19
19
3
| 餐厅: | 兆和茶餐廳 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁荃湾站 B1 出口, 步行约4分钟
继续阅读
电话号码
26142918
24198218
营业时间
今日营业
06:00 - 23:45
星期一至日
06:00 - 23:45
以上资料只供参考，请与餐厅确认详情
千萬不要中伏。我與老婆來到荃灣，老婆想話搵D舊式傳統茶餐廳食早餐。我就來到兆和街。第一次幫襯兆和茶餐廳。飲品我要左個Coke Zero。 沒有問題。但我碗米線就大鍋了。要左個香煎雞扒米線加餐肉。雞扒同餐肉都正常。唔係好食但唔係難食。最差系碗米線。全部痴埋一舊，咬落口好似咬緊嘔吐物。我通常唔會叫人重整，但今次我頂唔順。同佢話米線好難食。佢話，甘換個碗上海麵比你啊。我話好啊。佢仲話：甘D送冇事啊嘛。我話冇事。佢就做過一碗齋上海麵比我。oh my god. 不能夠話仲衰過米線，因為米線已經超級難食。只能夠話差唔多。根本唔係上海麵。個口感似未煮熟嘅伊面多過上海麵。我鑑粗食完就走人。實在太難食啦。免費我都唔食。就算公仔面都好食D。佢地點樣能夠生存到今日架？
继续阅读
荃灣兆和街嘅餐廳舖其實轉手都轉得幾快，但兆和茶餐廳真係屹立不倒幾廿年。openrice寫收晚上11:45，但我嗰晚近晚上11:30到，到我哋食完走都仲有好多客。餐廳裝修好有懷舊感，特別係啲木卡位。平時一個餐大約六十蚊，晚上十點後會供應宵夜套餐，會平少少，即炒炒粉麵套餐都係$55。龍鬚炒烏冬喺其他茶餐廳比較少見到，即係🦑魷魚炒烏冬，即叫即炒，有大排檔嘅鑊氣，而且夠色夠味，微微辣，魷魚彈牙，係碟底多油少少。星洲粉米都好惹味。最正係加$4可以配紅豆冰或雜果冰🍒（凍飲都要加$3, 加多一蚊有特飲我覺得好抵）
继续阅读
打個電話叫外賣都要受氣發生不同日第一次男聲接聽 交代完點餐 外賣自取已經等左20分鐘先去攞，去到見未有等多10分鐘都未有，去問 收銀姐姐向廚房嗰邊講欠個A餐再等，等多10分鐘再問，竟然係話冇落到單反問我係邊個聽電話最後係白等左30分鐘以上。第二次都係男聲（應該不同人）接聽 先講出要點咩飯（電話入面有其他人聲）然後接聽侍應冇應過我 因佢似同隔離講緊嘢 唔確定佢有冇聽清楚我就等左佢大約2-3秒，佢就突然「講喇」。兩次體驗都好差聽個電話落外賣都有困難嘅話唔好做街坊生意喇
继续阅读
今日突然好想食炒小菜，發覺冇咩好推介嘅餐廳，於是去咗兆和茶餐廳，叫咗兩個小菜套餐，足料有鑊氣！涼瓜炒牛肉大大碟，好足料！配白飯加凍檸茶，涼瓜炒得爽脆，食落甘甜冇咩苦味，牛肉軟嫩，醬汁惹味，份量又足料！抵食！韮黃蝦仁炒蛋同樣大大碟，有韮黃香味，蛋滑程度一般，蝦仁雖然冇咩味，但還算爽口，尚可接受。價錢比外邊茶餐廳稍平少少🤏今餐尚算可以
继续阅读
呢間嘢都去過幾次, 味道同一般茶餐廳一樣，不過佢有鱔糊及蘭州拉麵食，就有陣時都會幫襯下，但最近一次係星期三晚市七點幾。我哋叫咗鱔糊飯同埋xo醬火腩煲。鱔糊飯好快上但個火腩煲幾乎等咗成半個鐘頭，鱔糊飯都食完，佢才黎火腩煲！ 見佢不停係咁接外賣，所以佢人手唔夠，等堂食等到你癲。大家入去要有心理準備要等。 火腩煲味道係做到出嚟嘅，起碼熱辣辣煲仔上，鱔糊中規中矩。味道唔差嘅。火腩煲鱔糊飯合共150蚊。性價比唔係太高囉。仲有我好大隻，佢安排我坐圓枱，當時冇卡位都冇辦法，但伙記顧客行出行入撞到我幾次，後尾有卡位轉返卡位就好啲。
继续阅读