兄弟記海鮮飯店

营业中

休息中

呢間兄弟記係第一次去，見到冇乜人就入去試下。我地3個人叫左4個餸，腐乳炒通菜，小炒皇，魚香茄子煲，菠蘿生炒骨。先唔講味道，以4個餸上菜既時間黎講，我地剛入去係得2枱坐左客人，連埋我地都係3枱。4個餸，合共用左1個鐘頭15分鐘先上齊，啲餸冇影到，因為已經等餸等到餓哂。遂個遂個上，速度係勁慢，之後都陸遂多人，啲人都已經等得唔耐煩，上菜速度以一間炒小菜既店黎講係忌諱。再到味道方面，第一碟等左20分鐘上菜既係腐乳炒通菜，腐乳味超淡，通菜冇獲氣，炒到‘’一住菜‘’。生炒骨係呢4個餸最正常，調味夠酸甜，生炒骨唔會炸到粉同肉分離，唔泡。第3個上既菜係魚香茄子煲，呢個係有鹹魚味，但係茄子唔掛汁，普遍食落去有啲淡，唔夠獲氣，汁過多。最後上菜係小炒皇，有好多料既，腰果，蝦乾，腎，但係韮菜花係比得勁少，啲料仲多過韮菜。總結，明顯唔夠人手，上菜速度勁慢，味道只能講一般。食小菜寧願去熟食中心。

見到下圖同菜單咁寫，咁就緊係以為例牌係咁既份量啦叫左一碟例牌白灼蝦，點知上到枱得9隻 當堂”下”出聲，同張圖唔同既阿姐仲話例牌係咁架喇問阿姐咁張圖係咩份量，佢話係一斤份量，要$320 但個菜單上面冇呢個價錢，明棍人仲要行過我地枱繼續講係咁架啦蒸白鱔上到枱係咁既份量，又係同張圖完全2個樣黎食到一肚火真係名符其實海鮮價已報海關食物質素一般個沙爹煲好難食埋單仲比個阿姐單單打打已報海關已報海關已報海關已報海關已報海關已報海關已報海關已報海關祝生意興隆

路过几次，觉得装修比较简单的店（但环境卫生干净），能生存那么久（后来才知道已经开了60多年），应该有两把刷子。叫了一个豆腐鱼腩煲（$105），一上菜很香，特别有很香的料酒味，鱼腩很新鲜好吃，炸粉分量适中不厚，豆腐也很好吃，份量很足，整个煲很好吃，非常推荐。点了一锅例汤（$75），份量有平时一锅雪菜肉丝米线那么大，是青红萝卜瘦肉汤，加了果皮和姜吊味，让味道很好，用料很足，我们汤料也吃了很多。和西营盘的华叔海鲜饭店都是宝藏小店。

慶祝國慶假期約家人食飯 , 大哥話這間店食評好好 , 就試一下, 點知中晒招 話說訂了六點八位 , 因有三人缺席 , 去到跟老闆娘說改為五位 , 已見老闆娘面色一變 , 只回應一句:坐啦因可能店內空無一人 , 門口位部冷氣可能未開 , 要求開把風扇 , 只回應一句: 自己開啦 , 態度非常惡劣之後可能覺得我地張枱太大 , 強行轉張入面細枱給我 , 算數 , 接受 , 但入面部冷氣勁風凍到震 , 坐20分鐘頂唔順要求關細風態度非常惡劣的老闆娘就說: 熱你又話熱 , 凍你又話凍, 係甘架啦 , 無得調較上菜先經典 , 原來間店只有一位廚師 , 等了又等 , 又餓又凍 , 又唔敢追( 驚加料) , 我理解香港人點解要返大陸消費 , 跟本兩個世界最後 , 食品不用提 , 一定沒有下次 , 講完!

朋友話冇嚟西營盤成10年，以前住喺喥佢都會喺兄弟記食Lunch嘅。今日突然心血來潮，約三條菇嚟尋找回憶中嘅味道，咁就奉陪到底啦！我哋去到兄弟記都夜晚8:45，估唔到都幾多人，氣氛熱鬧嘅街坊小店。一坐低緊係叫返支啤酒先啦！真係唔知點解，放工飲嘅啤酒係特別好味，仲要今日係星期五，爽呀喂！椒鹽鮮魷，比起其他飯店，佢加咗啲蔥同洋蔥，食落香口得嚟，鮮魷大件，粉漿又薄，係唔錯㗎！估唔到碟小炒王咁有驚喜，裡面有我鍾意嘅雞腎，脆口嘅蝦乾，仲有少見嘅橄欖菜，唔錯唔錯！送酒一流

話說前嗰排喺西環美食團中伏後，👎👎有個住西環的朋友仔，👫👫就話帶我去試間好野，🤙二話不說，立即起行大概零晨12點🌙🌙來到了西環王皇大道西，由於深夜，街市空無一人，但從街口都已經睇到鋪頭外依然燈火通明🌞🌞🙉🙉既然朋友推薦，就交給他點菜🧏🧏佢先上來的，是大排檔必點的小炒王小炒王係每間店舖的特色，無話統一的配料！🤛🤛🤗🤗五花八門，名有侍色！今次呢到，又真係有驚喜，裏面有我非常喜歡的雞腎，我估店家係想帶出爽口的感覺，果然！給我帶來驚喜！🥰🥰😍😍其他配料就大路貨色，唯獨炸蝦乾就偏向硬身，有點炸過頭了！但食到一半，好奇心見到黑色物體，放心不是蟲仔，而係欖角！🥶🥶本人就吾太識欣賞，全部交俾朋友代勞🙏🙏之後到椒塩鮮尤，食得出吾係急凍貨，口感爽彈炸漿亦很薄身，吾會咬落一口漿，店家亦做出特色，配上大量配菜🤙有助減低罪惡感，冇咁熱氣🥰埋單加2支🍺🍺三百蚊，低食！👍🏻👍🏻

真係長江後浪推前浪！今晚由我一個小師妹帶我哋去食中菜，呢位小師妹今年係港大法律系讀最後一年，叫佢做小師妹令我自己感覺後生哂，師兄師妹嘛，其實計年紀我真係做得佢阿爸，諗起都嚇親，有啲接受唔到，哈哈。通常帶人去食飯，都會揀啲裝修靚靚哋，網上好多人推介嘅餐廳，免出事嘛。但我呢個小師妹藝高人膽大，揀咗一間係西營盤嘅地道小店，裝修簡陋，openrice得幾張相，幾個食評彈多個讚，最重要係佢自己都冇嚟過，冇食過，點解咁有信心？真係估佢唔到。呢間小店叫「兄弟記」，位於西營盤皇后大道西210號，即係老牌Sammy's Kitchen過兩個舖位。食過之後，一致裁定：兄弟記好掂，勁好食，直頭係驚喜發現，以後一定多啲嚟幫襯。兄弟記呢三樣嘢最出色： 新鮮、調味、火候。 我哋試過椒鹽鮮魷，薑蔥田雞，火腩大鱔， 呢幾樣嘢個料新唔新鮮一食就知，冇得呃。就算叫個炸雲吞，睇住佢即刻現場包好然後拎入廚房炸。 大廚嘅味覺仲係好sharp，所以啲調味做得好靚。最重要係個火候，呢度鑊氣一定夠，但係無過火，廚師拿捏個火候非常精準，餸菜係佢最佳嘅狀態時候就收火上碟，點會唔熱辣辣，點會唔好食。其實我一踏入兄弟記，就有啲似曾相識嘅感覺

無乜食評唔代表唔好食皆因我相信這裡的食家甚少上網而已~先o黎椒絲腐羽通菜,辣辣地幾惹味~ (~$30)再o黎椒盬九肚魚就比較失望,一夾散晒又唔係特別脆~ ($42)見到人地叫楊州炒飯我地又叫,一碟分到8個細碗都只係$28好抵丫!!!最後又係參考人地叫o左古法蒸田雞勁好食,田雞好滑,屋企從未試過有咁o既感覺,等o左差唔多半小時係值o既 (~$50)隔離好多枱都係叫花甲同花蟹佐酒下次我又要試試!!!

20041220 8.30pm返到屋企唔想煮飯落街買碗牛腩米, 呢間我未食過, 買o黎試下.$10一碗o既牛腩米, 份量都幾夠大, 但係o的牛腩就好唔得啦, 超韌, 個汁本來都OK, 可惜檸檬葉( 腩汁原材料之一) 切到好大塊, 比我食到兩條.但我諗似係來貨唔似係自己煮的.

食食下有隻好似1cm o既蚊咁...有D 嘔心, 不過味道確係唔差...而且個阿姐都好有禮貌>.<

呢間兄弟記都算老牌ga 啦,不過都好似而家D粉麵檔咁賣$10麵...但係比其他o既多選擇wor, 有豬手呀, 雪菜肉絲咁,我叫o左個雪菜肉絲米, 味道幾好呀!好似味精都少D! 食完唔會勁口渴lor~不過外賣加$1