元福漁市場丼飯專門店

营业中

休息中

無錯啲嘢係幾好食，不過衰在無幾耐就係咁催人埋單，大佬而家d茶餐廳都唔會咁啦，每個人食嘢速度唔同，識唔識尊重下唔同人嘅差異？埋單仲要講唔好意思，虧你仲講好意思講得出？永遠唔會再去。我想講連鎖快餐店仲好過你地。

不過不失啦🍜～​豬扒係炸得唔錯，外面幾脆口，入面岩岩好唔過火​食得出係讚岐烏冬，好彈牙👍​不過略嫌佢個湯底太濃太傑🥴​價錢算係咁 包野飲​​味道👅👅👅​抵食🤑🤑🤑​環璄⭐️⭐️​服務👍🏻👍🏻👍🏻​番兜🍉🍉🍉​(最高分x5）

去浸會醫院探朋友前醫個肚先, 估唔到呢度都有性價比高既餐廳…鋪頭比較細, 但唔算太多人..見到餐牌樣樣嘢都想試下. 但真係礙於想食清淡D, 所以只敢叫一個海鮮烏冬, 呢個真係唔抵食, 海鮮份量太少, 食唔飽….原本打算叫薄燒牛肉便當定食, 我見其他枱有人食, 大大份, 好抵食呀….唯有飲恨, 俾個機會自己下次再去果頭食過. 果度既老闆定唔知員工都幾Nice,仲會走出黎同你傾下計,吹下水…..

久違地返BU，由舊同事帶我搵野食，島仔唯一的日本餐廳，非常之唔錯！舖頭比較細，真係坐到十幾人左右，d枱都好close下，所以嫌逼既人可能要外賣。menu選擇十分多，本來都想食魚生既，但奈何天氣實在太凍，都係熱食岩d。嗌左必食既：燒鯛魚腩丼飯（$47）、吉列芝士雞排掛讚歧烏冬（$52）、蟹籽金菇牛肉卷（4件，$38）。燒鯛魚腩入口即溶，正！芝士雞排十分邪惡，雞排炸得夠脆！結果兩個人食自己個set已經好飽，差d食唔落小食。仲要唔洗加一，性價比夠高