全日雞實驗所 (通菜街)

营业中

休息中

全日雞實驗嘅雞聽聞係全香港最好食最近喺旺角開咗分店 近近地終於可以一試啦離遠已經見到門口好多人排隊同買外賣不過翻枱都好快 堂食好快就入得座😀🍴每款套餐均附有🔸香飯｜相比平時食開嘅油飯 呢度嘅香飯加入乾蔥同雞湯煮 香味十足 粒粒分明 🔹無味精靚湯｜椰子雞湯清澈鮮甜 有椰子香 完全唔油膩 有住家湯嘅感覺 非常出色🔸醬油小黃瓜｜黃瓜粒新鮮爽脆🔹三色醬汁｜薑蓉磨至幼滑creamy狀態 驚喜！另外辣汁同甜醬油都唔會太濃味就算點雞都唔會遮蓋雞嘅鮮味🐥溫泉雞套餐 包括雞翼/雞胸/上脾一次過可以食哂3個部位雞件嫩滑帶點鹹香另外加配咗桑拿瑤柱肉餅肉餅偏厚身 食落明顯地咬住肉粒 口感豐富豬肉肥瘦適中 配上瑤柱更具鮮味🐥溫泉雞髀套餐雞髀部分已去骨 食落特別嫩滑 雞皮呈鮮黃色有彈性 同雞肉之間仲有層啫喱香飯轉蔥油干撈麵麵條採用上海粗麵 麵質彈牙配搭新鮮蔥同乾蔥 同醬汁撈埋食味道唔錯額外再加咗份蒜香娃娃菜~🚩全日雞實驗所 旺角通菜街80號地舖另一間分店喺➡️北角和富道21-53號和富地庫B50-51號舖和富美食廣場C1及C2號舖

路經旺角見到依間門面咁別緻嘅小店，鍾意食海南雞飯嘅本人決定入去試試 ~ 餐廳只提供四款套餐，包括三款溫泉雞 set 有唔同部位，做占人士可以揀雞胸柳 set，仲有一款瑤柱肉餅套餐。等食物期間都見佢外賣一個接一個，店內座位長期坐滿。○ 溫 泉 雞 套 餐 // $𝟲𝟯有齊晒雞翼、雞上髀、雞胸肉，可以試晒咁多部位，啱晒選擇困難重症嘅本人。聽聞老闆自己研發咗一部專門浸海南雞嘅機器，分開浸雞髀雞胸，好似幫雞肉浸溫泉咁，令每個部位都可以慢煮至最佳時間。金黃有光澤嘅雞皮爽脆又滑，肉質軟嫩多汁，有適量脂肪啫喱，食落更滑溜，啖啖滿足感！配以三色醬汁：黑醬油、辣醬、薑蓉最出色一定係薑蓉，磨得非常細滑，食落唔會過於油膩。醬油甜甜地屬於正常發揮；自家製辣醬辣味慢慢滲出，越食越開胃。油飯粒粒分明，食落唔覺油膩，帶少少雞油香，吸收咗雞油嘅精華，口感軟糯。除咗飯亦可以揀配湯米粉 / 惹味蔥油撈麵。套餐附送醬油小黃瓜、冇味精椰子雞湯、冷泡烏龍茶/罐裝飲品。青瓜去咗皮更容易索汁，有麻油香味幾清新。湯清甜唔油膩，飲完唔會口渴。冷泡茶茶香濃郁甘甜，可以解膩。○ 醬 油 溏 心 蛋 // $𝟭𝟮蛋黃味道濃郁帶有微甜，同鹹香

呢間一直都好多人介紹次次見到條龍好長今日人少少就試下😙揀咗溫泉雞胸柳套餐轉湯米粉連湯，青瓜同埋冷泡烏龍茶 $66雞胸好滑，完全唔會又乾又柴，好juicy 正！減肥友好 好味抵食又健康！肉餅好似都好吸引 下次再試

特登試吓旺角通菜街嘅全日雞實驗所，一間以海南雞為主打嘅餐廳。晚上6點到埋位，當時仲有位唔使等，但遲多半個鐘就開始多人到排隊，睇嚟人氣非常高！我點咗溫泉雞套餐，一次過可以試到雞翼、雞胸同上髀三個部位，啱晒鍾意試唔同部位嘅朋友。另外，餐廳仲有其他選擇，例如可以只選雞胸、雞柳或者全雞髀，滿足唔同口味需求。海南雞嘅外觀非常吸引，色澤油亮，雞肉嫩滑得嚟肥瘦適中，口感相當細膩。一碟套餐仲配埋三款經典醬汁——醬油、蒜蓉同辣椒醬，每次夾唔同部位嘅雞肉配搭唔同醬汁，滋味層次瞬間提升，唔同部位都可以食出新鮮感。套餐仲包括咗一碗雞油飯，飯粒乾身分明，帶有淡淡雞油香味，唔會過膩。值得一提嘅係，呢度嘅雞油飯仲特別加入咗少少乾蔥粒，每一口都散發陣陣香氣，口感更加豐富，同坊間一般嘅雞油飯完全唔同，真係值得慢慢品嚐。試埋佢嘅蔥油干撈麵，麵條質地相當彈牙，口感非常有咬口，唔會水汪汪無靈魂。撈埋蔥油同調味醬油嘅香氣，每一啖都係一場味蕾享受，每咀嚼一下醬油香氣都會慢慢散發出嚟，推薦鍾意食麵嘅朋友一定要試！另外仲試咗桑拿瑤柱肉餅，呢道菜絕對係驚喜！肉餅選用比較大粒嘅肉粒製作，食落口感十足，每一口都咬到一大嚿肉，唔會似一般細碎

🐥溫泉雞套餐 (雞翼、雞胸、上脾) $63 有雞味又超嫩滑😍 就算係雞胸位都唔鞋☺️推薦！✨ 配香噴噴香飯 🍚 - 唔似一般海南雞啲油飯咁油膩👍🏻加埋有少少紅葱頭吊味 好香唔滯 無味精靚湯 😋 - 椰子清雞湯 冇味精 清甜 飲完唔口渴 醬油小黃瓜🥒 - 正常發揮 調味適中 三色醬汁 💛🧡🤎 - 三款醬料都唔求其！薑蓉起幼滑！同温泉雞好配 包冷泡烏龍茶一杯/罐裝飲品🥤🐷 + 3件桑拿瑤柱肉餅 $36👍🏻有嚼口又有肉香 完全唔係出面嘅絞肉質素肉餅加左瑤柱絲 鮮味再加分 又唔會太搶味 推薦！✨ 🍞 咖央多士+25極邪惡之選🧈多士有烘底 中間夾住一片牛油同咖央醬咖央醬係偏椰糖口味 但唔會太甜回頭指數 ⭐️⭐️⭐️⭐️⭐️#旺角 #旺角美食 #alldaychickenlab #全日雞實驗所 #foodie #hongkongfood #y2fat #y2fatfoodie

📍全日雞實驗所（旺角）放咗工男朋友仔話要食清清地 就係openrice搵啲啱口味既野就睇到呢度嗰名好得意 就決定係佢了！！🩷溫泉雞髀套餐（油飯）🩷溫泉雞套餐 （葱油拌麵）佢啲雞真係好滑！！ 因為係用慢煮既烹煮方法 所以就算係雞胸都唔柴仲有肉汁😚佢係海南雞嚟㗎 無骨勁開心 真係啖啖肉 反而雞翼肉就冇雞胸咁正🫢　佢跟既醬油 辣醬 都係海南雞基本野 但薑蔥佢係打到好似蓉咁 將啲薑蔥味濃縮同時感覺少啲啲油份 好特別👍🏻跟餐既葱油拌面好濃葱油醬油味 仲有啲炸葱花 十分惹味又唔會搶focus🤪🤪照返雞油飯嘅話就會突出返海南雞嘅味道😆同埋佢搵雞湯好正，濃而不膩☺️係會想特登叫個湯嚟飲嘅程度🩷瑤柱肉餅見到一間專係食雞嘅地方，居然會有肉餅買🥴所以就好奇叫嚟試吓點知佢係今日全場MVP！超級正！佢唔係用絞碎嘅豬肉去做，似一舊舊豬肉拼埋一齊嘅口感一咬落去啲瑤柱嘅味道即刻湧上嚟，真係唔知個調味點解可以做得咁好👍🏻👍🏻👍🏻瑤柱嘅味海鮮味好清新反而吊咗個肉味出嚟，我煮開飯嘅都唔知點樣可以做到咁明顯既瑤柱味🥺好想偷師係屋企復刻出嚟

全日雞實驗所為了炮製出最嫩滑的海南雞🐔竟然特意研發一部「浸雞機」🤯如此別具匠心的製作方法，加上價錢貼地，令餐廳早在深水埗年代就已經聲名遠播💥一直到現在都依然是炙手可熱的海南雞專門店🔥———————————————————————溫泉雞套餐非常豐富😍除了雞和香飯外，還有涼拌小黃瓜、湯和飲品，以$63來說，的確物超所值👍🏻光看賣相，金黃色的雞皮就已經令人食慾大增🤤入口果然都沒有令人失望，雞皮非常爽彈，質感滑溜得如腸粉一樣🥹雞腿、雞胸和雞翼三個部位亦煮得恰到好處👌🏻肉質非常嫩滑，完全感受到「浸雞機」的神奇之處🫨唯一美中不足的是溫泉雞雞味較淡🤏🏻未算太濃，但整體來說已經非常高質👍🏻配搭的三款醬汁亦同樣出色，醬油質地濃稠偏甜😃辣醬辣椒香味濃郁🌶️略帶酸味非常開胃😙薑蓉磨得相當幼細🫚幼滑得如薯蓉一樣😳並無半點纖維感覺，令我非常驚艷🤩香飯粒粒分明，不會有油膩感覺😇而且充滿乾蔥香味，令人忍不住一口接一口😆加$13可加配一件桑拿瑤柱肉餅。肉餅採用了半肥瘦豬肉🐽口感非常結實彈牙，肉味香濃😚瑤柱味亦相當突出，但咬落就不太感覺到瑤柱的質感🧐加$25還可以加配咖央多士4件。多士烘得香脆可口🔥微暖的麵包配以厚切的冰

今日同Foodie嚟到旺角食嘢，試咗間海南雞飯，真係驚艷！我哋叫咗兩個套餐，雞肉超級超級嫩，再加上薑蓉嘅薑味同甜豉油，夾得好好，整體嚟講配搭好唔錯。餐仲附有飲品、醬油小黃瓜同埋湯餸，都非常抵食。另外我地又加錢加咗糖心蛋，同飯夾一齊，仲有央多士啱啱出爐，好好食，唔會過甜。整體嚟講，呢間食肆真係值得一試！

食到有啲感動，係因為覺佢真係好用心做雞🫶🏻🥹真係好耐都未試過喺香港食嘢食到有感動嘅感覺，由前菜小青瓜、到椰子雞湯、到無皮下脂肪嘅温泉雞、足料肉餅、仲有咖史多士做埋甜食，每樣食物都feel到係用心做，先會做到食入口會有嘅滿足感！個青瓜係去皮，醬油汁好輕身，十分清新解膩～雞湯無味精，入口非常舒暢，有淡淡椰子香。值得一讚真係，個撈面大為出色，更甚於飯！係出面唔會食到嘅味道！（覺得溏心蛋可以skip🙈）咖央多士比起其他食過嘅食店係無咁有罪惡感，當甜品食啱啱好！我同朋友二人去到時7pm左右，大概有十多人等位，但15分鐘內已入座，餐廳鋪面唔大，但食得好舒服，一個拓盤裝哂成個set啱啱好一枱兩人仲連嘢飲，我食完第二日已經想再食了🤭

今日lunch time 經過女人街搵野食，比呢間店個名吸引左全店主打海南雞同肉餅飯，好似係海南雞關注組都幾有名氣我叫左個一號餐，溫泉雞套餐，有雞翼雞胸同上脾，套餐裏便可以揀油飯或者白飯，而且會送冇味精嘅湯同埋醃青瓜🥒 仲包埋野飲！個雞飯黎到份量十足，雞嘅份量有一個例牌咁多，飯量亦都非常大碗，雞食落非常之滑，而且有雞味，飯個味都好好，唔想過咸或者過油！個湯有驚喜，非常之香椰子味，不過就冇渣嘅！總括嚟講以$63呢個價錢值得一試

去旺角整指甲，當然又搵下附近有咩好西食，聽聞呢間餐廳都幾多人推介，一於就試試先平日夜晚都幾好生意，好彩等左一陣就有位👍原本想揀雞胸柳套餐，貪佢啖啖肉，可惜賣晒，唯有揀溫泉雞套餐，有雞翼，雞胸和上脾，一碗香飯，同埋+C一罐，份量都適中，雞肉都算嫩滑，香飯都有少少惹味，就咁食飯都得🤣三色醬點雞食都算幾夾，以$63呢個價錢，整體都算係幾抵食如果下次諗唔到食咩，呢間餐廳都可以作為醫肚之選，希望有機會可以試到雞胸柳套餐

店面小小，裝修靚靚地，上餐速度快，唔洗等候，可能下午茶時段，睇個影片分享平台老細做飲食的片，覺得老細好勵志，所以過黎試下，菜餚用的碗顏色好和諧，雞咬落去柔軟適中，味道都幾好，肉餅有層次

「海南雞關注組」No.1 🏆標榜所有食物無味精，每日新鮮製作🐔旺角呢間分店已經開咗一段時間但平日食飯時間都要排一陣先入到～【全日溫泉海南雞飯餐】 $63套餐超抵食！包香飯、靚湯、小黃瓜、三色醬+冷泡烏龍茶/罐裝飲品🥤溫泉海南雞食落超嫩滑Juicy😍 喺香港數一數二好食的海南雞😋油飯食落勁香超超超大碗，女仔可以嗌少飯都得！嗰雞湯有好清香椰子味，飲落好順喉！而三款醬都唔錯，每款都有另一番風味🤤【咖央多士】 $25⭐️⭐️⭐️⭐️⭐️必叫！超級邪惡🤤 烘得勁脆口，咖央醬好香滑🧈淡淡的斑斕味，亦不會太甜太漏😋 值得一試！餐點：4 / 5服務：5 / 5環境：3 / 5性價比：4.5 / 5「🎵Good food in bad days悲觀傷心都要撐起🎶 攰就食雞髀🍗It’s not a bad life it’s just a bad day🎵」#香港美食 #香港必食 #海南雞飯關注組 #全日雞實驗所 #北角美食 #旺角美食 #通菜街 #新加坡菜 #咖央多士 #hkfoodie #hkfood #mongkok #lamlam旺角 #lamlam北角 @alldaychicken.hk

喺旺角女人街入面，俾我發現到有間叫「全日雞實驗所」溫泉雞飯店，見佢個名幾得意，而且我本身都好鍾意食海南雞，所以就決定同朋友試一試，雖然佢晚市條隊都幾長，但估唔到有幾快可以入到去，而且期間都見到有好多人叫外賣，試完果然冇令我失望 😋溫泉雞套餐我就揀咗呢個溫泉雞套餐，貪佢可以試齊雞髀、雞翼同埋雞胸，雞髀滑嘟嘟，雞胸啖啖肉，雞翼就食到雞油嘅香味，雞肉少少鹹鹹地，就咁食都好好味，當然點埋豉油同薑蓉就更加提升到佢嘅味道啦 😍溫泉雞髀套餐朋友就叫咗呢個溫泉雞髀套餐，因為貪佢啖啖肉，雞髀肉超級滑，完全冇令我哋失望，佢仲加咗醬油糖心蛋，個雞蛋嘅糖心整得好靚，少少鹹鹹地，幾好味 😋 蔥油乾撈麵、冇味精靚湯、醬油小黃瓜套餐可以揀香飯、米粉或者撈麵，我哋就揀咗蔥油乾撈麵，蔥油香味好濃，但又唔會覺得好油膩，配埋乾蒜，勁香口 😍 碗湯都好鮮甜，平時食海南雞飯對湯冇太大期望，估唔到呢個入口係好有驚喜，甜甜地，飲完之後完全唔會口乾 👍🏻 再加埋清新嘅醬油小黃瓜，好鍾意佢哋嘅調味，少少鹹味剛剛好提升到食材嘅鮮味，食完唔會覺得好疲勞 🤤咖央多士估唔到呢度仲有甜品食！叫咗咖央多士，多士烘得夠香脆，香甜嘅咖央配埋大大舊嘅牛

成日經過都見排哂長龍，今晚可能落雨，經過見條隊唔算人多，大概5、6個人，咁就一於試下，叫左一個雞髀套餐加一件肉餅，食到半路見隔離枱叫咗咖央多士好似幾吸引，我又貪心叫埋一份雞真係好嫩滑，份量Ok整體無乜嘢可以挑剔，肉餅好香瑤柱味，食得到一粒粒嘅肉而唔係用肉碎做，食一件有少少唔夠喉好想再叫，但因為叫多咗份咖央多士，怕食唔哂所以都係唔好衝動，留番下次再食過咖央多士包哄得好香脆，中間夾住嘅鮮油唔算好厚，如果以追加小食來講我覺得ok夠，如果唔係會好漏好飽最後不知不覺連伴菜嘅青瓜都比我食哂，食到清哂碟店員不禁嘩左一聲，我自己都覺得唔係幾好意思😂🙈