兩興潮州海鮮飯店 (已結業)

d 魚翅好味, 但勁多味精, d 鵝好肥, 失望, d 蠔餅ok 啦, 唔會再去了.

今晩同男友一齊到這裏吃晚飯,由於看戲過後才到這裏,所以時間接近十時多了,飯店只有員工在吃褔食,但他們仍樂意招呼我們,我們點了三碟餸,其中一樣上湯豆苗是要高度讚賞,非常好味呀!!很嫩.而且,那些開胃小食-花生亦弄得好脆.愛死了

老闆無端端出bonus俾我, 咁開心梗係要請食飯慶祝0下啦, 知道媽咪想食試0下打冷, 所以去食飯前上0黎問定人做定功課, 最後決定0黎呢間. 我地3個人食0左:鹵水鵝片- 雖然食鵝唔係時候, 肉唔太夠味, 但係都做得幾嫩滑, 墊底豆腐索晒鹵水汁好好味.鹹菜胡椒豬肚湯- 真係好胡椒, 豬肚同瘦肉煲淋晒, 幾夠火喉.石榴雞- 我指明話要食呢個, 蛋白皮好滑, 入面有竹笙又增加0左一層爽口口感, 不過雞肉有d0鞋喎. 伴碟0既西蘭花亦新鮮翠綠.香芹肉碎蘿蔔桂花蚌- 好清甜, 桂花蚌好爽又冇沙.桂花炒蟹肉- 因為想食蟹但唔0向屋企食又食得唔夠盡情, 所以叫呢味代替, 蟹肉炒蛋用連埋0既生菜片包住食, 加埋香醋又另有一番滋味~白果芋泥- 白果淋得0黎又帶煙"un", 芋泥又做得唔算太甜喎, 不過見到0向面層油有d驚......清心丸綠豆爽- 送0既~ 好多綠豆, 甜0左d, d清心丸係淋身的, 我都係鐘意煙"un"d."食送"菜全部都夠熱得黎又唔會食到"辣"親, 由入門口時開始全程招呼週到, 個叔叔見我要添湯即刻過黎幫手, 見我夾西蘭花又主動問我仲要唔要, 細佬話佢地直頭係吼住佢幾時飲完杯茶就

前幾日同幾個老友貪就腳一行四人去呢樹食野,因人少關係只叫幾個菜填飽個肚算數, 今次叫左鵝片拚墨魚--肉o既味道足,但鹵水味唔係好夠,豆腐底都o.k.金銀蛋莧菜--d菜o既味道唔錯!!!檸檬炸雞(好似咁上下)--汁o既味道唔錯但d雞件比d汁浸到淋晒,好似煮左好耐咁比較失色!!!豉椒炒蜆--三個字"好鬼咸"蘿蔔桂花"螃"--蘿蔔都幾甜,桂花"螃"都好爽,全晚最好食!加兩支啤酒埋單$480度都幾貴,另同之前幾次黎食同今次水準好似比較差左d,可能我地唔係叫d撚手野喇,希望下次會好d!!!

幾個朋友的聚會，暢談煮食心得，選了這裡。星期二晚，人不算多，雖然是訂了位，但相信沒有訂位也是沒有問題。在座大部份是女孩子，食量應不會太大，就隨便的叫了幾味，分別是方魚肉碎粥、炒魚麵、煎蠔餅及炸蝦蟹棗。幾款菜色都很快上檯，賣相不錯，當然比隔離的陳勤記為精緻。方魚肉碎粥一窩上，除了方魚及肉碎，其實也有蠔仔的。味道不錯，味精也不多，料卻不及陳勤記的多；炒魚麵是我喜愛的菜色，粗身亦粗糙的魚麵有咬口，與芽菜及青紅椒同炒，味道仍然好，不過呢味菜是例牌碟底有灘油的，如果怕肥膩的真的不要叫；煎蠔餅不夠香口，馬蹄粉下得太多，無厘火氣，呢一味隔離陳勤記就精彩得多了；炸蝦蟹棗各六粒，個人喜歡蝦棗多一點，蟹棗太腍身，不夠香口，奇怪的是，面對呢兩味，是沒有叫啤酒的衝動，可能是不夠香口的關係。食食傾傾，埋單三百多，不算太貴。坦白講，再吃覺得，同是下價菜，陳勤記就比這裡好一點，但論坐得舒適當然是這裡優勝。

白痴家姐上次買緑豆爽清心丸, 講漏左緑豆爽, 結果我地齋食清心丸. 佢唔死心, 今日又去買過, 今次終於記得講埋緑豆爽,食到完整版本o既緑豆爽清心丸!今次稀好多, 無乜緑豆邊, 清心丸更只係得三到四粒. 糖水一樣係得好淡o既甜味. 家姐覺得甜度剛好, 我就覺得可以再甜d. 我地一致認為如果可以多d料會好d!不過整體黎講都幾好, 會翻炒!

家姐上次同同事黎食lunch, 食左緑豆爽覺得裡面煙煙韌韌o既粒粒好好味, 問我地知唔知係乜, 我地話俾佢知o個d叫清心丸. 佢食過返尋味, 今日去興買外賣兩碗返黎. 但係可能言語上有誤會, 佢以為上次食o既緑豆爽叫清心丸, 結果就買左兩大碗淨清心丸返黎.但係佢實在太鍾意o個種煙煙韌韌o既感覺啦, 所以依舊覺得好好味, 而我就覺得清心丸口感雖好, 但係味道太寡, 而且糖水太少唔夠甜.不過見家姐食得咁開心, 陪下佢都好o既

忙左成年，終於可以有個長少少的假期。年三十朝早同事已經搞埋手尾歸家團年，剩番兩個鬼佬孤伶伶的，於是就同佢地和另一個無家可歸的女同事在這裡吃圍年午飯﹝其實無家可歸的仲有本人！﹞。這裡其實有兩個入口，與文咸西街那邊前後相連，屬同一間舖，據觀察正門應在文咸西街而非皇后大道西。估唔到呢度都唔係太多人，前一日同事打電話來都訂到檯。先渴功夫茶再點菜，我們叫了石榴雞、鵝腸拼墨魚紅腸、沙茶牛肉炒芥蘭、煎蠔餅同方魚肉碎粥。石榴雞一客四件，剛好一人一件，係蛋皮包雞粒，整得好似個荷包，賣梳幾掂，好得果兩個鬼佬歡心，而味道亦係幾好的；近農曆年非鵝的當做期，鵝片味道必定麻麻，反而鵝腸爽又美味，加埋墨魚送啤酒就至適合；沙茶牛肉炒芥蘭埋沙茶醬大堆到嚇人一跳，幾難至搵到牛肉，我就不太欣賞；煎蠔餅仍有水準，但不太出色，始終是煎得濕了一些，還是喜歡已結業的灣仔新星那些炸蠔餅；方魚肉碎粥味道不錯，不過食完都有點口渴，又要叫多支啤酒止渴！連啤酒三支，埋單三百幾，唔算太貴，始終有點行頭的潮州食肆都要收番咁上下價錢。

記得細細個成日同屋企人去潮州巷食野,全部都好好食,後來"lum"樓之後,d舖頭就搬哂出黎另外搵地方做,自此d水準就一路跌....唔知點解,係咪佢個名做開左多人冒,定係好多人食又唔多注意維持水準,就越整越差雖則我都係"自己人"(請用潮州話讀),我阿媽煎d蠔餅都好食過?啦!有次爸爸請客去食,d野食又上得慢,上到黎又凍,d鵝片馬馬夫夫,蠔餅冇咩蠔,胡椒豬肚湯冇咩胡椒味,...搞到我爸爸都唔好意思(D服務員態度極差,所以要減多几分,原本想服務俾零,但冇零先揀1)要食物有水準,要用個心去煮,唔係只顧賺錢0既

久仰兩興大名,前兩日老細請食午飯就黎左呢度,聽同事講呢度午飯時間非常爆場,一定要早的訂位咁話.十二個人都叫左好多野食,鹵水鵝,蠔餅,蠔仔粥,川椒雞,椒鹽白飯魚梗係唔少得,鵝片好味又夠瘦,但啲墨魚片就冇乜味同埋點解係黃黃地色唔係橙色既?蠔仔粥非常美味又足料,蠔仔大大隻,川椒雞亦相當有水準,完全將美心係潮州酒樓比下去,係個蠔餅差啲,唔脆又油,最後都冇食晒. 另外仲叫左白菜仔煲,菜心炒牛肉同炒魚麵,魚麵我覺得好食過樂園,最意外係個菜心炒牛肉超美味,牛肉嫩菜心爽加埋個薄薄沙爹汁簡直超水準!!!之後叫左個水晶包做甜品,一半係蓮蓉餡一半係荳沙,新鮮蒸起熱辣辣,個皮少少煙韌啲餡又出奇地唔太甜,掂呀!最後仲有一大窩綠豆爽做甜品,清甜美味係嫌清水丸少左啲.可能我老細係熟客,侍應招呼好好之餘埋單時個水晶包同糖水都冇計錢,最後我見張單都係五百七十幾,以咁高水準既食物黎講我覺得超值!順帶一提,呢度碟頭比較大,最啱都係一大班人黎開飯,一定有下次呀!

印象中以前呢度有幾間兩興，但而家得番呢一間。各樣鹵水食品都好食，其中最喜歡鵝腸，入味非常，個人覺得比鵝片更佳。豬腳涷最適合夏天食，膠質重又有咬口。魚麵反而沒有一般坊間潮州粉麵舖做得咁出色。凍蟹啖啖肉又鮮甜，其他食品都在水準之上。<br />飯前飯後皆奉上夫茶，咁至似食潮州菜。因應SARS肆虐而家仲有版藍根糖水供應tim！<br />午市有特價小菜，平均每人五、六十蚊搞掂，晚飯則一百蚊倒，食得過的。<br />

雖然唔便宜,但係就真係好好味.<br>上菜又快.<br>佢個蠔餅好掂.雖好似普通野, 但煎得好吃與否就好考功夫.<br>甜品:清心丸也值得推介.

因bf係潮州人，所以成日同埋佢屋企人o黎食飯。雖然坐得比迫，但都冇人介意，一樣幾多人，因為好味嘛！週末最好早小小，或者打定電話訂位。我好鐘意食潮州菜，呢度有好多小菜我都好鐘意食。尤其紫菜湯，如果係Aunt的我可以連飲三碗。但o黎呢度就多數叫胡椒豬肚湯，好味，好濃胡椒味。雖然頗辣，飲完喉嚨慶慶地，但成身都會暖哂。冬天尤其正～！通常一o黎到先叫豬腳凍，有Jello質感，咸咸香香，又吾覺肥膩喎！煎九肚魚"洛"都好正，水瓜"洛"都好，點小小魚露食更好味！呢度Ｄ壕仔粥都好足料，調味吾錯，可以試下～！

我不是潮州人, 但很喜歡吃芋泥, 飲功夫菜, 糖醋麵, 方魚肉碎粥都必定吃, 以前在皇后大道西的兩興都很好吃, 但現在味道不同了, 可能換了師父, 以前落單叫芋泥要等數個字才來到, 但現在很快便來, 我想是煮定的, 連服務態度也變了. 很懷念以前在電車路的兩興.

給食得樂忠告, 請恕愚弟直諫:" 健康至上清心丸少食為妙." 包涵包涵!