八十八居酒屋

营业中

休息中

銅鑼灣下午食Lunch真係幾頭痕，人又多價錢又貴！今日行去天后試吓有無咩新發現，行過電氣道時見到有間居酒屋，和風裝修，門口仲要掛住個日本酒莊嘅大草球！應該對路掛？佢門口仲要擺個日本料理店常有嘅塑膠魚生飯！三文魚子海膽飯定食賣$200蚊，唔算貴，一於試試！一入門口就見到個魚生櫃擺滿哂魚生，我仲見到佢板海膽寫住「根室」！！！用根室海膽咁專業？叫咗個三文魚子海膽飯定食（原來唔係日日有，係Daily special餐），份量竟然仲多過個模型！！！個餐有前菜/沙律/味噌湯同個飯，仲跟個稻庭烏冬！海膽味道鮮甜，三文魚子亦食得出係靚貨，醬油味調得啱啱好！愈食愈唔相信呢個定食只賣$200蚊！食到好滿足！個師傅仲話個餐日日不同，有時係帶子吞拿魚蓉飯，有時係四色魚生飯，視乎當日入到咩靚貨而定。以後唔駛諗！日日行落天后食Lunch！

最近天氣開始回暖，放工想同同事飲吓啤酒吹吓水，去酒吧嚟嚟去去果幾隻啤酒，又無咩餸酒小食。同事於是帶我去天后呢間居酒屋，幾就腳，飲兩杯食少少嘢啱啱好。啤酒只得樽啤，sapporo$35支幾合理。叫少少串燒都係二三十蚊串，係和牛串貴少少。就算燒成條魚都係300蚊，條魚有我手臂咁長！個經理話係時令季節魚，總之幾好味又無乜細骨，餸啤酒一流！除咗Sapporo同Asahi, 佢仲有隻日本手工啤，有啡色同白色兩隻，各$68支，非常好飲！但係細細樽唔覺唔覺就飲完要小心！唔錯唔錯，以後飲酒傾計就呢度！佢仲有刺身魚生，下次先再試試。

平日好少去天后，尋日睇完rugby玩到癲哂超級肚餓，見成個銅鑼灣都係人，行咗落天后搵嘢食，見有間居酒屋好似幾好氣氛，我地一行4人咪走入去試試。成間舖都係木裝修，有幾分日本居酒屋風情，睇個menu有壽司刺身串燒烏冬乜都有，酒水又唔算貴。問吓個店員有無咩特別推介，原來仲有大量燒日本海鮮！燒魚燒螺燒象拔蚌，的確幾少見！我地先開咗支清酒，每人食咗隻北海道生蠔，隻蠔鮮甜到呢！信心大增再食隻赤貝，又係新鮮到你唔信！師傅响刺身櫃拎隻赤貝出嚟時隻赤貝會又打開又合埋！個店員話依家香魚同梭魚都係當灶嘅魚，燒嚟試吓，原來又真係咁好味！睇戲見得多嘅爐邊燒香魚，咁大個女第一次食！肉質幼滑，每一啖都成咀魚香！之後再食咗少少串燒，其中牛利/雞肉棒/銀杏都好好味！最後再食咗個蟹鍋同幾件壽司，飽到不能！埋單每人都唔駛八百蚊，以咁嘅食材質素嚟計同氣氛格局嚟計，完全唔算貴！原來天后唔係淨得粥粉麵，以後要得閒嚟發掘一下先！

朋友真心失望一行十人今日有人提議食好啲我就建議去天后88，之前食過食物質素同價錢相當高，不過嗰時過節就當奬勵下自己，去到叫左二千幾蚊酒六千幾蚊嘢食𠹺單9660，其實去得食就已經預咗，彼得咁嘅價錢就係諗住食好啲啦點知大不如前先唔好講食唔食得飽，最重要係食物味道同質素差了很多，壽司啲飯又硬又散，個燒飯團又燒到散收收，個燒日本茄子仲要生得好緊要，上菜又亂七八糟，話晒都食成百幾蚊碟串燒食深水埗街邊串燒都仲好過你，上菜嗰陣我自己都O左咀同之前食開完全兩回事，其實到底係咪轉咗手，每人食咗成千蚊其實一人都食唔到一串，好明顯就唔會飽啦食到啲咁嘅質素，朋友簡直嬲到成肚火，我以後都係唔敢亂咁提議了😭😭😭

今日放假天專誠去工展會行下………經過附近天后電氣道諗住醫下個肚先入左去呢間叫八十八居酒屋既日本菜試下……一間小小既鋪頭…估唔到都有咁多款lunch set揀喎我地一行四人……有選擇困難症既我地終於揀倒……朋友A揀左：泡菜海鮮鍋定食唔會太辣！味道適中OK…都幾足料朋友B揀左：黑松露醬燒雞扒定食雞扒加黑松露呢個配搭都係第一次試……丫……又估唔倒幾好喎……值得一讚朋友C揀左：宮崎南蠻炸雞定食個南蠻醬食落去好開胃……一d都唔會膩……炸雞又唔會乾爭爭……仲有juice嫁而我呢就揀左呢個：沖繩苦瓜炒豬肉竟然真係用沖繩苦瓜嫁…最驚喜…d苦瓜食落去又爽又甘香……呀好好味最後仲有甜品送滿足滿足埋單都係每人$120倒…呢個價錢絕對超值八十八居酒屋……真係值得推介……大家經過可以去試下

Went after we  had a dinner since we were both still pretty hungry, wanted to try somewhere Japanese with drinks and some grilled stuff.Turned out to be very expensive! Everything on the meun was for the price of one skewer so $35- $100 is per piece, some things were not on the menu and didn't realise until later what we were paying for. The staff was very persuasive and even though I insisted on ordering the 300ml sake, they kept telling me that the 700ml sake was of better value etc - 300ml w

17 February 2014, Monday去年8月出席了在天后清風街悅鮨日本料理舉辦的星級Sushi飯局, 當夜的美味回憶, 至今仍然記憶猶新... 今夜再次受到邀請, 出席會員之試食飯局, 深感榮幸, 多謝... 八十八居酒屋是悅鮨的姊妹店, 由盧師傅開設, 以日式串燒為主打, 與悅鮨只是相隔一條街, 地理上佔有優勢, 在品質控制方面相信會有一定程度上的保証...於天后地鐵站A2出口向前一直行便可, 就算是區外人也能輕易找到... 八十八居酒屋與我最愛的糖水店只是一舖之隔, 我合上眼也懂得行呢, 嘿嘿... 門面是非常傳統的日式風格, 而門外掛著的綠藻球, 意味著店內有酒飲, 不同的顏色是代表不同的酒哦... 推開趟門, 看到有客人正坐在壽司吧等著吃, 壽司吧內的師傅忙得團團轉... 冷若冰霜的壽司吧背後, 隱藏著熱情如火的燒烤爐, 師傅們每分每秒皆處於冷靜與熱情之間, 真是少一點定力也不成...牆上掛了很多火盤, 好有原始Feel, 像進入了山洞或城堡內的秘密通道... 店內座位不多, 卻有1間VIP房, 私隱度極高, 2杯到肚, 盡情地放聲高歌也不怕會被人偷拍Video然後

香港越來越多日式居酒屋，漸漸地跟去酒吧一樣普遍，不過，始終香港人還是習慣邊吃邊飲，所以我們揀去居酒屋時，都是當作晚飯，而非飯後的下半場。天后這間八十八居酒屋，開業接近一年，在天后電氣道云云小店中，顯得較為低調，這也好，可以靜靜地飲飲酒吹吹水。這晚跟同一四人飯局組合，就來小店吃飯飲酒，兩位女士酒量淺，交由兩位大男人負責飲。我們就叫了一凍一熱兩款清酒。凍的是磯自慢吟釀，先倒在冰桶內，然後倒入小杯內，便有種冰涼的感覺。熱的就有趣，是魚乾浸清酒，先將雞泡魚乾放在碗內，然後放入熱騰騰的酒，浸幾分鐘後，便將酒倒入壺內，再倒酒至小杯，飲落確實有魚干的味道，很特別。食物方面，既有燒物、串燒、卷物等，通常這類小店會有些Off Menu食物給熟客的，只要問店員，他們定會給你建議，有點兒類似非正式的Omasake，小店就有這種不一樣的靈活性和人情味。三色壽司 ($60/件)既像綿花糖，又似雪糕般的豐盈，實則由海膽、拖羅和蟹子三樣組成，照片可能不夠美，因我實在太想吃，不想花太多時間拍照，一、兩Take後便立即放入口啦，相機食唔切就算罷!雞皮大蝦卷 ($88/隻)雞皮包著大蝦來燒，好油膩喎，但我鍾意喎，雞皮加蝦

飯腳見面已經成為我們四人例行工事, 今晚設局於開業一年多位於天后 。來到居酒屋第一件事就係點酒。來了兩支一冷一熱SAKE 。小妹雖然不太好酒, 但是對熱SAKE 頗感興趣。熱SAKE 飲法是這樣的首先將燒魚翅邊放在杯內再加入坐熱SAKE , 酒精即時被鮮甜味蓋過來。令人容易喝下很多, 女任由要其小心, 這小小杯內酒常成份同樣高 。很易醉。三色壽司 $60: 價錢高檔, 好彩水準有番咁上下 。壽司內有拖羅蓉, 海澹, 魚子等。海膽非常新鮮配上油脂豐富拖羅蓉, 入口即溶, 令人感到幸福 。雞皮大蝦卷$88: 已燒得油脂盡出的雞皮, 沒有油膩感。質感脆而薄。亦可避免大蝦被燒得太干身。大蝦爽甜亦多了一點油脂香, 比一較燒大蝦來得更高層次。牛骨髓釀鱈場蟹肉 $160/客這道菜可作四人份量, 價錢亦略為親民。先以鱈場蟹肉與牛骨髓混合, 再釀進入牛骨髓內, 以明爐燒烤而面微焦香火爐燒到啪啪聲; 而混了鱈場蟹肉的牛骨髓頓時肥膩感降低了不小配以付上的米通同吃,口感一剛一柔, 但蓋過了鮮味。鵝肝多士 $98/客 : 當看到鵝肝SIZE之大令小妹有點吃驚, 上面放了味噌麹菌鵝肝皮挺香脆, 內裡剛熟口感軟腍

放心，題目「串」的意思是指串燒！相信不少朋友也喜歡去居酒屋喝喝酒，吃吃串燒，如果我冇記錯的話，我記得 Wynan 曾經在電台節目講過以前在日本的居酒屋只有男性才可以光顧，女性是不可以入內的。咁隨着時代的變遷，現在當然男女都可以去啦，一班朋友在居酒屋暢談一番，樂是也。這天我們四人，有男又有女，呵呵，就來到「八十八居酒屋」暢聚，吃吃串燒，天南地北乜都笑一餐，開心！送酒小吃先來「燒雞泡魚干、銀雪魚干、鱈魚干」「三式壽司」$60 / 件一件軍艦壽司集齊三樣美味得可怕的食材，海膽、三文魚籽及拖羅碎，我的心得就是不點豉油，襯紫菜還是脆的，加上些少 wasabi，成件壽司拍入口，享受三種食材在口腔中甜美地溶化的高潮感覺，希望無人影低我的高潮樣啦。。。「雞皮大蝦卷」$88幾有創意的一個烤物，用雞皮代替蝦殼來燒烤。雞皮是想像到的脆卜卜，大蝦在雞皮的包裹下保持肉質爽實也不失焦香。還有就是不要錯過蝦頭，送酒很爽皮㖿。來居酒屋一定要吃串燒啦！串燒類方面我們點了「炭燒白鱔」$70，「和牛串燒」$120，「牛利串燒」$50，「豚肉紫蘇卷」$48這個次序亦是我喜歡它們的排序，「炭燒白鱔」一向是我的心頭好，白鱔皮燒到

I don't often eat Japanese food because the menu is mostly in Chinese and Japanese.Here they have an English menu but the specials on the board are in Chinese.Anyway, we started off with hot sake and it was the most unique sake experience I have ever tried because they put dried fish wings in it to bring out flavour.Here was what we had and we ordered quite a lot from the daily specials.Started off with jerky, there was stingray fish fin jerky, puffer fish jerky and fish jerky.My favourite was t

聽聞悅鮨老闆在附近開了家居酒屋，又聽聞質素不錯，而且營業到深宵，試試。 《八十八居酒屋》就在電器道，和悅鮨一街之隔，這個佈局相當不錯，因為在那邊吃壽區，食飽未飲醉的就可以過來飲埋下半場；當晚都有見到老細帶屬客過場。 這裡的食物以串燒為主打，但刺身壽司都有供應。 先吃了時令的鮟康魚肝，十分甜美，酸汁也調得很好。然後吃了野生拖羅和海膽壽司，也點了牡丹蝦。這裡的壽司很細件，很少壽司飯，是悅鮨的特色，野生拖羅入口即溶，是應該的。 串燒點了和牛、牛脷、象拔蚌和鮑魚，水準果然不錯，尤其是鮑魚，加了醬汁，甜甜的，以為一串只得一隻，但原來有兩隻，食完飽咗。燒帶子，好大隻，他們建議用紫菜包著吃，可惜腍了，唔包好過。 這裡營業到凌晨兩點，來宵夜也是一個不錯的選擇。

係天后搵食,都係以日本野為主,因為好多都有高水準.今次我就簡左格局最平民既八十八居酒屋,試一試咩料子.由於近排成日食魚生飯既關係,今次就係呢度試下手握壽司定食$190.定食包了味噌湯,蒸蛋和味付螺肉.味噌湯帶淡,不過咸.蒸蛋富蛋味,亦都好嫩滑.手握壽司有十件,看似新鮮喔.有拖羅,海膽和我最愛吞拿魚蓉已經爽歪歪,還有兩隻火炙過既.另外五件是比較常既的三文魚,帶子,油甘,鱆紅和甜蝦.貴和便宜的都齊全了拖羅真係好肥美,完全無渣,食得爽快!吞拿魚蓉軍艦起馬紫菜是脆!海膽就不算好鮮味,亦不夠飽滿,但可以接受.其他味道均為合理水平,水準甚佳,壽司飯帶少酸和結實甜品無咩興趣.加埋一$209.以呢個食材份量來講,性價比真的不錯,值得再來

在天后街頭揾食，想起很久以前和朋友試過悅壽司（Etsu sushi），開了一家居酒屋叫八十八，我們就去了後者試試。坐在sushi counter的一旁，看著酒牌，店員迅速地遞上毛巾小吃熱茶。壽司師父樣子很像黃傑，花巧說話不多但熱情得像朋友般為我們介紹清酒和店子特色食品。我們由他發板，他就根據我們的喜好，細看一遍凍櫃裡的魚生，便開始動手準備食物。那一絲不苟的態度，我們還以為去了日本！魚生新鮮份量足，端到我們面前忘了拍照就已經放到咀裡頭，那種滿足感實在值回票價！串燒在面前即叫即燒，帶有一點點的炭味，食指大動，但卻沒有弄得一身油煙味。燒物燒得剛剛好。我們吃一串，他們燒一串，保証熱辣辣。喜歡八十八的那種隨意氣氛，和朋友歡聚的不二之選

星期一的感覺總令人鬱悶！KsMeow下班後帶著一身疲倦來到天后的居酒屋，一嚐那里的燒物盛會，輕鬆一番！．．．餐廳裝潢極像典型的居酒屋，一排排日本酒樽、日式廂房的趟門、別緻的擺設...跟三五知己邊談天、邊品嚐串燒，感覺不錯！．．．明太子醬魷魚燒，帶著鹹鮮味的明太子醬，佈滿於鮮嫩的魷魚表面，突出海洋之味！第一道，已先聲奪人！大部份燒牛舌的質感要不是太硬，就是切得太薄，往往未如理想！那里的厚切牛舌，表面爽口內里柔軟，吃畢，令人想再跟牛舌多來個法式之吻呢！哈哈哈...．．．單看賣相，已感鹿兒島A5和牛質素不錯，燒過後，牛脂肪閃亮透光，軟腍而滑口，吃後沒過油過濃之感！讚！雞翼里則塞滿明太子，口感豐富，再淋上芝士，太邪惡了！．燒白鱔是我當晚的最愛，其一是小妹愛吃白鱔，其二是白鱔肥大肉厚，細骨除得乾淨利落，肉鮮皮脆，沒有不勝的理由！曾在其姊妹店「悅鮨」嚐過牛骨髓雪場蟹，當晚所嚐到的，質素仍能保持！一絲絲蟹肉，塞滿於牛骨髓中，蟹肉與牛的脂香相互提升食味，唯旁邊的飯焦太硬，若香脆些，會更討好！．．．起初還擔心燒豚肉會很柴，幸好，擔心是多餘的！燒後的豚油全迫出來，份外甘香！桌上的竹筒滿滿插著被用過的竹籤，