影片
开饭介绍
日式石烧牛扒专门店，客人先于购票机选择心仪牛扒种类及重量再入座，牛扒上台前先煎封表面，客人可用热石板烧至理想熟度。所有肉类不加味精。饭、汤及沙律可到自助吧无限任添。
继续阅读
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
-
网上订座服务暂停
又踏入12月啦，周圍都係聖誕節嘅氣氛🎄☺️呢個月都會約返好多朋友出黎食飯敘舊，今次就同朋友黎左呢間石燒牛店😋佢地嘅石燒好食得黎仲有滿滿嘅儀式感😋＊＊＊＊＊🐮🥩八幡平招牌牛扒 $125 / 270g🎌🐥日本產の地鶏扒 $140 / 280g日本巨物元貝 +$25 / 粒😍一定要試嘅係佢地呢個招牌牛扒啦～有三種size可以根返食量揀，最平$85已經食到180g啦🤩上碟嘅時候係5成熟左右，跟住就可以係石板上面切開同燒到自己鍾意嘅熟度😋我地仲加左$25嘅巨物元貝，好大粒好抵呀😍燒一燒仲好香口添～雞扒係黎自熊本縣嘅走地雞，好鮮嫩厚肉多汁架🤩＊＊＊＊＊📍八幡平石燒牛扒專門店🔗 @8fanping地址: 1. 北角和富道21-53號和富中心地庫B57&B58號舖2. 觀塘巧明街99號巧明工廠大廈地下19號舖3.鰂魚涌英皇道1010-1056號東匯坊地庫77號舖4.九龍灣常悅道21號 Eastmark 2樓5＆6號舗
继续阅读
嘩！呢日5:00嚟到九龍灣呢間石燒牛專門店諗住食個Early dinner🍽️ 見到原來而家做緊優惠啊，每日有8個名額食$5牛扒同埋20個名額送珍寶元貝同埋雪糕🤩 因為呢個優惠由下午四點開始㗎，我哋5點鐘嚟到已經冇晒優惠牛扒啦🥩 好彩仲有送珍寶元貝同雪糕嘅quota咋。八幡平招牌牛扒呢次係我哋第一次嚟食，試吓佢個招牌菜先🐮 餐廳會預先將牛肉煎至一至兩成熟，然後再放上熱辣辣嘅鐵板上面，我哋可以根據個人喜好，將牛扒切成一件件煎至我哋喜愛嘅生熟程度。呢一個招牌牛扒我哋嗌咗270g，份量都幾夠㗎，可以切啲同朋友分享🍴呢個招牌牛扒，肉味香濃，放喺鐵板上面燒真係好香噴噴。牛柳另外嗌咗一款牛柳試吓，呢一個就嗌咗200g。牛柳相對上肉質比較軟腍，入口比較juicy同嫩滑🥩 店員仲建議我哋可以加啲蒜蓉放喺鐵板上面燒一下，再加落牛柳度食。果然，燒香咗嘅蒜蓉真係好正。撈飯或者配埋牛柳一齊食，真係唔錯🧄自助吧除咗鐵板食物之外，出邊嘅自助吧係可以任食㗎。有和風沙律，沙律仲有兩款醬汁可以選擇，包括芝麻醬同埋柚子醋🥗 仲有洋蔥牛肉湯，入面嘅配料有好多，牛肉仲係軟腍腍㗎🍲 另外仲有珍珠米任添，加啲鰹魚紫菜飯素就更加好餸。🍚優惠我哋今日捕捉到呢個20個名額送珍寶元貝同埋雪糕，感覺就更加抵食啦🤪 珍寶元貝係另外上嘅，同牛肉一樣，上碟時只係輕輕煎香咗，未係全熟㗎🐚 店員仲好細心見到我哋嘅石板唔夠熱，幫我哋換咗塊熱啲嘅鐵板再處理元貝。元貝嘅味道都幾鮮，我哋就將佢切咗一半再煎，容易啲熟吖嘛。雪糕方面可以一人揀一隻口味，我哋揀咗泰式奶茶同埋豆腐雪糕🍦飲品落單嘅時候，我哋仲嗌咗一人一罐飲品🥤不過如果唔想飲呢啲有糖嘅汽水，餐廳自助吧都有食水供應㗎。限時優惠做到9月7日，大家記得要mark實時間去歎呢個激抵優惠啦🤩
继续阅读
去咗九龍灣德福探死黨，到食晏既時候，大家仲講起細個去茶餐廳或者金鳳度食鐵板牛柳或者雜扒，於是乎佢就帶咗我去一間距離德福商場德福商場步行大概幾分鐘石燒牛。一入門就已經聞到香香嘅鐵板味，儀式嘅回憶即湧上來。我們兩個牛魔王點了兩份牛扒，包括八幡平招牌牛扒及牛柳，都非常高質。點了一份270g，份量都幾夠㗎。上枱時，牛扒會用一張餐紙不蓋着，容易是不會令油周圍彈，🐮肉會預先將牛肉煎至一至兩成熟，放上燒得熱熱的石板上，可以根據個人喜好，切一件件煎自己鍾意的程度至於肉味嚟講，牛柳就比牛扒更勝一籌，肉質偏腍，肉味偏向濃郁，而且非常Juicy🥰🥰仲可以一份珍寶元貝，上碟只係輕輕煎香咗，放喺熱石板燒，元貝軟綿綿，煎兩邊小小焦香好嘅新鮮美味。除石燒外，自助吧係可以任食，有和風沙律，可以配有芝麻醬同埋柚子醋選擇。蘿蔔牛肉湯，真材實料，入面有蘿蔔、洋蔥及牛肉，個人非常鍾意黑椒胡椒味濃郁，非常暖身。最後仲有日本珍珠米任添，可以配埋味飯誠意。平時去德福食嘢，餐廳排隊是必然的，呢一間地點方便，唔想排隊嘅，極力推薦行。
继续阅读
估唔到有咁抵食嘅石燒牛🤩有唔同種類選擇，西冷、牛柳、肉眼同A5和牛等，雞扒、豬扒同鰻魚都有！仲無限量供應沙律、湯同飯😜今次揀左招牌牛扒(180g)$85 同牛柳(200g) $130，兩皆都高質，有濃厚牛味，份量足夠晒飽！呢個價錢絕對抵食～🥳餐廳位置非常方便，係德福往九龍灣方向出就係，環境舒適，唔食牛仲可以食豬同雞，有多種選擇，$85起就食到石燒牛真係相當抵食，另外隨餐附送嘅元貝都好鮮味，食得出靚嘢，下次再試下其他！
继续阅读
今次我哋去咗一間超抵食嘅鐵板燒店，真係驚喜連連！一入到去就感受到濃厚嘅日式氛圍，服務人員熱情友好，令人倍感歡迎。佢哋嘅牛肉質地鮮嫩，無論你鍾意三分熟、五分熟定七分熟，都可以隨心選擇，完全符合自己嘅口味！🔥除此之外，我哋仲試咗一款來自日本嘅雞扒，真係好驚艷！雞扒嘅肉質滑嫩，完全冇雞腥味，味道醇厚，讓人一口接一口，停唔到手。🤩整體來講，呢間鐵板燒店無論係食材質素定服務態度，都令我哋非常滿意，絕對值得再來！如果你都鍾意鐵板燒，千祈唔好錯過呢間，保證你會食到超水準嘅美味！下次一定要再嚟試其他菜式！
继续阅读