影片
港铁恒安站 C 出口, 步行约6分钟
继续阅读
付款方式
座位数目
10
以上资料只供参考，请与餐厅确认详情
頌安街市內，算是村內唯一的粉麵檔，環境一般，大約有十幾個位，位置唔好坐，亦都唔會預期會喺度坐得太耐，而且係需要搭枱的。粉麵價錢算是貼地，雲吞麵$33 ，牛腩麵$35，而且加菜也只需要$13。雲吞麵份量正常，女仔會食得飽，一碗裏面有五粒雲吞，但雲吞唔算大粒，所以當過吓口引。雲吞麵味道正常，湯底味道唔算濃烈，唔似出邊一啲店舖會用大地魚嚟煲湯，所以最好加添辣油。牛腩河性價比唔錯，牛腩份量都算多，一碗內有唔要7-8舊，所以通常會叫牛腩河。
继续阅读
在頌安街市內粉麵檔，地方較細，坐位不多，也講不上舒適，到此食客都應該不會介意這一般的環境，要求是方便就腳快餐式，食物好味，價格相宜。服務員非常親切，在忙碌之中也同食客聊天，見我眼望望就即刻問我有乜需要，十分主動。此店辣椒油也不錯。牛筋河 - 牛筋好腍，夠香，河粉就一般，湯底味濃好正，份量也大，在寒冬食完碗粉，十分滿足。早餐時段送熱飲$33。此店外賣碗改用了兩層的，下層是湯，上層是粉麵，外賣街坊也讚好。
继续阅读
雖然「馬鞍山」公共屋邨「頌安邨」跟屋邨附屬商場「頌安商場」的實際位置，並不是在港鐵「屯馬綫」的「恆安站」旁邊，從「恆安站」前往「頌安商場」反而比較需要更多時間。但是我在「西貢巴士總站」乘坐巴士，反而可以在「曾𤩹山中學」巴士站直接下車，然後橫過「西沙路」、「恆安街」斑馬線，直接到達「頌安商場」。所以對我來說，前往光顧位於「頌安商場」裡面的潮州粉麵店「八囍牛雜粉麵」，路程比我原本預期來得更加短，步行所需要時間過程，亦比原本預期來得更加方便和快捷。「八囍牛雜粉麵」裡面的粉麵食品單品售價頗為便宜，例如一碗很簡單的「雲吞麵」，就只需要港幣三十一元而已。而且「八囍牛雜粉麵」「雲吞麵」實際製成品裡面，足足有五大粒體積不小，裡面有不少「蝦肉」的「鮮蝦雲吞」。所以「八囍牛雜粉麵」「雲吞麵」每粒「鮮蝦雲吞」的實際口感，也因為餡料裡面的彈牙「鮮蝦」十分足料，令「雲吞麵」整體「鮮蝦」口感變得很新鮮，很有彈牙感覺。至於「八囍牛雜粉麵」「雲吞麵」裡面的麵條，我選擇享用「幼麵」。「八囍牛雜粉麵」「幼麵」麵條口感尚算有彈性，不過最重要的還是每條「幼麵」麵條裡面都沒有食到「鹼水」味。所以「八囍牛雜粉麵」製造的「雲吞麵」湯底裡面，幾乎喝不到任何從「幼麵」麵條裡面的「鹼水」味，因為「八囍牛雜粉麵」「雲吞麵」麵條根本食不到「鹼水」味，只喝到少許鹹味而已。不過從另一個角度去看「八囍牛雜粉麵」製造的「雲吞麵」，「雲吞麵」湯底裡面的「大地魚」香味和鮮甜味道感覺，也稍嫌造得未夠濃厚。即使「八囍牛雜粉麵」廚房已經有嘗試，在「雲吞麵」實際製成品表面灑下不少「蔥花」，嘗試增加「雲吞麵」「大地魚」湯底裡面的鮮甜味跟鹹味，可惜湯底實際味道未夠濃，即使加入「蔥花」調味，結果也是徒然。幸好「八囍牛雜粉麵」「雲吞麵」售價頗為便宜，又不需要另外選擇享用套餐，令「雲吞麵」的實際性價比變得不算低，反正下次我覺得光顧「八囍牛雜粉麵」，享用「雲吞麵」時加少許調味料就可以了。
继续阅读
最近好多嘢做，有點頹😶，睇吓屋企附近有咩食，行過聞到牛腩味幾香，就決定食呢間！佢喺街市入邊嘅熟食檔，雖然店面唔大，大約只係得10個位，但係都好受街坊嘅歡迎，會見到人流不斷。-當然要叫佢哋嘅招牌牛腩河啦，不過由於也米😍唔食葱，所以走葱。坐咗幾分鐘，好快就整好一碗牛腩河。牛腩份量絕對唔少🤩，而且肥瘦適中，見到應該都煮咗幾耐，幾淋，而且好入味😋。湯底應該係清湯加腩汁，所以都會有啲牛香味。呢間鋪嘅重點一定係佢嘅辣椒油🌶，真係好好食，超香！加咗辣椒油喺碗牛腩河，完全升咗一個層次😆！
继续阅读
位於街市入邊，地方少少但係食物水準高，而且超級平！早餐一碗麵配一杯嘢飲只係$30 ，仲要大碗麵，即使係老公食完都會覺得好飽。老公最鍾意食嘅牛肺，好多時喺出邊麵檔都唔俾你單要牛肺，會逼你點牛雜。但係八囍係可以單要一種牛嘅內臟，好似老公鍾意食牛肺，佢就可以淨係叫牛肺面；而我鍾意食牛膀，就可以淨係叫我牛膀麵，呢樣好抵讚！鍾意佢嘅面唔會太淋，食咗好多次，每一次食都好彈牙，所以佢嘅右面都係我經常會點嘅。配上自家製嘅辣椒油，同埋少少蔥花吊味，真係會食上癮㗎 ！凍檸茶水準不過不失，起碼有茶香，而且我哋叫少甜又真係做得到，以佢地方咁細嚟講，都可以沖出一杯唔錯嘅凍檸茶，合格有餘！
继续阅读
您可能会有兴趣的...