八寶清湯腩

营业中

休息中

小弟見識少，呢間係我人生暫時食過最好食嘅清湯腩麵。平日七點幾去到唔洗排隊直入，啲枱唔算好迫，都坐得幾舒服。坐低嗌左個清湯蘿蔔牛腩麵$63，另外仲有崩沙腩，坑腩等唔同腩位選擇。同朋友吹左幾句水，等左兩，三分鐘就有野食。先講湯底，本身唔知佢係藥饍湯底，一入口好清甜，帶少少當歸味，驚喜地好飲。牛腩煮到好淋好軟同時又唔會散，而且有好多片唔孤寒，不過同行友人話略嫌無牛味。蘿蔔無渣又入味。成碗麵份量足夠，正常成年人唔會唔夠食。不過侍應哥哥態度有少少差，餐牌餐具就咁放（掉）落枱面唔講嘢就走左去，我覺得可以溫柔少少。今時今日香港$63食碗麵已經唔算好貴，唔洗餐餐洗幾百幾千蚊食好嘢，簡簡單單一餐呢個價錢食到呢個質素真係已經好滿足。

好重藥材味嘅「清湯」腩我知好多人鍾意食呢間但我自己自己就一般純粹我自己個人唔太好呢種藥材味🙂‍↔️我心目中既清湯就是好清既湯 而不是呢種藥膳濃湯-而且個腩亦不是特別出色我自己鍾意天后另一間多d🙂‍↕️可能因為我暴曬情況下排咗陣隊先入到去🥵我期望高左啦-另外 檸檬茶要$16🙂‍↕️如果唔係因為排完隊太熱我應該都唔會加錢叫但朋友話呢間檸檬茶是高質的我自己就唔識分了-同埋佢1點前都超多人 要拎籌排隊的🙂‍↕️我地入左去後 大概2點就終於開始少人了

八寶清湯腩嘅招牌當然係佢既清湯蘿蔔崩沙腩麵，我專登揀一款普通腩試吓佢定嘅分別。清湯蘿蔔牛腩麵：湯清味美，蘿蔔爽脆，牛腩燉得腍腍入味，滿足食客對濃郁湯底嘅渴望。清湯蘿蔔崩沙腩麵：湯清味鮮，腩肉腍腍軟嫩，蘿蔔煮得入味，整體搭配和諧，令人回味無窮，好明顯同普通嘅牛腩有分別。八寶清湯腩以清淡鮮美嘅湯底同細緻烹調聞名。不過有啲食客可能會覺得湯底味道稍嫌清淡，但我正正就鐘意佢呢個味。下次一定會返嚟再食，掂呀。

朋友推介，當然要試吓啦一入舖頭就聞到陣陣嘅藥膳味，一問之下，原來呢度係用藥膳做湯底嘅，有趣！我最鍾意食崩沙腩，朋友就點了牛三寶， $93一碗嘅價錢令我好期待賣相係靚嘅，試一啖湯先，清甜嘅藥膳味，我就略嫌太甜啦，再食一口牛，Hmm… 竟然係鞋嘅，飲一啖湯之後，再食一口牛，發現冇乜牛味，或者藥膳味已經蓋過本身嘅牛味，如果抱住食牛腩嘅心態過嚟就會有啲失望整體OK啦，冇想像中咁勁蘿蔔有少少渣，正常，牛肚好味，牛筋就太腍啦，老人家啱晒藥膳湯配牛腩呢個組合係幾得意嘅，未試過都可以試吓#牛腩麵 #崩沙腩

昨日同朋友來試左呢間好出名既崩沙腩，果然非常有驚喜。除左湯底非常青甜之外，牛肉既質地和口感非常好。地方雖然不算很大，但空調夠大坐得很舒服。價錢方面可以接受，值得再來一試

可能係夏天關係，今日唔需要要排隊，但係仍然都多客。清湯(藥膳)崩沙腩河粉$93八寶既清湯係用中藥材熬製而成，以前有一段時間會覺得好苦，但係今日嘅湯少咗嗰種苦澀味，反而更加有甘醇口味。即使夏天飲落肚身體都好舒服好溫和。平時食粉麵都會落辣椒油，而係八寶就從來都唔會落。咁先真正品嘗同尊重到湯既味道。崩沙腩仍然好好食，軟腍唔黐牙，有筋膜連肉係最好比例。清湯(藥膳）手打牛丸麵$63一碗4粒牛丸既粉麵，係會覺得好昂貴。對比其他地方貴又唔好食既，八寶係值得。牛丸爽彈，食落口唔係有渣個種，更加唔會得味精味。八寶係仍然願意支持既小店。

1️⃣清湯蘿蔔牛腩飯及河粉呢度嘅牛腩真係好味，肥瘦均勻而且入口有即溶嘅感覺，食落唔會好硬同有渣至於蘿蔔亦好入味同好香湯底亦都好正，其實係有啲藥材味，飲落好清甜而且唔會好油膩，值得推介👍

這間清湯腩不是最出名的那間，但偶爾也會有人排隊。這間價錢略高。叫了三寶麵，有牛肚、牛腩、牛筋，聽說湯底是藥膳，味道清淡，蘿蔔是爽甜的。牛肚、牛腩都非常軟腍，牛筋彈牙。但麵煮得有點過腍，個人認為這個價位不應該有這個質素。

天后有兩間出名食清湯腩今日嚟到呢間八寶😍難得唔使排隊，緊係要入去食唔係第一次食了，次次入到去已經有陣牛味撲鼻而來🤤我哋分叫叫咗三寶，包括牛肚、牛腩、牛根啲麵浸住喺啲藥膳湯度😍蘿蔔爽甜，唔錯唔錯👍🏻主要以牛肚同腩為主，牛腩一片片入味之後就到呢個牛寶🥰我朋友揀咗幼麵，湯底同三寶一樣，以唔同既腩為主，三種腩嚟講，個人覺得崩沙腩最好味又腍味又香😍後記：好耐冇食，再食水準依舊係感覺湯底比以前濃，有機會再嚟🤤

下一站。天后。話說有間天后大熱，日日排長龍既「x姐清湯腩」，岩岩行過梗係問下附近工作既同事好冇食啦，點知同事叫我千祈唔好去！然後介紹左我去另一間地道正野：🌟「八寶清湯腩」🌟試完之後，一試難忘！😋呢間個價錢唔平，最平個碗冇野飲都6x幾蚊，但物有所值！我第一次去就揀左最平個碗試吓啦～碗麵未到，已經聞到隔離枱個湯好香，原來佢係用🪵🌱藥材湯底！😋🥩d牛腩炆得好淋好入味！份量又多！正到暈！唔怪得$60幾蚊碗牛腩粉都咁多人食！總括而言： highly recommended!❤️💯👍🏻⭐️另外，店舖很小，座位唔多，要食都要等下位

<八寶清湯腩＞特色菜膳湯底中式粉麵可以話係香港人快速必食之選，而八寶清湯腩係淋淋滿目，衆多食店嘅天后之中，價錢亦比他牛腩麵略高嘅情況之下，仍然大排長龍，必然有其獨特之處。餐廳有不同牛部份選擇，例如比較大衆嘅牛腩，更有坑腩，爽腩和，崩沙腩。提供不同口感選擇。位於牛前後腿之間的牛腩可以再細分成「坑腩」、「爽腩」和「崩沙腩」等：坑腩肥瘦相間，肉質腍中帶爽；爽腩肉連筋膜，煙韌軟糯；崩沙腩最為珍稀，軟腍而牛味香濃。而八寶嘅清湯腩底除咗牛味，更略帶藥膳味°經過翻查，原來佢哋嘅湯底係選用左7種不同藥村而熬製而成，平衡了牛肉的香，所以創造佢獨有的風味。以最基本既蘿蔔牛腩清湯面，價錢大約70左右，不過份量亦非常足本，三大塊吸收左湯底嘅白蘿蔔加上大量切到厚身嘅牛腩。雖然食完個腩面個胃已經再放不下任何東西，但係仍然堅持飲埋個湯底，一滴湯汁都不剩。如果要食比較特色既坑腩，爽腩和，崩沙腩，要早小小到步。然而一個最基本既清湯腩面便已經滿足到口腹感受。

下單了最便宜的 蘿蔔牛腩河粉 $63。 是失望的. 星期天 開車 沒什麼做，看見天后這間米芝蓮推介的八寶清湯腩沒有人排隊便入去試試。 因為是米芝蓮推介和平時很多人在門口排隊， 所以是有期待的。 餐牌印刷很精緻， 和其他出名的清湯牛腩店截然不同。 除了牛腩蘿蔔粉$63,其他部位都要$93以上。因為第一次來,想試試真的廚藝,所以試了 最便宜蘿蔔牛腩 河 $63元 . 可惜 不似預期 。牛腩粉 的份量是大的。 但湯,不是牛骨清湯味，是少少藥材味。 牛腩， 似牛腩的頭頭 尾尾的部位，沒有牛腩應有的咬感，也沒有牛腩味。 就算是店子最便宜的一碗牛腩粉，都不應該給予這樣牛腩的質素啊。 一看圖片就知得唔得. 可惜可惜

牛腩麵真係香港本地代表食物之一，每條街都平均有一間牛腩粉麵店。今次去到天后就一於試下呢間連續兩年2022至2023榮獲米芝蓮牛腩麵值唔值推薦。因為好多食店一上榜米芝蓮好快就會捱唔住加租結業，所以趁熱試左佢！🍜清湯蘿蔔三寶麵 $98★★★☆☆雖然清湯但湯底好濃郁重藥材當歸味道，唔油膩，冬天飲落特別暖身。三寶分別係牛腩、牛肚、牛根。牛腩軟稔入味；牛肚就炆到好入味，保持爽彈；牛根係三樣野入野稍為可惜，軟硬質感不一，有幾舊仲係太硬身，未炆到夠火口。蘿蔔冇渣，唔算特別清甜，可以再炆淋D。🍜清湯蘿蔔牛寶撈麵 $128★★★☆☆呢個價錢咁貴，真係要試清楚！牛寶分別係坑腩、崩沙腩、爽腩，每款都3-4大舊，女仔食量黎講份量多，。幼麵麵質仲係好爽口，食落好清爽，加埋辣椒醬撈黎食一流。最好食係崩沙腩，亦即係牛橫膈膜連著腩肉，夠軟腍，肥瘦算係剛好。坑腩個肉味都濃郁，但就有少少鞋身。最麻麻爽腩，唔算特別爽。整體味道上係OK，但呢個價錢就性價比唔高。🌟總括：可以一試，但未必會經常黎食，始終價錢偏貴。

好啦，話說今日個心情起伏好似過山車咁，先係望住八寶清湯腩嘅名單期期艾艾，到底佢地啲腩麵係咪真係咁掂？經歷咗一番掙扎，我決定要撐埋個肚去挑戰！咁落咗天后就即刻入到去喇，一踏入去，我立即就被嗰阵草本香氣迷到，正！坐低之後我就2字命令，直頭點咗份清湯腩麵，配件選咗河粉。手快腳快過「高登紀錄員」嘅侍應，一下就將面送上嚟。食嗰下，我即刻攞起粉條一試還真好吸附，如果唔係因為湯頭實在太鮮美，我可能都會忘記食面，專心飲湯都得！再講講我嘅主角牛腩啦，燜得滋潤入味，賣相普通但肉質就真係軟綿綿，攪住啲香濃湯汁入口，直情係滑到响口邊彈開，毫無膩感。至於蘿蔔，啱啱好嘅韌度加上吸飽咗湯汁嘅精華，爽口得嚟又保留住啲自然甜味，超應扣！👍仲有啊，店內氣氛熱鬧但唔會嘈雜，即使係我一個悶騷客，都覺得坐得舒服，食到尾都唔想走。下次有機會，我一定要提早啲去，務求一嚐嗰「爆炸腩」嘅滋味！🔥😋🍲

講真，今次行過天后嗰間，心諗唔入去試下做乜！八寶清湯腩真係撩起我一肚子好奇😋！呢間嘅牛腩麵，講嘢唔好講大話，真係香濃得滯，湯底清甜到讓我飲到捧尾，牛腩部份，佢地有崩沙腩，啖啖肉嘅感覺，肥瘦得嚟又唔會過分，軟熟滑口，蘿蔔嘅清甜滋味搭嘅咁好，咬落無絲無渣嘅爽口感，真係百食不膩🍜。講到撈麵，清湯底同豉油撈，咁得意嘅配合，爽彈嘅粗麵真係過癮！個人推介粗麵多啲，麵條吸晒湯汁嘅味道，好有咬勁。仲有咋，啲牛丸，係真材實料造，嗌啖嗌得出啲牛肉原始嘅鮮味，彈牙得嚟又不失嫩滑，頂級！唔好以為個湯係普通嘅牛骨湯，呢度用嘅藥膳湯底，入口即化得淋漓盡致。揦埋最後一啖湯望住碗底，心諗下次再嚟吖～呢種嘢，真係食咗仲想再食！👍👍👍