地叫左好多嘢食, 不過我個人覺得d份量好細, 例如豬頸肉係一粒一粒上仲要好細粒, 羊肉係非常薄, 厚度有d似打邊爐果d.  豆腐"pop"唔好食, 不過反而海鮮有驚喜, 可以一試!  佢地有魚缸養住d海鮮, 可能係咁所以好新鮮.  個帶眼鏡個女廚師好好人, 值得加分!

拜完年行經呢道， 比D香味吸引咗入去。 師傅啱啱招呼完一個客， 所以我就坐低咗。見佢餐牌D野食唔貴，就是旦叫幾款豬、牛、雞試下啦。在煮既過程已經嗅到好香，加上師傅一路都好建談，一D都唔覺得耐。食物上檯了! 賣相唔錯，之後師傅再灑上一D特色既鹽(我唔記得左D鹽叫咩名= =")，食落好香口，生熟又剛剛好，好味!比佢D野食攪到我開左個胃想食多D添^^"見佢又有帶子，新鮮聖子，雪花牛扒供應就試下啦， 一於醫飽個肚!帶子唔韌，冇雪味又香口調味相當好。聖子好新鮮，鐵板燒真係好小食，但都好好味!牛扒直頭一絕!肥瘦啱啱好，好有肉味!正頭係和牛既口感!一路食既過程，師傅都有講有笑，又可以睇到即席既表演!我食左咁多野都係二百蚊有找!抵呀!我住九龍都會專登揸車入去(因門口停到車)!總括黎講，係一間好味又抵食既鐵板燒!

想不到在大埔有鐵板燒食呢就和女友一試了♡!!店舖骨子,裝修不錯,主打外賣,在鐵板燒面前有2個位坐(包場了)年輕老闆老闆娘態度好nice 。鐵板燒需時就係人都知。但無呆等feel。。老闆用心的燒烤亦常和客人交流傾計。溫馨小店我以為日本漫畫先有既呢我和女友皆食得輕鬆滿足。。吾會有<食完放低$$錢走人>既麻木公式感覺。。。用餐期間亦有不少人鐵板燒外賣。。。看得出老闆老闆娘皆親切的招呼,無冷場無欺場,值得一讚及支持我們食左幾樣。。。老闆在面前即點即鐵板燒。。色香味俱佳。。亦有不同調味料推介1/蟶子王-好食鮮甜。。老闆介紹加即磨塞浦路斯黑海鹽。。味道更掂!2/鮟康魚肝多士-比鵝肝多士好味。。可能少地方有鮟康魚肝食。。食過想再食3/安格斯牛肉串/紐西蘭羊肉串-燒得幾香,店主介紹加辣粉燒,岩我口味,勁香口4/煙肉車厘茄-食過幾樣重口味,老闆娘介紹的,清爽的味道,令平時少食車厘茄的我都覺得好味!水缸亦有其他新鮮食材。。鮑魚,龍蝦,心郁郁和女友再來用餐呢