八伍貳工房

营业中

休息中

下午茶時間經過睇下menu見到好多選擇就入咗去，佢有得AB兩邊揀，每邊揀一樣自由配搭。我揀咗漢堡包同薯條配黑松露醬，經典配搭。薯條好好食，好脆，配合個醬好好食。漢堡個蛋係流心蛋，超正！ 好抵食！

弟今晚回家吃飯，我在852工房買了一人大閘餐回家加菜。沒想到這一人餐這麼多菜，前菜是酒味滿瀉的醉雞兩件，主菜有大閘蟹2隻，一碟蔥油雞，一碟蟹肉炒飯，甜品一碗湯丸，飲品一杯薑茶。這麼多食物，才$160多。大閘蟹不算大，但蟹膏挺香。雖然我喜歡吃大閘蟹，但很懶拆蟹，所以2隻便夠了，吃太多，好吃也變普通，沒有留戀。比起以前只愛吃膏，現在更喜歡中間帶膏的肉，一梳梳的鮮甜蟹肉沾上蟹黃蟹味更濃，用蟹腳尖戳出蟹鉗中的肉來吃很滿足。有些人吃大閘蟹只吃蟹黃，以為大閘蟹無肉吃，其實中間的肉也不少，吃盡每絲肉要很耐心地拆，人們大概懶得拆而錯過美味的蟹肉吧？蔥油雞的蔥很入味，雞肉嫩，家人吃光了。蟹肉炒飯的蟹肉不多，薑味比較突出，我喜吃薑炒飯所以也吃光了。湯丸跟薑茶味道一般，好處是不太甜，合我口味。這個一人餐算抵食，不過等外賣時看堂食只有兩枱，如果你想吃大閘蟹又不想吃太多，這個餐值得一試。

1月11日揾食肥華和靚媽，在此店各自點了一個飯餐，做午饍，肥華柯打嗰個，葱油手撕雞飯，味道平平，䓤油又少，手撕雞肉冇雞味又唔夠滑，成碗飯最正，就係個飯底，軟硬適中，口感甚佳，加埋跟餐個杯，凍檸茶，水準俗，再用價錢衡量，呢個䓤油手撕雞飯連凍飲餐，肥華俾C+評分佢。至於靚媽點嗰個，炸吉列魚柳飯，整體甚好，飯底固然係好，再配上一個非常出色嘅，黑椒汁，和一塊熱辣辣嘅炸吉列魚柳，加一杯熱飲，呢個飯餐，靚媽，肥華都話正，有B+評語，此店行過路過，可以一試

想當年，起碼四十年前，係香港要在蟹季食大閘蟹，必定要在上海館子，才有這款食品供應，但若干年後，就進展到普通粵菜酒楼及火煱放題店，都可以食到大閘蟹，10月28日揾食肥華和靚媽，路過呢間茶餐廳格局的食店門前，發覺此店竟有大閘蟹套餐供應，而且價錢相宜，壹個有前菜，主食，炒時蔬及兩碗炒飯，兩杯薑茶，兩碗湯丸，，公乸各二之四隻大閘蟹，呢個二人前餐，都唔使三佰蚊，肥華和靚媽即時，入此店柯打呢個大閘蟹餐，以咁嘅價錢呢個餐嘅食物質量都冇乜得點彈，可能係小食多滋味關係，肥華覺得今晚食到嘅，兩隻大閘蟹，質素更勝任食個種大閘蟹，此店值得一試👍👍👍

前身好似叫彩虹冰室，幾十年老舖，入面好殘舊，雖然好似話好食但一直唔想去試一。。。直到同舖位開咗呢間，裝修光猛整齊，望入去再唔係得啲亞叔响入面，就想去試。上個月試咗佢早餐，早餐正常選擇，沙嗲公仔麵做得幾好，我鍾意食佢個湯，而且面包鬆軟新鮮，又坐得舒服，都比附近的好。今日又要在附近做嘢，就去試埋個午餐。餐牌有碟頭飯，炒飯同焗嘢食，款式唔多得嚟樣樣有啲。一行三人因有人唔餓，就叫咗叉燒蛋飯，海鮮炒飯同三明治。點知上枱兩碟飯啲油多到浸過啲飯，根本食唔入口。另外三明治冇餐唔緊要但用餐嘅嘅價錢收28蚊雙拼，散叫响新蒲崗有點貴了。。。

新蒲崗嘅八伍貳工房係牛頭角八拾壹工房嘅姐妹店，以前喺觀塘返工嘅時候，間中都會幫襯後者，無他，主要貪佢平，靚，正，又夠快。由於新蒲崗屬於老區，所以八伍貳工房走嘅明顯係街坊小店嘅路線，午餐連飲品，四，五十蚊就有交易，可算經濟實惠。不過雖然價錢平，但唔代表質素差，好似幫襯當日我叫嘅娘惹咖哩牛筋腩飯，份量頗多，牛腩同牛筋都炆得夠腍夠入味，另外仲有唔少紅蘿蔔同薯仔，好豐富，撈埋咖哩汁同白飯一齊食，真心唔錯。

見到舊址開左新餐廳，就進入試試他們的早餐。店內全新裝修，裝修簡潔，有獅子山的裝飾，播著viu tv的節目。叫了個沙牛米，炒蛋薑牛面，黑松露炒蛋配雞扒加7蚊可加麥皮，再加7蚊又可加通粉整體都不錯，可以叫街坊試下。

今日去搵男朋友食晏，見某餐廳都有宣傳過呢間新店，所以嚟試下。可能係試業期間，入到去冇乜人。好在播正viutv，有波睇住送飯LOL因為見係冰室，初初預都係普通茶記嘢食。不過睇完個餐牌都有啲驚喜，款式叫比較新同多。我地一開始嗌左個卡邦尼烏冬 同埋 牛脷焗飯，但可惜呢兩樣都冇於是後來改左做咖喱牛筋腩飯 同 香蔥醬油豬軟骨撈丁。講下個咖喱飯先︰因為未撈勻，就睇落比較多油。但值得一讚嘅係 食到好香嘅椰香味，同埋薯仔切得偏細，變相放得多左牛筋腩。可以改善嘅係...加返啲辣度，呢種偏向係甜咖喱。跟住係我嘅豬軟骨撈丁︰香蔥醬油味 值得推介以為係好似燒味舖嗰種，不過食落冇嗰種好鹹好油嘅感覺，同埋蔥都算新鮮唔係比油浸左好耐嘅質地。豬軟骨就差啲，因為偏鹹同韌，下次可能叫其他。飲品嗌左熱杏霜︰中規中矩，淡淡地。好就好在唔係多到一舊粉「鯨」喺底，一杯乾完整體嚟講就一般，期待下次食到個卡邦尼烏冬。