光榮冰室 (鴻威大厦)

营业中

休息中

茶餐廳必有的沙嗲牛肉麵早餐，轉出前一丁唔洗加錢、煎雙蛋、牛油多士、凍奶茶少甜。以前牛油多士要加一蚊，凍／熱奶茶加三蚊，現在全部不用加錢😙，全部加埋只是$39，正👍🏻個出前一丁煮得剛剛好，留有小小硬度，等你有時間食塊多士先再食便啱啱好。沙嗲牛肉個汁唔錯，份量足，比其他茶餐廳多，最正係牛肉的質地，有小小咬口，有牛肉味，看看牛肉的表面和咬落去的口感，完全冇落鬆肉粉👍🏻美中不足是凍奶茶少甜變埋少奶及近乎走甜，下次可試番正常的凍奶茶。

平凡嘅晚餐揀咗屬於香港人嘅茶記🙌🏻🌟全日特餐 $50 （已經+$3叫凍飲）選擇都好多，最後揀咗沙嗲牛肉意粉配西煎雙蛋、方包🥰-個意粉賣相真係有啲肉酸😅牛肉片意外幾好食，唔會韌滋滋，沙嗲汁都香嘅，不過好快比湯沖淡曬！ 🌟西煎雙蛋太陽蛋就係要煎到蛋白邊脆脆哋，蛋黃就係生嘅😍好食！ -🌟傳統方包正常冇特別-🌟凍奶茶正常冇特別-$50食得飽旺角區抵到爛啦，店員服務正常，係環境有啲污糟😫餐具同辣椒油都要抹下先用😫

香港人真係第一次聽茶記熱奶茶/茶走要同凍飲一樣加$3係咩玩法…凍飲加錢好正常，熱奶茶係茶記基本野，你一係就唔好跟餐全部散叫，熱啡熱檸茶又唔洗加喎，食幾十年茶記都第一次聽，你d奶係用美國奶需要比關稅嗎？收銀條友長期望電話，行入嚟我都唔洗要你乜嘢打招呼，我自己見位就坐，然後坐低5分鐘無人知我坐左係到咁，自己行去拎餐牌，位姐姐見我拎餐牌先識行埋嚟落單。最後唔係好明疫情都過左咁耐，中間塊黃色隔板仲擺係到做乜？

以前食光榮係服務質素同食物素質都唔錯，今日重遊舊地諗住再去幫襯，但係見少人咗好多又唔使排隊，以為自己執到，點知伏到🙂d野食又乾又柴，完全咬柴。d服務員個個都黑口黑面，熱飲不嬲唔使加錢宜家凍熱奶茶要加錢都算，上錯晒完全冇諗住幫我哋轉過，睇咗下張單就直接拎頭走咗。大佬而家係服務行業啊，你估你係我阿媽咩？咪同我講香港服務行業就係咁，就係因為有你哋呢班人，所以先搞到成個行頭差晒。光榮執得。

抵食lunch 之選咖喱豬扒飯$50兩大塊豬扒，煎到金黃色又唔會話太over time😎咖喱汁就有少許稀食落唔係覺得辣只不過呢個價錢唔可以要求太高🤣🤣cp值頗高

📌旺角「有種人，有種堅持」平民食堂，最近系油麻地附近上堂進修，增值吓自己，而中午個餐就決定系附近揾間茶記食個晏 一 光榮冰室 @gloryfandb🐔雞髀三眼仔飯 $63炸髀都算大隻，雖然炸得深色左少少，不過炸得幾脆，加埋三隻太陽蛋同蒽油，都幾夠飽😋👍🏻📍光榮冰室 地址：旺角鴻威大廈地下12-13號舖

旺角呢間裝修偏懷舊簡約嘅茶餐廳 見餐牌價錢幾抵食就去試吓叉燒滑蛋飯 $5050蚊大大碟 好抵食 叉燒大舊而且份量多 不過肉質偏乾柴｢全日特餐｣$49 一共有9款主食可以揀 配牛乳炒滑蛋/火腿奄列/西班牙奄列/煎雙蛋+牛油方包 方包仲可以轉丹麥/牛油多士 奶油多都係加$1 我揀咗蜜汁叉燒湯意+ 火腿奄列 叉燒都係一樣比較乾 湯底比較淡 佢仲有一系列嘅一公升特飲 原價$26 跟餐+$12就有 叫咗杯巨峰提子梳打🍇 大杯到飲唔曬😂

叫左個魚柳蛋飯，魚柳炸到黑邊都出埋黎🤮仲有真係千祈唔好嘥錢叫野飲。未飲過咁難飲既凍檸茶同朱古力……朱古力成陣餿水味，已經唔係好識形容杯凍檸茶既味…基本茶餐廳要求都達唔到最想講既係，收銀個四眼阿姐態度極惡劣，深夜入座坐低唔夠半個鐘就大大聲趕人走，”你食完未啊，食完就快啲走啦” 😂😂😂見到人哋未食完仲要係咁行過嚟問收得未見佢個牙籤筒無牙籤咪叫佢拎返幾支牙籤囉，點知仲要俾佢鬧返轉頭真係好難怪啲人北上消費，就係多得呢啲飲食界嘅人才😄

以前食光榮，出名抵食又大份，味道又唔差。。。 可惜再次幫襯，幾失望下叫左個雞扒公仔麵常餐，配火腿奄列，多士，HK$51老實說，而家好少茶記會保留奄列，所以呢到仲有呢個選擇，係值得一讚；另外公仔麵餐其實可以免費轉出前一丁或者係辛辣麵，係值得再讚奄列+ 多士正常，算係成個餐最OK 既部分😅😅😅雞扒 略有雪味，加可能係翻煎定點，肉質偏乾，公仔麵（普通味）失望🌚 就係水加埋公仔麵，食到一半已經唔想食🥲🥲🥲🥲🥲以呢個價黎講，至少應該唔會encore 呢個了….

話說有日朝早個活動去唔成，就諗住想搵個地方醫下肚，突然記起有gp友之前食左個牛油多士，睇落幾正，上網搵邊度有，就search到尼間，於是轉行程去左尼度食，個地方都屬於多遊客行既，見到出面餐牌平平無奇，入去搵位坐，d位通常用隔板隔住，方便人搭枱，跟住睇餐牌，問伙記要個牛油多士，落完到上菜大概五至八分鐘，見到兩塊多士，睇落大大份，中間夾住邪惡滋味既牛油，全程都食得好滋味，而家仲好抵食添，下次經過再點尼個~！

叫左雞扒三蛋飯 但個雞扒感覺怪怪地 有少少宿味的感覺1蚊1隻雞翼 無上限於是叫左3隻感覺味道就係豪大大的感覺 2隻都好多雞毛 只可以話證明佢好新鮮🫣葱油感覺咸左少少 不過都ok接受到的

油髀煲仔飯，餐廳係幾有特色 基本上喺香港想食嘅小菜同埋晚餐咩都有，問題在於鴨髀太過鹹 食完之後淨係想飲水沖淡味蕾 建議食肉餅或者其他特色小菜算數 作為旅客嚟食都可以嘅👋🏻

最近食緊低糖飲食，尤其是和同事一齊食午飯，喺街食唔係咁容易，好多食物都要揀嚟食，但係茶餐廳裏面都有好多選擇，咁我今日就係推介好多人都好鍾意嘅茶餐廳光榮冰室，佢出名嘅係抵食夾大件！而當中佢最出名嘅係秘製豉油加蔥油汁，但係因為食緊低糖飲食，所以我就放棄咗食我最愛嘅三蛋飯，咁我主要係想推介呢個巨型叉燒奄列真係好大份，仲有中間切開牛油方包，如果係生酮飲食嘅朋友就唔好食個麵包啦，可以同職員講唔需要個包，一般人其實就咁食一份就會飽肚，但係我貪心少少叫多個炸雞髀佢可以跟薯條或者沙律，由於低糖飲食，所以我都係避開薯仔，飲品當然都要無糖啦，所以叫唔到我最鍾意嘅鴛鴦，而我選擇咗凍檸茶走甜，一樣都係香港人嘅最愛

近呢一年手打檸檬茶開到成行成市不過我本人一次都冇試過，因為始終都係偏愛港式紅茶底+黃檸檬🍋’一直都諗緊點解冇乜餐廳出港式凍檸茶外賣今日路過旺角光榮冰室終於俾我見到！！！即刻買嚟試吓‘$25一升裝兩個人share啱啱好不過都飲咗好耐先飲得晒😂‘茶底可以揀少甜或者走甜，茶好正宗，清清地唔濁👍🏼一次過飲成lite真係好滿足🫡🫡推薦所有鍾意港式凍檸茶嘅人類快啲去試$25真係抵到爛個人覺得好飲過手打檸檬茶太多

我哋一家人行到攰就搵間茶餐廳入去坐低食嘢，入到去我哋嗌咗兩個餐，一個係豬扒飯，一個係乾炒叉燒河粉。估唔到兩個餐都夠我哋三個人食，仲要食到好飽，個餐嘅食物真係幾大份，而且亦都比想像中好食，仲有我哋另外加多$13要咗杯超大嘅檸檬茶，真係超級大杯☺️雖然間餐廳唔係乜嘢特別嘅裝飾，係一間普通嘅茶餐廳，但係職員態度比我想像中好，亦都比我想像中親切，喺旺角鬧市有一間咁嘅茶餐廳我覺得性價比好高，值得一試！👍🏻