八方雲集鍋貼水餃專門店

营业中

休息中

今日2024年4月14日星期一晚上六時，去大角咀港灣豪庭買咗個10號餐，包括五隻原味煎餃，一碗台式豬腸麵線，一杯凍豆漿；留意到當時一位年青男性服務員已經將凍豆漿及豬腸麵線擺響袋裏面，我已經提醒佢你仲未有煎餃子唔好一早攞杯凍豆漿出嚟搞到唔凍，有一早載定碗豬腸麵線搞到唔熱我一定退貨，嗰個男服務員好似腦霧一樣完全唔理我提醒！後嚟收銀阿姐我同佢講同一番說話，佢話我哋大集團唔會特別迎合我要求，跟住我即刻話退錢！後面煎餃子嘅師傅立即好醒目地回應，叫返個後生仔服務員收埋啲凍豆漿同埋會換個碗熱嘅麵線畀我，不過我下次唔會再幫襯佢哋，最初嗰班服務員已經換曬，現在呢一班係另外一批！服務相當差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

次次都不跟次序整野超過三次外賣等九個字先OK經常等到飲品冰都融曬食物經常漲價但質素變差經常比漏左調味料可能因為外賣自取未有延遲懲罰不敢怠慢外賣平台但區別對待散客希望可以改進

星期四下午點幾，鋪面客人不太多人，落單order左一個外賣A餐：麵線、5隻鍋貼、油菜、豆漿，等左廿幾分鐘先有，鋪內得三個職員，已包括一個樓面，真係唔知應該講咩先好

我叫咗杯熱醇濃奶茶外賣，個職員話杯奶茶太熱，所以個杯頂封口黏唔實⋯⋯乜料呀！我買外賣，個杯頂封唔到，我點拎走，我再叫佢整過，佢將封唔實個杯頂再加封，根本解決唔到件事，之後佢叫我自己去封⋯⋯仲離譜🤬🤬🤬！乜嘢態度！

照舊嗌左招牌鍋貼+豆漿。舖頭冇咩人，坐得好舒服。味道依舊，鍋貼依然有金黃外層，可惜唔夠熱。熱豆漿大大杯，溫度啱啱好飲。依家跟上時代腳步，八方雲集都可以就咁電子落單，姐姐幫手送餐。餐具全部即棄。

3位職員一腳踢，不斷漏單／錯單、要客追先開始but已煎好嘅鍋貼，而且唔係幾答到餐牌問題 （雖然個客本身應該自己睇）非常肚餓之下唯有耐心等。反正裝修比東涌街市入面嗰間舒服乾淨好多。咖哩水餃加醋依然係非常好食的 =]

送餐到來時外賣袋滿是麵線汁. 所有餐盒, 餐具及醬料都是黏稠稠的. 辣味鍋貼的底整到像炭似的. 外加生菜有盒的菜都是枯黃的. 第一次叫這分店的外賣, 其他的分店沒有這樣差!

見呢度新開左一間八方雲集，夜晚決定呢度試吓。啲服務員好似好忙咁，企咗喺個counter接近15分鐘，都未有人嚟幫我落單。終於有個煮緊嘢嘅哥哥嚟問我食乜，我叫咗一個10號餐，有麵線，五隻鍋貼，同埋一杯豆漿，總共係$41。落咗單之後呢，就俾咗個號碼牌我，咁我就拎住個牌去搵位坐喇，因為新開，啲座位都算企理，啲醬料好齊，每張枱都有醋，有辣椒，有胡椒粉。冇幾耐就有人送嘢食過嚟，個麵線味道一般般，基本上湯有啲鹹之外就冇乜味，就算落多啲醋，味道都係麻麻，配料有豬大腸，貢丸等等。鍋貼就唔錯，唔會煎得太燶，咬落都有啲肉汁，再點啲豆瓣醬，都幾香口。