八方台式麵屋 (新都城中心二期)

营业中

休息中

是日特別想食台式嘢見到外賣APP有呢間舖又未試過就試吓啦送到來發現其實八方雲集都幾似可能係同一個集團 我都唔肯定不過食物嘅款式都差唔多嗌咗10隻原味餃子再加個台灣麵線加杯抹香綠茶餃子就正常啦，煎得都幾脆，味道同其他餃子店差唔多台灣面缐我反而覺得麻麻地，食過其他嗰啲，有d個湯真係好俾心機煮，所以個味道好似正宗台式麵線，呢個就普通啦！價錢就貴過八方雲集少少我覺得呢間試一次就可以了！／

大年初2,叫左網上外賣平台 外賣，等左一個鐘先到，紅日忙唔緊要，叫左7 人餐，黎到無左所有飲品，張單無rider contact no,得個名，打返去間鋪，有間操譚仔口音既丫姐，話唔關佢事，佢地無囉，我只係同佢講無聯絡方法，佢勁無禮貌不斷話唔關佢事，我叫佢搵經理，原來呢個，又迫我要講國語既丫姐就係個個經理，無任何解決方法，亦一句唔好意思都係，只係不停「唔姦我事」！！！$6xx 貼錢買難收，只係8 方雲集既同集團，咁差既manner 同service,住樓上都唔會再幫襯！

大佬，我叫兩個小食等左15分鐘我後面個號碼買成個套餐仲快過我我過去同啲員工問，我個外賣有未佢睇都唔洗睇就話冇亦都冇入過去睇同幫手追 你間鋪5個人一個收完錢係到同員工吹水但後面出餐出到爆晒完全冇諗過幫手好野👎🏿👎🏿👎🏿

今晚去咗八方麵屋買外賣，買咗四盒原味鍋貼，返到屋企家人打開食物盒一看，發覺四盒鍋貼都煎到燶曬，根本就不應該畀客人食，因為店鋪與屋企有一段距離，所以沒有回去更換了。

見到OpenRice外賣自取用BoC Pay有得減$8就即管試吓依個餐L10 麻醬椒香乾拌麵餐$49有原味鍋貼5隻同一杯阿薩姆紅茶(M) 返到屋企打開先見到佢用八方雲集醬料應該係同八方雲集同一個集團😯拌麵超多醬，微辣，味道OK，只係油左少少食到最後見到好多油原味鍋貼可能係我外賣嘅關係，淋左，唔夠脆，有少少失望堂食可能會好啲

平價抵食嘅台灣嘢～跟餐有得加嘢飲價錢都唔算貴可以一試，試咗比較經典嘅紅燒牛肉麵同埋珍珠奶茶，味道一般不過不失。如果冇記錯嘅話唔使加一服務費，食物同價錢來講都算成正比，偶然去食一次都唔錯。

叫咗兩個餐 都係台灣肉燥面跟餐有小食同嘢飲環境唔算差 不過筷子有啲白色點點黐住 用紙巾抹都抹唔甩要用指甲先刮得甩 仲要好多筷子都有肉燥面味道普通 肉燥份量都夠有半隻蛋 加幾條菜個麵有少少湯 唔會好乾成碗面唔算好大碗 食完岩岩好夠飽鍋貼有啲似八方雲集嘅味道可以加辣椒油同醋 會好味啲雞髀係即叫即炸 等20分鐘左右個皮炸得好脆 不過入面啲肉就有啲鹹不過都幾好食兩款嘢飲都正常 冇乜特別 叫咗少冰 不過個人覺得有少少偏甜埋單$134 有埋野飲都ok既不過味道就普普通通

D鍋貼燶成咁樣，仲可以比人食？真係咁求求其其 毫無要求 咁樣嘅出品仲要照樣出街出人客有無諗過可能係比老弱婦孺食用呀咁嘅態度認真令人好失望 平時少寫食評都忍唔住要寫返一篇

用Openrice外賣，預計時間到門口。因為有啲店通常食物整好都忘記update ready個status，所以我問下店員A我張單得未。店員A左右望望也沒有外賣，但唔知點解唔出聲，我咪當作未得囉，再等下，可能佢戴口罩講左等等但我聽唔到。10分鐘後(即遲了)，我再叫另一個店員B check，佢入去睇睇，又唔知點解佢睇完唔話畀我聽，例如整緊/等多一陣/etc，反而處理其他事務。5分鐘後，食物ready，店員A將食物拿出來cashier，放響店員B隔離。店員B見到。哈哈你真係估唔到，全鋪得我一張openrice單，堂食half full，店員B居然要等我話佢，佢先醒覺將袋食物攞俾我，條友真係唔係路，唔使講sorry但唔好唔出聲丫。其實店員A都應該知道袋野係我嘅，唔知佢係咪真係忘記(得我一個企響門口問過佢嘅人)，定係佢同店員B要分工，唔可以親手將袋野交俾我。平時d 姐姐有禮貌交帶的。今次夜晚8點店員AB好似係後生啲。利申，我都係後生。張單遲15分鐘係ok的。

叫咗一個魯肉飯配鹽酥雞，同紅燒牛肉麵。 滷肉飯有驚喜， 半肥瘦唔會太油膩，分量適中， 由頭食到尾都夠料，唯鹵水蛋唔夠入味 同配菜小白菜有啲偏生。 牛肉麵都好食，湯汁偏濃， 麵質彈牙。 最後嗌咗杯芋圓奶茶， 叫咗無糖走冰，飲落奶茶味仍然好濃，芋圓彈牙， 有黃色同紫色芋圓,兩隻口感唔同, 黃色煙韌, 紫色有粉粉的口感，好好飲， 好似係台灣旅行飲到個個味。 整體分量偏多，嗌咗兩個餐，感覺可以三個女仔食都得， 下次會再想試下去啲餃子同埋台灣麵線。

最近先發現原寶林站上面個商場新都城二期，原來有有間八方台式麵屋。因為太耐無去台灣，好想食返d台式食物同飲品。門口有得買台式飲品外賣，有好多系列，例如奶茶，黑糖鮮奶，原味茶，茶拿鐵，鮮豆乳，冷泡茶等等。雖然我地係入去餐廳食，但係都可以揀飲品。蕃茄水餃湯麵蕃茄味好濃郁，水餃都好足料，皮夠哂薄滷肉米粉個滷肉汁好好味，好耐冇食新竹米粉，口感好好，爽口，好有台灣味道，仲要有半隻蛋同菜。小食叫咗個皮蛋加豆腐，豆腐好滑

叫咗套餐台式鹽酥雞配滷肉飯，加錢要多杯台式奶茶。台式鹽酥雞，炸得好香脆，就算外賣拎到返屋企，口感都幾好，個粉唔太厚，食得出雞味，唔會好肥。滷肉飯，值得推介，飯嘅軟硬度適中，但係，滷肉嘅份量略嫌偏少，豬肉唔會好肥，個醬汁好啱我口味。台式奶茶，香滑好飲，奶味重，可以自己控制糖分。

今日下午同媽媽過咗去寶琳新都城行街，發覺呢個商場都好多嘢食，於是就順便喺度吃埋午餐，仲專登揀間台式料理，希望媽媽會鍾意。懷舊飄香滷肉飯呢度嘅滷肉飯充滿台灣風味，滷肉嘅肥膏同肉嘅比例均勻，吃完也不覺得好油膩，媽媽表示非常欣賞。台式鹽酥雞鹽酥雞炸得好香脆，而且香料好足，進食時特別香口，而且食嘅時候仲熱辣辣添！台灣牛肉麵配蕃茄湯底另一款去台灣必吃的食物就是台灣牛肉麵，我特別喜歡面上的芫荽味，未食已經令人垂涎三尺🤤！而且牛肉夠軟稔，仲有兩粒大大的蕃茄🍅🍅！味道酸酸甜甜，好開胃呀！花枝丸一向都好鍾意食台灣獨有的花枝丸，由花枝漿制成，口口彈牙！黑糖珍珠鮮奶黑糖味好濃，鮮奶香滑，珍珠夠Q彈！整體而言，餐飯抵食，Set lunch 性價比好高，難怪在午市時間深受學生哥的歡迎。

台灣心癮起啦，可惜仲未飛到，唯有食返啲台式料理當氹吓自己開心。成日經過寶林新都城都見到好多人喺間台式料理舖頭出邊等外賣，今日又真係俾到小驚我。我哋嗌左兩個餐，媽咪就嗌左紅燒蕃茄湯麵，配韭菜鍋貼，而我呢就揀咗麻醬椒香乾拌麵加餃子。媽咪話個湯底好濃郁，而且韭菜鍋貼剪得好香口，而我嗰個勁香麻醬味，仲有少少辣辣地，非常醒胃，我個餃子肉汁都好鮮嫩，另外再嗌左兩杯台式珍珠奶茶，微甜，少冰恰到好處，一定要返轉頭。

已經2年無去旅行啦，早幾日行商場先知原來有間台式餐廳。見到有啲套餐都幾抵，一於入去試下。台灣肉燥麵 （$64）韮菜鍋貼原味鮮豆乳肉燥麵係乾拌麵，肉燥係切粒嘅半肥瘦豬肉。好入味，最正係入口即溶。而味道又夠濃，送麵一流。伴碟嘅菜可以再淋小小就更加好。韮菜鍋貼有驚喜，煎得好香口原味鮮豆乳係包裝好拎上嚟，感覺方便衛生。台灣牛肉麵 （蕃茄湯底）$92小食揀咗炸花枝丸飲品就芋圓奶茶牛肉麵揀咗蕃茄湯底，估唔到又幾夾。有成個蕃茄，一啲都唔馬虎。牛肉好淋，又香牛肉味。麵煮得啱啱好，推介呢個麵！花枝丸表面灑咗味粉，十分惹味。芋圓奶茶好有咬口，正。而家去唔到台灣，嚟呢到食下嘢止下引都不錯！