兔角 (已結業)

思念鄉下…日本又要去食兎に角嘅Lunch解解渴😗今日想食咖哩飯，所以叫咗…吉列豬扒咖哩定食$90賣相滿分！感覺好家庭Feel！豬扒嘅炸粉唔算厚，食落薄脆！豬扒肉質有口感、味道好！日式咖哩一般都唔會辣到好誇張，有啲地方甚至係會用較甜嘅咖哩！至於呢度嘅咖哩係正常辣度而且一啲都唔甜！係我鍾意嘅！係屬於越食越來食個種👍🏼兩個前菜沙律仔好味😋茄子仔都幾特別😂麵豉湯同上次一樣，飲到家的味道🙂自助飲品今次試左咖啡，出乎意料好飲喎！！值得試試！最新最快食評請Follow IG : f.nbreak

正宗居酒屋你與隱藏菜式有緣嗎?和家人午飯後回公司工作。新崗位比以前更忙碌，所以晚飯想找個清靜點的地方「差電」。兔角居酒屋在香港開業多年。以前一直坐落在尖東，近年搬到寶勒巷。以前兔角其中一樣很有名的菜式是「鯛魚釜飯」，但這菜式已不見於新的餐牌了。環境比以前更有居酒屋的感覺。有一排bar 位，對著播著日本運動節目的電視，一個人去都絕對感覺舒適。日籍老闆永遠穿著傳統木屐，可以用中英日下單。餐單就是很居酒屋，大量佐酒小食，炸物，刺身和主食都有。先點一瓶燒酌，再來一些佐酒食物:微辣蒟蒻($50)在香港較小見，其實要將此物醃得入味需時很久。這裡的醃得夠味，醬油香味與辣味平衡得很好。あん肝 ($98)安康魚肝是一種較為重口味的日本食品。送重口味的芋燒酌或啤酒便很合適。酥炸午餐肉($50)現在也開始在香港的餐廳流行。日本一般的吃法是連檸檬和芥辣或吉列豬扒汁同吃。重口味之餘亦點了些較為健康清淡的燒茄子($60)和醋鯖魚刺身($170)。這醋鯖魚刺身不便宜，如果大家有吃過箱押壽司就應該會吃過差不多的味道。與其說是刺身，應該說是熟成的鯖魚。開胃的清淡醋味，結實的口感，混合了脂香 - 這絕對是要慢慢品嚐的菜式

晏晝想喺尖沙咀搵一間日式嘅餐廳其實都有唔少選擇兔角係喺寶勒巷10號 入口比較隱蔽入到去都係傳統居酒屋既裝修🏮木質裝修再加埋唔少酒樽同埋佢哋嘅餐牌好多都係手寫字✍️好有日式家庭餐廳嘅感覺如果唔係同事推介都唔會留意到佢哋嘅午市自助飲品係吸引我哋去嘅原因。最近疫情底下就算係準時1:00 lunch hour都唔算太多人堂食成個場入邊只係得兩三台小貓幾隻自助飲品有幾款選擇包括日式乳酪飲品橙汁紅茶日本茶coffee價錢來講佢嘅lunch set由$70至到$100左右喺尖沙咀食過日式嘅午餐來講佢嘅價錢比較偏貴佢嘅前菜涼拌日式醃茄子🍆 同埋木魚絲都係非常之特別甜甜鹹鹹的冰鎮口味會令到我胃口大開。吉列豬扒定食(HK$80)吉列豬扒嘅炸粉比較薄唔會食完之後好熱氣佢哋嘅米飯係選用日本米軟綿綿嘅質感 再令到我忍唔住食晒成碗。牛肉烏冬定食(HK$75)要值得一讚嘅就係佢嘅腐皮卷包住嘅飯應該係有加咗醋 酸酸甜甜咁樣幾好食😋而佢嘅牛肉烏冬 烏冬嘅面底唔錯不過如果係男仔黎食嘅話就可能會覺得份量有點少佢哋嘅老闆同埋廚師都係日本人所以食佢哋整嘅嘢會有日式家庭嘅味道但係呢個價錢我覺得係尖沙咀有好多選擇。食物：6.5/10

原來由尖東廣場搬咗嚟呢度，寶勒巷10號未嚟過，門口有啲暗，人流都少，上到去一層一間餐廳，裝修同之前差唔多，都係傳統居酒屋嘅格局。🎏set lunch 其實選擇唔算少，我地都揀咗牛肉烏冬定食，飲品係自助，係放題，當然唔係樽裝，罐裝，係自己斟，有紅茶，綠茶🍵，橙汁同類似乳酸飲品。野食好快到，小食有冷麵，腸仔同腐皮卷，冷麵係有啲沙律醬，唔係冷麵汁🤔，腐皮卷包住嘅係飯，烏冬麵質幾好個碗都幾靚，不過個湯就麻麻。埋單75蚊嘅set 再加1,不過不失。

午市跟同事來久違的兔角，搬了新店首次光顧。由依舊帥氣的店主招呼。午餐款式多，由刺身到熟食都有提供。選了生薑豬肉定食。剛看到整個套餐送上已很興奮，先由小菜介紹，有日式醃蘿蔔、木魚絲配苦瓜，醬汁煮鴨胸，每道都好吃，特別是苦瓜。麵豉湯熱辣辣送上非常可口。主菜生薑豬肉，淡淡的生薑味配豬肉的爽甜，不咸且帶甜，味道非常之柔和，配上軟綿綿的日本米，很有在家用膳的感覺。另飲品無限添飲，選了乳酪飲品及咖啡，飲品也是誠意之作。

原先打算在寶勒巷食素菜，發現了此日式餐廳標榜午市有自助飲品，價格都係同其他日式差不多。我們差不多中午1點到，加上我們只有2枱客，真係有D擔心，不過最後都決定試一下。我點了吉列豬扒定食，炸粉很薄，豬肉亦很淋，份量亦很夠，水準中上。我太太點了豚肉生姜燒定食，豬肉入味，都有水準。自助飲品有5款可以揀，我們都試了CALPIS(日式乳酪飲品)，酸酸的令人開胃，飯後再飲咖啡。老板及廚師都係真正日本人，後來才發現應該係之前在明輝中心的店搬了過來，價錢亦比之前在明輝中心平，可以再食。

很期待的正宗日式居酒屋🏮一嚐日本人開的日式料理晚餐🥣！生日一年一次選了這家日本料理，店面裝修和式簡潔！餐牌簡單得是手寫的有點意外！我們點了很多日式美食由刺身到熟食都很滿意，材料新鮮美味！值得推介若果大家都係喜歡吃正宗的日式居酒屋料理！！！必選推介😋鯛魚刺身 - 簡單配了薑䓤及日本豉油帶出鮮味。玉子 - 簡單帶甜軟線綿就像在東京吃的一樣。天婦羅 - 熱騰騰夠脆口，粉唔厚。炸雞軟骨 - 粉唔厚入味有口感。芥末八瓜魚 - 野味而且新鮮八瓜魚夠入味。燒魷魚筒 - 應該加了調味粉好香配合醬汁好夠味！

星期日同BB去完科學館玩，近近地約埋屋企人去左尖沙嘴食日本野，以前都有係尖東食開兔角，轉左位置後未食過，上來試試。叫左吞拿魚刺生、天婦羅、烏冬、蕎麥麵、雞扒、薯餅、蜆等等。食物味道正，特別是蕎麥麵同天婦羅，蕎麥麵湯清清淡淡，不會太咸，天婦羅炸得香口又鬆趣，啲蝦又爽口。不過係香港食日本野都係比較貴，4大1小，食左差不多$1500，但其實我都唔係好飽，感覺有啲貴，而且我地仲係無叫酒飲，全部飲水，如果叫埋酒，可能要$2000先攪掂。

年頭時發現之前在尖東的兔角在這裡重開，急不及待即試，畢竟以前在尖東總要很早訂座才有位。每次去都忍不住一吃再吃的咖哩飯、雞肉棒、蟹籽沙律，響香港嘅日式料理中好難搵到咁啱我口味，自助形式嘅茶同咖啡，就更加分。

以前經常會去兔角午餐或者晚餐，與同事就午餐去得多，定食美味價格合理⋯⋯昨晚去新址試試，店面似乎大了一些，食物是記憶中的味道，很好👍⋯⋯價格稍微提高了，可以接受，還會再去。

很高興可以再次重遇之前在尖東已結業的小店。食物水準高不再話下，整體店舖環境令你有如置身日本小店！真心推介👍🏻當日首先點了廚師推介，Toro刺身新鮮又好味，之後有天婦羅池魚都係一絕！其次牛肉他他又係好食到無朋友，玉子令你有如置身日本既感覺，茶漬茶反而就一般無驚喜但也美味，仲有燒花魚又大條又新鮮，正！最後個番薯天婦羅超級甜又炸得脆，總之你求其點邊一樣都唔會令你失望。呢間小店好得，值得一試。我俾佢滿分💯

久別了的兔角，同朋友好耐之前係舊址（尖東）食過晚飯。太耐冇食過，lunch 經過樓下見到水牌上有兔角，膽粗粗上去睇下係咪同一間餐廳。一入去就見到裝潢同舊舖差不多，日式的設計，男友人叫左刺生飯，但份量不足男子份量。而我叫既定食味道有以既水準，但只適合小鳥胃。